معاً لعلاج الوسواس 2

معاً لعلاج الوسواس 2

السلام عليكم و رحمة الله و بركاته

كنت اتكلمت هنا http://www.nafsany.cc/vb/showthread.php?t=81848 عن ازاى نهيأ نفسنا للعلاج و نفذته بالظبط بس ملقتش حد يشجعنى فكسلت اكمل علاج لكن بعد ما الوسوسة زادت عندى النهاردة قولت لأ كفاية كدة لازم اكمل
هنا هنتكلم ان شاء الله عن القواعد الثلاثة اللى المفروض نتبعها للعلاج وهم
التجاهل
الصمود
خلينا نتكلم عنهم بالتفصيل
اول حاجة الجاهل : نعمل ايه لما اى وسواس يجيلنا نتجاهله تجاهل تاااااااااااااام ( بالنسبة لوسواس الموت و المرض انا عارفة ان اللى بقوله صعب مووووووووت بس لازم نعمل كدة عشان نتعالج ) اول ما تجيلنا الأفكار نعمل مش واخدين بالنا نشغل بالنا ب أى حاجة ونستغفر ربنا والأحسن نقوم نصلى ركعتين ونلجأ ل ربنا و ندعيله و نحاول نفكر فى اى حاجة تانية
و لو الحت فكرة وسواسية على الشخص مثلاً ان صلاته لم تقبل هيعمل ايه ؟ هيقوم يعيد صلاته تانى لأ فى الحالة دى بيكون بيسلم نفسه اكتر للوسواس الحل الصحيح هنا هو انه يتجاهل الفكرة ويقنع نفسه انه صلاته ان شاء الله مقبولة و بكدة يكون وقف الفكرة الملحة بالتجاهل مش بالتجاوب معاها
تانى حاجة المواجهة : ان يواجه الانسان الفكرة الملحة و لا يهرب منها ابداً بمعنى لو الانسان
فى حالة وسواس الموت اذا كان فى حد بيتكلم عن الموت بنحاول نغير الموضوع و اذا جاء مشهد موت فى التلفزيون او حاجة بنقوم خالص او بنفضل قاعدين ونفكر اننا لما نموت هيحصل كدة او او دة غلط جداً مش بقول الكلام دة ليكم بس لأ بقوله لنفسى كمان لأن انا كدة بالظبط
لازم نعرف ان الهروب بيأجل الشفاء
وبعدين هنستخدم القاعدة دى :
ابدأ - استمر - اكمل
يعنى لو الانسان الموسوس حب يقوم يصلى خوفه الشيطان لأ يقوم يبتدى يتوضأ ولو اشتد الوسواس يستمر و يكمل حتى النهاية
نفس القصة عند الصلاة يستخدم نفس القاعدة يبدأ فيها وبعدين يستمر ويكملها حتى النهاية
بالنسبة لوسوسة الموت هنلاقى اننا اذا افتكرنا عمل خير او قومنا وقت صلاة الفجر نقول اشمعنى دلوقتى ونبطل نعملها عند لأ دة احنا نقول الحمد لله ونبدأ نعملها ونكملها للنهاية
لو حصلت حاجة تفرحنا بنقول ليه جت دلوقتى اكيد فى حاجة هتحصل لأ عادى نقول انها كرم من ربنا ونحمد ربنا عليها ونقول دى لو كانت حصلت و احنا مش تعبانين كنا هنفرح بيها ازاى ونعمل كدة ( انا بكتب لكوا الكلام دة دلوقتى وانا بعانى من نفس الحالة دى )
اخر حاجة الصمود: و هو ان النسان المتعالج يصمد عن تجاهل الفكر الوسواسى و دة اهم ركن لأن من غيره مش هيتم العلاج ايه فايدة التجاهل والمواجهة بدون صمود
بالنسبة لوسواس الموت
اذا جاء على الشخص المتعالج وقت وجد فيه نفسه فى حالة كويسة و متحسنة ميخافش ويقول اكيد هيحصل حاجة لأ نقول الف حمد و شكر يا رب انه بيستجيب لدعائنا انا عندى الحالة دى جامدة اوى اوى
اخر حاجة هنتكلم عليها فى الموضوع دة ان اهم حاجة الاستمرار فى العلاج
بعد ما هنطبق الكلام دة هنحس براحة يوم او يومين وفى الفترة دى الوسواس هيحاول يدخلنا فى لحظة ضعف بس لازم نستمر فى العلاج حتى يبتعد عنّا تماماً ا ن شاء الله

المصدر: نفساني

وعليكم السلام ورحمه الله وبركاته

مـــــا شاء الله عليك كــــــــلامك رائــــــــــع


ومثل ماقلتي اختي العزيزه علينا بالتجاهل والصمود وهذي اشياء مهمه

يجب علينا صرف الانتباه عن الفكرة الوسواسية، وعدم الاشتغال بمناقشتها:
أي أن يترك الموسوس التأمل فيما يعرض له من وساوس، ويعمل جاهداً على أن لا يسترسل معها إذا داهمته وأصرت على ملاحقته، بل يحاول قطعها وشغل نفسه بما سواها من الأفكار، إلى أن تضعف وتذهب عنه بإذن الله تعالى.

سئل الفقيه الشافعي ابن حجر الهيتمي عن دواء الوساوس فقال:
(له دواء نافع وهو الإعراض عنها جملة كافية -وإن كان في النفس من التردد ما كان-، فإنه متى لم يلتفت لذلك لم يثبت بل يذهب بعد زمن قليل كما جرب ذلك الموفقون، وأما من أصغى إليها وعمل بقضيتها فإنها لا تزال تزداد به حتى تخرجه إلى حيز المجانين بل وأقبح منهم، كما شاهدناه في كثيرين ممن ابتلوا بها وأصغوا إليها وإلى شيطانها).

ربنا يخليكى منورانى
وكلامك دة بيأكدلى كمان كلامى ان التجاهل العنصر المهم للعلاج من الوسواس اللعين
يا رب بس ربنا يقدرنا ان شاء الله ونقدر على خطوة التجاهل ادعيلنا بالله عليكى

علاج الوسوسة يكون بالإعراض عنها وعدم الالتفات إليها، نعرف هذا ولكن يبدو انه ينقصنا الإرادة والعزيمة الله يعينا ويشفينا ويبعد اليأس عنا

اللهم رب الناس ملك الناس أذهب البأس واشفي انت الشافي شفاء لا يغادر سقما
اسأل الله العظيم رب العرش العظيم ان يشفيكي وسائر مرضى المسلمين
اللهم إنا نسألك بأسمائك الحسنى وبصفاتك العلا وبرحمتك التي وسعت كل شيء أن تمن على اختنا بالشفاء العاجل وألبسها ثوب الصحة والعافية عاجلا غير آجلا و شافها وعافها واعف عنها واشملها بعطفك ومغفرتك وتولاها برحمتك يا أرحم الراحمين..
اللهم اشفها شفاء ليس بعده سقما أبدا وخذ بيدها واحرسها بعينك التي لا تنام واحفظها بعزك الذي لا يضام وارحمها بقدرتك يا كاشف الهم ومفرج الكرب يا مجيب دعوة المضطرين ..

موضوع في قمة الروعه

نصيحة للجميع

الصلاة في المسجد وذكر الله

شفاء ان شاء الله

أسراء ..أستمري في ابداعك

اشكر الأخت غريبه معلومات رائعه

في انتظار جديدك

صدقت( اسير احزاني) اهم شئ الصلاه وذكر الله
ونترك اليأس والحزن ونتأمل بقوله تعالى ( فإن مع العسر يسرا *إن مع العسر يسرا))
هذه بشاره للمكروبين والمهمومين


الله يطول اعمارنا على طاعته ويبعد عنا الهم والضيق

اسأل الله لكم الشفاااء العاجل

فعلا تجاهل المرض هي الطريقة الوحيدة للتخلص منه حتى العلاج السلوكي المعرفيه ويذكره الدكتور هاني الأمين كلام فاضي ..
وهو دكتور بمستشفى عرفان .. هذا من ناحية
ومن الناحية الأخرى استخدام الأدوية كأي دوا عادي ولا تجعل الموضوع مما هو أكبر عليه ..