يوميات الشراني

يوميات الشراني

اول شي السحوررررررررررررررر
نص نفر مندي دجاج + لتر بيبسي+نص لتر لبن
ثمن دخت من اللبن ........بعدين ما قدرت اتحرك من محلي....لذلك صكيتها نومة على طول الى اذان صلاة الجمعة.......
طبعا اللبن لاعب لعبته ويالله قمت وعلى ما توضيت ولبست الا الامام خلص من الخطبه الاولى.....المهم صليت ولا ادري وش الخطبة عنه...
رحت البيت واصكها نومة الى اذان المغرب وللاسف فاتني الفطورررررر الزين
السمبوسة واللقيمات والتوت خلللللللللللصوا ......قعدت احتري طاش ما طاش واقلب في القنوات واسجل مواعيد المسلسلات الحلوة من الدعايات ....المهم شفت طاش ما طاش وكانت الحلفة مررررررررررررة رايقة ....و عزمت اني ما افوتها لانها شكلها حلوة هالسنة..وفيها دق وطق على كيفك
طلعت من البيت متجة للاستراحة طبعا في الطريق وقفت عند مسجد وصليت معاه التراويح وكانت شوي طويلة والامام الله يهديه يطول لذلك صليت معه اول ركعتين ثمن طلعت ......
وصلت للاستراحة....صلحت الشاهي والزنجبيل وقعدت اطالع مسلسل رايق و كوميدي لين جت الساعة تسع وطبعا تجمعوا الشباب وطقيناها طائرة الى الساعة وحدة..........
غسلنا وجيهنا وقعدنا نتابع من سيربح المليون في mbc
ثمن قلبناه بلوت الى الساعة ثلاث وبعدين سرى كل واحد لبيته...وانا رجت للبيت و قعدت اقراء مواضيع جديدة ما لقيت .......فقررت اكتب يوياتي هذه علكم تستفيدون مني في تمضية ليالي رمضانية ممتعة
والله يعيت اللي عندهم دوام بكرة




على فكرة وش احسن برنامج شفتوة اليوم ؟
علموني تكفون وعلى اية فتاة والساعة كم يجي؟

المصدر: نفساني

1-قلت هذه الجمله:"المهم صليت ولا ادري وش الخطبة عنه... "
يا اخوي ارى فيها شيئاً من الجهر بالمعصيه او كانه استخفاف بالخطبه.

2- ايضا قلت:
صكيتها نومة على طول الى اذان صلاة الجمعة.......
رحت البيت واصكها نومة الى اذان المغرب وللاسف فاتني الفطورررررر

اخي ندمت على فوات الفطور لكن ألا ترى انك طوال اليوم نائم فكيف يتحقق الصيام واهدافه بذلك :confused:

3-كما ذكرت:
فقررت اكتب يومياتي هذه علكم تستفيدون مني في تمضية ليالي رمضانية ممتعة ..
وذكرت في يومياتك المسلسلات والتفازواللعب والسهر ولكن نسينا جوهر رمضان نسينا العبادات للاسف هذه المسلسلات لا تكثر الا في رمضان شهر العباده الذي يريدون تحويله اللى لهوا حسبي الله ونعم الوكيل.

اخي لا انكر اني اشاهد بعض المسلسلات و لكن لنحد منها لاكبر درجه علينا ان نجاهد انفسنا لان رمضان فرصة عظيمه وشهر فضيل اسأل الله لي ولك ولجميع اخواننا ان ينير قلوبنا ويهدينا.

ثق يا اخي انها غيرة المسلم على اخيه المسلم ..وفقنا الله واياك وجميع الاخوه والاخوات الى ما يحبه ويرضاه.

:mad: :mad: :mad:

بعد ما كتبت اول صفحة من يومياتي
طلعت للماما نورة "مطعم " وطلبت لي 3 سندويش كباب و2 عصير كوكتيل
اول ما خلصت حسيت ان الكوكتيل لعب لعبته...واحمرت عيوني والكباب قعد يسبح في الكوكتيل ..ويطقطق جدران المعدة الين ما دريت الا الساعة عشر الصبح .........الدوام تاخرت عليه ......واركب العراوي :) وطيران الى العمل وقلت للمدير ان الكفر بنشر علي في الطريق ......طبعا صدق ..وسمح بعذري

المهم
بعدد ما وقعت رحت للمكتب ...على فكرة مكتبي صاد ولا احد حوله .....فرشت السجادة وانسدح وما دريت الا الساعة اربع و نص والعامل حق النظافة هو اللي قومني .....وطيران توقيع وطيران على البيت ....ويااااّله وصلت وهو يذن
......بس اني لحقت على السمبوووووووووووووسة والتوت :) ( الحمد لله )
وادبغ في الفطور الين دخت وياااااّله قدرت اشوف طاش ما طاش .....لان التوت كمان لعب لعبته ..بس لحقت على مسلسل صلاح الدين الايوبي
ثمن رحت للاستراحة طيرررررررررررران علشان الحق المباراة
لكن للاسف ما لقيت احد جاي الا انا لحلي ونسيت ان اليوم ما فيه مباراة صلحت لي بريق شااااااهي خاااااااادر و طلعت 3 افلام مستاجرها وقعدت الين خلصت منها ولا احد جا للاستراحة
طفشت وشغلت موتري واتجهت الى الثمامة .....وقدت اطعس واغرز اطعس واغرز الين قبل اذان الفجر بنص ساعة ......رحت للمطاعم المنتشرة بكثرة فيذاك ودخلت لي شيشة وتسحرت فيها وكان فيه فلم حلو على الاوربت ....
طبعا قعدت الين خلص الفلم بالواسطة ....وما دريت الا الساعة ست الصبح دخلت البيت متلطم ووصلت الغرفة وطبعا باصكها نومة الين الدوام ......

مرحبا،،،
شراني اتحدى ان كل هالاشياء سويتها..حاشا
وبعدين ماتلاحظ ان كل الاكل عندك يلعب لعبته،،، انا اعتقد ان معدتك هي اللي تلعب عليك:D :D .
اما بقية الكلام :confused: :( :mad: :o .

ابسم الله الرحمن الرحيم
هذه اول موضوع اشارك فيه بعد تلك الفتره التعسه التي مررت بها
عمومااااااااااا
ماشاء الله عليك يا شراني
يومياتك "تهبل" وتخلي الكل يستفيد منها
قدامنا قدوه حسنه.........اكل نوم وشرب وتلفزيون
نتأخر على كل شي...........بعد ايش نبي؟!
--------------
مع تحياتي

ما ادري ليش ما جاني نوم الساعة سبع الحين وباقي ساعتين على الدوام .......قررت اواصل .طبعا استغليت وقتي صح وقعدت انزل ملفات صوتية لبعض المطربين المحبوبين عندي......يوم جيت الدوام سلمت على المدير .....وقلت له ان عندي موعد في المستشفى.......طبعا صدقني
وطيرررررررررررررررررررررررران على البيت واولع المكيف واعظ المخدة وما دريت الاقمت والدنيا مظلمة والامام يقراء....اوه ......فاتتني المائدة اللزيزة... ولكن عزائي الوحيد ان الوالدة بتوزي لي على جنب اكيد
المهم اول ما غسلت وجهي حولت تحت والامام مازال يقراء ....الظاهر انه يصلي التراويح..‍‍‍‍‍اوووووووووووووووووووه راحت على طاش صحيح انها بتنعاد في MBC بس ما يصير لها طعم :(

المهم قعدت افطر في المجلس....وتوزيت من نظرة امي الزعول.....خلصت الفطور وادعس للاستراحة لقيت العيال ماسكين جوالاتهم ويدقون على برنامح من سيربح المليون ويقولون ان فيه واحد ربح مليوووووووووووون
طبعا قعدت ما دقيت لاني عاقل واعرف ان هالمسابقة ما تجي الا بالواسطة
قعدت البس التكميلة ...ويوم طبينا الملعب ما درين الا هذاك الهواء البارد كننا في صلوقعة الدهناء " مكان غير ذاري من الهواء" فدخلنا للغرفة وقعدنا نلعب PLAY STATION كرة قدم برضه ...الين الساعة اربع كانت حماسية مرة
وما درينا الاواحد من العيال داخل علينا بنص خروف مندييييييييي " يا قلبيه "
وبسم الله يا رحيم ....ثمن لللللبببببببببببببببببننننننننن
دوخان
دوخان
دوخان
اسمع هالكلمات ترن في بطني باستمرار..........اتسدحت شوي مهوب نعاس
لكن





دا وا خخخخخخخخخخخااااااااااااااان
المهم اني يوم صحصحت ركبت مع واحد من العيال ووصلني للبيت .....حتى الساعة كم ....ما ادري ...
اكتب الحين .......والساعة كم .......؟؟؟؟؟؟ ما ادري .........وش باسوي ..؟؟؟ ما ادري
--------------
FATMA
وش التعاسة ........حسبي الله على الي كان السبب .......

الحمد لله وحده والصلاة على من لانبي بعد نبينا محمد وعلى آله وصحبه
الهمسة الأولى: دع عنك الكسل:
انهض فقد بدأ السباق... انهض قبل أن تجد نفسك في المركز الأخير ... انهض إن كنت تطمح أن تكون من الفائزين يوم توزع الجوائز يوم العيد ... دع عنك الكسل وإن كان طعمه أحلى من العسل فإن في آخره علقم ينسيك ماكان فيه من حلا، ماهي إلا أياماً معدودة وساعات محسوبة تمر مر السحاب وينفض الموسم وتودع شهرالطاعات وموسم البركات ومضاعفة الأجور والحسنات. إن لذة الكسل ساعة وتزول وتعقبها حسرة لاتزول ونصب الطاعة ساعة وتزول وتليها فرحة لاتزول .. اسأل صاحب الطاعة بعد انقضائها هل بقى من تعبها شيء؟ واسأل نفسك هل بقى من لذة الكسل لك شيء؟! والعاقبة للتقوى.
لاتجعل رمضان كرجب وشعبان سواء، فإن الله لم يجعلهم سواء. انظر إلى الصالحين ونافسهم في الخيرات ولاتقل أنا أفضل من فلان وفلان، لاتدع باباً للخير إلا وتطرقه، نافس على الصف الأول، تصدق ،أكثر من ذكر الله . لاتترك من قيام الليل ولا ركعة، خصص وقتاً لقراءة القرآن ولا تكتفي منه بالصفحة والصفحتين ولا بالجزء والجزئين فإن هناك من يختمه في رمضان عشر مرات (وأنا وأنت نايمين في العسل. فانهض واستمد العون من الله واسأله القبول وألح في الدعاء وبالله التوفيق.
وإلى اللقاء غداً في همسة أخرى والسلام عليكم ورحمة الله وبركاته.

مرحبا،،،Fatma
عسى خير ان شا الله،، عموما كل عام وانت بخير،،والمهم انك رجعتي لنا.
ــــــــــــــــــــــــــــــــــــــــــــــــــ ـــــــــــــــــــــ
شراني وين شرشوره عنك :mad: :mad:

السلام عليكم ومبروك عليكم الشهر
ياشراني يومك الرمضاني كلة ارقاد وأكل حشى مب بطن بالوعة مشالله عليك على كثر ما ينعق فيها ما تنترس
المهم ياخوي اسمع مني هالنصيحة ارمضان شهر في السنه يعني مب ثجيل عليك ويمر علينا بسرعة مثل البرق يعني لازم تتلاحقة واتحاول تعطيه حقه من العباده تراك انته اتسوي هالاشياء كل يوم في السنه مايت على ارمضان

المهم
يابويه اتلاحق عمرك وراعي دينك وصل قبل ان يصلي عليك

لا تفهموا الشراني غلط :confused:
انه يعكس واقع بعض شبابنا وشاباتنا هداهم الله
فعلا اصبح رمضان اكل وشرب وجري خلف الفضائيات وسهر
وبعد ما ينتهي هذا الشهر العظيم حاملا فضائله معه نبدا ببث همومنا ومشاكلنا النفسيه والفراغ الروحي الذي لانستطيع التخلص منه
ضاعت الفرصه التي كان من الاولى ان نستغلها بالتقرب الى الله ومناجاته في ليال روحانيه تصفد فيها الشياطين وتنشر فيها الرحمه
الرحمه هي ما نبتغي ..هي المنقذ لنا من هموم اغرقتنا ..
ليله خير من الف شهر تمر علينا ونحن امام الفضائيات نتشدق بكلام يهوي بالانسان في نار جهنم سبعين خريفا ونطلق لاعيننا النظر في ما يقرب الى الكبائر بينما هناك عباد يبكون ويتضرعون ويرجون من الله العتق من النار
هؤلاء هم من يخرج من رمضان وقد كسب الجوائز ونال الرضا والمغفره والراحه النفسيه جعلنا الله واياكم منهم ووقانا شر شياطين الجن والانس

بسم الله الرحمن الرحيم
شكرااااااا لإهتمامكم
طبعااااااا فتره تعسه
مرضت اسبوع والمرض مايروح لزق فيني لزق
وفوقها الكمبيوتر عطلان نفس الشي صاير له اسبوع
ومانقدر نصلحه عشان اختي عندها بحث هلأيام والتصليح
رح ياخذ يومين ثلاثه . كل يومين انط على مقهى انترنت
عاد انا مدمنه انترنت ومافي في البيت انترنت
تخيلو عاد
--------
مع تحياتي

ما تشوفين شر يا اختي فاطمه
طهور ان شاء الله
اختك لولو

أخي شراني سلمك الله من كل شر
لماذا توقفت عن كتابة يومياتك؟
والله أني أحرص على قرائتها أكثر من حرص كثير من الشباب على برنامج طاش ما طاش.
وفقك الله لكل خير
أخوك الدوسري

بصراحة......ما فيه جديد ايام الدوام نفس الموال
وايام نهاية الاسبوع الخميس نوم الى الفطور
والجمعة زين اني لحقت الركعة الثانية ...طبعا ثمن نمت الى الفطور
ما فيه شي جديد ينقال الا اني زدت عدد المسلسلات اللي اتابعها وضبطت جدولي عليها بالتمام ........والحمدلله

وينك ؟؟؟؟؟؟؟؟؟؟؟؟؟؟؟؟؟؟؟؟؟