لم اعد استطيع اخفاء السر .... ياريت تشاركونى بارائكم عافاكم الله

لم اعد استطيع اخفاء السر .... ياريت تشاركونى بارائكم عافاكم الله

انا طالبة بكلية صيدلة 20 سنة سبق وكتبت كتير موضوعات هنا فالموقع فملتقيات وعيادات وشرحت حالتى بالكامل ... واخيرا اخر مرة روحت فيها للدكتور لوحدى وطبعا اهلى ميعرفوش انى تعبت تانى وعايشة بالعلاج وروحت للدكتور مرتين من وراهم انا مستحيل اقدر استحمل المرض ده او اسكت عليه لانو بيدمر حياتى ربنا ادالنا عقل ياجماعة وارادة وربنا بيحب المؤمن القوى مش الضعيف انا جربت وسائل كتير واهلى ودونى لشيخ قبل كدة منفعش معايا غير العلاج الى دكتورى بيكتبهولى والحمد لله اتشفيت بنسبة 90 % دلوقتى بعد ما انتكست مرة وفضلت اجرب ادوية كتير مع الدكتور لغاية منفع معايا الحمد لله باروكستين واولابكس واميبريد وبروثيادين الى ماشية عليهم دلوقتى .... الدكتور قالى انتى لستى مريضة نفسيا او لسه مدخلتيش اوى فالمرض وهو الفصام من نوع (اضطراب التفكير ) وده بيفقدنى قدرتى على الفهم والكلام والقراءة ده غير انو مصحوب باعراض قلق واكتئاب شديدة جداااااااااا لكن انا الحمد لله بلحق نفسى اول باول بالعلاج واخر مرة الدكتور قالى انا خايف عليكى مالادوية النفسية :( انا جربت كل الادوية ياجماعة تقريبا والله :( ولله الحمد يعنى فبداية مرضى اخدت بروزاك وسيروكسات وزيبريكسا وبعد كدة سبرالكس ولوسترال ودلوقتى الى قلت عليهم فالاول .. انا بقى عندى خبرة ودراية كبيرة بحالتى وبالادوية النفسية والجرعات وكدة ده بالاضافة انى فصيدلة سنة تانية ... اهلى لو يعرفو انى باخد دوا هيطردونى فالشارع :( المشكلة دلوقتى انى فى شخص فحياتى وبيحبنى جدااا وكلم مامتى وعايز ييجى يتقدملى خلال السنة الجاية ان شاء الله وده من سنتين تقريبا هو حبنى بعد مااتشفيت اول مرة مالمرض ونسيته تماما طبعا مقلتلوش على تجربتى المؤلمة دى لانى كنت بخاف افكر فالموضوع اصلا وبدات اعيش حياتى عادى وانا كمان حبيته وارتحتله اوى لكن انا السنة الى فاتت انتكست تانى وتعبت وكنت بروح للدكتور وباخد العلاج دلوقتى وعايشة عليه من وراه هو ميعرفش :( انا نفسى اقوله لكن خايفة يتصدم ويخاف عليا اوى ويزعل وفنفس الوقت مقدرش ابعد عنه واظلمه وهو مش بيعتبر انو ليه حد غيرى دلوقتى بعد ما بباه اتوفى من سنة وكان بيحبه جدااااااا ... اعمل ايه ... انا تعبت من كتمان السر ده .. وكمان خايفه اوى على مستقبلى مش عارفة اعمل ايه .. هل لو قلتله هيفهم وهيتقبل وانا هقدر استحمل ولالا ... انا تعبت اوى ارجوكو ساعدونى انا حاسة انى شايلة حمل تقيل اوى لوحدى ....

المصدر: نفساني

في البدايه أقولك الف مبروك وربنا يتم لك علي خير
بصي انا رايي انك اكيد مش هتعيشي بالدوا طول عمرك لان الحمد لله ان مريض القلق ما بيحتاج هذا
بتاخدي العلاج لفتره معينه اسألي طبيبك ما هي فتره العلاج اذا كان باقي فتره قصيره خلاص بعد وا تشفي ان شاء الله
قوليله انك كنتي بتتعالجي بالأدوية وأنك الان بقيتي احسن عندما يعرف ان خلاص انتهيتي من العلاج غير لما يعرف انك لسه بتتعالجي
لأنك لست ضامنه رد فعله ولكن اذا كنتي متاكده انه هيتصرف بعقل وهيتفهم الامر يبقي قوليله دلوقتي
اذا في كلتا الحالتين لازم يعرف دلوقتي او بعد شفاءك ان شاء الله وانا افضل بعد شفاءك

انا عايشة بالعلاج دلوقتى مقدرش اوقفه من غيره بتعب :( وانتى عارفة انو الجواز مسئولية كبيرة وكمان مينفعش اخد علاج بعد الجواز لانو بياثر لو حصل حمل او كدة انا بفكر فالمستقبل بكل حاجة فيه ولازم اكون عاملة حسابى لانو المرض مش سهل لكن انا لو قلتله هيتصدم وهيبقى شايل الهم وانا مش عايزة كدة مش عايزة اكون سبب فانو يزعل :(

عافاك الله يا اختي

مهما كان الامر صعب لكن من رايي انك تصارحيه احسن ،، امر مثل هذا صعب يتخبى خاصة و انتم ناويين الزواج ان شاء الله ،،
و انه يعرف منك احسن ما يلاحظ لوحده و يفكر انك خبيتي عليه و ممكن بعدها ياخذ فكرة غلط ،،
اذا الشخص يحبك و يريدك زوجة يتقاسم معاك الحلوة و المرة رح يفهم ،،

اختى امل الروح ... فعلا عندك حق صعب جدا يتخبى انا هختار الوقت المناسب وهقوله ان شاء الله وربنا يستر

نعم اختياري الوقت المناسب و الطريقة المناسبة ،، و اشرحي له الحالة ،، فالمرض ليس عيب و لم يكن يوما كذلك ،،

كوني صريحة ،، فالعلاقة التي تنبى على الصدق و الصراحة تكون اقوى ،، و لا تعلمين يمكن يكون له يد و يكون سبب من اسباب شفاءك باذن الله ،،

فالمريض مجرد يشعر بالحب و الاهتمام و الرعاية هذا وحده له دور كبير جدا في التحسن ان شاء الله ،،

طب انتى رايك اقوله ازاى يعنى باى طريقة برسالة مثلا ؟؟ ولا ازاى ؟؟ انا مش عارفة

اختي الكريمة كوني صريحه معه اخبريه عن اعراضك المرضية ولا تنصدمي اذا غير رأيه , لأن الزواج مسؤولية كبيرة , واستخيري بركعتين ثم دعاء الاستخارة والنتيجة امر رباني

صدقيني لو انه يحبك راح يستمر معاكي الين تتشافي مم المرض ووقوفه معاكي اكبر دعم للشفاء...و اي احد يحب انسانه معاها هذا المرض راح يكمل معاها للاخر..وخليكي واثقه ثقه تامه انه الي يحبك حيحبك لكل عيوبك

كلامكو صح 100 % ... والله انا جوايا كل ده وبفتكر لما كنت تعبانة وانى كنت قبل متعالج بجد زيى زى العاجزة ويمكن اصعب والله لانو عجز فقدرات العقل والله محد ابدا يقدر يحس بالعذاب ده الا ربنا والحمد لله هو الشافى بردو :) الحمد لله انو شفانى بعد مكنت فقدت الامل فالحياة وانو فى ادوية وعلاج لمرض زى ده بجد الحمد لله وربنا يشفى كل مريض ولا يعود الايام الصعبة الى عشتها دى ابدا يارب انا دلوقتى عايشة بالعلاج مقدرش اوقفه لكن الحمد لله على كل حال .. انا بس مشكلتى انى والله مستحيل حد يصدق انو فيا مرض زى ده وانى باخد علاج وكدة انا طبيعية جداااااااا ودايما بضحك وبهزر عمرى محسسته للحظة انى شايلة هم خايفة بس يتصدم .. الله يستر .... دعواتكم :)

اختي الكريمه : اولا مساك الله بالخير
وثانيا دعائي لك بالشفاء التام والتمتع بالاستقرار النفسي وبمستقبل زاهر إن شاء الله
من وجهة نظري :
إنك تصارحيه خلال هذه الفترة وبكل شجاعه ، لان فوات الوقت في علاقاتكم بدون أن يعلم ليس بصالحك ، إعملي له في الاول اختبارات تتيح لك معرفة حجم تمسكه بيك ،وهل هو متفهم لهكذا أمور ، فخلال هذه المرحلة مهم جدا ان يعرف ، فَلَو كان فعلا متعلق بيك وتضمني انه هو الرجل الذي يتقبلك بكل مافيك فثقي انه لن يتأثر بهكذا أشياء ، ولو كان مهزوز الرأي و عدم وضوح الصورة عنده ، فصراحتك أمام المقابل وكذلك أمام نفسك سوف تتفاخرين بها بداخلك ولاتكون سبب في توتر علاقه ستكون لاحقا عباره عن أسره متكاملة ،
أسأل الله تعالى ان تسعدي بحياتك بدون اي توتر أو قلق
تحيه و تقدير

شكرا عابر سبيل ان شاء الله قريب جدا هيعرف وربنا يقدم الى فيه الخير ان شاء الله :) ده فعلا اختبار حقيقى للحب والله الواحد حاسس انو عايش ففيلم تركى ELFSWSWELFSWSW