مشكوره يا استاذتي

مشكوره يا استاذتي

:)بسم الله الرحمن الرحيم
اشكركي يا استاذه اماني على ردك وجعله الله من موازين اعمالك
مشكلتي مع زوجي حيث انه تعرف الى غير واكتشفت ذلك بمحض الصدفه حين كنت اعبث بجواله وليتني لم اعبث به لاني تفاجاءت برسله من احدي البنات وهو كلام غرام وحب وغيره والمشكله الاكبر حين واجهته انكر ذللك وقال لي انهخ ليس هو بل احد اصدقائه عبث بجواله وتكلم معها صديقه فسكت ولم اشاء ان اخذا اقرار بانه هو مع العللم اني واثقه كل الثقه بانه هو فسكت وانتهت المشكله ولكن اخذ الشك يلعب فيني وبعد فتره قلبت مره ثانيه بالجوال وحصلت تسجيل مو رساله ولا رقم لاني اكثر من مره احصلهن واشيك ويطلع الرقم بصوت بنت يعني مسالة الشك عدت والحين صار الاثبات بصوته وصوت البنت وهو يحاكيها كلام والله اني استحي اقوله وكرهته من بعدها المهم اني جبت له الجهاز وقلت له هذا مو صوتك ابي افهم انا ايش التقصير اللي حصل مني علشان كل هالكلام تقوله لغيري وانا يوم ما اجي اتكلم فيه معك تسكتني وتستهزء فيني وتقول بلاكلام مراهقين انا اكبر من الكلام اللي انتي تقولينه المهم انه انكر انه هو او انه صوته او انه هو اللي قال هذا الكلام وانا المره هذي كبرت السلفه معه وقلت له اني متاكده انه انت هذا جوالك وهذا صوتك وانا اعرفك زين المهم تنه سكت وقالي خلاص انا اسف وغلطه والشيطان شاطر وانسي كل الكلام اللي سمعتيه
لكن مازال على حاله وكل فتره اكتشف ارقام وبنات ثانيات وانا ما ادري كيف اتصرف مع العلم اني ماني مقصره في بيتي ولبسي واطفالي واهتمامي فيه كبير والكل يحسده على هذا الشي وهو بنفسه يعترف لي اني ماني مقصره معه واني اعامله احسن معامله وادلعه احلى دلع بس ماني عارفه ليه يسوي كذا


هددته باني بطلب الطلاق وخلاص حياتك ما ابيها وغيرك ابرك لكن يتاسف واعذريني وانا وانا واخر مره والحين توني داخله معه في مشكله ووعدني انه راح تكون اخر مره لكن المره هذي انا قلت له لاتلومني اذا جيت وشفت الجوال بيدي وشفتني اكلم لانك انت السبب الكلام اللي انا اتمنى اسمعه منك انت تروح تسمعه غيري اذا كنت انت تبي الحنان فانا زيك راح ادور عليه من غيرك الحين انا جالسه اطلبه منك لكن راح يجي يوم واطلبه من واحد ثاني وياكثرهم اللي يلبون المهم انه ثار وعصب علي وقال انتي منتي صاحيه انا خلاص هذي اخار مره المهم اني قلت له اسمع حط في باللك انك اذا كلمت انا بكلم وانا راح اكون المرايه اللي تعكس تصرفاتك

(((ملاحظه)))) احب اوضح اني مستحيل اتصرف زيه لكن قلت هذا الكلام لمجرد التخويف وحتى يحسب الف حساب قبل ما يكلم مره ثانيه بس اللي مشكلني الحين كيف اتابع معه وكيف اعرف وكيف اتصرف بعد المشكله هذي وهل انا صح ولا غلط اركوكم ابي احد يوجهني

المصدر: نفساني