ساعدوني الغيره بتموتني............

ساعدوني الغيره بتموتني............

السلام عليكم ورحمة الله وبركاته..............انا ماادري من وين ابدا بمشكلتي انا والله مره متضايقه من نفسي مره وماودي اني افكر هالتفكير مشكلتي اني فيني غيره مرررررررررره شديده خصوصا من ناحية وحده من اعز صديقاتي اغار لما يمدحونها لانها هي ماشا الله عليها مره حلوه ولبسها حلو المهم دايم لما نجتمع او نروح لزواج يمدحون فيها وانا انقهر لدرجة انه احس شي كاتم على قلبي مااقولكم انا شينه لا انا الحمدلله ربي مانحني اشيا غيري يتمنها وفاقدها الحمدلله البس احسن لبس شكلي مقبول ماني جميله بس حلوه متفوقه بدراستي جدا وانا اكثروحده تفوقت بدراستي من بين زميلاتي وانا الوحيده من بينهم دخلت التخصص الي احلم فيه المهم انه لما يذكرون اويمدحون ايوحده عندي اغار بس مو قد غيرتي من صديقتي هذي ربما اني ممكن اعاني من شي وهو ان يديني (الزند) فيها اثار حبوب وجروح جلديه لدرجة اني لما البس تي شيرت كل العالم يسالوني وش هذا وش هذا فصرت لما اشوف البنات لابسين ويدينهم حلوه اغاااااااار اموت من الغيره واتحسر ليه يارب انا الوحيده من بين اخواتي وصديقاتي فيني هذا الشي ورحت عند اكثر من دكتور وقالوا لي هذامرض جلدي وراثي ماله علاج سلمت للامر بس مسبب لي عقده يمكن هذا الي يخليني اغار من البنات لانهم يلبسون الي يبون ولا شي يشوه شكلهم ودايم انا يجيني تفكير اقول بكره زوجي اخاف مايبيني عشان الحبوب هذي وساعات اقول مااحد راح يخطبنني اذا شافها مع اني الحمدلله ماني شينه بس هالمشكله ممكن هي الي تسببلي الغيره من البنات حتى اني ساعات احاول اقنع نفسي اقول الحمدلله ماني زي غيري الي فيهم تشوهات او حروق او اي مرض فانا من الله علي بنعم كثيره انا احسن من غيري اقدر البس اطل كل شي بس مجرد اني اخلص التفكير ارجع اقول بس ليه انا مب زي فلانه ماعندها زي الحبوب الي فيني يمكن لو ماكان فيني هذا كان الناس مدحوني وخطبوني ماادري مره انا تعبت من التفكير ومن سوال الناس لي لما يشوفون الحبوب الي بيديني طفشت مااقدر البس اي لبس لازم كم طويل مره والي يقهرني ولا وحده من خواتي مثلي يلرب ليه الوراثه ماطلعت الا بي انا والله انا تعبت ...........مع العلم ان اختي دايم تقولي عادي هذا اغلب العالم فيهم نمش ويلبسون وينبسطون ويواجهون الناس .......فالحبوب هذي مبينه كانها نمش صوصا انه بشرتي بيضا مره فهي مبينه والله اني بموت من العقده الي فيني واتوقع هي سبب غيرتي من البنات وخصوصا صديقاتي ارجوكم ارجوكم تساعدوني والله ماتدرون وش قدمسببه لي معاناة الله يخليكم .................مع العلم ان الي بيدي هو (تهيج في بصيلات الشعر)على حسب مايقول الدكتور......بلييييييييييييييز ساعدوني وانا دايم احس اني اقل من الناس كلهم من ناحية الجمال دايم احس نفسي قبيحه لو جت اقبح مخلوق بالعالم اقول هذا احلى مني مع اني والله ماني شينه وهذا كلام الناس فيني اشيا تتمناها الف بنت بس دايم انا اقلل من قيمة نفسي دايم احتقرها واحس اني قبيحه مع اني عكس كذا ماادري ليه يجيني هالشعور وكيف اتغلب عليه ................زززانا مررررررره اسفه على الاطاله لكن مالي الا انتم من بعد ربي ادعولي بلييييييز ولا تهملون مشكلتي

المصدر: نفساني

السلام عليكم
عزيزتى لااحد منا يملك الكما ل الذى هو لله تبارك وتعالى وحتى تجدين السعاده والراحه هى بالقناعه والرضا والشكر على ما قسم الله لكى وفضلك عن غيرك بما وهبك من صفات جميله لم تكن عند غيرك من حكمته انه سبحانه وتعالى لايسلب شئيا الا عوض خيرامنه لمن صبر واحتسب وعسى ان تكرهى شئيا وفهى خير لكى فالعلم عند سبحانه .
عزيزتى قيمه الانسان ليست بشكله فكم من شخص حاز المجد وهو كفيف البصر او اعرج وكم من عالم كان دميم المظهر تميز بعلمه لا بشكله
ولقد جعل سبحانه لكل داء دواء فسوف تجدين الدواء لمشكلتك الجلديه ودواء القناعه عن نفسك سوف تجدينها بداخلك انظرى الى نفسك من الزوايه المضيئه سوف تجدينها اجمل ركزى على صفاتك الجميله وكبرى صورتها بداخلك لاتركيزى النظر على جانب لايعجبك مما يفقدك الاستمتاع بجوانبك الاخرى اغقلى قنوات الحوار السلبي مع نفسك واجعلى حوارك مع نفسك بعبارات ايجايبه وحاولى عمل الاسترخاء ورددى خلاله العبارات الايجايبه اجعلى امامك عبارات تدعم الثقه بذاتك وانظرى اليها دائما اغرسي الايمان بدخلك بانك قادره على التغير وانطلقى فى حياتك واشغلى يومك ابتعدى عن مقارنه نفسك بزميلتك واعلمى ان مدح الاخرين لها لايعنى التقليل من قميتك او نقص بك وابعدى المجهر عن نظره الناس وسؤالهم عن مشكلتك لايعنى التقليل من قميتك بل منهم يريد الاطمنئان عليك استعينى وتوكلى على الله واقنعى بما اعطك واكثرى من ذكره وحمده حتى تطمئن نفسك اطلبى منه سبحانه ان يهبك ماتريدى من الايجايبات فى غيرك وان يمتعهم بها ويزيدهم من فضله عبرى عن مشاعرك لهم بما يعجبك واذكرى الله فى نفسك واسعدى بما لديك ولانحزنى على ما عند غيرك
وفقك الله













وفقك الله