|
|
||||||||||
ملتقى التجارب الشخصية للحالات الأخرى في حياة كل منا لحظات ومواقف تنقله إما إلى الأحسن و إما إلى الأسوأ، شارك معنا بنقاط التحول في حياتك فقد تكون نقاط تحول للأخرين |
|
أدوات الموضوع |
20-11-2016, 01:04 PM | #1 | |||
عضو
|
سالتكم بالله احد قد مر بنفس حالتي وتعالج بالله عليكم احد يرد يطمني
السلام عليكم ورحمة اللة وبركاته
انا شخص اعاني من حالة لا اعتقد شخص يمر فيها أو مر بها انا تقريبا من سنتين حصلي صدمة نفسية وهو جاني خبر سئ وأنا كنت برا السعودية اخلص أوراق تخرجي من كلية الطب ومن يومها وانا شخص ثاني بعد ما سمعت الخبر حسيت بأعراض كثيرة راح اسردها أنا علا فكرة تقريبا من عام2011كنت اعاني من اكتئاب ورحت الدكتور وتعالجت واستمريت معه والحمد لين نهاية 2013 وقفت جميع الادوية بنهاية 2014حصل معي بداية الكابوس اللي انا أعيشه الآن سمعت الخبر وبنفس اليوم بدأت معي اعراض ضيق ووهم بالجسد وكتمة واحس نفسي راح ادوخ و تطيح ورحت الدكتور قالي حصلت لك نوبة ووصفلي علاج شربته ونمت وصحيت يمكن الفجر اصيح وأبكي واحس العالم كله يلف فيني وجلست لين الصبح هديت وتواصلت مع الدكتور بعدها نزلت للشارع أشوف كل شئ متغير وخوف وهلع واحس بأني مش انا وكل شئ غريب لدرجة انه اروح اي مكان بس قريب وأرجع من الخوف وكل شوي تظهر علي اعراض جديدة لدرجة انه أحس جسمي تعطل ولا يقبل أي شئ زي الادوية وكذا والآلام بجسمي والنوم زي الحلم واصحا أحس إني بعالم ثاني ويوم رجعت لأهلي رجعت زي الميت وأنا بالمطار رعب وخوف وكل شئ ممكن تتخيله أحس العالم كله غير ولا أحس بطعم اي شئ لافرح ولا حزن صمت رهيب وتبلد احساس وفقدان للذاكرة والله بشكل رهيب والكلام يطلع مني بصعوبة وامشي أحس جبل فوق ظهري وغير اعراض البول اللي ذبحتني يا جماعة الخير ارجوكم بالله تردون علي انا الآن لي سنتين لأني حي ولأني ميت كل شئ ما اقدر اسويه وعجز زي المشلول وخوف ورعب وعدم احساس بالوقت أبدا ولا الأيام ولا الليل ولا النهار ولا رمضان ولا الأعياد كله صار نفس الشئ سألتك بالله تردون علي رحت لشيوخ يقرون علي وما فيه فائدة اللي يقول عين وماادري إيش اسوي والله صرت زي المجنون أمشي واكلم نفسي وبس أدخن بشكل مميت ما اعرف إيش اللي فيني بالظبط والله العظيم تعبت ولولا الخوف من الله راح انتحر والسلام عليكم المصدر: نفساني
|
|||
|
20-11-2016, 08:49 PM | #3 |
عضو مميز جدا وفـعال
|
كتبت لك رد طويل وطار لكن شوف موضوعي في نفس هالقسم اللي هو اختلال الانيه وماذا بعد.....
كلنا نعاني من الشي اللي تعاني منه مهما حسيت ان مافيه غيرك يعاني من هالشي تاكد ان ملايين البشر يعانون نفس معاناتك ويمكن اشد انا بفضل الله جالسه اتحسن وان شاء الله قريب ربي يشفيني لان معاناتي لها 8سنوات وتعبت منها ممكن بردودي الاخيره تلقى كيف تحسنت واي سؤال ان حاضره |
|
20-11-2016, 09:32 PM | #4 |
عضو
|
الله يطمنك زي ما طمنتيني ورديتي علي وين ردك الطويل ابي اقراه ماتتصورين أحس انه مستحيل احد يفهم هالشئ حتى الدكاترة نفسهم وأنا قابلت افضل الدكاترة بمصر وما حسيت احد وصل للي كنت ولازلت أمر فيه ابي اسأل عن الادوية اللي تستعمليها وعن هل هالشي يمسح كل شئ بحياتك ويغير شخصيتك كأنك شخص ثاني وتصرفاتك مو طبيعيه
|
|
21-11-2016, 01:21 AM | #5 | |
عضو مميز جدا وفـعال
|
اقتباس:
قبل 8شهور قررت اجاهد نفسي والقى حل لمشكلتي وحسيت مشكلتي هي الاستسلام والتعمق بالتفكير بالحاله وتشخيصها فقررت اتعالج بالطرق المتاحه اول شي رحت سويت تحليل فيتامين د. وتنظير للمعده طلع فيتاميم د.ناقص والمعده فيها تقرحات والتهابات بسبب ارتجاع المريئ اخذت علاج لنقص الفيتامين وعلاج للمعده وبنفس الوقت قررت اسوي لي برنامج ايماني بسيط واجاهد لاني كنت احس العبادات ثقيله علي وخصوصا الدعاء احس لساني مربوط عنه ماقدر ادعي فبديت اول شي حافظت على الصلوات الخمس واذكار الصباح والمساء ارقي نفسي بالفاتحه قبل النوم وانا موقنه انها علاج من جميع الامراض اجمع يدي وانفث 3مرات واقراها وكل مره امسح جسمي كله واكرر هالشي 7مرات وبرضه اذا صحيت الصباح اخذ كوب ماء اقرى فيه الفاتحه 7مرات واكل 3او 7تمرت واشرب الماء المقرؤ فيه احاول ادعي باي وقت بالبدايه ماكنت اعرف وماقدر ادعي شوي شوي صرت احس بلذه واحس ان الله قريب وكل شوي اردد اني قريب اجيب دعوة الداعي اذا دعان واحس ان الله فعلا موجود وجالس يسمعني وادعي ان الله يشفيني واي دعاء يجي بالي ادعيه صرت اسمع الرقيه بسماعات الاذن طوال ما انا نايمه بالبدايه تعبت وجاتني ضيقه وساوس وخوف لكن شوي شوي وماكملت اسبوع الا وانا احس براحه واحس اني بديت ارجع طبيعيه وبدت الافكار السلبيه تروح ولو جت اقدر اطردها عكس قبل تخوفني وترعبني وانهار حتى لو جاني احس انه من انا ومن هالاشخاص وش هالحياه صارت ماتاثر فيني احس شي انتزع من جواي ممكن يكون الخوف او الوساوس مادري المهم اني ارتحت وجت ايام حسيت اني طبيعيه ونسيت المرض وكيف كان لكن مشكلتي اهملت وبديت اتعب لكن لحد الان وضعي افضل من قبل بمراحل وبرجع لبرنامجي والله يكتب لنا الشفاء الكامل يارب بالنسبه لسؤالك ايوا الشخص يحس احسيس غريبه لدرجة احيانا تشك انك بشر اصلا لما تشوف نفسك بالمرايه تستغرب من نفسك وكانك ماتعرفها ومن داخلك تحس انك مو عارف نفسك بكن بالنسبه لتصرفات اللي حولك يشوفوك انسان طبيعي جدا لكن انت تتخيل انك بتتصرف تصرفات خارجه عن ارادتك وانك راح تصاب بالجنون وهالشي ماراح يحصل انا لي8سنوات احس اني بنجن واعرف ناس لهم 12و15سنه ولازالوا بكامل قواهم العقليه يعني هالمرض مجرد تخويف ماراح يصير شي انا بعد اتوقع المرض جاني بعد صدمه لكن مو مباشره بعد ولادتي بشهرين تعبت والصدمه كانت اول يوم بالولاده والحاله حسب ماسمعت وقريت اسمها اختلال الانيه وهي تجي حاله نفسيه قائمه بذاتها او ترافق الاكتئاب او نوبات الهلع او مع القلق لكن رغم هذا احس علاجها الناجح هو بالقرآن لان ممكن تعالج الاكتئاب والقلق والهلغ بالادويه لكن اختلال الانيه يبقى ويبغى له علاج بالقرآن مع تطنيش ومحاوله نسيان او تناسي هالشي ومع الةقت راح يختفي باذن الله |
|
|
21-11-2016, 05:40 AM | #6 | |
عضو
|
اقتباس:
وفيه نوع شديد لدرجة الهلوسة وهو الخروج عن الواقع مع فقدان مشاعرك الاصلية وتغمرك مشاعر ثانية وان الصبح ليس كمان كان كل شيء يتغير حتي صوت الاذان غريب خبرة المريض في الحياة تتغير المريض في هذه الحالة يحس بتغير سيكولوجي نفسي مؤقت ياتي علي فترات ومن اسباب هذه الحالة هي التسمم الكحولي او الانقطاع المفاجي عن ادوية مضادات الاكتئاب الحديثة ومن ثم الانتكاسة والاكتئاب الشديد او الاصابة باضطراب وجداني مختلط نتيجة تشخيص خطا… علاج مثل هذه الحالات بشكل سريع هو جلسات كهرباء لاعادة تنظيم كهرباء الدماغ او استخدام ادوية الصرع مثل اللامكتال والديباكين للسيطرة علي التغير في كهرباء المخ مع العلم لايظهر تغير في الكهرباء اثناء عمل تخطيط للمخ لان التغير لحظي وغير ثابت العلاج الاخير هو الصبر لان مثل هذي الحاالات تروح وتختفي وتخف مع الزمن,,,,,, هذا رد احد الاشخاص وأنا تواصلت مع دكتور واكدلي نفس الكلام وأنا بصراحه راح اسوي الجلسات لو ربي كتب لي انشالله لانه بصراحه ما صار يفرق معي اي شئ |
|
|
21-11-2016, 07:01 AM | #7 |
عضو نشط
hopeful
|
حاول ماتركز بالاعراض وتستمع بيومك وتنسى الاعراض تماما
مع الوقت راح تخف اعراضك واختلال الانيه يخف ويرجع وممكن يختفي مره انا يخف ويرجع معي وانصحك بالرقيه والقران واسمع دايم سوره البقره شغلها بغرفتك او ع التلفزيون وحافظ على الاذكار |
|
21-11-2016, 07:39 AM | #8 | |
عضو مميز جدا وفـعال
|
اقتباس:
لكن الحل الاكيد هو العلاج بالقرآن لانه حل يريح جسمك وعقلك ويمنحك قوة داخليه لان احنا طبيعتنا حساسين ومن اقل شي نتاثر عشان كذا اثر علينا المرض بصورة كبيره فالقرآن يعطيك قوة تقدر تواجه اي فكره او احساس تحسه وهالشي جربته بنفسي وكان له اثر كبير وخفت الانتكاسات اللي كانت تصير لي كل شهر مع موعد العذر الشرعي عكس الادويه اللي تهلك الجسم وتزيد الوزن ولازم تستخدمها فترات طويله واذا كنت حاب تستخدم الادويه تقدر تستفيد من خبرة الاخ مترجم احاسيس وتلقى له ردود في موضوعي اللي قلت لك عليه وله مواضيع في هالقسم لانه من فتره كان يأس ويعاني معاناه شديده من اختلال الانيه وحاليا ماشاء الله تبارك الله تحسن وخرج من الحاله بعد ماستخدم الدواء وحاليا جالس يتدرج عشان يتركه الله يوفقه ويشفيه شفاء تام |
|
|
21-11-2016, 10:07 AM | #9 |
عضو
|
انا من شدة الأعراض يوم بدأت معي قبل سنتين حاولت استعمل أدوية بس جاني إحباط شديد أحس جسمي تعطل
وفعليا ما أحس بتأثير اي شي وطول الفترة ذي أتألم حاولت اقرأ قران واصلي بس ما اقدر صرت زي الطفل عاجز ووساوس داخليه انه هذا عقاب من الله بسبب ذنوبي وأفكار انتحارية وإهمال في كل شئ وإحساس بالغربه في وسط اهلي تعبت وتعبتهم والله أحس نفسي صرت زي اي شئ ماله داعي زي الكرسي او الطاولة ما اتذكر أي شئ من دراسة أو مهارات وأنزل الشارع أحس بضياع اي مكان غريب بالنسبة لي حتى بيتنا كل يوم أحس انه غريب جدا أصبحت عاجز كليا بدون إرادة ولا أهداف ولاطموح ولا اي شئ الله يشفينا ويشفي جميع مرضى المسلمين ....هل تنصحوني اسوي جلسات الكهربائية لأن كلام الدكتور انا حالتي اكتئاب جسيم مصاحب لأعراض جسدية ومفعولها راح يكون أسرع من الادوية ويقول انت محتاج من 8الى 12 جلسة هذا دكتور مصري بالسعودي الألماني.... |
|
21-11-2016, 11:20 AM | #10 |
عضو
|
مافي احد جرب الجلسات الكهربائية لأني لا يوجد لدي غيرها أملي بالحياة بعد رب العالمين و انشالله انا ناوي اسويها خلاص بس ابي احد جربها ف علاج نفس حالتي
|
|
21-11-2016, 11:26 AM | #11 |
عضو
|
مافي احد جرب الجلسات الكهربائية لأني لا يوجد لدي غيرها أملي بالحياة بعد رب العالمين و انشالله انا ناوي اسويها خلاص بس ابي احد جربها ف علاج نفس حالتي
|
|
21-11-2016, 12:31 PM | #12 |
عضو مميز جدا وفـعال
|
مادري بس حتى انا في فتره فكرت فيها جلسات الكهرب لكن مره اتذكر قريت انها تتلف خلايا المخ وبطلت وبعدين شلتها من بالي نهائي
ابسالك وش العلاجات اللي اخذت وكم استمريت عليها وبعد هل سبق ورحت لراقي لان بعد يقولوا اختلال الانيه يجي من الاصابه بالعين والله يشفينا جميعا |
|
21-11-2016, 01:32 PM | #13 | |
عضو
|
اقتباس:
|
|
|
21-11-2016, 03:36 PM | #14 | |
عضو مميز جدا وفـعال
|
اقتباس:
لكن المشكله مو بالعلاجات المشكله بالانهزاميه اللي تحس فيها ولاتفكر ان فيه علاج سحري لهالمرض العلاج يبدا من داخلك انت قبل اي علاج سوا سلوكي او دوائي والادويه تساعد صحيح لكن بالمقابل لازم ترجع تمارس حياتك مثل قبل المرض حتى وان كنت تحس فيه ومسيطر عليك مع الوقت بتنساه تدريجي لين يختفي وعانيت في فتره من الانهزاميه لين حسيت اني خلاص راح اصاب بالفصام وهالشي هو اللي عطاني دافع اني اوقف على رجلي من جديد تذكرت زوجي اطفالي وهالشي خلاني اقرر اجاهد نفسي واطلع من اللي انا فيه والحمدلله احس اني ماشيه بالطريق الصحيح بالنسبه لك حاول مره ثانيه مع الادويه ومعاناتك سنتين معناه ماكنت تاخذ الادويه بشكل سليم يعني كورس كامل اخونا مترجم احاسيس اللي كلمتك عنه كان مثل معاناتك واشد واستخدم الفافرين اضن اسمه كذا وراحت منه هالحاله تماما ياليت تسال طبيب عن هالدوا وخل الجلسات اخر الحلول ولاتنسى الا ستخاره قبلها لان هي اللي راح تحدد لك هل هذا علاجك او لا واذا ماحللت فيتامين د فاحلل ولاتستهين ابد ترى نقصه يسبب بلاوي وهنا فيه اخ قريت موضوعه قبل فتره انه شفي من الاكتئاب بعد 20سنه وبعد ماجرب اغلب الادويه النفسيه وبالاخير طلع السبب نقص فيتامين د.وتشافى ماشاء الله تبارك الله وانا اضن له دور بتحسن حالتي لاني اخذت كورس علاج لمدة شهرين وارتفع الفيتامين والله يفرج همك ويشفيك |
|
|
21-11-2016, 04:14 PM | #15 |
عضو
|
اختي ام سما الله يجازيك كل خير انا متخرج من أصعب التخصصات الطبية من افضل الجامعات يوم بيوم وليله أتعرض لصدمة نفسية تنام وتصحا وانت عدم شئ مو موجود يوم تكون بعالم وتلاقي نفسك بعالم ثاني شخص ما يعرف هو مين من قسوة المرض غيرني لشخص مكسور ضعيف خايف دائم اتذكر كيف كنت والحين وضعي كيف بس الحمد لله والله يشفينا أجمعين
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|