تعالووو هنا

تعالووو هنا

كل واحد او وحده بهالمنتدى اللي ترك شغله واللي جالس بالبيت مايطلع ابد واللي مايحضر مناسبات والهلع والخوف والقلق والاعراض الجسديه والاعراض النفسيه وكل اللي مرينا ونمر فيه للان الى متى وحنا مستسلمين له الى متى ضاع شبابنا وضاعت حياتنا وضاعت كل مناسبه حلوه كنا نتمنى ننبسط فيها والمشكله الى الان ماصار لنا شي يعني مامتنا من اعراضنا الوهميه عايشين بس عايشين على الهم والتعب اللي نقدر نتجاوزه بإذن الله مافي شي سهل لكن اذا توفرت الاراده تحقق المستحيل حتى المساء يعجز ان يطفئ ضوء الشمس .. .. حلفت انكم مانوقفون ولا تصفقون لي 3fc3wfc3fc3wfc

المصدر: نفساني

الا والله بصفق لك356778

وكلامك فيه الكثير من الصحه..نعم مامتنا

لكن للاسف نحن مثل لو يربطوننا لجدار وناس يرموننا برشاش...اي نعم ماتصيبنا الرميات لكنها ترعبنا وتتعبنا

صعب الانسان يتجاوز هذا الاعراض المتعبه

لانها اعراض حقيقيه ومنهكه للبدن



ملحوووظه/ لماذا كل الاعضاء مايكبرون خطهم شوي؟؟؟

هلا ام شجاع كيف صحتك طمنينا ؟


انا اجاهد نفسي اكير جهاد في تناسي الاعراض وملء الفراغ بس اذا زادت الاعراض وصارت اقوى مني هينا اتحطم

اتمنى يروح الخوف الهم اللي نساني النوم اتمنى الضحكة بدون قلق اتمنى واتمنى يارب بهالساعة اشفني وكل مريض


اشوف الناس من حولي واقول مايدرون وش بداخلي ولا الصراع اللي اعانيه يوميا

يارب يارب اجعل مااصابنا تكفير لذنوبنا وفرج همومنا واشرح صدورنا وابعد عنا الهم والخوف

العلاج الفعال للنوبات الهلع هو التحدي ومواجهة كل الأعراض بشجاعة ولازم تقول بينك وبين نفسك واذا جت ماحد يموت قبل يومة انبسط وافرح وأضغط على نفسك يوم بعد يوم راح تكون انت أقوى من الهلع والخوف وراح بأذن الله من الناس الي يودعون الهلع طول حياتهم الى الابد لانك مريت بهذا الشعور كله شعور مافية اي شي ويارب نشوفكم الجميع في احلى واجمل حال تحياتي للجميع

كلام رائع ام شجاع ان شاءالله كلنا بنتجاوز هذي الاعراض ربنا يشفينا

حلو للحماس بس عساه يستمر ، وصفقه لام شجاع

اااااااه يام شجاع جبتيها ع الجرح

صرت ماحب طاري الوظيفه ولا ابي يحد يسالني تعينتي او لا وانا امثل عليهم واقول مافكر اتوظف مرتاحه كذا ..وانا من جواتي اتقطع وابكي كل صديقاتي وخواتي الي اصغر مني صار لهم متوظفين اكثرمن خمس سنين ...وانا مكاني هو هو ..خوف وهلع ودوخات وخفقان ....بالله كيف اقوم الصبح وانا اترنح بالمشي ...كيف اجلس بالدوام وانا مكتومه وخفقان ولازم استلقي اذا جتني الدوخه ...بالله هذي وحدة تصلح للدوام ؟؟!!!!!!

حرام اخذ رقم وظيفي وفيه وحده افضل مني حال


خلوني كذا بس ...زين اني قايمه بواجبات بيتي وعيالي وزوجي ماني ناقصه هم ثاني ...الله بس يصبرني على ماعطاني والحمدلله على كل حال

كلامك صحيح والله
احنا اللي خلينا عقولنا تصدق هذي الأفكار السلبيه
وللأسف اتبعناها و صدقناها
وحبسنا انفسنا بهذا الخوف و القلق و التوتر و النوبات
الحل اننا ناخذ بالاسباب ونتجاهل

نعمة النسيان صادقه انتي والا تمزحين ... وش ذا الاستسلام انا معاك بكل اعراضك ونفس الاعراض عندي وعندك وهذا انا موظفه تعرفي اول كنت مثلك اكيف اتحرك كيف اركب ابره لمريض وانا دايخه كيف اوقف فتره طويله وانا اترنح بس ضغطت ع نفسي لان مستحيل اشوف زميلاتي مستواهن اقل مني يصيرو اعلى مني مستحيل اخذل امي اللي مبسوطه مني ومن شغلي وتشوف بنتها ناجحه بحياتها الوظيفه حتى لو كنتي مب حاجتها ماديا لكن انتي محتاجتها معنويا وصدقي بيخف عنك التعب كثير

رائع أم شجاع تصفييييييييييييقة بررررررشا
انا أوجه كلمة لي والأعضاء اسألوا الله أن يعينكم على التجاهل لأنه أحيانا يصعب ع الواحد تجاهل أعراضه ويشعر انه مهلك لا محالة
الحمدلله على كل حال والأمل بفرج الله أولا واخيرا

سبحان الله وبحمده

المشاركة الأصلية كتبت بواسطة نعمة النسيان

اااااااه يام شجاع جبتيها ع الجرح

صرت ماحب طاري الوظيفه ولا ابي يحد يسالني تعينتي او لا وانا امثل عليهم واقول مافكر اتوظف مرتاحه كذا ..وانا من جواتي اتقطع وابكي كل صديقاتي وخواتي الي اصغر مني صار لهم متوظفين اكثرمن خمس سنين ...وانا مكاني هو هو ..خوف وهلع ودوخات وخفقان ....بالله كيف اقوم الصبح وانا اترنح بالمشي ...كيف اجلس بالدوام وانا مكتومه وخفقان ولازم استلقي اذا جتني الدوخه ...بالله هذي وحدة تصلح للدوام ؟؟!!!!!!

حرام اخذ رقم وظيفي وفيه وحده افضل مني حال


خلوني كذا بس ...زين اني قايمه بواجبات بيتي وعيالي وزوجي ماني ناقصه هم ثاني ...الله بس يصبرني على ماعطاني والحمدلله على كل حال

تصدقين ياعمري اني نفس وضعك على قد ماعندي حماس للوظيفة داخلي القلق والأفكار السلبية والخوف من حدوث نوبات هلع ،حتى الزواج دايما أفكر هل ح أكون قادرة عليه وانا بالحالة دي
لكن انا متأكدة لو بإذن الله حصلنا الوظيفة ح تخفف علينا كثير ويبغالنا رياضة وجلسات استرخاء ومقدرة على مواجهة الهلع والوساوس