دوامة الدنيا

دوامة الدنيا

انظر احيانا للناس السعيدة وأفكر هل يتعاطون الادويه ؟ ام انا لوحدي في هالدوامه ؟ ابلغ من العمر 30 و وصف لي الدكتور ساليباكس استمريت عليه سنه كان جدا ممتاز ، بعدها ما صار ما يجيب مفعول ، غيرلي إياه للسبرالكس ما اوصف لكم شلون زاد وزني معاه والقلق لازال موجود طبعا الدكتور شخص حالتي ( متلازمة قلق عام ) يا جماعه بعد طلاقي وانتوا تعرفون المطلقه في المجتمع السعودي كيف ينظرون لها ، لم أبالي و صرت اشتغل وظيفة ولقيت سعادتي بالانجاز ولكني اذا جلست لحالي أفكار تودي وتجيب ! في الماضي والحاضر والمستقبل ! وتفاصيل يومي وانا وش قلت ووش ما قلت !!! لا تقولون لي القرب من الله الحمدلله صلاتي تمام واذكاري تمام .. طبعا ما انام الا بروميرون ! حاولت ايام وأيام انام بدون شي والنتيجة ارق بالليل ونوم نهار ويروح علي الدوام ! لقيت في الزناكس ضالتي صرت أخذ احيانا ربع حبه عشان اريح مخي لو ساعه من التفكير !! من طفولتي وانا شخصيه قلقه وحساسه من جوى بس ما ابين للناس بالعكس ابين أني جدا قويه والحمدلله لي هيبه في دوامي و بين الناس .. الزناكس ادري انه ادمان وكل الادويه النفسيه أدمان وما لقيت احد طاح فيها وقدر يتركها حتى مضادات الاكتئاب العاديه .. وقت العصر تجيني ضيقه موب طبيعية !! وتروح بعد المغرب .. ليش انا مو مثل الناس اللي ما يأخذون شي ومبسوطين ؟ جربت الرياضه ، جربت كل شي ! لازال القلق موجود وما يروح الا بمهدئات .. طيب الى متى ؟ الى متى الخوف من المستقبل وانا عارفه ان المستقبل بيد الله ، انا الحمدلله ذكيه وأقدر اعطيكم موشح في التفائل بس جواتي موب متفائل ! قريت كتب ، سويت تمارين استرخاء ... ما فادت .. يارب ساعدني وساعد كل مسلم .. نسيت اقولكم صارت تجيني الام في ظهري ورقبتي و عطوني مرخيات عضلات لانها صارت تشد مِن التوتر ، آدري انها دنيا فانيه و انها ما تسوى نفسيتي موب راضيه تطاوعني ... يارب ❤

المصدر: نفساني

جربي الغابابتين 300ملغم

اخوي هذا دواء صرع ، وعليه ادمان .. خلني على الزناكس من فتره لفتره أحسن .. اشكر لك مرورك ومشاركتك

الله يعينك انا مثلك حياتي متوقفه

اشكر لك مرورك الفدعوسي ، طيب والحل ؟ أكيد في حل ما على الله صعب 😫