قصص لي مع الرهاب الاجتماعي استفيدو

قصص لي مع الرهاب الاجتماعي استفيدو

السلام عليكم ورحمة الله وبركاته
اخباركم عساكم طيبين ..
يااخواني ويااخواتي انا مثلكم مصاب والحمد لله بالرهاب الاجتماعي ولاكن من حسن حظي اني من النوع العنيد ف لم استسلم له المهم اعطيك بعض قصص مواجهاتي له ..
1.. اول قصه طبعا ومنها اكتشفت اني مصاب بهذا المرض كنت في جلسه عائليه واستدعوني الاهل لمقابلة اقارب لي ف يوم دخلت عليهم جت تكليجه لاتوصف هههههههه المهم وجهي تشنج وجلسو يناظرون فيني بشفقه طبعا انا قايل لكم اني عنيد ف يوم جلست وجبهتي تصبب عرق الله يعزكم والانظار موجهه لي قلت لهم اني مسخن شوي خخخخ وبعدها قمت اسولف اسولف اسولف وفي داخلي نار تواشت حطبها المهم خلصت الجلسه ورحت للبيت وبدا مخي يفتح وعرفت اني مصاب بالمرض وطبعا في مجتمعنا مثل وهو (( من شكا علته بين الخلايق مات منها )) المهم ياجماعة الخير افضل الموت ولا يذكر مرضي النفسي امام الملا .. فيوم من الايام الاهل قالو نروح نسكن بجنب الاقارب عشان نتواصل وكذا قلت في نفسي يليل اليل ههههههههه وراك وراك المهم رحنا هناك ومااخفي عليكم بصراحه كان اول يوم جيته وانا في قلق وهم والله المهم اول ماوصلنا للناس ذولا رحت انام وشفت بالحلم كااني داخل ع مجموعة اشخاص وقبل ماادخل عليهم قلت بسم الله توكلت على الله لاحول ولا قوة الا بالله والله مااكذب بحرف المهم صحيت وتقهويت ولا علمت احد يوم اقترب فترة زيارتنا لهم الا وانا في هم وغم لان دخولي لهم راح يكون فردي وملاحظ وبقوه خخخخخخ المهم يوم اقتربت من المجلس الا والله اتذكر الحلم لاني حسيت اني بنفس لحظة الحلم وجا في بالي اني باادخل لو صار مايصير المهم والله قبل ماادخل قلت بسم الله توكلت ع الله لاحول ولا قوة الا بالله والله ياجماعة الخير دخلت والمجلس مليان والله ماحسيت بنسبة 1% خوف ومن بعدها فكرت بيني وبين نفسي
** هل السر في بسم الله توكلت على الله لاحول ولا قوة الا بالله طيب انا اذكر في حديث ان من قالها فرت الشياطين من حول قائلها وقالو مابالك برجل الله يحميه هذا في معناه
هذي وحده
اما الثانيه اللي اكتشفتها ان القرين هو من يعطي افكار تخويف للمسلم ويوم قلتها انفكت للافكار ذي
والثالثه المواجهه علاج بدايته عذاب ونهايته سعاده مطلقه وفيه تكتشف ان مرضك تافه
طبعا يااخوان الحمد لله اللي عافاني والصلاة والسلام ع محمد نبينا عليه افضل الصلاة والتسليم

المصدر: نفساني

اتمنا التفاعل حول الموضوع لاني والله ابي الخير للناس مثل ماابيه لنفسي وابي الكل يضيف قصص له ويفيد اللي مازال حبيس مرضه ويشهد الله العليم القوي ان ماكذبت بحرف واحد واني كنت مصاب بهذا المرض واسال الله ان يجعل السنين اللي سلبها المرض ان يجعلها منجية لي من حساب وعذاب يوم القيامه وان يجعلها تدخلني واهلي جنات النعيم من غير حساب ولا سابق عذاب وصل الله ع محمد وع اله وصحبه اجمعين

اذكر جتني وظيفه بالقوات البحرية وكنت من الرهاب والخوف اللي فيني ادعي انهم يرفضوني بالقبول النهائي

ضاقت يارب معجب بهذا

الحمدلله انك وجدت علاجك بطمئنينه وقرب من الله


عسا الله يمن علينا برحمته اجمعيين