ادمرت حياتي وضاعوا عيالي والسبب000000

ادمرت حياتي وضاعوا عيالي والسبب000000

شخصية زوجي سيكوباتية000وعلى هالاساس ضاعت حياتي معه بكذبة وخداعه عدم احترام العادات والتقاليد انانيته واتباعه لشهواته وبس انا مشى حياتي معاه بالخداع والكذب 00000
قلت ماشي ما أرجيه زوج ابيه اب واتحمل عشان العيال ،كمان دمر عيالي بالكذب والخداع ربيتهم على الصلاة وطاعة الرحمن لكن بتصرفاته ضيع كل اللي بنيته بسنين لدرجة انه كره عيالي فيني بطريقة غير مباشره يأخذهم معاه ويقعد يطنز فيني يعني من هالحكي المهم انا من بعد العيال ما قدرت اتحمل يعني عيالي وما اشوفهم واحنا في بيت واحدكان يحاول انه يعزلهم عني 000من قبل فترة قلت له عالج عند طبيب نفسي سكت وبعد فترة كررت عليه قال:اخاف تمسكين علي قلت له:عالج برا البلدولا أعرف وين تتعالج مع العلم عمري ما عايرته بشئ أو مسكت عليه ذله حتى مشاكلنا ما احب احد يدري فيها حتى عيالي لكن هو كان ينشرهاولا يعمل حساب احدلا نفسيت العيال ولا العيبه المهم انا الان مطلقه منه بطلب مني لكن الضحيه عيالي كل ما اقول كذا اريح لي أفكر بعيالي وش ذنبهم؟؟
ليه ما أعيش مع ابوهم بهناءمثل غيري ليه عيالي يدمرون، لانهم يحبون أبوهم انا مستعده ارجع له بشرط يتعالج000وانا حاسه ان كل مشاكلي معه بسبب المرض لكن مولاقيه أحد يفهم او يقنعه انه يتعالج الكل ينظر للموضوع من وجهت نظر اخرى وانا بصراحه ما اقدر اتفاهم معاه الان لانه مو ثقة ويخلي الموضوع بيننا وكمان مو هامه انى نلم شملنا مقتنع انه صح وانا غلط وكمان ما خلى طريق لي للرجعه000

الان كيف اقدر اعالجه وانا بعيدةوكيف اثق فيه وما فيه احد من طرفي او من طرفه يفهم و يقدر انه مريض انتم ادرى بالمجتمع الخليجي00وعلى فكرة هذي مو اول مرة اطلب الطلاق00ودي الم شملي وعيالي وابوهم حرام يتشتت شملنا عشان مرض ممكن علاجةومدري كيف اتصرف؟؟
ساعدوني00الله يخليكم0
علماً ان فيه تفاصيل كثيرة ما قلتها لكن الفكرة انه مريض وتشتت شملنا عشان كذا ويوم فكرت انه مريض عذرته بكل تصرفاته لكن مستحيل ارد وهو مريض لان المصير نفسه بيصيرولا هي اول مرة علماً انه هذه الطلقة الثانيةوكلها انا اللي اطلبها وبالظغط عليه0
ومشكورين سلفاً00ياليت تردون بأسرع وقت العدة قربت تخلص يعني حسبة ايام0

المصدر: نفساني

هلا بك عزيزتي :
أولا غنك تطلبين الطلاق هذا غلط لأنك هنا تناقضين نفسك تقولين لا تريدين أولادك يتشتتون و ينلم شملكم وتطلبين الطلاق !!!!!!!!!!!!!!!
على اي حال ما حصل حصل و لكن هل لي أعرف ما مشكلة زوجك بالضبط لأنك ذكرت فقط غنه يتبع شهواته و لا أعلم ما المقصود بالنسبة لك ؟ وكم لديك أطفال حفظهم الله ؟ وكم عمرك ؟ وكم عمره؟ وكم لك متزوجة ؟
أود أن أطمنك أن كل مشكلة و لها حل بإذن الله و تفائلي بالخير و أحسني النية و سترين نتائج طيبة بإذن الله , أنا بإنتظارك .

مرحبا أ/رشا
انا قريت عن اعرض الشخصية السيكوباتية وانا لي قراءات في علم النفس ومن هالمنطلق لقيت ان اعراض المرض هي بأختصار تنطبق علية00
انا عمري35 وهو عمرة39 وانا متزوجة من14سنةولدي 3 اولاد وبنتين0