وانا والرجيم

وانا والرجيم

السلام عليكم اول شي...
الموضوع ومافيه ... اني عاملة رجيم ..بتقولون((( ممتاز وبارك الله فيك وهذا الشي لنفسك واني اللي راح تستفيدين ..الخ الخ )))..
ماعلينا من هذا كله ..
الفكره ومافيها ..
اني عمري ما كنت سمينه جدا مثل الفتره اللي فاتت ..
مثلا انا طولي 163 ووزني كان يترواوح بين ال 58 وال 63 كيلو .. يعني معقول .. لكن المشكله اني كنت محاطه باسره مصابه بالهزال ..
يعني كانو شايفيني دببببه ..وطول الوقت معاير ..ويادبه وياسمينه ..وياريت لو تنحفين شوي..مع اني كنت (( وهذا اعتقادي انا ))) اكثر وحده موفوره بالصحه وعندي طاقه للعمل وللحركه اكثر منهم كلهم ..وكنت بالفعل نشيطه ..
المهم قعدت علي الحاله هذي مده..
وطبعا الاسطوانه شغاله باني جثله وسمينه ...مع انه بالمنطق وحده طولها 163 ووزنها 62 مثلا حتكون سمينه طبعا لا ...
المهم اشوف صديقاتي ..الاقيهم برضه نحاف جدا ..مثلا اللي طولها 163 مثلي وزمها يكون بين ال 48 ولا 50 لو سمنت ..بس كذا كثير ..وجيهم صفرا ..
من مده كذا من 6سنين .. قلت مدام انا سمينه سمينه ودبه دبه خليني اكل براحتي.. وصرت فعلا اكل بلا حساب اطلاقا ..مع اني كنت اراعي اكلي قبل كذا ..اللي حصل ان وزني ازداد يالفتره اللي فاتت من 63 الي 75 ..طبعا هذا رقم خيالي...
بتقولون ((( ليش كذا حرام عليك بتخربين شكلك ..))) شكلي خلاص خرب ..
جلست حوالي سنه وزني 75.. بعدين ازداد وزني لحد 92 ...
ادري وصلت لمرحله الكارثه ..
ومن هنا تبداء المشكله ...والدتي زادت 20 كيلو نفس الفتره اختر زادت 10 كيلو نفس الفتره ..وصرنا عيله السمان (( ملاحظه انا اللي اطبخ واكلي فعلا لذيذ بشهاده الكل ..وخصوصا اللي يرمون وجهم علي وقت الغدا والعشا))
محد نجا من الموضوع هذا الا اخوي ..لانه ياكل برا لان كان يعمل بشركته وكانت في طور تاسيس ومموت نفسه شغل ..ومايجي البيت الا وقت النوم ...
واضافه للاكل الكثير كنا نشوف تلفزيون كثير...
وفعلا بديت اتعب حسيت اني ثقيله جدا جدا .. وصرت عاد وقتها مو هزوه العيله ..لا صرت مصخره المجتمع ...كلن يقول فلانه (( السمينه )))
نسو اسمي ..نسو مين اكون ما يتذكرون الا شي واحد هو حجمي ..ياللهول ..
الفكره ان الله سبحانه وتعالي وهبني وجه جميل جدا وهذه سمه غالبه عند اغلب اهلي ..فكل اللي يشوفني يقول حلوه زي القمر بس سمينه ..
لدرجه بعض اللي اقابلهم يحومون الكبد ..لا شكل ولا طعم ولا لون ..يقعدون ساعه يتكلمون عن بشاعه جسمي وكيف اني شكلي ضخم واحوم الكبد ..ويقعدون يمتحدون رشاقتهم وخفتهم وكيف انهم يمشون لمده طويله بدون تعب ولا ملل وكيف انهم ملتحقين بنوادي رياضه ..المشكله اطالع قدامي الاقي اجسام غير رياضيه ووجيه تحوم الكبد ويقعدون يفتحون عينهم فينى ونسو انفسهم ..مش مهم ..
المهم اني سويت رجيم ..ونحفت ببط ..نص الكميه المطلوبه مني ..وصار شكلي معقول جدا ..
لكن بديت الاحظ الاتي:
1- صرت معد اتكلم (( مع اني قلبت راسكم من سوالفي )) يعني بالعربي معد احب اتكلم او اتواصل مع الاخرين بالطبيعة..صرت اتكلم براسي اكثر..افكر بخطط عمل او اشياء اعملها ((( مره حلو ان الانسان يكون منشغل بامور يحبها )).
2-صرت مرتاحه اكثر من ناحية وزني..وشكلي..
3-ازدادت نرفزتي ..وهذا طبيعي..بس ساعات افكر افكار شريره جدا ..
4- قل حناني واهتمامي كثير..او شبه انعدم.. يعني مثلا الزرع كنت احرص انه ما يموت اللحين يموت ما يموت .ما يهمني..كنت حريصه علي الاثاث اني ما اتلفه اللحين معد اهتم انه ينتلف او لا ..اذا سمعت ان احد مريض ..او واقع بمشكله معد صرت اهتم ..عكس زمان كنت انجن لازم افزع واسانده ..اللحين اقول (( الانسان يالله يبزا نفسه ..عساه يبزا الناس))).
5-معد فيه شي يسليني ..


السؤال هو :

هل التغيرات بالطبيعه الغذائيه ممكن يؤثر علي الصحه النفسية...
انا ودي اني ما اتاثر نفسيا ... لكن لاحظت ان الاكل له دور مهم ..
بس اشوف بعض البنات (( مجاعات )) ونفسهم حلوه مره .. وودي اصير كذا ..
ياجبل ما بيهزك ريح (( اكلت ما اكلت ..النفس زينه )))
لاني صرت الله وكيلكم مو طايقه كلمه ..ونفسي بخشمي..
مع اني كنت مشهوره بالحبابه وسعه الصدر وفاتحه قلبي للجميع ..

او يمكن السبب الاساسي اني كبرت بالسن ...

مهو انا محتاجه راي ..هل اللي انا فيه ..خياسه نفس من كبر السن ولا الرجيم هو السبب..

ردو علي

ملاحظة: ارجو لا تنزعجون من كثره كلامي ..بس انا كثير استانس لو سولفت ...ويتهيالي ان طبيعتي عشريه واحب اسولف.. بس صايره الحكايه معد تطلع الا معاكم بس ..بس بالطبيعه عساني اقول السلام عليكم او ارد السلام ..

المصدر: نفساني