تجربتي الرهاب الاجتماعي وثنائي القطب الوجداني

تجربتي الرهاب الاجتماعي وثنائي القطب الوجداني

السلام عليكم ,
كنت ادخل المنتدى من فتره طويله واقرا تجاربكم وصار اليوم اللي اكتبلكم تجربتي مع الرهاب الاجتماعي.
كنت سابقا انطوائي جدا واكره الفعاليات والمناسبات الاجتماعية وابغضها لانها تسببلي القلق وبنفس الوقت القلق يزيد عندي لاني ماكنت اقدر اصير اجتماعي حتى اذا حاولت واحس اني ما اعرف اتكلم او زي ماتقولون ماعندي تجارب سابقه اتعلم منها او احس اني شخص ممل وكنت الوم نفسي واحتقرها وهالشي سببلي عدم تقدير الذات low self-esteem وزاد القلق وعانيت من اكتئاب شديد مدة سنتين الى ان خف نوعا ما زتقبلت واقعي المر إلا اني كنت ادور حل للرهاب الاجتماعي, بعد فتره من قرائتي لتجاربكم والاستشارات بالنت حسيت اني لازم اتعالج وبديت اخذ سيروكسات بدون وصفه وحسيت بتحسن علاقاتي الاجتماعية بشكل ملحوظ,, بعد ما اخذته ب11 يوم جتلي انتكاسه فضيعه وحسيت كان الايام اللي كنت فيها اجتماعي غدرت فيني بظهري, ومن بكره رحت للدكتوره النفسية وفضفضت لها وبعد جلستين شخصتني بان عندي major depression وزادت جرعه السيروكسات اللي كنت جايلها وانا اخذه واعطتني ادويه محسنه للمزاج, ولله الحمد رجعت حالتي مستقره بس للاسف اصبحت طايش ومندفع وولا اخاف شي بزياده عن اللزوم الى درجه عدم احترام الغرباء وتسارع الافكار الطائشه في ذهني وكانت اذا جتلي فكره مجنونه وسويتها يجيلي ندم شديد بعدها واذا ما سويتها يجيلي احباط وهالشي تعبني جداا ,, فرجعت للدكتوره وعادت تشخيصي باني عندي bipolar affective disorder (الاضطراب ثنائي القطب العاطفة او الوجداني) وكان سبب رهابي لاني عانيت من نوبه الاكتئاب لفتره طويله وهو مرض يدور حول نوبات الهوس (الطيش) والاكتئاب الشديد وغالبا ما يتم تشخيصه بالبداية على انه اكتئاب شديد الى ان تحصل نوبه هوس, والاضطراب مزمن ويصيب الناس اللي عندهم القابلية والاستعداد له والسبب انه ظهر عندي ان من الاعراض الجانبية للسيروكسات هو ظهور نوبات الهوس للي عندهم الاستعداد, فتم تغيير الدواء من قبل الدكتوره الى لوسترال مع مضاد هوس (سيروكويل) ومحسنات مزاج الى ان خف مني الهوس . وبعد مده من استخدامي للوسترال ماحسيت انه فاد معي بالرهاب زي السيروكسات فرجعتله هذا الاسبوع مع بقاء محسنات المزاج (لاميكتال و اولازين) والحين انتظر نتيجته مع حالتي.. دكتورتي السابقه كانت رافضه اني ارجع للسيروكسات بسبب اضطرابي ثنائي القطب لكن اللي جت بدالها قالتلي انه مايضر اذا استخدمته مع محسنات المزاج.. وانشاالله بوافيكم بالنتايج

المصدر: نفساني