|
|
||||||||||
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
|
أدوات الموضوع |
25-08-2012, 03:23 PM | #1 | |||
عضو جديد
|
نوبات هلع شديده دمرت حياتى
فى البدايه انا بليت بنوبات الهلع من حوالى ست سنوات منهم اربع سنوات ونص كنت بروح لدكتور مشهور جدا مكانش بيعالجها كل الادويه بتاعته موتيفال تريبتزول توب مود كلها ادويه متعتبرش علاج فضلت نوبات الهلع تزيد عليا ورغم ده كملت دراسه رغم انى كنت بتعذب اوى كنت بحس بضيق شديد جدا فى التنفس وبحس ان هيغمى عليا تعبت لحد مخدت شهادتى الى هى كليه هندسه والله خدتها بدمى فضل تزيد نوبات الهلع فى البدايه وبعد كده ثبات يعنى فى اول سنيتن كانت معقوله وسنه حسيت ان العلاج ملوش لازم فمكنتش بروح بس كنت باخد علاجه رغم انه مكنش علاج ورجعتله بس فى السنه والنص الى بعد كده بدات تزيد اوى ورحتله فيها ومنفعش علاجه معايا خالص لحد اخر ترم وصلت انها كانت من اول مبصحى لحد منام اقسم بالله كانت اقسى مما تتخيلو انا بستغرب من الى كان بيقول ان نوبات الهلع عشر دقايق اخر ترم مقدرتش استحمل قولت مش قادر اكمل لحد مرحت لدكتور كويس اادنى زيروكسات واولابكس وليكسوتونيل اتحسنت وقدرت اكمل دراسه وبتقدير فى كل السنوات حتى لما كنت عيان لان الحمد لله مخى كويس جدا بس اتحسنت لكن نفسي اخف يا جماعه انا بقالى سنه ونص عند الدكتور التانى بس حالتى ثابته وبتجينى حوالى 3 ساعات فى اليوم ومستمر على ليكسوتونيل بس اوقات قرصين واوقات قرص حسب حالتى قلل جرعه الزيروكسات تبعت فرجعها تانى وهى 25 ملج لغيت الاولابكس الدكتور قلى انه عايز يقلل تانى بس انا عارف انها هترجعلى لان عارف حالتى كويس والله محدش هيحس بيا انا بعد الدراسه خدت قرصات واشتغلت فى شركه كويسه تعبت فى الاول شويه وبدات اتعود بس بدات تتبعنى اوى دلوقتى لو سبت الشغل مستقبلى هيدمر لانه فى شركه بترول ومفيش فرص شغل اكيد هى بتاثر كتير عليا فى الشغل وبتتعبنى وبتاثر على مستوايا بس هعمل ايه بدات اكره الشغل لانى مش قادر استحمل نفسي اتجوز اوى لكنى مش هقدر بسبب الى عندى انا بكتب الرساله دى بدموعى ناس كتير قالت المرض النفسي ده بسبب ضعف الايمان لكن انا لو كنت ضعيف الايمان كنت انتحرت انا لما رحت للدكتور الجديد ده فى بدايه علاجى معاه كنت خلاص هقع على الارض وادانى حقنه ساعتها الى هوه اتحسنت معاه وماشى معاه دلوقتى هل لو رحت اتقدم لحد هقوله انا مريض نفسي عمرها مهتقبل وتانى حاجه انا مش هقدر لانى مع اى ضغط بتعب انا استحملت كتير ومبقتش قادر بجد انا مشاكل البيت كانت كتير ورغم الى كنت فيه كنت صلب قدام كل حاجه وطموحى هوه الى وصلنى لكده انا بدات اضعف والله لو سبت الشغل هتحطم بس انا تعبان ومش قادر والجواز نفسي اتجوز وابدا مرحله جديده لكن مش قادر انا اتمنى انى اموت لو هسيب الشغل وحتى لو كملت ومتجوزتش هى دى هتبقى حياه هتقولى انت بتفكر وانت بتتعب نفسك والله محد كان متفائل زى انا لما كنت تعبان جدا كان دياما عندى امل فى بكره نفسي اخف اوى رمضان لما بييجى بتعب فيه اوى انا الصلاه مش هضحك عليكم مش مواظب عليها رغم انى ثقافتى الدينيه كبيره وبمارس العاده السريه بقالى فتره بسبب زهقى نفسي فى حل انا تعبت من الحياه نفسي افرح بقى كفايه حزن والم انا اتعذبت كتير اوى ونفسي ييجى الوقت الى هفرح فيه خايف افضل طول عمرى كده انا كتبت لاول مره لانى فاض بيا خلاص انا لما بشوف اى حد تعبان بساعده بفلوس وبطبطب عليه لانى عارف الم المرض نفسي ربنا يشفينى نفسي يبقى عندى اسره عايز حد يقف جنبى عايز دكتور يخرجنى من ده رغم ان واثق من الدكتور الى عنده ارجو من كل واحد يرد ويساعدنى لو حتى دكتور وانا على اتم الاستعداد اعمل كل حاجه علشان اخف وخايف من موضوع ضعف الايمان ده يكون هوه الى سبب المرض النفسي زى مبعش الشيوخ قالو نفسي اركع لربنا وانا خافف علشان استمتع بده نفسي اصلى التراويح بس مش بقدر على فكره انا هرجع للصلاه من دلوقتى لانها علاج وهقرا قران ومفيش عاده سريه بس عايز حد ياخد بايدى ساعدونى بالله عليكم انا لو فى طبيعتى كنت هبقى حاجه كبيره اوى اوى مفيش حد جرب معاناتى دى واتحداكم انان زمان كانت نوبه الهلع من اول مبصحى لحد منام عارفين ده ايه دلوقتى بقت حوالى ساعتين او 3 ساعات فى اليوم نفسي اهل الخبره يفيدونى وانا تحت امر اى حد وهعمل كل حاجه بس حد يبقى صريح ويقولى هخف ولا لا والى عندى ده اسمه ايه بالظبط تعرفو الى عندى ده شخصتو قبل مروح للتانى والى الدكتور الاول معرفهوش كل واحد يساعدنى ارجوكم وربنا يكرمكم
المصدر: نفساني
|
|||
|
25-08-2012, 04:19 PM | #3 |
عضـو مُـبـدع
لا يأس مع الحياة
|
اخي الكريم اولا انا حاسس بيك لاني مررت بهذه النوبات اللعينة لاكن لم تستمر معي مدة طويلة بسبب هذا الموضوع الذي سانقله لك لاكن قبل ان اضع الموضوع اخي انا استغرب من الاطباء الذين تذهب اليهم،حرام عليهم يا اخي نوبات الهلع تعالج بالعلاج النفسي السلوكي وليس بدواء المهم اخي اتمنى لك الشفاء العاجل ولكل المسلمين
تفضل اقرء هذا الموضوع و طبق كل كلمة بالحرف بارك الله فيك لكي تستفيد تعريف نوبات الهلع : هي نوبات من الخوف الشديد تصيب الانسان بدون اي سبب ظاهر والعادة انها تأتي بعد فترة من القلق الشديد وتكون نهايتها نوبة الهلع والتي تستمر بما لا يزيد على 10 دقائق وعند حدوث نوبة الهلع يذهب تفكير الانسان انه مصاب بمرض خطير وانه على وشك الموت ويقارن بين الاعراض التي يحس بها ومختلف الامراض الممكنة التي يكمن ان تكون السبب فيما هو فيه ومن بين هذه الاعراض التي يحس بها : انه بالكاد يستطيع التنفس وانه يحس بألم في منتصف الصدر (( وهذا طبعا احساس كاذب من مخلية المريض )) كذلك يحس باحتقان في الحلق وعدم القدرة على بلع الريق وكذلك الاحساس بالدوخة والاحساس بخدر في اليد اليسرى (( يفسرها المريض على انه سوف يصاب بنوبة قلبية او جلطة )) الدكتور Joe Barry اخترع طريقة فريدة للتغلب على نوبات الهلع اسماها One Move technique و قبل التحدث عن هذه الطريقة يجب التأكيد على ان نوبات الهلع لن تقتلك ابدا ولن تموت بسببها انها تشبة عندما تكون مثلا في مواجهة خطر يهدد حياتك فيفرز جسمك الادرينالين لمواجهة هذه الخطر والمختلف هنا ان عقلك يصور لك انه هناك خطر يتهدد حياتك (( وهو خطر وهمي )) فيتحفز جسمك لمواجهته طريقة One Move technique ترتكز على عدم محاربة هذه الاحاسيس التي تشعر بها اثناء النوبه من الم في الصدر وغصة في الحلق والدوار في البداية عليك ان تصور هذه النوبة على انها شخصية كرتونية مضحكة تأتي لزيارتك احيانا ووعندما تحس بأعراض النوبة ارسم في مخيلتك ان هذه الشخصية الكرتونية جاءت لزيارتك سابقا كنت تصاب الاضطراب من وصول نوبة الهلع واحساسك بأعراضها ولكن مع طريقة One Move technique يجب ان ترحب بنوبة الهلع من اعماق قلبك مثلا تقول لها (( مرحبا بك كنت انتظر وصولك على احر من الجمر )) ثم تبدأ بمراقبة الانفعالات التي تحدث في جسمك من ضيق في الصدر وخدر في اليد وباقي الانعالات ثم عندما تصل النوبة الى حدها الاقصى عليك ان تطلب من نوبة الهلع ان تزيد من درجة حدتها (( وهنا سر نجاح الطريقة طلب المزيد )) البعض يخاف من الطلب من نوبة الهلع ان تزداد قوة (( لا تخف لن تموت من نوبة الهلع ولكن نجاح الطريقة بطلب المزيد)) الجسم لا يستطيع اجابة طلبك بالمزيد وهنا تبدأ النوبة بالتلاشي لعجزها عن اثارة خوفك والشجاعة التي طرأت عليك وهنا عليك ان تقول للنوبة (( يسعدني زيارتك وانا في انتظارك في المرة القادمة فلا تتأخري )) نوبة الهلع تتغذى من الخوف الذي نبدية تجاها وعند انقطاع مصدر هذا الغذاء عنها تموت وتتلاشى ويكون الشفاء بأذن الله من نوبات الهلع للأبد في الحقيقة هذا هو مختصر طريقة One Move technique وعليك ان تنزل الكتاب من الانترنت والكتاب اسمه panic away وفقط تستطيع تنزيله من الموقع الذي اسسه مخترع الطريقة http://www.panicaway.com نزل الكتاب واتبع النصائح الذهبية وتعريف نوبات الهلع والية عملها والتي شرحها الدكتور Joe Barry و في الاخير اقول لك انه ولو لم تستطع قرائة الكتاب فهذه القاعدة الذهبية لوحدها تستطيع باذن الله ان تعالجك تماما من نوبات الهلع لاكن عليك ان تطبقها بشكلها الصحيح،عليك عندما تصل نوبة الهلع لاقصى درجة لها اطلب المزيد اطلب المزيد وانت تريد المزيد بحق وحقيقة وصدق لن تنفعك الطريقة وانت تريد المزيد بخوف وقلق ولا تقصد في الحقيقة ان يأتيك المزيد لانك مرعوب اصلا انت كمن يخدع نفسك ولن تنفعك طريقة One Move technique لا تخدع نفسك لا تخدع نفسك لا تخدع نفسك اطلب المزيد من نوبة الهلع وتحداها بصدق ان تصل الى اقصى شدتها والنوبة لن تصل اقصى مما تشعر فيه كل مرة النوبة لن تصل اقصى مما تشعر فيه كل مرة ولو طلبت زيادة في شدة النوبة بصدق ومن اعماق قلبك فالنوبة هي النوبة لها قياس محدود لن تتجاوزة ولو طلبت وصرخت من كل اعماقك ان تزيد حدتها وشدتها عند هذه النطقة وعندما ترى نوبة الهلع انك تطلب المزيد ولست خائفا منها تبدأ بالتلاشي |
|
25-08-2012, 04:38 PM | #4 |
عضـو مُـبـدع
لا يأس مع الحياة
|
اخي انت قلت ان النوبة تلازمك اليوم كله وهذا غير ممكن لان المقصود بنوبة هنا هو ان يبدء القلب بالخفقان بصورة غريبة يعني ضربات قوية و سريعة لا تنتهي ستؤدي الى ما لا يحمد عقباه
لاكن الذي يحدث لك هو تدفق الادرينالين طيلة اليوم وهذا موجود عند المصابين بالقلق النفسي اذن علينا ان نفرق بين النوبة الحقيقية و القلق وقلقك انت ناتج من خوفك من النوبة الحقيقية فبتالي تحس انك مهدد طيلة اليوم ان تحدث لك نوبة مثل اول نوبة حدثت لك |
|
25-08-2012, 05:55 PM | #6 |
عضـو مُـبـدع
لا يأس مع الحياة
|
مافيش دعوة حلوة ليا بس هههههههههه معلش
لا يا اخي الكتاب غير متوفر بالعربي انت محتاج لنصائح الاولى فقط طبقها ان شاء الله |
|
25-08-2012, 06:39 PM | #7 |
عـضو أسـاسـي
|
اخي انت بتخوف حالك و بتفكر بالنوبة كثيير...لازمك علاج سلوكي بجانب الدواء...ولا تنسى صلاتك و قراءة القران و ترك العادة السرية لانها تزيد في النوبات و في الاكتئاب...وذكر نفسك كلما تجيك النوبة انك لن تموت لانها نوبة متل عادتها..وليست شيئا خطيرا .طمان نفسك و ستلاحظ تلاشي الاعراض ..كذلك انصحك بقيام الليل و الدعاااء
|
|
28-08-2012, 09:00 PM | #8 | |
عضو
|
اقتباس:
|
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|