|
|
|
 |
|
 |
||||||||
|
||||||||||
 |
 |
 |
||||||||
| عيادة مشاكل الكبار كل ما يتعلق بالمشاكل النفسيه للكبار ، رهاب ، وسواس ، نوبات هلع ، فصام .... يقتصر الرد في العيادة على الأخصائيين المعتمدين للموقع . |
|
|
أدوات الموضوع |
23-05-2005, 06:30 AM
|
#1 | ||||
|
عضو فعال
|
طيّب يازمن والله لا أوريك...!!!!!!
بسم الله الرحمن الرحيم..
مسكينة ياحبيبتي .. ياعمري ماصرت رايق مثل اول وماني مثل اول احبك واحبك واحبك الين ما ترتفعين فوق الغيوم من فرحتك بزوجك حبيبك .. تجيني وانتي مبتسمه حيل وفرحانه وترتمين بحضني تحسبيني مثل اول مجنون حب وطيبة واخلاص ووفا لك .. سامحيني ياماما انتي سامحيني ياحياة الروح انتي سامحيني ياجنة الارض انتي.. يالهي كم اصير سخيف معك يالللللللللللللللللللللللللللهي؟؟؟ انا انسان (كنت) عاقل ومحترم وطيب وحبوب مع الناس وكنت فعلا فعلا اكثر انسان في الدنيا يعرف قدر نفسه وكنت ما أحط نفسي في اي موقف لا احسد عليه. الحين انا مريض نفسي كيف ووشلون وليش مدري قسم بالله مدري قسم بالله مدري؟ اوسوس في امي واهلي تصدقون؟ اوسوس في حبيبتي تصدقون؟ لما يسولف معي اي انسان الجو اللي يكلمني فيه اجيه بجو معاكس جدا. لما يجيني واحد يضحك ويسولف لي اعطيه نظرات اني مااااااااااااااأبيك يالسخيف. ليش مدري والله وهي تجيني الحاله هذي ادري اني مررررريض بس وين اروح:( انحاش عن مرتي واهلي؟ اذبح نفسي؟ ياليت اقدر.. تجيني حالات اقعد اوسوس فيها بامور جدا سخيفه منحطه تافهه مخجله لعينه.. وانا اوسوس اكون ادري اني اوسوس بس مقدر اسوي شي تصدقون؟ اصرخ على نفسي يااااااااااااااااااااغبببببببببببببببببببببببببي لا بس احس كأن الخيال صار واقع والواقع خيال . مقدر اتصرف في نفسي مقدر اتحكم في نفسي مقدر اسوي أي شي. اذا راحت الوساوس يبدأ معي شي وهو مين انا؟ افقد شخصيتي واقعد ادور نفسي تخيلو؟ الين ماأمل واقعد اتذكر نفسي كيف أول وتلقاني اتذكر نفسي وانا اضحك واقول اييييييييييييييييه هذا انا. اقعد على احساس الضحك لمدة اسبوع او اقل بعدين اقول لا اثري هذيك الشخصية غير واقعد اتذكر نفسي اول واتذكر نفسي وانا حزين واقول ايييييييييييييييييييوه لقيت نفسي وانا مدري وش اتذكر؟ احاسيسي صارت شخصيات كامله متكامله. المهم اقعد حزين لمدة اسبوع او اقل وكذا. وان راحت هالضيقه وفقداني لنفسي تجيني وساوس قهرية واتذكر فقداني لنفسي واقول والله اني اغبي هذا انا اشعر باحسن حالة ومبسوط ووشلون اسمح لنفسي احس كذا؟ ولي على هالحااااااااااااااااااااااااااااااالة سنه وشهرين. انا قبل كذا اسعد انسان في الدنيا لاني كنت اقول في نفسي الحزن ماله داعي بالحياة ان صادفتني مشكلة واقدر احلها خلاص مايحتاج اتضايق واذا مقدر احلها خلاص ليش اتضايق وهذي حكمه او مثل من وانا صغير حيل سمعتها وفي بالي للحين. مدري وش اقول ومدري وش اسوي ومدريلنالاظزبلولاةساءبزلاوءبزوىلاءبولةاسلزا قهر والله قهر والله قهر قهر لاني وصلت لهالمرحلة ؟ انا يصير بي كذا؟ احس انه سحر او عين لاني مرات احس بالضيقه فيني يعني كأن لها وزن مرات احسها في صدري ومرات في رقبتي ؟ ادري قاعد اخربط وضحكت على نفسي وانا اكتب الحين مدري ياناس مدري وبس والله مدري قسم بالله مدري ياالهي لو تحسون وش يجيني مقدر اكتبه لاني مابي اتخيله دامي ارتحت شوي الحين . المشكلة ان حبيبتي عقلها صغير عسى يومي قبل يومها وانا يوم حبيتها حبيتها عشان طيبتها وانها ما تدري عن الدنيا وماتعرف الا حياتها ونفسها وبس وكنت فرحان معها وكنت معها في عالم ثاني والله عن الناس وكنت ادري وش نظرة الناس لنا لو يدرون حياتنا لاني ادري ان ناس واجد تستسخف المشاعر الطيبة والحب في الحياة وانا معها معها معيشها في عالم وردي بكل ما تحمله الكلمه وكنت ادري وش اسوي يعني ماكان هالشي عفوي مني وكنت احبها بشكل لا يوصف لكن الحين صاير غبي انا صاير انسان ساذج تافه حيوان سخيف بارد المشاعر وادري بنفسي بس قسم برب العزه والجلاله بعض الاحيان اقف حائر امام الشيطان اللعين توها قبل لا تنام قربت لي تبيني العب بشعرها واقولها قصة قبل لا تنام بس لاني كنت دايم اقص لها قصص عن الارانب والغابه وكذا وكنا ندري وش نقول لانفسنا يعني ندري اننا ندلع بعض ونضحك كثير على بعض وحنا ندلع بعض لكن الليلة ماسويت لها شي ابد وكنت سخيف وبس. تاكلني روحي من القهر على كلناسلاوةلاوزءؤةلاظزوسلاسملالظزالاوزولاةس على تفااااااااااااااااااااااااااااااااااااااااااااااهت ي بس والله العظيم مدري وش فيني. ياإلهي يالملل والعذاب والقهر والتعب. كذا يحسون المرضاء نفسيا؟ مساكين والله مساكين وانا اكبر مسكين. كنت اعرف الصح والخطا في الحياة وكنت العب على الف حبل ماهو على الحبلين انا شخصيتي شخصية طيبة بس ذكية والحين ناس كثير لو تنسأل عني تقول على نياته يارجال . كنت متعمد هالنظره هذي فيني وكنت كل غبي اشوفه في حياتي اخليه يقتنع باني غبي لاني كنت ادري انهم ما راح يفهمون الحياة الطيبة الحلوه اللي كلها صدق لاني ادري انهم يستسخفونها وانا اتكلم هنا عن الاغبياء اللي يشوفون الطيبه غباء لانهم هم الاغبياء وحنا اللي عايشين صح وهم ما يدرون . ناس كثير تحسبني غبي وهم كلهم لاعب عليهم انا وكنت امتصهم واستغلهم بكل شي ولا حد يدري حتى انا ماكنت ادري عن نفسي كنت استمتع بنشوة الذكاء مع نفسي وكنت اتعلم نفسيا من كل شي واي شي لو اشوف اثنين يتحاورون وانا في مكان عام اقعد استمع لهم واصنف شخصياتهم واتعلم ان الواحد اذا قال لانسان شخصيته كذا قاله كلام كذا يبي يرد عليه كذا لان فهمه للموضوع هذا كذا وما كل انسان يفهم الواقع بحذافيرة لاني كنت مقنع نفسي اننا بمجتمع تقليدي وان الناس ماهي فاهمه بعض وحتى الازواج في بلدنا ماهم عايشين مع بعض لانهم متعايشين مع بعض. امي وابوي ماهم لايقين على بعض امي ملتزمه ومحافظة جدا وابوي خلف خلاف. كنت ادري ان عشرة من الف تميز الاختلاف في شخصيات البشر وتعطي كل واحد على قد عقله وان الانتصار الفعلي في اي امر هو انك تكسب والناس كلها تحسبك خسران وهذا يصير بالعلاقات الاجتماعية عندنا . فعلا وقسم بالله ان الناس ماهي فاهمه بعض صح صح لاني كنت اطلع الف اختلاف بين كل شخصين يحبون بعض وكنت اضحك على اغلب اللي يحبون من الشباب لاني ادري انه يحسب ان حبيبته كذا وهي تحسبه كذا مدري ان احد يفهم قصدي بس انا فاهم قصدي وهذا المهم .. المهم كنت افرق الافلام اللي احبها واللي ماأحبها من مشهد بسيط لاي فلم لاني القى نفسي في الافلام واحب الحياة الاجتماعية اللي يعيشيونها هم بغظ النظر عن اي شي .. كنت اقدس حياة الامريكان او بالاصح الحياة الغربية في التعامل لانهم ياناس فاهمين بعض . حنا مجتمع فيه مثل اي مجتمع في العالم. امريكا ماهو عشانها منحله طلعو فيها شواذ جنسيا. امريكا لانهم حره طلعو فيها شواذ جنسيا يعني المستخبي طلع.((( وانا كنت افهم واحد بالمستخبين لا من الطيبين ولا من الاغبياء وكانو هم فعلا نشوة جوي وعالمي وشخصيتي))) يعني كل واحد يعيش على كيفه وعشان كذا كل انحطاط عندهم وكل رقي عندهم لان هناك تعيش انت كما انت وغصب عليك لان فيه واقع يفصلك عن الاخرين وحنا هنا تقدر تصير محترم في البيت ومنت محترم في العمل تقدر تصير حبّوب في مكان وفي مكان آخر تافه ليش لان واقعنا حنا على كيفنا؟ اغلب الناس عندنا والفئه هذي اكرهها حيل وكنت استانس لما اشوفها واستغلها اشد استغلال حتى بالفلوس احيانا وانا هنا اتكلم بكل صراحة. انا لما اشوف شخصية انسان او انسانه في فلم وحبيتها ادورها في مجتمعنا وكنت القاها دايم وافرح من نفسي ومن ذكائي وكنت واثق من نفسي وعلى فكرة انا استغبي اي واحد يقول انا واثق من نفسي لان عمرك ما تكون واثق من نفسك ان قلت انا واثق من نفسي . لانه من المفروض انك واثق من نفسك وانت ما تدري عن نفسك. انا بوقف على الكتابه الحين لاني انتبهت لنفسي وانا والله مدري وش قلت ولاني مراجع اي كلمه قلتها لكن ادري اني في منتدى نفسي واتحسر والله على حالي اني وصلت لهالمرحلة من النفسية الى اني اكتب في منتدى نفسي واشكي للناس حالي؟؟؟؟؟؟؟؟؟؟؟؟؟؟؟ والله لووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووووووووووووول عليييييييييييييييييييييك يالحيااااااااااااااااااااااااااااااااااااااة.. وبنتصر عليك ياشيطان ولو طولتها معي شوي لكن قسم بربي لا أغلبك وأرجع لذكائي وجبروتي ومملكتي وحياتي.. عمري 27سنة . كل الناس تشوفني ذكي وطيب ويااااااااااااااحليلي.. انا اشوف ان الحياة كذا يعني ليش يقولون لي الناس ياطيبك؟؟؟ وادري ان قليل راح يفهموني زين. وادري ان كثير راح يفهموني غير . حرير أسود. المصدر: نفساني
|
||||
|
|
|
23-05-2005, 07:01 AM
|
#2 | |
|
عضو فعال
|
راجعت كلامي اللي قريته وحسيت انه بدا بإنكسار كبير والحاله حاله وانتهى على الاقل
بشوية قوة .. يااااسلام يااااسلام.. :) لو محد يرد علي احسن لاني حسيت ان علاجي الفضفضه. لاني مقتنع ان محد راح يفهمني زي ماأبي انا . ماهو لاني انا افهم والناس ما تفهم لا . لان انا ما يفهمه الا انا . لاني والله اعرف نفسي زين بس مدري وش بلاي خربت من فتره:) الله يالابتسامه تصدقون من قلبي وحتى اني استغربتها قلت لنفسي وش هالابتسامه مالها داعي لاني اتكلم وين والابتسام وين لكن فعلا اول ابتسامه من زماااان تطلع من قلب.. اه ياقلبي بس .. بقول لكم شي توه صار جمبي.. فيه تلفون دق وسكر .. شوي وسمعت صوت واحد يقول لا تقول ما دقيت وسكرت ياأخي لا تحلف ترى ما أحب شغل العمال هذا .. لووووووووووووووووووووووووول البشر هذولاء احبهم لانهم قويين في صدقهم لكن اللي يقول والله ما دقيت وسكرت ياألهي ياغباااااااااااااااااااااااااااااااااااااءه لدرجة انه ما يتوقع ان احد يعي ان جواله دق وسكر او دق الين ما سكت لانه كان لاهي بشغله..؟ تدرون لو انا وش اسوي مكان الاخ الحبيب هذا؟ اقول امانه ما سكرت ايه اكيد اني لاهي واخليه يقتنع اني ما فهمته واعامله زي ما يبي واللي بقلبي اخليه بقلبي وافهم انه انسان من جمبها وماأرد عليه الا ان بغيته في حاجه لانهم اغبيااااااااااااااااااااااااء . |
|
|
|
|
23-05-2005, 07:48 AM
|
#3 | |
|
عضو فعال
|
ودي اقول معرفتي بالوساوس القهرية ممكن انها تكون خاطئه او غير دقيقه في نظركم
لكن انا عانيت كذا وبقول اللي عانيته : انسى فكرة انك تبي تقاوم الوسواس .. لانك مايجيك الوسواس الا في الخيال ( العقل الباطني) يعني لما تفكر بامر تافه وسخيف ومنحط قل لنفسك : لا ياشيخ؟؟؟ دام تبي تفكر كذا اكيد تبي تتضايق كذا .!!! فكرتي اللي بوصلها هي : لما تجي تقاوم ولما تفكر هي نفس الحالة والظاهر انك المقاومة من الوساوس نفسه لانك تقاوم ايش؟؟؟ رد علي ياللي توسوس تقاوم ايش؟؟ دامك قاومت فكره يعني انت اقتنعت فيها وتبي تقاومها؟؟؟؟ماتقدر والله ماتقدر؟ لان الاساس انك ما تقتنع فيها من الاول ماهو عاد انك تقتنع وتبي تقاوم .. بعطيكم مثال ممكن يوضح قصدي: لما يجي انسان ويقول انا اشوف جدار ياناس الجدااااااار هذا يبي يطيح علي. كل الناس راح تقول اكسرررررررر الجدااااااااااااار لالالالالالالالالالالالازم تكسره قاااااااوم بكل ما تملك واكسر الجدار وخلك قوي الاراده. لكن الانسان الواعي الواقعي المنصح الصادق الذكي يقنع المريض انه ما فيه جدار من الاساس لازم تكسره.!!!!! كلامي جدا جاد والله وجدا واقعي وهذا ما نعانيه المرضى النفسيين بالوساوس؟ الى من يفكر بالوساوس : اعرف انك منت صاحي بالشكل هذا منت صاحي وودي اقول خبل بعد وسفيه لاني اقنع نفسي كذا انا اقول لنفسي ان فكرت بامر تافه ومن الامور اللي يعرفها المرضى بالوسواس القهري التافه الملعون دايم اقول لنفسي ان جتني الفكره اوكي كلك صح وافكارك صح بس انت خبل .. كنت اقنع نفسي اذا ما قدرت اهدئ وارجع للواقع اقنع نفسي باني اوكي الحين مريض نفسي وما عندي سالفه واي كلمه زيادة مالها داعي واسكت واقعد اهدى اهدى وارجع نفسي للمكان اللي ينطلق منه الوسواس في خيالي واعدله من هذاك المكان . لان استحالة واحد يفكر بامر من الامور التافهه وتجي تقول له لا هذا غلط اوكي غلط بس ليش فكر فيه هو ؟؟ يعني لا تقول له قاوم ولا تستسلم ارجع معه في خياله الى المكان اللي انطلق منه الوسواس وهو العقل الباطني . تدرون ان الموسوس ماعنده واقع نهائيا ان فعلا يوسوس مثلي . خياله صار واقع عشان كذا ممكن يشعر المريض النفسي بالحر والاضاءه وامور كثيره لان يعيش في تفكيره وانا سمعت بعض الناس يقول انا تجيني حكه في يدي ولما اتخيل انها تجيني في يدي الثانيه فعلا تجيني . اللحظه اللي حكيت فيها نفسك واللحظه اللي قلت فيها ممكن يجيني في مكان ثاني واللحظه اللي جاك فيها في المكان الثاني واللحظه اللي حسيت فيها بالحكه واللحظه اللي امرت فيها نفسك بانك تحك نفسك كلها وسوااااااااااااااااااس من اولها لاخرها. انا كنت اقول لنفسي لو يجيني وسواس على شكل كذا وتصدقون انه كان يجيني؟ انا مشكلتي اني بعض الاحيان من القهر العب بالوسواس. مره قلت لنفسي دام الدعوه بس اقول لو يصير كذا ويصير؟؟ لو اتخيل اننا ما حنا بشر وتصدقون بعد شهر جاني الوسواس وعانيته لفترة؟؟؟ اضحكوا ايه اضحكوا ؟ وانا اوسوس حطيت لستة بالوساوس القهرية اللي ممكن اوسوس فيها. لاني قست وسواسي وعرفت له وعرفت الامور اللي ممكن اوسوس فيها دام مفهوم الوسواس كذا وعقليته كذا وتصدقون اني كتبت فوق 62 وسواس ولو بحلف جاني منها عشرين لووووووووووووووووووووووووووووووووووووووووووووووووو ووول:) :) :) قد يستغرب البعض سخريتي وضحكي في الموضوع لكن ارد عليهم بان الموضوع ليس لعب قسم بالله ان الامراض النفسية مشكلة كبيرة جدا معقده متداخله وان جيت تبي تفهمها ما تقدر لان الحياة كذا متلخطبة ومتداخله ومعقده ونتاج هذا صارت لنا حياة حلوه يعني لحد يحاول يقنع المريض النفسي بانه طيب وكويّس ومافيه الا العافيه ودي ان المريض النفسي بالوسواس وانا اتكلم هنا عن فقط الوساوس لان من الممكن ان الانسان ينتبه لنفسه ان كان يبي النجاح والوصول الى بر الواقع ودي انه يستخدم ذكائه لانه في بحر من الغباء المرير وبدون ذكائك يالانسان وبدونك انت ما راح تنجح انت. ----------------------------------------------- استحالة ان انسان ثاني يفهمك كلك فحاول انت في نفسك ان تصلح نفسك ولا تفكر ابد انك ماراح تعالج نفسك لان البداية بدت معك استحالة ان تنتهي على يد غيرك. ----------- إسـال نفسك هذي الأسالة ياللي توسوس : سين سؤال - هل هذا طبيعي ..!؟ جيم جواب - اكيد لا ..لكن ... وقققققققققققققققققققققققققققققققف وققققققققققققققققققققققققققققققققققققققف وقققققققققققققققققققققققققققققققققققققققف وققققققققققققققققققققققققققققققققققققققققف وقف على كلمة ماهو طبيعي ولاتتعداها وتبرر لنفسك الف مبرر لان كل الاعذار والمبررات تقع في خانة الغير طبيعي ودامه ماهو طبيعي ماراح احد يقنعك ولا راح احد يفهمك ولا راح احد يحس فيك وراح تعيش في الغير الطبيعي وان كانك فعلا تبي تعيش صح ارجع للطبيعي ولو صار ما صااااااااار .. يعني العلاج هو اصحوااااااااااا اصحواااااااااااااا اصحووووووووووووووووووا لا تقاموااااااااا لا تقاااااااااااوموااااااااااااا |
|
|
|
|
24-05-2005, 02:05 AM
|
#4 | |
|
عضو فعال
|
انا مشكلتي مشكله..
قرأت اغلب المواضيع اللي هنا وقرأت عن الزوج الطيب الحبوب واللي صار متسلط غاضب الخ وقرأت عن البنت بعمر 25 وعرضت اختها مشكلتها وقالت بأن ممكن ان الذكاء له دور .. انا مثل البنت اللي ذكرت في اعراضها بمرات هدوء تام وطيبه غريبه لكن من حظ البنت انها ما هي داريه عن نفسها وانها لما قعدت على فراشها قالت يارب ليش يجيني كذا . انا مشكلتي مثلها بس مرات كثير اشوف نفسي هادئ وادري اني مريض نفسي والله ادري بس مقدر اسوي شي يعني مشكلتي ادري ان الحياة حلوه بس انا فيني مشكلة والله ياليتني انمرضت كلي ورحت وغبت في عالم ولا قعدت كذا. مشكلتي اني اشوف احبابي قدامي تتهرب مني وما تبيني وقسم بالله عاذرهم لاني ادري وش اسبب لهم من اجواء مشحونه ومحرجه جدا في جلستي معهم. لكن ماااااااااااأقدر اسوي...!؟ مرات اقول انتحر وافتك وربي يبي يعذرني لكن اقول امي وزوجتي وش ذنبهن؟ ومن التفكير اقول ان ماتن بدري راح انتحر؟ استغفرك يارب ..... قرأت عن جبر الخواطر انه يجيه وسواس ويخاف من الموت لكنه مالك نفسه. انا ماأملك نفسي نهائيا؟؟؟؟؟ حتى وانا اكتب الحين ماني انا كلي. انا ماني انا احس مرات اني لازم اموت واعيش من جديد حتى ارجع لطبيعتي. المشكلة مجرد ماأرجع لنفسي واصحوا اغضب من نفسي واضرب نفسي مرات من القهر واستسخف نفسي بشكل منحط يعني فعلا اشوف نفسي ان تذكرت نفسي انسان ما يستحق العيش يعني احس اني غبي بشكل مجنون مع اني ماني غبي. شي واحد ياليت ينفهم. ان الي يكتب الحين ماهو انا. ناقص الف شي وشي حتى اكتمل . اللي يذبحني اني مقدر اعرض مشكلتي بشكل واقعي. لاني حتى وانا اكتب اكون مريض . انا مجنون تماما . لما اصحى من وساويسي وافكاري اقول ترى انت مجنون شفت اللي يرحون للمستشفيات تره انت منهم لكن في شي داخل قلبي ماهو مقتنع بالكلام هذا يعني اقول ايه ايه مجنون وخر بس. وانا اكلم نفسي اقول شف الحين انا مجنون يالله بس انت المجنون؟ المشكلة ان الناس ما تفهم اني متغير يعني فيه شي .. يقهرني ان كل الناس تشوفني سخيف.. طيب انا صرت سخيف بس اول انا طيب. يعني فييييييييييييييه شي . ماعمر جاني احد ونفضني قال اصحى انت وش يجيك؟؟ ماعمر احد جاني وقرى تعابير وجهي وعرف ان هذا ماهو انا. يقهرني ان الناس تصدق اني صرت غبي وسخيف وبارد المشاعر . يعاملوني كأني طفل يجاملوني واجاملهم لاني ادري ما يدرون اني صرت مجنون. اي واحد يكسر عيني ليش مدري. احس اني طفل . يعني لو يصدمني احد الحين ويقول سامحني انحرجججججججججججججج ويحمر وجهي واحس ان العالم كله ينتظر الرد مني وراح اقول مسامحك وزين بعد ان ما دفعت له فلوس؟ انا اذكر نفسي اول. مدري منين جاني ابليس ولعب فيني مدري. صدمه نفسيه؟ بس وشلون تجي صدمه نفسيه؟ انا كنت قوي وما عرفت اني كنت قوي الا الحين. ودي احد يعيش معي ويفهمني ويعالجني وانا مدري بس محال ادري محال. المشكلة اني مقدر انسي نفسي يعني انشغل بشي او كذا لا مقدر. العب بلاي ستيشن واحلى لعب لكن لو يسولفون جمبي ناس ويسبوني ماأكون منتبه لهم اكون داخل جو مع اللعبه يعني ماهو شي زين لا شي شين . لاحد يحسب اني ادخل جو واستانس لا. تلقاني اول ما أبدا العب اقول جاني المرض دبر نفسك دبر نفسك دور لك عى جو اقول اوكي انا العب الحين لعبة حرب خل اتخيل اني معهم وتلقاني اسوي حركات بايخه. ياناس ابي اصحى الحين وشلون؟ ابي انام واصحى وخلاص. البارح كتبت لكم كلام على بالي اني نسيت كل شي بس شوفوني الحين اكتب. لي سنه وكم شهر وانا كل مره احسب اني خلاص بنسى. المشكلة اهلي والمجتمع اللي انا فيه ما أقدر اسوي شي معه الحين. الحين ابوي ما يدانيني يقول انت مدمن مخدرات. كل الناس صدقوا حتى اقرب الناس لي وكل الناس ما تبيني مدررررررررري. احس ان اللي جاني مدري. يالله ابي اصير مثلكم الحين وانسى واعيش مطمئن البال بس مرات مقدر. الحين الحين الحين وانا قاعد اكتب لكم فيني مرضي . الحين اشعر بحر واشعر ان كل شي قريب مني. اذكر جو الرواقه واذكر جو الناس الفاهمين والاذكياء والله اخبره بس احس ما فيني حيل ارجع له. يعني احس ما ودي اسوي شي ماني رايق اقاوم او اصحى. حتى سالفة الجدار اللي قلتها لكم بالرد القديم هذي هي فيني. اي والله اني مجنون؟ الحين احس اني ابي اقااااااااوم بس مافيني حيل. احس ان فيه حاجز بيني وبين نفسي وبين الناس وبين كل شي. صراحة مقدر اسوي شي الوسواس الحين فيني. عشان كذا احس اني لازم اموت واعيش حتى اكمل حياتي. لاني كل ماأصحى يجيني الجنون والمشكله اني تعودت عليه يعني كل ما يجيني ما يكون شي غريب علي عشان كذا اتقبله ومقدر ارفضه ......... علي السلام ... سلام عليكم. |
|
|
|
|
26-05-2005, 08:59 AM
|
#5 | |
|
عضو فعال
|
ياحبيبي والله ياأنا...!!!؟
والله ان كل اللي قلته خرابيط .. يالهي سبحانك ياعظمتك وشلون كنا ووشلون صرنا...!؟ ليش وبأي حق ولصالح من ووش السبب...!! يالله إن بالأمر خيره.. انا من يومي صغير احس اني بصير مطوع وبصير غني .. يالله ان المرض النفسي سبب لي واصير ملتزم يارب. |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
