لازم اقول الي صار لي مخنوقه :(

لازم اقول الي صار لي مخنوقه :(

السلام عليكم ورحمه الله وبركاته

انا دخلت افضفض واشتكي ومابي منكم غير الدعاء :( ...

انا فيني وسواس الموت وكان بسبب حاله الاكتئاب بسبب المحاكم مع طليقي 3 سنين من 2012 لي بدايه 2016 انتهت قضيتي وفزت بحضانه بنتي بعد معاناه واتهامات من طليقي باطله ...

شهر 2 قرر طليقي يرجع لي بعد ما صدر حكم المحكمه ان الحضانه لي ...

طبعا اهلي رحبو فيه وانا كنت خايفه ان هالرده وراها شي وانا اساسا تعبانه واخذ ادويه ((ساليباكس + ليمبترول ))

فكلمت طليقي وبلغته بالادويه الي اخذها وان مستحيل احمل الا بعد اتمام العلاج

وطبعا طليقي رحب بكل شي وقال انه بيوقف معاي بكل شي وان متحسف عالطلاق والقضايا الي صارت

وملجنا ((ملكت)) ورحت بيت زوجي بالشروط الي ابيها وكنت عروس بمعنى الكلمه ...

لكن الصدمه يا جماعه الخير ان بدون سبب اتصل على الوالده يقولها اني مضايقه وخليها تجي عندج تفضفض ويوم طلعت رحت بيت امي غير كيلول ((قفل )) الباب وخلاني بالخارج

لما رجعت بيتي لقيت المفتاح متغير اتصل فيه مايرد علي ولا على مسجاتي ووتساباتي ...

رحت بيت اهله لقيت بنتي عندهم حاولت اخذها ماخلوني طبعا بعد صراخ واتصال عالشرطه عطوني ياها وظليت يومين بس ابجي ابي اعرف ليش زوجي سوا جذي وكلم امي انه مايبني بيرسل لي ورقه الطلاق !!

بدون اسباب وبدون مقدمات ؟.. امي تدخلت مع اخواني ورحنا بيتهم وحاولو اهله يصلحون الامور ..

رجعت بيتي واهو مايكلمني ولا يبي يتكلم معاي .. اتصلت امه عازمتنا عالغده ورحنا تغدينا بعدها قلت له رجعني البيت واهو ماكلمني ولا تغدى يمي حتى ...

ماكان هامه أي شي بس كان يردد مابي ياهل منج لا تحملين ...

ظليت حزينه وقعدت انظف البيت لما وصلت حق فوق الكبت واكون حاطه اغراض الحمام اعزكم الله الشامبو فوق الكبت لقيت ملابس زوجي فيها جنابه ..

طبعا انهرت واتصلت على امي وقتلها امي قالت لي قعدي في بيتج اتصلت عليه مارد علي ولا كان هامه لما اتصلت على ابوي كلمته وقتله قالي اخذي اغراضج وروحي بيت امج ..

لقيت زوجي داش علي فجأه ... وقعدت ابجي واتكلم معاه واهو يقول حق ابوي بنتك مريضه نفسيا ومينونه :( ويقول اني كنت بذبحه بسكينه :((

طبعا طردني من بيتي وسبني وقذفني واهاني ورفع علي قضيه اعتداء بالضرب يدعي اني انا كاسره ايده :(

ويقول اني مينونه وان انا ماصلح اربي بنتي والمشكله اني اكلم اهله وانا ابكي يقولون تحملي الي بيجيك :(

حسبي الله ونعم الوكيل انا فيني وسواس بس مو مينونه ولا عقلي ناقص ولا ماحس بتصرفاتي :(

محتاجه دعواتكم لي والله ظالمني والله حتى شقتي لقيتها بدون اثاث وملابسي بكياس زباله عزكم الله حتى ملابس بنتي لقيتها بكياس زباله :((

المصدر: نفساني

الله يعين بس بس تَر انتي غلطتي لما رديتي له بعد ما صارت بينكم محاكم وقضايا يعني واضح عايفج الله يعين ويصلح الأمور
وليش ماتروحين استشاري اسري احسن

لا حول ولا قوة الا بالله الظلم حرام 😔
والحمدلله ان انتقام الله شديد ،
اسال الله ان يشفيكي ويعافيكي وينصرك عاجل غير أجل يالله ،،آمين

لاحول ولا قوة الا بالله
اصبري واحتسبي اختي

وكل ظالم يجيه يوم ان شاءالله

اهلك معك وربنا معك
ورح ينصفك أختي

الله يقويكي :)

حبيبتي معلمه،،،عارفه شعوري لما تنظلمين ،،،تقريبا قصتج تشبه قصة حياتي ،،،بس زوجة زوجي عملتلي سحر ،،،ولا كذا سحر ،،وكانت توهم زوجي اني مينونه وخبله ولا تشوه صورتي عنده،،،وكل هذا من الغيره والحقد،،،بس انا خلعته وارتحت وعشت حياتي مع انه حاول كذا مره يرجعني بعصمته ،،،بس انا خلاص عفته من الظلم اللي ظلمني ياه ،،،ورب الكعبه كان يبجي اني ارجعله،،،بس انا لما حسيت بالحياة من بعد الطلاق حسيت انه دنيا اضحكت لي ،،،ماوصيج حبيبتي عليج بقيام الليل وقراءة سورة البقره يوميا ودعاء بالسجود والتصدق بنية الشفاء وطول الوقت استغفري شوفي شلون تتغير حياتج الي الافضل ،،،تبين نصيحتي لاتفكر ين فيه عطيه طاف لابوه لابوهله ،،،ديري بالج ترجعيله اهو ا من الاصل حاقد بس رجعلج لانه يبي ينتقم ،،،يبه رياييل لما يحقد ينتقم وحيله ع المره الضعيفه ،،،خلج قويه وتمسكي وبنتج وان شاء الله يرزقج بواحد يكون شاريج وعارف قدرج ،،،ولا هذا مو كفوا ابجي عليه ،،،الله وياج حبيتي.

المشاركة الأصلية كتبت بواسطة زهور البنفسج

حبيبتي معلمه،،،عارفه شعوري لما تنظلمين ،،،تقريبا قصتج تشبه قصة حياتي ،،،بس زوجة زوجي عملتلي سحر ،،،ولا كذا سحر ،،وكانت توهم زوجي اني مينونه وخبله ولا تشوه صورتي عنده،،،وكل هذا من الغيره والحقد،،،بس انا خلعته وارتحت وعشت حياتي مع انه حاول كذا مره يرجعني بعصمته ،،،بس انا خلاص عفته من الظلم اللي ظلمني ياه ،،،ورب الكعبه كان يبجي اني ارجعله،،،بس انا لما حسيت بالحياة من بعد الطلاق حسيت انه دنيا اضحكت لي ،،،ماوصيج حبيبتي عليج بقيام الليل وقراءة سورة البقره يوميا ودعاء بالسجود والتصدق بنية الشفاء وطول الوقت استغفري شوفي شلون تتغير حياتج الي الافضل ،،،تبين نصيحتي لاتفكر ين فيه عطيه طاف لابوه لابوهله ،،،ديري بالج ترجعيله اهو ا من الاصل حاقد بس رجعلج لانه يبي ينتقم ،،،يبه رياييل لما يحقد ينتقم وحيله ع المره الضعيفه ،،،خلج قويه وتمسكي وبنتج وان شاء الله يرزقج بواحد يكون شاريج وعارف قدرج ،،،ولا هذا مو كفوا ابجي عليه ،،،الله وياج حبيتي.

بالضبط نفس كلام زهور واضح جدا ان حاقد ويبي يهينج انتبهي علي نفسج

يابنتي اسسسسسسحبي عليه اللي قوا قلبك بطلاقك الاول يقويه اللحين
باين انو حاقد ومارجعك الا عشان يقهرك زياده
عسسسسساك تشوفين حوبتك قريب فيه ،، غاليتي سهام الليل لاتخطئ
انتي مظلومه والمظلوم لاترد دعوته ..
لاتحملين نفسك فوق طاقتها .. الدنيا ماتوقف عليه ابداااااا ..

حسبي الله ونعم الوكيل لاحول ولاقوة الا بالله الله يعوضج خير