ارجوا من الجميع الإطلاع على قصتي(اللهم لاتجعل لي هما إلا فرجته)

ارجوا من الجميع الإطلاع على قصتي(اللهم لاتجعل لي هما إلا فرجته)

السلام عليكم جميعا
انا جديده في عالم الاكتئاب المظلم كنت انسانه احب الحياه ومرحه لابعد الحدود الحزن والهم ماله وجود في حياتي الا ماندر اجتماعيه درجه اولى وكان يميزني جمالي وخفة دمي كنت واثقه من نفسي واي شي احطه في بالي اسعى احققه واقدر عليه حققت اشياء كثيره ولله الحمد وبفضل حياتي المرفهه
فانا من عائله غنيه ولاينقصنا شي وهذا كله بفضل رب العالمين
احنا 5 بنات وولد وانا ترتيبي في العائله قبل الاخيره كتب الله لي اني انخطب واتزوج قبل خواتي الكبار وهذا مو دليل نقص فيهم لا بس انا كنت الاجمل والاجراء تزوجت من رجل طيب جدا متدين لا متشدد واقعي جدا عملي انسان كريم هادي مسالم مايحب المشاكل ومحترم لابعد الحدود اللهم لك الحمد الله رزقني ما اتمنى واكثر مع العلم ان مستواه المادي اقل من عائلتي بكثير لكن اهوا ببداية السلم وله مستقبل كبير باذن الله
عشت معاه ايام جميله جدا وطبعا لا تخلوا اي حياه زوجيه من غير مشاكل بس مثل مايقولون هي بهارات الحياه اللي تخلي لها طعم احلى
بعد سنه كتب لي الله اني احمل من زوجي وحبيبي وكانت اسعد ايام عمري وقضيتها بحلوها وبمرها الى موعد الولاده وولدت وجبت ولد نسخه من ابوه ههههه الله لايحرمني منه ياارب مشت الايام وفي الشهر الثاني بديت اشوف جسمي واللي تغير عليه والله شي غصبا عني كرهت نفسي كرهت لبسي اذا شفت جسمي في المرايه احزنننن اتالم وكنت اشوف وجهي واقول الحمد لله على كل حال وجهي جميل والجسم راح اهتم وتضبط اموري صرت اطلع مع زوجي نخلص حاجاتنا واحسه يشوف البنات ويتحسر علي وعلى جسمي اللي راح ليييه كذا ليه ثقتي انهزتتت مع اني كنت واثقه 1000 بالميه بنفسي والله اي مكان ادخله الكل يشوفني ويخطبني اسمع مدح في كل مكان بدون مبالغه مرت الايام وفي كل يوم ابكي وابكي عند زوجي واقوله انا تعبانه ما اقدر اكل ولا انام احس دايم حزينه كان يقولي ايش السبب اقوله انت تروح وتخليني مع الولد وانا اتعب وازهق كنت اختلق عذر لحزني مع انه كان اول ينشغل اكثر من كذا لكن الافكار السلبيه بدت تلعب فيني كرهت الطلعه والناس والصديقات
حتى ولدي ما اقدر اقوم فيه ولا بيتي كل شي على الخدامه حتى ولدي صار ينام معاها في غرفتها تخيلوا طول ما انا منسدحه اتذكر ولدي واحس بيصير فيه شي معاها واطلع لها في غرفتها وهم نايمين بس اقعد اطالع ولدي شوي وارجع لغرفتي احس جسمي يغلي كان احد يصب علي شي حااار وقلبي يدق بسرعه حزن تفكير مايوقف احس اني مخنوقه ماني عارفه ايش اسوي والله ايااام صعبببه صعببببه اعيشها نزل وزني بشكل مخيف اناظر نفسي واشوف وجهي جمالي راح كنت ابكيي بحرقه مابقى لي شي لا جسم ولا وجه كل شي كنت احبه الفاشن الميك اب كل شي كرهته ماصرت اتمتع فيه السوق اروح له مغصوبه ولا اشتري شي بعد ماكنت ما اخلي شي ما اشتريه

في يوم اشتكيت لخواتي قلتلهم عن اللي اعانيه لانهم لاحظوا انطوائي وعزلتي هدوني وماقصروا وقلت ودي اروح لدكتور نفسي من غير مايدري زوجي وفعلا رحت وتكلمت معاه قالي فيك اكتئاب مابعد الولاده وتكلم معاي وحط لي حلول وطرق علشان اتخلص من الظلام اللي انا فيه طلعت مرتااحه مبسوطه احس في امل ارجع مثل ماكنت حاولت اطبق جزء من اللي يقوله كنت اجاااهد نفسي كل شي بالغصب لكن تعبببت يأست رحت للدكتور موعد ثاني قلت له انا ما اقدر انام راح اموت كذا صرف لي حبوب cipralex بديت فيها بالتدريج تحسن وضعي مرا صرت اقوم بالبيت وبزوجي وبولدي طلعت شوي من الهم والحزن لكن كل ماشفت نفسي بالمرايه ارجع انتكس اكره شكلي ابي شكلي يرجع مثل ماكان احس زوحي راح يكرهني وراح انفصل كل نظرتي تشاااؤوم ما اقدر افكر بتفائل ابد اتحسن ساعات وانتكس بعدها احاول اطلع احتك بالناس مايهمني اذا طالعه مرتبه او لا صار مايهمني شي اقول في نفسي كل شي راااح ماراح يتعدل صار ولدي هو كل حياتي العب معاه اتسلى معاه اذا جا زوجي اتضايق ما ابي يشوفني لان كل ملابسي قديمه ولاشريت شي جديد صرت اظلم البيت ما احب يدقق في تفاصيلي انا جواتي اعشقه اموت فيه واللهي اتعذب لاني كل ماشفته قلت الله بلاك بوحده مريضه على كثر ماكنت نعمه بالنسبه له صرت اللحين نقمه احسه يشوفني يقول ياحسافة الجمال اللي راح ودي اقوله تزوج ثانيه عيش حياتك انا وحده تعبانه وتعاني وماادري الى متى صرت اشوف نفسي صغيييره بين كل الناس لدرجة اني اشوف خدامتي اقول ياحظها والله انهم عايشين بنعمه تخيلوا الى وين وصلت وطبعا الجانب الديني ابدا مااهملته احاول قد ما اقدر اصلي بالوقت واقرا قران وادعي وجبت شيخ يقرا علي وقالي ان فيك عين على وجهك ماصدقته تجاهلت كلامه ولاجبته مرا ثانيه لاني ما ارتحت له واقول لاهلي يقولون يمكن صدق ليه لا انا عجزت اصدق انا اللي فيني نفسي مو عيين كيف اتغلب على هذا الوضع
اللي في مثل وضعي يارب يفيدوني ويعطوني لو شوية امل انو راح يرجع كل شي مثل ماكان هل الشكل بيظل كذا ذابل وعيوني تعبانه ووجهي احسه كبر 10 سنوات يااارب ارحمني برحمتك يااارب ارحمني
ما ابي الا شوية امل
والله يشفي كل مريض والله ان المرض النفسي اصعب من الف مرض عضوي اللهم اجعل ما اصابنا تكفيرا لذنوبنا وتمحيصا لها يارب العالمين

المصدر: نفساني

اولا اسأل الله لنا ولك الشفاء وترا بياكلنا الدود في القبر سواءا كنا حلوين والا بشعين والا بيض والا سود....

شوفي انا باقترح عليك حلين الحل الأول بامكانك انك تحلين كل هذي المشكلة بمجرد كلمة واحدة فقط...
تصارحين زوجك باللي تحسين فيه وتقولينله الحقيقة انك صرتي تحسين نفسك خربتي ووو الخ من كل الكلام اللي قلتيه له اعلاه وصدقيني ترا الصدق منجاة في كل شي ويمكن هو يساعدك في مشكلتك اذا انه يحبك يعني معادن الناس ماتبان الا وقت الشدايد يعني اذا انه يحبك حب حقيقي راح يوقف معك في هذي المرحلة اكيد يعني زوجك الان امام اختبار الحقيقة....

والحل الثاني انا طبيب اعشاب وقوليلي مشكلتك وش اللي صار لك بالضبط بعد الولادة هل جسمك صار مليان او صار عندك ترهلات او ايش بالتحديد ؟؟؟

وبعدين تبغين نصيحتي ابتعدي عن مضادات الاكتئاب نصيحة من مجرب لاني انا قبلك استخدمت علاجين واحد اسمه زيريكسا مضاد للذهان والثاني اسمه بروزاك مضاد للاكتئاب وحسيت من بعدها ان المخ عندي تلخبطت اسلاكه وانا لو كنت مكان الدكتور النفسي اللي صرفلك علاج السيراليكس ماكان صرفته لك نهائيا لان مضادات الاكتئاب المفروض تكون هي اخر حل وتكون في حدود ضيقة من الاختيار الدوائي ...

وانصحك تسوين تحاليل للبول والبراز والدم لانه الاكتئاب احيانا يكون بسبب مرض في الجهاز الهضمي مثل القولون او الشارسيف او علة في المعدة او المريء ويمكن برضه يكون نقص في الغدة الدرقية او نقص في الفيتامينات في الجسم...

والصراحة سامحيني انا الومك في كل اللي اصابك من اكتئاب لو انك من البداية صارحتي زوجك ماكان صار اللي صار ولكن انتي الان في البداية وعندك حلول كثيرة قبل مايستفحل عليك المرض ويصير علاجه صعب جدا

والصراحة احييك على جرائتك وصراحتك لانه كثير هنا في هذا الموقع من الاعضاء عنده اكتئاب ولا يذكرلنا سبب اصابته بالاكتئاب يجي هنا يشكيلنا ويبكيلنا ويقلنا ابغي اجرب العلاج الفلاني والعلاني ويرجع يقول مافيه فايدة في العلاج وهو اصلا مابيستفيد من العلاج النفسي الا اذا واجه مشكلته الاساسية التي تسببله الاكتئاب وحلها لانه اذا ماحل المشكلة الاساسية المسببة للاكتئاب ماراح يستفيد من العلاجات علاجه يعني هو بيده

اشكرك اخوي الحكيم على ردك واهتمامك وردا على تساؤلاتك انا لاني نحفت بسرعه صار فيني ترهل في بعض المناطق ووجهي احسه ذبللل مرا حتى عيوني يعني الحيويه كلها راحت واقتراحك اني اصارح زوجي في بداية تعبي قلت له انو جسمي تغير علي وانت تغيرت لانو مو عاجبك قعد يضحك علي لكن والله انا احس انو مرااا يهمه لان كلامه معاي اول كله تدل انو مرا يهمه وشي اساسي لكن ايش بيدي انا دخلت نادي اللحين لكن مافي اي همه ولا عزيمه كيف اقدر اهزم كسلي احس انو ماعندي اي طااقه

مع العلم اني زمان كان عشقي النادي واحب الرياضه مراااا

طيب مثل ماقلتلك روحي سوي تحاليل للبول والبراز والدم يمكن عند مشاكل في الجهاز الهضمي او نقص فيتامينات في الدم او مشكلة في الغدة الدرقية وتسببلك اكتئاب..

والشي الثاني بالنسبة للترهلات في مرهم على ما اعتقد اسمه كونتراكتيوبكس يعالج الترهلات او فيه خيرا ثاني للترهلات فيه حجر اسمه حجر المرتك الذهبي وهو مصنوع من الرصاص المحروق ويباع عند العطارين تاخذينه وتدقينه في البيت الين مايصير مثل الطحين وتحطين عليه شوي ماء حتى يصير مثل الطين وتحطينه على الترهلات فيشد الجلد ويقطع العرق وسحج المغابن والافخاذ ويصقل البشرة المتشنجة ويفمب اثار الجدري والاندمالات وانشاء الله يفيدك من هذي الناحية

شوفي يا اختي , اول شي ما تقطعي الدواء لانك تعانين من اكتئاب ما بعد الولادة , وهذه حقيقة , تاني شي صحيح الولادة تخرب الجسم لكن ما لازم تستسلمي , روحي شاركي بنادي رياضي للنساء لتعديل الجسم , او نادي للرقص ايضا يعدل الجسم , اعملي ريجيم صحي عشان تتخلصي من الوزن الزائد , البشرة اذا جاكي كلف ان نمش او تجاعيد روحي لدكتورة جلدية تصرفلك ادوية ومراهم ومواد تجميل , ويوم بعد يوم رح تصيري احلى واحلى , ونفسيتك رح تتعدل , وما تنسي تقرئي القران الكريم على نفسك وايضا كل يوم اقرئي حزب , او اذا استطعتي اقرئي سورة البقرة كاملة , وهادي الوساوس ان زوجك ما عاد يحبك وانه يشوف غيرك شيليها من راسك , وما تخلي جسمك هو كل تفكيرك ومهووسة بيه , لانو في اشياء اكبر من الجمال والجسم في الدنيا تستحق ان نفكر بها , واشوف الاحسن لو تلاقي لك هواية او وظيفة تشغلي بها وقتك ما يصير تفكري بس بالجسم والجمال والزوج والطبخ والسوق هذا تفكير العرب مع الاسف تفكير محدود , ومظهري

مشكووور اخوي الحكييم ماقصرت وجزااك الله الف خيررر

اختي عندي امل كلامك عين العقل وصحيح اللي تقولينه لكن اللي حصل لي غصبا عني لاني اتعب على نفسي مرا علشان كذا انصدمت بس الحمد لله على كل حال وجزااك الله الف خييير على ردك

وترا للمعلومية حطي في بالك ان كل النسوان يصيرلهم مثل اللي صارلك بعد الولادة يصير عندهم ترهلات ومن هذا القبيل وعلشان كذا اكثر الفنانات وعارضات الازياء والرقاصات مايتزوجون او ماينجبون عشان تقعد اجسامهم مثل ماهي عليه ...

يعني الشي اللي صارلك شي طبيعي مايحتاج كل هذا التفكير والوسواس والقهر ...

واعتقد ان الاخت عندي امل كفت ووفت في كل اللي قالته لك اعطتك درس سلوكي ممتاز

الله يسعدك اختي والله يشفيكي وما تخافي ان شاء الله مع الدواء رح تتحسني يوم بعد يوم , ورح تصير ها المشكلة تافهة جدا وما رح تعطيها اهمية , واحسن شي بها الفترة لاقيلك شي هواية او وظيفة تشغلي بيها عقلك متل زراعة النباتات والوروود او الرسم او وظيفة برا البيت

باذن الله الله يسهل الامور ويحسن الحااال وجزاكم الله الف خير

واضح يا اختي ان عندك اكتئاب ما بعد الولادة و المفروض انك تاخدي علاج

ورح تشوفي شكلون حالتك رح تتحسن وتسترجعي سعادتك وتقتك بنفسك

انصحك تطلبي من الطبيب يصرفلك بروزاك 20 mg ورح ترجعي سعيدة زي قبل واكتر بادن الله

ولما تحسي بالسعادة والتقة رح يزول الحزن الكئابة الي في وجعك ورح ترجعي تشوفي نفسك جميلة متل قبل .