أنا ناقصه؟

أنا ناقصه؟

السلام عليكم و رحمة الله و بركاتة

امس كنت في الصالون فجاهد وصلني مسج من بنت ويانا في باص الجامعة
كتبت لي " السويدي تذكرين يوم عطيتج بيزات تعطين راع الباص ؟

قلبي وقف انا ؟ متى و كيف ...

قلت لها لا مب انا
اللي اذكره ان هي عطت صديقتي و صديقتي عطت الريال

ف قلت لها جي و قالت هيه هيه تذكرت

انا شو سويت رمست صديقتي و قلت لها
شيخه تذكرين لما إسماء عطتج بيزات حق راع الباص؟

شيخه خلت الوسواس يزيد عندي
قالت لي لا انتي حلمانه

والله يا ناس انا في هم

الحين افكر انا ما خذت بيزات البنت ليش يت و سألتني

ما خذت بس ليش ييني إحساس اني خذت

الحين شو أسوي يارب قاعدة اتعب يومياً بجن من هالموضوع صدقوني

المصدر: نفساني

طيب افترضي انك اخذتي بيزات البنت وانك مثلا مااعطيتي الريال حقه
وش بيسير؟
الجواب= اللي بيسير لو انك فعلا اخذتي الفلوس تروحي وتعطي الريال فلوسه حتى لو بعد كم يوم عادي جدا

انتي تقولي انك بعينك شفتي صديقتيج اخذت البيزات من بنت ثانيه وعطت الريال فليساته
تمام يصير انتي الان واثقه من نفسك 100% انك مااخذتي الفلوس من البنت ,, فهذا اللي عندك وسواس والحاح يقل لك انه انتي اللي اخذتي الفلوس ومااعطيتي للريال حقه وهذا الوسواس يبقى معلق بالذهن مايروح وهو طبع والاكيد انه فكره سلبيه خاطئه ليس لها اي اساس من الصحه ابدا

فالحــــــــــــــــــــــــــــــــــــــــــــــ ـل

1/ كل ماجاتيج الفكره تقولي لنفسيج هذا وسواس خاطيء ماهو صحيح (لانه فعلا مو صحيح ولو صحيح روحي اعطي الناس حقها)
2/ تستعيذي بالله من الشيطان بسرعه وتكرريها بصوت تسمعينه انت فقط بدون مايسمعك اللي حواليج حتى يهدا الوسواس
3/ راح تشعري بعدها بفراغ في التفكير وانه انك قلقانه من شي ولازم تفكري فيها عشان تحليها بعقلك وتقنعي نفسك انه انتي فعلا ما عملتي ها لشيء لكن ماعليج ارجعي للخطوه الاولى والثانيه واعمليها لو مليون مره باليوم حتى يتعود العقل على عدم الاستجابه لافكار تافهه خاطئه ليست لها صحه في الحياه ابدا
4/ انتي ماتحبين الدكاتره .. عموما ابد باللي قلت ليج عليه وبترتاحين وهاي طريقه علمني هي الدكتور , ولو تقدري تقراي قران يوميا ولو صفحه ممتاز لانه الوسواس شيطان بيطرح عليج الفكره ويهرب ويخليج متعذبه

عشان ماانسى اعرف حاله قريبه من حالتيج بس هي راحت لطبيب سلوكي وتشافت فلو تروحين له ممتاز بيساعديج كثير
انا عارف انه صعب عليج تروحين للطبيب عشان مسالة دفع البيزات والوسوسه اللي فيها لكن ماعليج حطي خطه لنفسك مع وحده من خواتيج او امك تروحين فيها للطبيب وتسلمين فيها البيزات للاستقبال وتاخذي منهم الايصال وتنتظري دورك عند الطبيب السلوكي وتفهميه ع حالتك بالتفصيل الممل جدااااااااااااا وكل ماتحسين فيه حتى لو كان محرج ولو جدااا مو مشكله وتعلميه طريقة دفعك للبيزات للناس وحتى له وللمستشفى انه فيها وسوسه وتعب عظيم ليج وخلاص كلها كم جلسه مع الطبيب وتتحسن حالتيج وحالتيج سهله محتاجه احد ياخذيج من يدك فقططططط فلازم طبيب سلوكي وماعليج لاتروحين للدواء



ماراح نتركك يابنت السويدي حتى تتشافين باذن الله تعالى وكلنا نفس الحاله بنساعد بعض للاخر حتى نطيب كلنا
لكن اهم شي تتحركين وتسالي عن طبيب سلوكي معرفي يكون معروف وممتاااااااااااز بمنطقتك وبالتوفيق

فقدان البصيرة عرض من اعراض الوسواس القهري يعني تصبح تشك في كل ما تفعل هذا شئ طبيعي و ليس بالشئ الكبير المهم ان نعلم انه عرض للمرض و نحاول التمرد عليه و المحاولة وحدها كافية بتخفيف الامر