سؤال لأصحاب التجارب

سؤال لأصحاب التجارب

مرحبا
عندي سؤال لأصحاب نوبات الهلع واختلال الانيه اوصفولي شعوركم لاني انا مدري ايش حالتي بالضبط لاني تعبت من وضعي ودي ارجع طبيعيه مثل اول وهل ممكن الشفاء من اختلال الانيه

المصدر: نفساني

شوفي انا كنت اعاني من اختلال الانيه قبل7سنوات وتعالجت والحمدلله خف كثير اختلال الانيه وانتهت نوبات الهلع نهائي بفضل الله اول ماصابني اختلال الانيه كنت احس ان رجولي تكرمين ماتوصل الارض كاني مو قاعده ادعس على الارض كاني خفيفه او ماشيه فوق غيمه احس فيه حاجز شفاف بيني وبين الناس والعالم الخارجي يعني اشوف كل شي ماني جوا زجاجه يعني الاصوات كانها بعيده اراقب تصرفاتي بشده لاني ماحس اني انا اللي قاعده اسويها ماحس بنفسي احس كاني كائن مو من البشر مدري هذي كيف توصف ماحس بمشاعر تجاه اللي احبهم يعني احساسي بالحب بالامومه انعدم برضه كنت اشوف كل شي غريب يعني المكان كنت اجيه مليون مره قبل لكن بعد المرض اذا جيت المكان كاني اول مره اجيه اذا سافرت ورجعت بيتي احسه مة بيتي ماكاني عشت فيه من قبل زوجي احس مو هو اللي عشت معه يعني مشاعر الصراحه ترفع الضغط وملابسي احسها غريبه مو كاني انا شاريتها واشياء كثير لو بجلس لصبح ماخلصتها
بعد العلاج نسيت هذي المشاعر او ماعدت احس فيها الا بعض الاحيان تمر علي لحظه اطالع باولادي وزوجي اقول من هذولي لكن تمر اللحظه وانسى واول ما اطلع الشارع احس بغربه وكاني بحلم بس اركب السياره يروح هالاحساس
لي تقريبا اسبوع احس احساس الغربه رجع بعد مانتهى من 4سنوات حسيت بقلق الاسبوع الماضي واحسه رجع وحاولت اتخطاه والحمدلله شي احسن من شي وللحين الشي اللي مسبب لي قلق مانتهى ان شاء الله اذا انتهى تنتهي معه الغربه

انا إحساسي يختلف شويه ..يعني احس بضيقه خانقتني زي كأني داخل زجاجة اطالع العالم حولي وما احس بجسمي كانه مو موجوده أو كان جسمي هواء يزيد وينقص هذا الشعور يعني احس مو مسيطره على جسمي ووجع رأس عندي وزغلله بالنظر احيانا مدري أحس محد مثلي طبعا الأعراض جت فجأه هذي السنة وبالتدريج يا ريت تفيدوني باللي عندي

لا نفس الاحساس انا بعد مرت علي اني احس جسمي مختفي احس اني بس عيون تناظر العالم مو هذا نفسه احساسك بس انا لاني من زمان عنه ناسيه ادق التفاصيل

بالنسبه لنظر من اول ماتعبت الى هذا اليوم عندي زغلله ونظري باقي شي قليل ويصير 0يعني صار ينقص بالتدريج

الله المستعان ويشفي كل مريض يا رب

الله يشفي الجميع ويسعدكم ويساعدكم

يا ريت تساعدوني ماهي حالتي ما تفسيرها

احس نفسي مو طبيعيه معزوله عن العالم وما احس بجسمي كان الدنيا تدور نفسي أكون طبيعيه مثل باقي الناس واعيش حياتي بشكل طبيعي