ولدي ما يعرف شكل ابوه ..

ولدي ما يعرف شكل ابوه ..

السلام عليكم ..

اخواني انا عندي مشكله وماني عارفه شسوي لاحلها وماني عارفه من اسال بهالموضوع مالقيت الا منتداكم وان شاء الله القى عندكم الحل ..

مشكلتي في اني عندي ولد عمره سنتين ولحد الحين ما يعرف شكل ابوه ابوه هجرني انا وابني بعد ولادتي بشهر يعني اخر مره شاف فيها ابنه عمره شهر تقريبا ومن وقتها يرفض يشوفه مع اني ماكلمته بهالموضوع بشكل جدي لاكني كنت دايما اقوله ابنك موجود ومتى ما بغيت تزوره حياك الله و مع ذلك كان بس يرسل لي فلوس اذا طلبت منه فقط ولا يطلب مني انه يشوفه وما كان ياسل عنه حتى لما يكلمني بالتليفون شلون فلان فقط ولاشي غيرها ..

وانا كنت ارسل له صور الولد احيانا عله يرق قلبه للولد ويحاول ان يشوفه وهو يحتفظ بالصور ويقولي انا محتفظ فيهم لاكنه الا الان لم يطلب مني مره انه يزور الولد او يشوفه ..للعلم هو متزوج وعنده عيال من الاخرى ..

انا مو هامني بالموضوع الا ابني اخاف يكون هالشي له تاثير نفسي عليه مع العلم انه عايش في وسط عايلتي بشكل طبيعي ومو قاصره شي ووالدي يقوم بمهام والده ووالدي موجود ويدلعه ويهتم فيه لاكن مو بكثرة الوالد الحقيقي يعني اغلبه الولد مرتبط فيني وانا مو مخليه عليه قاصر الحمد لله لاكن احيانا يتوجه الا والدي ويحاول اللعب معاه لاكن بحكم انشغال والدي مايقدر يجاريه فاحس انه محتاج لابوه فعلا فاكيد تعرفون اهتمام الاب بابنه مو مثل الجد بابن بنته ..

انا ماني عارفه شسوي هل استمر في محاولاتي في اني اخلي ابوه ياتي لزيارت ابنه او اترك هالموضوع واخلي الوضع على ماهو عليه .. علما باني قبل كم يوم حاولت ارسل له عبر النقال صور جديده لاكن الخدمه مو موجوده بجهازه وطلبت منه يحط الخدمه اذا يبي يشوف الصور ولاكنه ما حطها وطنشني ومار رد علي مع ان الخدمه تنحط خلال دقايق وهو قاعد في مكانه وهو يدري بهالشي ..فشنو الاحسن لابني وليش ..

للعلم فقط ابني في وسط عايلتي يتربى على الاخلاق والصلاة والدين اما والده فهو متحرر ولايهتم بهذه الامور واخاف على ولدي من هذا التحرر كما ان زوجة طليقي امراه شريره واخاف على ولدي منها اذا سبحان الله واراد الاب ان ابني يزوره ..

على فكره اعتقادي الشخصي واكاد اجزم فيه الحقيقه انه ما يبي يتعلق بالولد خوفا من انه يظطر يرجعني عشان ابنه فهو معتقد ان انا انتظر منه انه يرجعني واني اسوي هالاشياء عشان يرجعني لذمته كيف اصحح له اعتقاده هذا ..

اسلوب التواصل بينا مسجات النقال وماحب اكلمه حقيقه انغث واتنرفز منه والله يعين ..

ادري طولت عليكم بس اتمنى فعلا القى عندكم اجابه لكل تساؤلاتي ..

المصدر: نفساني

السلام عليكم ورحمة الله وبركاته
اختي بارك الله فيكي ونفع بك لطالما ان ابنك صغير السن وفي وسط عائلة طيبة الاخلاق والجميع يمنحه الحنان والمحبة فلا تقلقي عليه فهو بايدي امينة ناصحة محبة له فان قلقكي عليه لايفيده كثيرا ازرعي بنفسه حب اباه فهو ابوه مهما كان واما والده فأسأل الله له الهدايه

اشكرك يا دكتور على ردك الحقيقه ريحتني بينما الي حولي كلهم يخوفوني من تعقد الولد او تاثره نفسيا اذا ما عرف ابوه .. انا صراحه فكرت اعلق صورت ابوه على باب كبت ملابسه بحيث كلما فتح الباب يشوف الصوره ليما يتعود عليها شرايك دكتور ..هل في هذا فايده له ؟؟

دكتور اسفه في الاطاله بس انا ماعندي خبره بهالامور ولا اهلي عندهم خبره فماني عارفه شلون اتصرف ..وسؤال اخير يا دكتور انا ماراح اذكر ابوه بالشر جدام الولد خوفا على مصلحة ابني لا على سمعة ابوه ولاكن اعتقد اني مال المفروض احط بابوه شي مو فيه عشان احببه فيه عشان ما يرسم صوره غير حقيقيه وبالتالي يتفاجاء فيه اذا كبر .. يعني اذا سالني عنه ليش ما يجي او وينه لازم اقوله الصج وما احاول ازيف الحقائق عشان يحب ابوه هل رايي سليم او لا ؟؟؟

انا ادري ولدي صغير بعده بس احب اكون مستعده لاي شي يصير اذا كبر واعتقد انها كلها فتره بسيطه ان شاء الله وراح يبدأ يلاحظ الفرق خصوصا ان عيال خواتي من سنه لهم ام وابو في سن متقارب فليش اهو لا ..

وشكرا جزيلا لك ..