معاناتي اليكي ياسيدتي (د فوزيه الدريع)

معاناتي اليكي ياسيدتي (د فوزيه الدريع)

السلام عليكم .....
في البدايه احب اقولك انا معجبه فيك كثير وبطريقة حلك للقضايا ومتابعه لبرنامجك الحلو مره.
وبصراحه ماخلاني اكتب اليوم مشكلتي الي اعاني منها الإ بثقتي الكبيره برايك وبنصيحتك لي الي راح اسوي فيها...

انا ياقلبي عمري 21 سنه , حبيت لي انسان اشوفه الدنيا كلها بنسبالي وما اشوف احد ب الدنيا مثله وفيت له وصدقت معه وضحيت ب اشياء كثيره بحياتي عشانه.
وهو يبادلني نفس الشعور ويحبني كثير في فتره من العلاقه بدت تكثر المشاكل بينا وكنت انا اسكت كثير وامشي السالفه لأني ابد ما أحب المشاكل صبرت كثير عليه الين جاني وقت صرت خلاص معد اتحمل منه اي كلمه صار عندي تشبع من المشاكل هو من النوع الغيار مره الى ابعد الحدود ويحب التملك وانا ما احب ها الشي ابد.
لإنه زاد عن حده وصار يسبب المشاكل بيناو الشك, معني انا والله العظيم صادقه معه ولا عمري فكرت اخونه او العب من وراه لإن انامالي بها الإشياء ابد ولا اواطنها وحرمت نفسي من اصغر حقوقي عشان ارضيه.
هو طلب يزوجني وانا وافقت ومشى الحال ويومها تهاوش هو وابوه ورفض يجي معه لخطبتي من اهلي وطورت المشكله كثير وحلف عليه انه مايزوجني.
وتعب كثير وكنت اصبره واقوله إذا الله كاتب شي بينا راح يصير حتى لو ابوك ماوافق.
وسكت على السالفه بعدها هو طلب مني اتركه لأنه ماقدر يزوجني وانه يخاف علي من نفسه ويخاف علي اكثر من خواته .
انا ها الإنسان يادكتوره والله احبه اكثر من نفسي واكثر من الدنيا ومافيها ولإني حبيته من كل قلبي والله حسيت وقتها صعبه اعيش لحظه من دونه لإنه اول رجل في حياتي وانا مقتنعه بها السبب وحبيته كثير بس هو عنده سلبيات كثيره انا ماأحبها فيه وخصوصا سالفة الشك ذي الي دمرت علاقتنا لإني انا من البدايه قلتله اهم شي ب الحياه إنك تثق ب الإنسان الي قدامك وتحترمه وإذا ها الشي ما صار خلاص العلاقه راح تنتهي وانا ماأرضي اعيش مع واحد يشك فيني وانا ما أستاهل انك تعاملني بها الأسلوب لاني صادقه معك لأبعد الحدود , والله يا دكتوره انا مقمت اطلع من البيت تفاديا للمشاكل وكنت وقتها احس عادي مدام الي اسويه يرضيه.
وفي فتره صارت مشكله كبيره بينا وانسحبت انا عقبها و من دون ماأعلق على الي صار ابد وتحديت نفسي وقلت خلاص لازم انساه ولا عد اطريه بحياتي وقعدت ثلاث اشهور ماكلمته وحسيت اني اول مره بحياتي انجزت , وعشت حياتي والله كان الوقت يعدي صعب علي مره وعانيت كثير وتعبت نفسيتي وكرهت كل شي وحياتي تدمرت بمعنى الكلمه, وكان هو كثير يحاول يرجعلي وانا رافضه ها الشي ومصره اني انساه مره .
مع كثرة اتصالاته ومارسيله ضعفت وكلمته وقتها كان يبكي مره ويحلفني اني ما أتركه بصراحه انا ماتحمل احد يبكي قدامي وشلون لو انسان احبه تفاهمت معه وحسيت إن القلوب شايله كثير وان الوضع ماراح يرجع مثل زمان وحسيت كل شي تغير..
وسافر عقبها بره لإنه فقد الأمل فيني والحين متقدم لي واحد مره زين وحبوب وفيه مواصفات حلوه في البدايه كنت ارفض كثير الي يتقدمولي بس الحين حسيت مافي شي راح ينسيني إياه الإ الزواج بس انا مره خايفه اغلط غلطه ثانيه بحياتي لإني عارفه إني ماراح اقدر انساه حاولت كثير بس ماقدرت ويومه درا إني راح اتزوج زعل وقعد يبكي إني راح اتركه مره ثانيه واني انا راح انهي العلاقه لإني حبيت غيره ومليت منه وهو موراضي يفهم إني مستحيل احب غيره ابد وانه كل شي بنسبالي بس انا خلاص تعبت معد ادري شاسوي معه.

اتمنى إني قدرت اوصلك لو شوي من الي في قلبي ومعاناتي.
وإنك تسامحيني طولت عليك كثير بس انا ودي احد يساعدني ويحل لي مشكلتي ويطلعني من الي انا فيه.

وانا ادعيلك من كل قلبي الله يجعل لك من همك مخرجا, ويوفقك بحياتك كلها, ويبعد عنك كل شر.

تحياتي لك....

المصدر: نفساني

بنتي الحبيبة

من المعروف ان الفتاة عندما تعتقد بانها تحب اول رجل بحياتها تظن بأن هذا الحب لايمكن نسيانه ولا يمكن الاستغناء عنه لكن هذا الامر خاطئ وسوف تكتشفين ذلك مستقبلا .

الان كيف عرفتي بانه اختلف مع والده عندما طلب الزواج بك ؟ هل هو قال لك ذلك ؟
بنتي تاكدي تماما اذا دخل الشك القلب في العلاقة يعتبر ذلك شلخ كبير فيها ومن الصعب جدا ترميمه وانا أؤكد لك الان حتى لوحدثت معجزة وتزوجتية سوف يكون دوما هناك شك بانك تكلمي غيره او قابلتي غيره ومن هذا الموال الذي لن ينتهي صدقيني من واقع خبرة يا بنتي .

انتي بنفسك ذكرتي بأنك حققتي انجاز عندما جلستي 3 شهور بعيده عنه واعلمي كوني حذرة من الرجل الذي يبتعد ثم يعود لك مرة اخرى فهذا الرجل من أصحاب المزاج المتقلب .

نصيحتي الفورية لك الان ان كان الرجل المتقدم لك لا ينقصة شئ فتوكلي على الله واقبليه وبامكان تجاذب اطراف الحديث معه وقت الخطبة لتكتشفي ان كان يناسبك ام لا لكن علك الان وفورا بمجرد تسكيرك لهذه النافذة التي تقرابن بها ردي ان تنسي الحبيب انسيه لا تردي على اي مكالمة غيري أرقام هاتفك المتنقل ان استدعى الامر فقط قوي عزيمتك وانا معك ان شاء الله خطوة بخطوة .

اهلين .....
مشكوره يادكتوره على النصيحه كلامك ريحني شوي ...
عندي طلبين صغيره بس ياليت ماأكون اتعبك معاي, في ردك لي سألتيني اشلون عرفت إنه تهاوش مع ابوه؟؟؟؟
ايه هو قالي كذا وكلمتني خالته وفهمتني السالفه كلها وقالتلي اصبري ولا تسرعي بحكمك عليه هو سوى الي قدر عليه وانا راح احاول مع والده ولاتخافي ابد....
انا يادكتوره فاهمه كلامك ومقتنعه فيه مليون ب الميه لإنه نفس راي وما أختلف معاك ابد..
بس انا مااعتقد اني احبه لإنه اول رجال بحياتي انا ما حبيته الإ لاني مقتنعه فيه وبااخلاقه وسلوكياته...
وانا حاولت كثير اتركه بس هو يرجعلي مايتركني ابد, الحين مو مثل زمان ماصار بينا اتصالات لإنه هو يدرس بره ويدق علي من فتره الى فتره .
الي اطلبه منك هو ودي تقوليلي حل اينسيني اياه بها الوقت لإني سويت المستحيل وماقدرت..
وانا انشاء الله راح اسوي بنصيحتك واقبل بلي متقدم لي واقعد معاه.. تصدقين دكتوراه انا عارفه ومتأكده ان هذا هو الشي الي راح يغير حياتي وينسيني اياه بس انشاء الله يكتب الله الي فيه الخير..
الله يعافيك دكتوره ابي منك تقوليلي شلون ممكن اشغل وقتي لإن عندي وقت فراغ كبير ومو عارفه ايش اسوي فيه ...

والله يعطيك الف عافيه ويوفقك...

تحياني لك.

حياك الله حبيبتي

انا من الان بدأت أرى فتاة قوية من خلال كلماتك الجميلة فقط اخبريني ماذا تحبي عمله في الحياة او ماهو طموحك الشخصي وسوف اضع لك جدولا ان شاء الله

الله يسلمك ويقويك...

بصراحه انا ودي اوصل لمرحله اكون راضيه فيها عن نفسي وعن حياتي....
الحمدلله حياتي كثير حلوه , ومرتاحه كثير,,,انا ادرس باالجامعه قسم انجليزي...
بس اعتذرت عن الدراسه ذا السمستر ...
وحابه تعطيني اشياء اقدر اسد وقت فراغي فيها واحس اني انجزت من خلالها..
كنت اول ماأحس ب الفراغ اروح للمكتبه واشتري كتب واقعد اقراهم ونفع معاي الحل بس سرت احس باالطفش بسرعه وسرت اقرا من وقت الى وقت .
ودي تقوليلي عن حلول ممكن اسويها وانا في البيت تسليني وتفك ضيقتي وتملي وقتي.
لإن الضيقه والملل صاروا ملازميني طول الوقت امل بسرعه واتعب كثير..
وهذا الي اعاني منه.
ماكنت ابد كذا بس ما أدري اش تغير.. كل الي حولي لاحظوا إني تغيرت كثير...

انا اثق فيك كثير وبرايك ,شوري علي اش اسوي وشلون اقدر اغير من نفسي...
انا الحين وقتي كله فاضي , ابيك تحطيلني خطه امشي عليها وقتي وحياتي الجايه, وانا اوعدك وعد إني انفذها مثل ماتقولينها...

مشكوره كثير ياقلبي...

اهلين حبيبتي

اريد منك تعلم مهارة جديدة تحبيها او قد تبدعين فيها وعلى سبيل المثال ( ادخلي دورة في فن الماكياج) وأصوله الصحيحة في أي كوافير يقدم هذه الخدمة او تعلم تصميم الازياء واعطي وقتك كله لهذه الدورة او تعلم هذا الفن وبعد ذلك أبدأي بعمله ومارسيها بالفعل ومن يعلم قد تبدعين وتفتتحي محل بعد ذلك .

انشاء الله..
بس سبق وسويت ها الشي من قبل, أخذت دوره ب صالون تجميل بس ماقدرت اواصل لإن معاي الربو
وكنت اتعب كثير من الروايح..

بس راح ادور بمجال ثاني ,,, وبإذن الله يمشي الحال معي...

لاكن عندي شرط إذا نفع معاي وفتحت محل راح تكونين اول زبونه عندي وانتي تامرين امر...

ولك جزيل الشكر والله يوفقك ...


وانشاء الله نكون على اتصال و اقولك على كل شي اسويه...