السلام عليكم

السلام عليكم

السلام عليكم ورحمة الله وبركاته
اخباركم ان شاءالله بخير

انا كانت جايتني حالة الوسواس والهلع تقريبا قبل 3 سنوات
والحمدلله كانت اول بدايه لي بمرحلة شفائي منه بعد الله المنتدى هذا
طبعا الحمدلله مالجأت لدكتور ولا شي
توكلت على الله والحمدلله الله مايخيب عبد التجأ اليه
بس هالفتره رجعت لي حالة الوسواس ومتعبتني كثير
واكثر شي تجيني وانا اسوق او قبل انام او وانا اصلي لدرجة استغفر الله صرت ما اصلي بمسجد
اصلي بالبيت
طبعا الحين انا اكتب وهي موجده فيني نوباتها
طبعا رجعت لي بنوبات اني احس بكتمه
احس باشياء غريبه تصير بجسمي
او افكر بتفكيرات سلبيه
صرت اخاف من السفر اخاف من الطلعات اوقات اخاف من الزواج طبعا ماني متزوج لسى
بس عندي امل اني بتغلب عليها مره ثانيه ان شاءالله

المصدر: نفساني

وعليكم السلام ورحمة الله وبركاته


حياك الله اخوي وألف لا باس عليك يارب

أعتقد والله أعلم إن الحالة هذي عاودتك بعودة الظروف اللي عايشتها في السابق .. وطبيعي القلق والتوتر إذا زاد مع إستمرار الظروف المسببه ينتج عنه تشنج في العضلات وتركيز منك على الجسم وحركته وتسبب لك هواجس وحالة هلع


أكلمك عن تجربتي الشخصية وملاحظتي للشيء هذا معي ... أعيش في أزمة من فترة طويلة سببت لي عوارض كثيرة تختلف من فترة إلى فترة حتى إني فترات تمر علي فترات خمول وفهاوة وتأخير الصلوات و أصلي في البيت وأخاف أحد يسألني من جماعة المسجد وينك وسلامات ...

انا نفسي إني أصلي دايما في المسجد ... والغريب تجيني أيام تفاؤل وخروج عن العزلة وأطلع وأصلي بالمسجد ... بس مو المسجد القريب المعتاد

يارب انك تعفو عني ... مقصر

في فترات من حياتي تتحسن الأمور وتمشي حبه حبه وأسلك وأصير طبيعي جدا ... وهذا يعطيني أمل إن الوضع هذا مؤقت إن شاء الله ويزول مع زوال الظروف ... دعواتكم الله يرزقنا بوظيفة إن شاء الله


بالنسبة للزواج يا اخوي والخوف منه ... أنا متزوج ولله الحمد من زمان وبعد الله أكثر شخص هالفترة معين لي معنويا ومداري لي هي زوجتي ... لا داعي للخوف والله يرزقك في بنت الحلال اللي تعينك على الخير

اخوي الي قبلي فادك وما قصر بارك الله فيه

اما ما تعاني منه ان شاء الله بسيط وهو بواقي الهلع اخوي،، انت جاك الهلع والحمد لله تغلبت عليه ولكن جاك معاه الان خوف اسمه ( رهاب الساح ) لكنه بسيط ان شاء الله .... انت اختار ان كان تفضل علاج دوائي ف هو متوفر عن الطبيب ورح يفيدك ان شاء الله بنسبه تفوق ال تسعين بالميه بحكم انك ذو ارادة متينه .... وان فضلت السلوكي ف ايضا رح تتغلب ولكن تحتاج تكون صبور وعساك للقوه يا رب

مرحبآ فيكك اخوي " غرك جمالك "

الوسواس يجي في اوقات ما يكون عقلك فارغ من التفكير او جسمك ساكن عن الحركة

عمومآ اقترح عليك تستشير طبيب نفسي يصرف لك علاج للقلق واسأله عن "سيبرالكس"

حالتك بسيطه جدا ناقصها علاج يدعمها فقط لفتره معينه ثم تقطعه على حسب اتفاقك مع الطبيب

واضح عليك ما شاءالله انك جازم ومثابر وصلب ..

وفقك الله ..

الله يشفيك اخوي عليك بمراجعة الدكتور وسوف تتحسن باذن الله مع العلاج

وعليك بالرقية الشرعية وسورة البقرة فى فيها راحة نفسية عجيبة

اسئل الله العظيم رب العرش العظيم ان يشفيك ويشفينا اجمعين

الف سلامة عليك