قصتي مع اول معالج ( عشان محد يلومني انا حاولت )

قصتي مع اول معالج ( عشان محد يلومني انا حاولت )

سلام اشلونكم يا اخوة يا كرام اليوم راح اتكلم بالتفصيل مع تجربتي مع اول معالج لي وشنو قال وشنو صار طبعا
التجربة كانت فاشلة وكنت متحطمة جد وبعدها دخلت في اكتئاب

اليوم راح اقولكم قصتي مع مكتب الانماء الاجتماعي دولة الكويت طبعا انا رحت مكتب الانماء لان كان عندي مشكلة مع الوالدة وكان هذا الكلام قبل سنه وشهرين بالضبط يعني 8\2014 اللي صار يا محفوضين السلامة اني اتصلت على الرقم مال مكتب الانماء ورحت الجلسة الاولى مع الوالد في شهر 8 وحظرت اول جلسة وكانت كتالي


الجلسة الاولى:-

حلست انا والوالد وتكلم ابوي عن المشكلة وقال ان الخلاف صار لا اكثر من شهر وان احنا ما عرفنا نحلة فعشان جذي لجانا للمكتب وطبعا سالنا المعالج اشلون عرفتو عن المكتب قال الوالد اللي يسال ما يتوهش وبعدين طلب من ابوي الخروج وان يتكلم معاي على انفراد وقام وسكر الباب وبديت اتكلم عن الخلاف وعن علاقتي بي امي وان احد مشاكل الخلاف ان امي ما ترضي لي اطلع مع صديقاتي وكذا واغلب الجلسة انا اتكلم.

الجلسة الثانية :-

تكلم عن امي بعدم وجودي امي +اخوي

الجلسة الثالثة :-

كنت انا وامي وقالي قولي اللي بقلبج حق امج وامي العكس تقول اللي بقلبها وجذي.

الجلسة الرابعه :-

كنت انا بروحي وقعدت اتكلم وقال انا ادري ان في قيود نقدر نسميها قيود اجتماعية تقتضي بعدم طلعه وخروج وانا ما اقدر ادخل بهالامور وقالي اني اسلم على امي لاني اصلا ما كنت اتكلم معها وبس وانتهت الجلسة على جذي.

الجلسة الخامسة :-

كنت انا ايضا وتكلمت واهم ماقال ان في شي اسم هذي حدودي وما اقدر اعطيك اكثر + قال انا لازم التربية تجي من شخص واحد ما تجي من الام والاب والاخوال والاعمام وجذي يعني

الجلسة السادسة :-

كنت انا ايضا وتكلم وقال وايد ناس ناجحين بحياتهم اهلهم مو زينين + قال كلمة مهمة قال يعني انتي بكلامج هذا اقدر اقول هذا طريج البر بس انا ما ابي جان انا اصرخ واقول له لاتكلمني بالطريقة ( وقتا كان عندي حساسية كبيرة جدا من الموضوع )
المهم انتهت الجلسة

الجلسة السابعه :-

امي واخي

الجلسة الثامنه :-

انا وقالي ان مافي تعاون من الطرفين وان ما في تقدم لذلك بيوقف الجلسات وحذرني وقتها من اللي ممكن يصير من ردت فعل لي امي واخوي من الموضوع ( وطلع كلامة غلط ) وقالي الا في حاله وحدة اذا انتي سالتي امج وقلتيلها انتي شنو تبين وانا شنو ابي وقتها يمكن ايكون في موشرات .. وبس

الجلسة التاسعه:-

وهنا اجل الجلسة بعد اسبوعين و وقلتلا ان صارت هوشة وجذي واهم ما قال ان لازم اسعي ما انجح في المحاولة الاولى المحاولة الثانية الثالثة الرابعه الخامسة الي ان انجح + بعدها قال لازم تحطين التفائل جدامج وتعيدين الكرة الي مالا نهاية وجذي وبس

الجلسة العاشرة :-

سحبت على الجلسات وحظرت بعد شهر وبعدها قال الدكتور زفني وقال ان الظاهر اهيا عبالها ان انا اشوف وخلاص لا انا ارتب ملفاتي المهم كانت الجلسة سيئة جدا جدا جدا

الجلسة الحادية عشر :-

لا اذكر منها سوي انه قال ان الواحد يحاول وبس

الجلسة الثانية عشر :-

قال ان انا شخصية انظوائية وان الشخصية الانظوائية لها سمات من ضمنها ان الواحد ما يعرف يحل مشاكلة وانا الواحد ما يعرف يتعامل مع الناس وقال اهم كلمة اللي خلتني اوقف الجلسات وهي ان انا شخصية لاترغب في التغيير وبالتالي ماراح اتغيرين بالانجليزي livi with it وبعدها انا ما كملت الجلسات


وفي النهاية امي هي اسوء انسان مر علي في حياتي احسد الناس اللي يحبون اهلهم لأَنِّي إكرة عائلتي وبس.

المصدر: نفساني

امممم... مشكلتي محتار وش ارد أو ايش اقول...🤔
لكن بالله أستعين وراح اقول التالي (مع خوفي من الفهم الخاطئ اللي بيصيب بقية الأعضاء):
الأم أن كان طبعها القسوة والشدة فكل الحياة سيكون لونها اسود لا طعم لها...تحتاج أن تلجأ إلى امك من ظلم الناس والحياة فتجدها الاقسى ...

ولكن لابد من حين لآخر يصدر منها حنان و عاطفة...

المشاركة الأصلية كتبت بواسطة (الشمالي)

امممم... مشكلتي محتار وش ارد أو ايش اقول...🤔
لكن بالله أستعين وراح اقول التالي (مع خوفي من الفهم الخاطئ اللي بيصيب بقية الأعضاء):
الأم أن كان طبعها القسوة والشدة فكل الحياة سيكون لونها اسود لا طعم لها...تحتاج أن تلجأ إلى امك من ظلم الناس والحياة فتجدها الاقسى ...

ولكن لابد من حين لآخر يصدر منها حنان و عاطفة...

هههههههههههههههههه ضحكني ردك بس فعلا قسوة الام مابعدها قسوة الله كريم بس😩😩

من جدك ردي يضحك 😲 ترى كنت اصيح وانا اكتبه 😭 وانتٍ بكل برود تقولين انه يضحك!!

بس ولا يهمك...اهم شيء انك تضحكين 😂...

المشاركة الأصلية كتبت بواسطة (الشمالي)

من جدك ردي يضحك 😲 ترى كنت اصيح وانا اكتبه 😭 وانتٍ بكل برود تقولين انه يضحك!!

بس ولا يهمك...اهم شيء انك تضحكين 😂...

مشكور اخوي علي ردك ما قصرت بس ليش كنت تصيح ردك مافي شي

اتغشمر وياك...😂 لا كنت اصيح ولاهم يحزنون😅

المشاركة الأصلية كتبت بواسطة (الشمالي)

اتغشمر وياك...😂 لا كنت اصيح ولاهم يحزنون😅

اي اشو اقلقتني عليك