|
|
|
 |
|
 |
||||||||
|
||||||||||
 |
 |
 |
||||||||
| ملتقى الفضفضة مساحة ليقول العضو كل ما يجول في خاطره ، فضفضات نفس . |
 |
|
|
أدوات الموضوع |
21-08-2016, 05:59 PM
|
#1 | ||||
|
عضو نشط
|
بدي افضفض
السلام عليكم ...
بداية انا شكلي راح اكتب لنفسي لاني بحااول اكتب لاجد مساعدة حدى يساعدني ويطلعني من الانا فيه انا مضايق من كل شيء بصير حولي مضايق من تصرفاتي من تفكيري من حياتي من كل شيء بصير معي شخصيتي ضعيفة انا محترم وبحترم الحولي بس مضايق من ضعف شخصيتي وعايش بواقعين وهذا غلط ومضايقني تصرفاتي بحياتي مظايقتني ليش هيك بصير معي ليش ؟ حدى يساعدني انا شو اعمل ما بدي حدى يرد علي وبس بدي احد يساعدني يوقف معي لاخر لحظة لاني مظايق مظايق مظايق جدا بقولو هونها بتهون اوك شو اعمل حدى يخبرني يحكيلي شو اعمل المصدر: نفساني
|
||||
|
|
22-08-2016, 05:46 PM
|
#2 | |
|
المشرف العام
بقايا حنين
|
خلينا نمشي معك خطوة بخطوة
ليش بتضايق من تصرفاتك وتفكيرك يعني بتحس انه تصرفاتك غلط؟ وليش يجيك هالشعور مثلاً انت بتقول انك انسان تحترم نفسك وتحترم كل من حولك ومن تتعامل معهم شيء جميل جدا..يعني انت بتترك أثر جميل وسمعة طيبة ماشاءلله وين الخطأ في اعتقادك؟؟ وليش بتقول عن نفسك ضعيف شخصية ياريت تحكيلي مواقف خليني اشوف واحكم... يمكن انت طيب كتير مع الناس وبتفكر هالشي ضعف..وهذا غير صحيح.. تفضل احكي شو عندك مواقف وأفكار تخليك متضايق من حالك... |
|
|
|
|
22-08-2016, 06:17 PM
|
#3 | |
|
عضو نشط
|
اخت ظل مشكور على ردك في اامور كثيرة اريد ان اكتبها اولا
انا ظعيف الشخصية لاني بأبسط الامور موقف مثلا اني ما بصلي بالعمل بستحي اصلي يهذا شيء ثانيا تصرفاتي خايف بالعمل اني يفصلني صاحب العمل مثلا امور مثل هيك انا المضايقني الافكار البراسي اني بفكر الناس بتشوفني على الاقمار الصناعية لاني شيء مهم كثير خايف احكيها مثلا هيك امور بتضايقني صوتي بطلع بالمحركات اي شيء كهرباء حتى بصوت السيارات اي شيء بس مش دايما لما افكر بصوتي وعندي ااعتقاد داخلي انا خفيت عن اول انا زمان قبل سنوات كنت مفكر اني ابن لشخص مهم كثير انو تبنناني وغيره فهمتي بحارب هالافكار بضل ارجع للماضي وافسر ليش وليش وهيك امور باكتب باختصار لاني بدي اروح بكرة بكمل |
|
|
|
|
23-08-2016, 12:23 AM
|
#4 | |
|
مراقب إداري
قيثارة الروح 💔
|
وعليكم السلام ورحمة الله وبركاته
فضفض كلنا نسمعك والحال واحد ، ربما نساعد بكلمه او بدعوه وتأكد كلنا بالاخر نحتاج بعض ، وهون الفضفضه تريح القلب وتزيح عنا الهم ، وخاصه مع وجود من يفهمنا ، والله يشفيك يارب ! |
|
|
|
|
23-08-2016, 01:43 PM
|
#5 | |
|
عضو نشط
|
دجا القمر مشكور على ردك ... الله يجزيكي الخير
انا مشكلتي الاساسية اني بعاني من افكار غريبة تيجيني من وقت لاخر افكار اني شيء مهم للغاية وانو الناس بتشوفني على الاقمار الصناعية وبسمعوا افكاري وبعرفوا بشو بفكر وشو افكاري عن طريق الاقمار الصناعية بعرف انها شيء وهم بس هذا تفكيري وبشعره بسمع اصوات براسي او اي شخص بحكي كاني بسمع صوت خفيف جدا جدا براسي بقلي انت كذا او ذكي او اي شيء اي كلام بس ما بسمعوا على ارض الواقع هذا البصير مضايق من هالامور نفسي اعيش طبيعي واتصرف طبيعي واعيش حياة طبيعية عمري صار 34 سنة ماضل شيء بحياتي اكونه واعمل لعائلتي اذا حادا ابتسم بفكره ببتسم عشاني كذا .. المهم مضايق من حياتي نفسي ارتب اموري وافكاري تكون صافية مشوشة كثير ما بعرف شو اعمل بعاني من افكار تفاصيل مزعجتني كثير يعني بفكر انو الناس بحكي عني باشارات غريبة مثلا التلفزيون بفكر المذيعين بحكو عني الشريط بالتلفزيون بتحرك معي وافكاري بتطلع على شريط التلفزيون يعني بتحرك مع افكاري هاي المشكلة حكيت لاهلي بعض الامور عن شريط التلفاز حكتلي احكي للطبيب البروح عليه هذا قبل سنة ونصف او سنتين تقريبا ما حكيتله ما كنت احكيله شيء عن البصير معي حكيتله اخر شيء قبل اشهر يعني ستة او 5 اشهر المهم حكالي انه معي ذهان كنت بدي اكمله التفاصيل حكالي لو اقنعك ما راح تقتنع مني خذ الدواء شوي شوي بتتحسن انا تحسنت شوي انا قبل سنوات كانت حالتي صعبه كثير فوق ما تتخيلي ما كنت اعرف انام الليل وانا افكر الناس بتشوف شو بحلم وانا نايم وانا بفكر اطفي كل شيء فيه كهربا خاصه التلفاز لانه ببداية الامر كنت افكر انه الناس بتشوفني عبر التلفاز ما بعرف كيف هيك كنت افكر وبعدين وصلت معي الامور للاقمار الصناعية وخايف توصل معي الامور الى اكثر من هيك انا حاليا مسيطر على افكاري وبحارب في افكاري المهم كنت افكر وقتها اني مسموم وانه اسرائيل سموني بالسم كيف دخلت هاي الافكار ما بذكر بس البذكره كنت احلل وافسر المواضيع على كيفي ما بعرف والله بالضبط اسمع واحد بحكي مثلا عن اسرائيل ويبتسم افكره اقول في نفسي اه شكلها اسارئيل سمتني او العكس اشوفه معصب مثل هيك امور صارت معي المهم وضلتني فتره وبعدين دخلت فكره براسي اني اسرائيل اخذ بصمه عيني عشان هيك الشريط بتحرك وبالاخير وصلت للاقمار الصناعية ليش صار معي هيك طيب لا الاكبر من هيك اني صرت امشي بالشارع اصرخ مثلا مش دايما احيانا اصرخ على الناس انهم تامرو علي عشان يطلعوني مجنون او افسره يستفزوني او مثل هيك امور تلخبطت الافكار براسي في وقت بذكره ابوي حضني وصار يبكي كنت افكره ببكي عشان فلان مسؤل كبير تبنناني هذه المشكلة ولا معتقد اعتقاد وافكاري صرت اسب واشتم والخ انا بصراحه شعور داخلي وتفكيري المنطقي بحب بلدي وبحب الناس وبحب كل شيء بنتمي لبلدي المهم ما بعرف وقتها صار معي العكس اسب واشتم ما بعرف ليش قال انه تامرو علي المهم انا قبل هذا يصير معي قبل سنوات كثيرة يعني قبل عشر سنوات او اكثر كان عندي نوع من الرهاب ما بعرف بس كنت اخاف امشي بالشارع امشي وكتوفي مشدودة وقبتي مشدود اذا حدى نادى عللي بلف جسمي كله وكانت شخصيتي مبطنه يعني في باطني شخصيه غير الشخصية الظاهرة اصحابي بفكروني شخصيتي قويه العكس يعني وفعليا كنت اتهرب من اي شيء في اختبار او مقابلة بعمل او اي شيء تعالجت عن دكتاتره كثير رحت على اكثر 5 والله طوال فترة هذيك الايام قبلها كنت ادرس بالثانوية ورسبت بالثانوية وجبت معدل منخفض والسبب ما كنت اداوم مش لاني غبي بس ما كنت احضر دروسي والسبب انه خايف يتمسخرو علي الطلاب ودخلت الكلية اول فصل فجاءه بدون سابق انذار والله صرت اشوف البنات بضحكوا على شكلي انسحبت من المحاضرات شوي شوي رسبت بسبب غيابي لاتعرفت على اصدقاء انا اجتماعي بس بصورة مرضيه يعني بهرب من الانا فيه بروح بتعرف على اشخاص غير المفروض اعرفهم تعرفت على شباب من تخصصات ثانية وصار عندي اصدقاء احضرمحاضراتهم وما احضر محاظراتي ما بعرف كنت اشعر بالامان المهم رسبت بالكلية روحت ادرس بجامعة غير نظامية بس اهرب ما احكي لاهلي عن راسب بالتسويق بالكلية رحت درست ادب انجليزي مع اني ضعيف بالانجليزي جدا بس اتخلص من الكلية وروسبوي واهلي ما بعرفوا حكيت لاهلي انو في جامعه بدهم يقبلوني بمعدلي ويحسبوا المواد المشترك فيها المهم دخلت الجامعه ونفس المشاعر لسى معي ما قدرت اتخلص منها اتوتر جدا وخوف وقبتي مشدودة شد كبير لدرجة انو رقبتي كانت تؤلمني بس اتمنى اروح على البيت امد جسمي بعدها رحت ادرس بكلية بعد ما رسبت بالجامعة يعني فشل ورى فشل لا المصيبة الاكبر فتحت محل كومبيوتر وخسرت بالمحل لانه شريكي انسحب من المحل كنت ماخذه قرض وخسرت حياتي كلها تمنيت الموت وقتها قلت في نفسي لازم اهلي يعرفوا بكل شيء رحت درست تخصص اخراج وهندسة صوتيه يعني كانو يحكو انه تخصص بجيب فلوس وانه تخصص بجيب راتب عالي طبعا العكس دخلت كلية اخرى وتركت الجامعة وقتها صممت اكمل دراستي لاخر نفس اخبرت صديق لي كل مشكلتي وقررت انو اهلي يعرفوا بكل شيء صار معي وفعلا اهلي عرفوا وابوي عصب كثير بس اكيد كانت رده فعل عادية بس ما اخبرته عن شعوري المهم بعد يومين تقبل ابوي الموضوع وكملت دراستي براحه شوي وصممت انجح مع اني ما كنت ادرس بس انجحت بتشجيع صديق لي مع اني رسبت ببعض المواد بس صممت اكمل هالمره عشان اهلي ونجحت بمعدل منخفض بس بقي عندي الشامل ما تقدمت للشامل لانه صعب جدا سافرت على ماليزيا بس اهرب من الانا فيه ماكان لي هدف معين بس اشتغل بماليزيا واسد القرض العلي المهم سافرت وخفت الاعراض الكانت معي انو البنات تضحك على شكلي وتوتر كان معي بس خف شوي خاصة البرقبتي بس بقي عندي خوف رهيب من ماليزيا مرضت هناك بكتاءاب شديد جدا جدا سجلت بجامعة هناك مع انها ماليزيا جميلة جدا وحبيت العيشة هناك وحبيت ناسها وكل شيء بس اخر فترة كانت الجامعة بعيده عن مقر سكيني من ولايه لولايه كنت اطلع باص ثم قطار ثم باص حتى اوصل مرهق ما كنت افهم شيء بالدروس الانجليزية لاني كنت ادرس لغه انجليزي بس حبيت العيشه هناك خاصه اولها ما بعرف كنت متعللق بفتاة على النت كنت اتكلم معاها وقطعتني مرة واحدة صرت اسمع صوتها على اجهزة الكومبيوتر تقلي بحبك لما احط سماعات الاذن وبعدين وصل بي الامر اسمعها بدون سماعات انام جسمي مشدود واسناني مطبقات على بعضهم مشدودات اسمع صوتها قتلي بس بحبك حبيبي فقط صابني اكتئاب شديد ما بعرف ليش كنت بالشقه اسمع البسكن يحكو عني مفصوم وشخصيتين حتى وصل بي الامر لثلاث شخصيات وقتها كنت حاب اكون ذكي وبعض المرات اسمع براسي كلمة غبي تشوش فكري للغاية بس ضلت كلمة مفصوم براسي خوف شديد جدا اكون مفصوم واحضر فيدوهات عن الانفصام لا ايراديا من خوفي صرت اخاف اتصرف مثلهم وين ما اروح عند اي احد بالسكن او عند عرب يعني وقتها اسمع كلمة مفصوم عنده شخصيتين فعلا كان عندي شخصيتين او ثلاث وقتها من ظعف شخصيتي ما عرفت خلصت اول فصل بالجامعة رسبت فيه انا اجتماعي بس هذا الشيء ما بعرف شو الكان معي المهم في تفاصيل دقيقة جدا مثل الجو كان هناك الجو مخيف امطار غزيزة طول اليوم تقريبا يعني مش كل اليوم بس المهم يعني بشكل مش طبيعي عندنا كان الجو في مطار وبرق ورعد بس مش زي ماليزيا كنت مثلا اطلع باليل اجيب اكل او اشتري شيء الدنيا مطر غزيز ما كان حدا بالسكن يطلع بدي اكسر الخوف بالداخلي اطلع البرق بشكل مخيف جدا تشوفه وصل للارض وصوت الرعد عالي جدا جدا اروح وارجع وجسمي برتجف اضلني واقف امام السكن دقيقة لما ارتاح يعني السكن كان طوابق كنت اقف تحت مضلية عند الدرج المهم كان هذا الشيء مضايقني ليش انا حكيته لاني رحت على اخصائية معالجة لما رجعت للاردن وحكيتلها هذه التفاصيل قامت وسمعتها تقول عنده شخصيتين همس مش اكيد فهمتي ليش حكيت هيك المهم بس بالنسبة لي ماليزيا شيء رائع نفسي ارجع اكمل دراستي هناك المهم في هذه الفترة كنت اطلع على جسر المشاه ادوووخ احس نفسي اني بدي اقفز يعني اوقع بلهجتنا امشي بالشارع مثل الدايخ رجعت للاردن اول خطوة سويتها رحت على طبيب نفسي بمستشفى بالاردن قلتله كل شيء صار معي وقتها بمالزيا شعوري وقتها كان شيء غريب طلعت جسمي برجف وخلاص عظلاتي استرخيت جسمي استرخى ما بعرف ليش والله زي كاني استسلمت لافكاري رحت على مركز للتنمية البشرية حكيتلها بالبداية امور بس مش تفاصيل قالتلي ما فيك شيء ما بصير يحكيلك هيك المفصوم ما بعرف انو مفصوم بس هيه نفسها السمعتها تقول انه عنده شخصيتين المهم بس قبل ما اقلها التفاصيل اخذا عندها دورات بالتنمية بصراحه تحسنت كثير وطورت من نفسي كثير وتغيرت نفسيتي واشتغلت بقناة بس لسى كلمات مفصوم براسي واني اسمع الناس وخاصه لما اجلس على الكومبيوتر اكون مشدود وعيوني مفتحات اسمعهم يقولو مفصوم بالعمل ما كنت اعرف امنتج كنت ما خذ دورات بالمونتاج ونسيت ماليزيا ما كنت اعرف امنتج وقتها حطني المدير على الاتصالات ارد على الهاتف تعرفي كنت اسمع صوتها بعض الاحيان كلمة بحبك موجودة المهم زادت الاصوات براسي اني مفصوم شخصيتين كنت عادي اتعامل مع الموظفين والناس والحولي بس داخليا كنت خايف جسمي مشدود كثير بس كنت مرتاح اني بشتغل كنت اتعالج في امور كثير ة ما حكيتها بحياتي وقت الكلية كنت اراجع طبيب نفسي وقت اول مرة صار البنات يضحكوا على شكلي كنت اروح على طبيب نفسي ما حدا باهلي يعرف للان واكثر من طبيب احدهم حكالي انه انت شخصيتك شخصية قلقه توترية شكاكة ولازم علاج ولما رجعت من ماليزيا رجعت لاحدهم وما حكيتله شيء بس مجرد مراجعه حكالي ليش بتيجيني خذ الدواء استمر عليه بس سته اشهر وبتخف وبتلاقي نفسك اجتماعي وخلاني اجلس مع معالجة سلوكية وهيه قالتي ما تطلع من الشغل الانت فيه خذ خبره ماتعلم على المونتاج نسيت شو كانت تحكيلي بالزبط المهم بعد بس هذا في وقت كنت بدي اترك العمل عشان بحكو عني مفصوم ما بعرف المهم ضليتني بالشغل وكملت قررت اتزوج ابوي شجعني واهلي قلت بنفسي يمكن اتخلص من الانا فيه بعد الزواج بعد سنة ونصف تقريبا من عملي خطبت بفتاة دارسة علم نفس بالصدفة يعني عن طريق اهلي هنا بدات معي مشكلة كبيرة فجاءة صارت معي هذه الامور الذهان واعراضها بس فعليا انا كنت مبسوط اولها الخطوبة وجسمي ارتاح ونفسيتي ارتاحت للغاية بنفس الوقت صارت معي الذهان صرت وقتها مهندس صوت بالقناة بعد محاولة من صديق لي الله يذكره بالخير هوة العلمني على هندسة الصوتيه بعد ما يقنعني ما كنت بدي خايف بصراحه كنت هوا مباشرة الخ كلمات براسي مفصوم كنت خايف اشتغل المهم بعد محاولات كثيرة استلمت وتدربت وصرت مهندس صوت الحمد لله فترة الخطوبة صابتني الذهان على ما اذكر مش بالزبط ما بدي احلل وافسر على كيفي هيك الوقت تقريبا تزوجتها وصارت مشاكل كثيرة وسببها مرضي زاد وزاد لدرجة انه حركات راسها تضايقني على اساس انها تتامر علي تحكيلهم بتعثلهم رسائل بالاشارات على الاقمار الصناعية بهة راسها او غيره واكثر من ذلك اصحى باليل اصرخ وابكي ما بعرف ليش هيك الامور اكثر من ذلك تخيلات واسمع اصوات عكس الفصام ذكي وكذاب وغيره وغيره ومرات اسمع براسي فصام بس بعدين تطورت اقتنعن اني مش مفصوم اقتناع مية بالمية بس بطريقه مرضيه للذهان اني مش مريض واقتنعن انو ما فيي شيء واني شيء مهم وارتخى جسمي وصرت اتعامل مع الناس اني شيء مهم بس المشكلة انو معي ذهان وصل مرحلة كبيرة جدا بس الان خفيت جدا من الذهان وبعرف انو ما معي فصام وانو هذا ذهان او ما بعرف شو بس امور مثل هيك بعدين بكمل |
|
|
|
|
24-08-2016, 12:19 PM
|
#6 | |
|
عضو نشط
|
بعد ما تزوجت صارت مشاكل كثيرة وطلقت زوجتي الاولى .. وااستمريت على العلاج وخفت معي الحالة كثيرا الا انو بتيجيني الافكار الذهانية ومستمرة معي حتى الان بس بشكل اخف شوي ...
المهم تزوجت الان ولي سبعة اشهر متزوج بس كل الخايف منه تيجيني الحالة مرة ثانية وتزيد معي بس الحمد لله مافي شيء كامل الاني راضي والحمدلله على زوجتي الثانية وبطلت اشك بحركات زوجتي الثانية ما بعرف ليش وخفت مني الحالة انا طبيعي وبتصرف الان طبيعي مش زي اول بس الافكار لسى براسي مش راضية تروح بالطريق بتيجيني الافكار وانا ماشي وحركات اي شخص بتاثر فيي يعني بس بصراحة انا خفيت عن اول الان البفكر فيه نفسي اتخلص من هاي الافكار .. في تفاصيل كثيرة مثل اني مضايق فكرة انو في شيء مخبى علي انا مش عارفه بدور حولي انا هذاا الشيء مضايقني وخليني كاني شيء مهم وكمان في حركات اي شخص بتأثر فيي وكاني شخص مهم اذا كتبت هنا موضوع واي شخص تكلم بموضوع بوحي انه في كلام انا كتبته بصير اقول انهم شايفيني على الاقمار الصناعية وغيره بس هذا الصار معي بكل شيء |
|
|
|
|
24-08-2016, 05:11 PM
|
#7 | |
|
مراقب إداري
قيثارة الروح 💔
|
الله يعينك اخي لكن هل انت هيك من صغرك ؟
ورب الكون انك انسان مقاوم رغم هالافكار واصلت مسير حياتك ولم تتوقف ما شاء الله، و كان الله في عونك يارب |
|
|
|
|
25-08-2016, 06:16 PM
|
#8 | |
|
عضو نشط
|
دجا القمر مشكور على ردك
بالضبط ما بعرف وانا صغير كنت هيك اولا لكن حالة الذهان جائتني من سنوات يعني 4 او 3 سنوات تقريبا اما حالتىي عندما كنت بالكلية والتوتر الشديد برقبتي من يوم مادخلت الكلية اما عن الماضي ماكان معي شيء بالضبط من توتر وانو البنات بضحكو على شكلي وانو شكلي سخيف وتوتر لما امشي بالشارع ورقبتي هذه الامور ماكانت معي وانا صغير لكن البذكره وانا صغير عشت بالسعودية 11 سنة كانت اجمل حياة بالنسبة فترة دراستي فيها كانت جميلة كنت احب السعودية جدا وخاصه مدرستي كان لي اصدقاء ما اذكره وانا في فترة صغري كنت عادي اتعامل من زملائي ما كان عندي توتر وماكانت هذه الامور تظهر علي وانا صغير وحتى تفكيري كان طبيعي وحياتي طبيعية بحاول اتذكر ما بلاقي شيء بطفولتي غير ذكرى بسيطة مش حاب اذكرها خوفا انو الناس بشوفوني شو بكتب انا بس لو احس بامان بكتب كل شيء بس البذكره اني كنت بخاف كثير من امور بتخيلها يعني اول 11 سنة من عمري كانت امور طبيعية كانه بعمري جيت على الاردن واستقرريت بالاردن كمان كانت ايام جميله مافيها شيء بالمدرسة خاصة انو صح تغير علي الجو والمدارس بس تاقلمت شوي شوي انا من النوع بتأقلم بصعوبة لكن اذا تأقلمت ما بحب اطلع من المكان الكنت فيه يمكن لاني عاطفي شوي ذكريات جميلة وانا بطفولتي حتى لما جيت على الاردن كنت احب الاردن كثيرا خاصه بالصيف لما نيجي بالعطلة ابوي من النوع الشديد شوي خاصه عندما كنا صغار الان كبر كثيرا وتغير جدا بالعكس انا احب والدي جدا في امور عائلية خاصه جدا ما بقدر اكتبها هيك وخاصه انو الناس بتشوفني شو بكتب مش مشكلة انا بحاول نسيان انو الناس بتشوفني اذا قدرت بكتبها المهم\ وصلت مرحله التاسع هنا تغيرت حياتي وانقلبت كلها تغير تفكيري وخياالي وكل شيء كياني تغير تعرفت على صديق كان يامن بالروحانيات نطلع على الجبل نصيد حية ثعابين يعني وعقارب وصرت اامن شوي بهيك امور وصرت اهرب من المدرسة ايضا في المرحله صعب اكتبها المهم تعلقت بامور مثل الروحانيات وصرت اهرب من المدرسة فترة المراهقه يعني تغيرت نفسيتي ما بعرف وضليتني متعلق بهذه الامور فترة سنة تقريبا بعدين حرقت كل الكتب عن الروحانيات المهم\بس بصراحة كانت مرحلة كئيبة جدا مشاكل عائلية خاصه والخ كبرت ودخلت مدرسة غيرت مجرى حياتي لاني جبت معدل منخفض رحت مرحلة بسموها الاول ثانوي بالسعودية عندنا بتفرع لتخصصات بعد العاشر يعني تجاري هنا صار نومي قليل لانو شخصيتي كانت ضعيفه والطلاب الكانو فيها معدلات منخفضه الاكثر يعني بلهجتنا همل المهم حاولت انتقل من المدرسة وانتقلت لكن بطريقة الان بذكرها دخلت فرع التجاري صابتني مشاكل مع الطلاب وضرب بس احاول ما اسكت ما كنت اعرف حدى وقتها بالمدرسة صار اخوي الكبير يجيب اصحابه على ما اذكره يدافع عني المهم اخوي كان يفكرني اني شجاع لكن كنت احكيله انهم كثار وفعلا كانو كثار بس كنت ادافع عن نفسي المهم هاي تفاصيل دقيقة جدا بس كنت وقتها اخاف بس ماكنت اسكت لحدى هذا البذكره انتقلت ابوي نقلني على مدرسة بعمان مدينة اخرى كانت المسافة بعيده علي داومت اول اسبوع ما اتأقلمت بالمدرسة مع انه كان الطلاب هناك جيدين يعني كويسين وتعاملهم عادي كانو يسألوني ليش انتلقلت اقلهم انتقلت نقل تأديبي عشان يخافو مني كانت وقتها الدنيا ظلام بالنسبة لي اطلع بالباص ما اندل وين مدرستي الي انتقلت علليها اولها تغلبت كثير وبعدين داومت اسبوع او فترة يعني هذا البذكره وبعدين صرت ما اداوم نهائيا اوصل محطة الباصات اخر موقف بعمان . وارجع مشي للمدينتي يعني فيها 30 كيلوا عشان اضيع وقت المدرسة ايام اطلع بالباص واشتري كتاب اقراءه اذا رجعت بالباص وما ينتهي الكتاب اجلس بحارة يعني منطقة سكنية بمدينتي لاني اوصل بدري اجلس هناك اقراء وتعرفت على شخص بعمري كان جيدا الان انهى الماجستير المهم\ اجلس اقراء الكتاب لما انتهي منه تقريبا اروح على البيت ابقى مستيقضا باليل ما اعرف انام وانا افكر شو اعمل شو اسوي الكتب الكنت اقراءها رجعت لقراءه الروحانيات او كتب عن امور ما بذكرها اي كتاب يعجبني عنوانه اقراءه في كتب روحانيات اذكر وقتها وكتب عن الرياضة ولعبه الكونفو والعلاج بعلاج الاعشاب يعني مش بالضبط كتب مشابهه وقتها المهم ضيقت سنة كاملة على هالنحو رسبت بالاول ثانوي وما اخبرت اهلي الا بعد ما ابوي جاء سال عني قوتها اشتريت كتب من صديقي بالتوجيهي بالمدرسة من التعرفت عليه اول اسبوع اذكر شكله اسمه ناسيه اشتريت منه كتب وابوي صار يدرسني احس بذنب قاتل اكتئبت انام وانا ابكي واضرب نفسي ليش اعمل هيك ليش رسبت المهم ابوي عرف بطريقة اوباخرى بدون تفاصيل مش مهمه لانو رجعني لمدرستي الكنت فيها كان الطلاب اصغر مني بسنة ما بعرف ليش صار معي هيك تغيرت المدرسة بنظري وتعرفت على شباب كثير كانو محترمين الا انو المدرسة نفسها الكان فيها همل وكان بالتوجيهي وانا بالاول ثانوي نجحت بصعوبة المدير ما بذكر مد ايده علي اهرب اطلع من المدرسة المهم مش مهمه هاي التفاصيل رسبت اول سنة بالتوجيهي وعدت ونجحت بمعدل منخفض ماكنت ادرس بس ابوي وقف معي للنهاية جبلي خصوصي رياضيات وانجليزي المهم لو احكي التفاصل مش راح انتهي نجحت بعد ما عدت مرتين بنفس السنة اذكر هيكل النظام عندنا قوتها\ نجحت عام 2002 هذا البذكره ودخلت الكلية وفجاءه صابتني الحالة التوتر والبنات يضحكو على شكلي اطلع على نفسي بالمراي اشوف نفسي عادي اطلع من البيت اشوف نفسي سخيف البنات فعلا اشوفهم يضحكو على شكلي وجهي مشدود وزي المغمض عيوني اوصفلك كيف مثل الشمس لما تيجي بعيونك كيف تطلعي هيك كنت امشي بس فعلا ايام اطلع عادي احس تمشيطة شعري مضحكه ما بعرف ليش للان ما بعرف ليش وقتها كان عندي هالشعور بس فجاءة او قت ثاني لما سافرت وصارت امور ثانية معي وتزوجت راح فعلا مني هالاشياء نهائيا قطعا راحت مني هذه طفولتي ومدرستي ما بذكر انو كان عندي توتر |
|
|
|
|
25-08-2016, 09:10 PM
|
#9 | |
|
مراقب إداري
قيثارة الروح 💔
|
فعلا أنت كثيير حساس وب الي حوليك ونظرتهم الك ،
وهالشي زود عليك مراقبة تصرفاتك لحد ما وصلت لهدرجه ، انا بشوف علاجك ان تحاول ما تستسلم للافكار هاي وان تشغل كامل تفكيرك بأي شيء بس لازم تتحرر منها واسال الله ان يكون لك ومعك آمين |
|
|
|
|
26-08-2016, 05:28 PM
|
#10 | |
|
عضو نشط
|
مشكور دجا القمر على ردك
اخت دجا المشكلة ممكن اكون حساس جدا بنفسي وبحولي ما بعرف كيف احرر نفسي منها والله بحاول انا ما يأست وبحاول وراح اضلني احاول بس خايف من نفسي انو يجيني يوم ما اصدق حدى ولا اي شخص وهاي الافكار ترجعلي من اول وجديد ترى هيه المشكلة بتفكيري بس اغير الفكرة الاساسية يعني فكرة اني شيء مهم فقط اتوقع باقي الامور بتروح يارب اتعالج واتحلص من افكاري الضلالية نفسي ياريت انا خايف اتناقش مع شخص وما اقتنع وانا فعلا بدي اقتنع وخلاص ارتاح باقي الامور بتصير عادية بالنسبة لي برتاح وبعيش طبيعي حتى التفاصيل نفسي اناقشها مع احد يناقشني فيها افكاري ما بعرف انا بوصفها مثل الوسواس بس هيه فعلا مش وسواس لاني مثل العايش بواقعين عايش بعالم ثاني وواقعي وكاني انا شخصيا عايش بعالم اخر نفسي انطلق يعني افك الافكار البراسي واعيش طبيعي بدي اعيش واقعي انا يعني البتمناه انسى هاي الافكار واكون طبيعي اجتماعي مع الناس ما اكون حساس ولا اراقب نفسي وتفكيري واخلي كل شيء يمشي براحته افكاري وكل شيء البتمناه كمان خلاص ابداء افكر كيف اطور نفسي واحسن من حياتي يعني اطور من شخصيتي تكون قوية متواضع ما اكون متكبر متفهم مع الناس انا هيك والله بس او بحاول اكون هيك اركز على حياتي الزوجية كيف احسن منها وتكون حياتي سعيده ماديا كيف اطور من ذاتي وخبراتي ويكون عندي خبره في مجالي واوخذ دورات بتخصصي اعمل شيء يطورني حتى لو مش بتخصصي المهم شيء يغير من حياتي مثل اوخذ دورات بالتنمية البشرية اطور نفسي وغيري مثلا ما في شيء في بالي بس هيك بتمنى مثلا كيف اخطط لحياتي اكون منظم بحياتي ارتب افكاري اكون واقعي لدرجة اني اقدر ما افشل ما بدي افشل بحياتي اشيل الخوف من الفشل من حياتي بس ما بدي اوقع مرة ثانية بالفشل بكفي فشل بدي شيء اعمله حدى يساعدني يعني استشيره كيف اعمل شو اعمل نفسي اعتمد على ذاتي افتحلي مشروع انجح فيه قيود كثيرة براسي نفسي اعيش مثلي مثل هالناس كيف بنجحوا انا ما بدي اكون غني بس اقدر اعيش واعيش اولادي مثلا يعني اوك الطموح جميل ورائع بس انا بدي اكون واقعي فقط يعني اقدر ما احتاج احد اقدر اعطي اهلي وزوجتي واربي اولادي تربية رائعة هذا البتمناه والله نفسي اتكلم كثير عن هالامور عشان اقدر اتحرر من افكاري الضلالية بدي اكون ناجح يعني مثلا افكر بشيء واحد يعني اركز على هدف واحد مثلا اطور من شغلي واصير ناجح واتعلم على هندسة الصوت اكثر واكثر واصير متقن صنعتي بخبرة واسعة مثلا انا بحكي ممكن اطور نفسي بالتنمية البشرية وافتح مركز بالتنمية البشرية واصير محاضر اعطي دورات واعمل استشارات وهيك في ناس عملو هيك ونجحو مثلا افتح محل كومبيوتر او جوالات يعني عندنا خلويات واطور نفسي فيها وانجح فيه هيك امور بدي واحد استشيره ويساعدني فقط بخبرته يعني شو اعمل وين ابداء كيف ابداء حياتي معلش انا مستعد ابداء من الصفر واعيش حياتي بس افكاري البراسي بحس نفسي مش ناضج فكريا يعني اعتمد على نفسي اني اقدر اتخذ قرار بنفسي لازم حدا من الخوف البداخلي من الفشل والله عندي افكار جميلة والله نفسي اعملها بس خايف افشل واوقع والناس تتشمت فيي والحولي يقولوي انت مستحيل تنفع بشيء بدي اكون واقعي فقط منطقي اعمل شيء انا بقدر اعمله تفكيري بقدر يستوعبه مثلا بدي استشير حدى يقلي مثلا هل انا بقدر انجح بعملي يعني اصير اتقن عملي مية بالمية يعني اوزع موسيقى مثلا اعمل مونتاج صوت وين ادور عليهم بدي احد يعملني كل شيء بالتفاصيل المملة عشان اتقن صنعتي مثلا مثلا او اشتغل بشغلي هندسة صوت وافتح مركز بنفس الوقت بالتنمية واوخذ دورات بالتنمية بس هل انا فعلا قادر اني اعطي دورات هل شخصيتي مؤهله لهيك امور ما جربت اعمل هيك نهائيا ما بدي اصير شيء كثير هل بنجح ماديا يعني الناس بتقبل على هيك امور ولا لاني انا بحب هيك امور بفكر الناس بتحب هيك امور شو اعمل بدي اتحرك وانجح بحياتي فقط خلص افكاري قتلتني من الضلالات ضيعت سنين وانا في عالم مش عالمي ومش واقعي ولا منطقي نهائيا بالله عليكم خلصصوني من هالافكار كيف اتحرر منها في حلول كثيرة براسي اني اعيش حياتي وواقعي بس بدي حدى يوقف معي يساعدني معنويا اقل ما فيها ما بدي شيء مادي بدي اعتمد على نفسي من الصفر كيف يوقف معي يساعدني يقلي كيف اعمل واخطط لحياتي انا انسان نفسي اعيش احرر افكاري بدون خوف ولا قلق ولا توتر مبسوط اعيش مع الناس اجتماعي احب الناس والناس تحبني والحولي يحبوني واحبهم اكون عادي اجتماعي مافي شيء مثالي بعرف الناس اشكال والوان بختلفوا عن بعض بس يعني اكون اجتماعي يكون عندي حكمة اتصرف فيها مع الناس بعملي مع نفسي بشغلي مع عائلتي اكون منطقي ما بدي اكون ذكي اوك هذا الشيء الان ما بهمني والله انا بهمني اكون منطقي فقط واعيش حر ذاتي انا انسان بدي اعيش بانسانيتي بمشاعري الطبيعية بدي اتعالج بس والله نفسي اتخلص من الظلالات لانها كل شوي بتيجيني هالافكار المهم نفسي اتخلص من هالافكار واعيش طبيعي انا بحياتي بكياني اشيل الخوف من داخلي من اي شيء اتصرف بهدوء بحكمة انجح بس اول خطوة بس كيف اعمل وانجح ما خذ دورات بالتنمية وعندي اشياء وقرات كتب عن التنمية لابراهيم الفقي وصلاح الراشد وغيرهم وكثير بس بدي حدى يساعدني والله معنويا والله ما بطلب شيء غير يساعدني مش يشجعني لا يشجعني كمان ويقلي شو اعمل انا الان حالتي صفر احكيها بصراحه انا واقعي صفر راتبي قليل وعندي امكانيات اصير يعني صفر ما عندي شيء يؤهلني هذا البقصده الحمد لله عندي بيت ملك والحمد لله وماشاء الله وعندي سيارة وعندي زوجة الحمدلله اوك مكتفي بالاساسيات بس ما ديا والله حالتي صعبه بدي اطور من نفسي عشان اقدر احسن من مادياتي ما بدي اكون غني لانو بكون غير واقعي انا واقعي بدي شيء اتصرف من خلاله يعني يساعدني شو اعمل لانه عند الانسان اي شخص قدرات بقدر يحولها ويصير ناجح ما في انسان ما عنده امكانيات انا هذا هوه احمد الطبيعي والله اقسم بالله اني انا هذه طبيعتي طلعوني من افكاري الضلالية ما بدي ارجع لافكاري بدي اعيش طبيعي عندي افكار جميلة والله غير هاي الافكار الضلالية بس هيك امور هذا انا الطبيعي اما الافكار الضلالية الى الان موجودة براسي فهمتي ليش انا بحس نفسي عندي شخصيتين عشان هيك بس |
|
|
|
|
26-08-2016, 08:36 PM
|
#11 | |
|
مراقب إداري
قيثارة الروح 💔
|
ما شاء الله تبارك الله بداخلك انسان يرفض الاستسلام للافكار
والوقوف عليها ، اخي انا منذهله من طموحك وتأملك وحبك للحياة ، صدقني غيرك لا :) بدك احد فعلا يوقف بجنبك ويساعدك كيف تتخلص من قيود هالافكار ، وأنت ورب الكون بخير أنت استشعر هالشي وحاول ما تستمع للافكار كلما جت ببالك قول أي انا شخص مهم ههه واضحك عليها وسايرها مره على مره تكتشف حالك تجاوزت الكثير منها ، واسال الله يكون لك ومعك عطول آمين |
|
|
|
|
28-08-2016, 12:41 PM
|
#12 | |
|
عضو نشط
|
اخت دجا مشكور على ردك انا والله بحاول اساير افكاري . بس خايف اصدق هالافكار وانا ما بدي اصدق هاي الضلالات المعلقة براسي
ان شاء الله اتخلص من هاي الافكار واعيش حياتي طبيعية , واحسن من حياتي . |
|
|
|
|
29-08-2016, 08:56 AM
|
#13 | |
|
عضو نشط
|
اخت دجا انا بعاني من افكار سريعة او زي الملخبطة مش عارف كيف , انا فعلا خفيت عن اول بس لسى الافكار موجودة براسي مرات بتزيد وايام بتخف حسب المزاج بس انا بتحكم بمزاجي
انا بنتظر شخص ان شاء الله يخلصني من هالافكار قريبا يارب اتخلص من هالافكار |
|
|
|
|
29-08-2016, 12:17 PM
|
#14 | |
|
عضو نشط
|
مش عارف شو مالي مش ضيق خايف اعبر عن البداخلي في امور بدي اتخلص منها بدي حدا يشاركني بافكاري احكي معاه ما بعرف شو معي وسواس ولا ذهان بس اتخلص من هالافكار وتروح مني خلاص والله بقدر اسيطر على حياتي
انا مستعد اضلني معاه خطوة خطوة بس يساعدني وراح اكون متعاون معه , بدي ارتاح بدي اريح افكاري تكون مرتاحها يكون ذهني صافي هذا البتمناه ليش هيك بصير معي بدي اسأل شخص مختص او شخص يقدر يتفهم كلامي ويجاوب على اسألتي بس بعدها بقرر شو اعمل |
|
|
|
|
29-08-2016, 12:24 PM
|
#15 | ||
|
مراقب إداري
قيثارة الروح 💔
|
اقتباس:
ما شاء الله انا جدا متفائله انك قادر وحدك تتغلب عليها بدون اي احد ، وانت ما شاء الله احسن من غيرك ما عم تستسلم للوضع ولهيك متاكده عندك قوى انك تساعد نفسك بنفسك وتتحرر منها، انت لابد تقاومها من الداخل ماحد يستطيع فعل هذا الا انت وحدك صدقني ، وانت فاهم انها مجرد افكار لو تستسلم لها فقدت طموحك وانجازاتك وبقيت بمحلك بلا حراك ، وتاكد كلنا هون معك واسال الله يرفع عنك ويشفيك ويغير حالك الى افضل حال آمين |
||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
