بليزززززززززززززز ... عطوني رأئكم ..

بليزززززززززززززز ... عطوني رأئكم ..

السلام عليكم ورحمة الله ..
شخباركم .... رجعت لكم بعد غيبه طوووووويله ... بسبب النيك نيم تبعي..
راح ادخل في الموضوع مباشرة .. واتمنى انكم تساعدوني ..
انا راح اقولكم عني .. اقول .. تراه اللي كتبته طوووووووووووووووووووويل .. فالله يعينكم بس ..

انا بنت عمري 19 سنه ..من سلطنة عمان .. اذا سألتيني شو طموحج .. راح اقولج اني ادرس علم نفس .. وكل شئ يخص بالتنمية البشريه ..
طبعا في البدايه ما كان هذا طموحي .. لكن بعد ما سمعت شريط لدكتور طارق السويدان (الابداع في تعليم الابناء) صرت اتابع مثل هال\مواضيع وكان عمري صغير .. وبعدها راح ابوي يشتري مثل هالنوعيه من الكتب ..وحتى تخص الابداع .. وكانت سلسله رائعه للدكتور الاماراتي علي الحمادي ..

فانجذبت وايد لهمواضيع وزاد حبي لان اعرف اكثر واكثر عنه ....
واللي يحمسني اكثر .. انه انا في المدرسه كان يلقبوني بالمبدعه ..(( يالله فكري معانا .. يالله قولي شنو رائج فهالشئ .. يالله عطينا فكره حلوه ومبدعه .. ووو
وكان هذا كثير يحمسني .. انا ما قصدي اني اتفيشر .. لا بس اعطيكم الشئ اللي صار لي .. فكنت اطبق الكلام اللي مكتوب في الكتب .. واحاول اتجنب معوقات الابداع ..

وحتى لما كانت تكون عندنا حصة تعبير او شئ .. كنت اطلع واتكلم مثل هالمواضيع ..وسويت محاضره ..
وساعدت بنت في شرح بعض النقاط لماحضره هي القتها (على مستوى الفصل طبعا )..

المهم .. فصرت متعلقه كثير بها .. ولما يسألوني .. شو طموحج .. ؟؟ اقولهم اني ادخل مجال علم نفس .. بس في البدايه كنت اقولها وانا امزح .. يعني شئ مستحيل اني ادخل هالمجال .. !!(لاسباب العادات والتقاليد انه البنت لازم تدخل تربيه وبس .. وبالنت فينا لازم تتغطى >>

وشوي شوي .. وصارت الفكره تسيطر علي .. اني ليش ما ادرس هالتخصص .. وعندي قوة اقناع والحمد لله ..
ويكفي اني احب هالمجال ... انزين وبعدين ؟؟؟

وصلت للثانويه ... وكنت اقول اني اذا حصلت نسبه 96% راح ادخل علم نفس .. واذا 95% راح ادخل تخصص تربيه فزياء مع العلم اني كنت متفوقه دراسيا..... وركضت وراء هالحلم .. بس طبعا برمجت نفسي لاسواء الاحتمالات .. يعني .. المفروض ما اركز على عالمجال .. اكيد راح الاقي معارضات .. واحتمال ما احصل على نسبه عاليه .. يعني مثل هالاحتملات ...

وكان صديقاتي وزميلاتي يضحكوا علي لما اقولهم عن طموحي .. ويقوللي خليج عاقل .. انتي بروحج مينونه .. ههههههه .. عاد لاني كنت وايد مرحه.. وهبال زايد شوي ..

اما اهلي .. فأمي كانت تقول قبل هاتي نسبه حلوه وبعدين يصير خير .. وطبعا مع شويه معارضه ..
اما ابوي .. فكان يسكت .. ما يعطيني رايه .. وهذا اللي كان ذابحني .. انه بعدين يمكن يرفض .. وانا حلمت وحددت طموحي .. بس كان يبتسم.. وكان يتابع معي البرامج اللي تخص هالشئ .. واقوله .. يبه .. شوف بنتك بعدين راح تصير جذيه .. وهو يبتسم .. يعني ما كان يعصب لما اقوله هالشي .. وبعدين قالي يصير خير ..


المهم ................................ قصدي الاهم ..

طلعت نتائج الشهاده العامه الفصل الاول.. والنسبه اللي صقعتني صقع ... وانصدمت صدمه ..
حصلت على نسبه (72%) ....... ولما سمعت النسبه مراح تصدقوا شو صار!.. دمعه من خدي منزلت !!..
مسكت نفسي .. وحمدت الله .. ودعيت دعاء المصيبه .... عاد شئ مصيبه اكبر من جذيه .. ودعيت ربي يخلف لي اخير منها .. ولحد اللحين من هالدعاء وانا انتظر .. وان شاء الله ربي راح يقدر لي الخير ..

والنتيجه النهائيه .. طلعت .. وحصلت على 74% ... وطبعا هالنسبه لا تمشي يمين ولا يسار .. ابدا ابدا ما تقبلني أي جامعه او أي كليه ..
فقرر الوالد يدرسني خاص .. فقلت انا لاااااااااااا .. ان شاء الله راح اعيد دراستي مره ثانيه .. والحياة كلها كفاح .. وانا ابي اوصل ..
فعدت الدراسه .. وجبت نسبه 79,8% ............ وهذي بعد مستحيل أي مكان يفبلوني فيها ..
قرر ابوي يدرسني خاص .. مثل ما قال في السنه اللي قبلها .. واخترت الكليه والتخصص ....
وطبعا تخصص علم نفس ...................... بس اللي ما كان في الحسبان خالي ما وافق .. وقال شنو يعني علم نفس ..؟؟ وشو راح تتخرج ..؟؟ ووين راح تتوضف ؟؟ وعلم نفس مو معترف فيه في عمان ..وراح تتبهدلي ,, وووووووو وهذا داخل فيه شرك ووسواس .. ووو وغيره وغيره .. وما خلا خالي شئ وما قاله عن عيوب هالتخصص ..

بس بعدين ما رحت ولا سجلت فيها .. مو علشان خالي قال جذيه.. لا .. بس لاني سمعت عن هالكليه انها مو كفؤ .. وما لها كلمه ...وتقريبا في عمان مشي تخصص علم نفس لا حكوميه ولا خاص الا في هالكليه الخاصه..
وبعد لضروف خاصه ..

وانا على هالحال ... فسجلت بالهيئه التطبيقيه للتعليم التطبيقي والتدريب ... اللي بالكويت ..

فاخترت عدة تخصصات .. وانا لحد اللحين انطر القبول في الفصل الثاني ..

بس المشكله............. انه انا ركضت وركضت وحاولت .. علشان اوصل لطموحي ..
وحطيت في بالي انه كل تأخيره فيها خيره .. يعني يمكن ربي رايد لي شئ وانا ما اعرفه اكيد ..
فهذا اللي مصبرني ..
لكن قلت ... لما سألت وسألت عن الهئيه اللي بالكويت ..انه ممكن ادرس علم نفس .. بس بعد ما اخذ تخصص رياض اطفال اربع سنوات .. وبعدين اشتغل سنه تقريبا .. وبعدين اكمل دراستي سنتين تخصص علم نفس ..
هذا التفكير بيني وبين نفسي .. صحيح راح تكون السنوات طويله بس بستحمل .. اهم شئ اوصل للي ابيه ...
واذا طبعا والدي والدتي وافقوا على ينون بنتهم .. وانا اللحين على هالحال ..........



وشكرا .....ههههههههه قريتوا تاريخي .. ولا مذكرات ماري انطوانت ..ههههه

اعذروني حيييييييييييييييييل على الاطاله ........ بس شو اسوي .. صدج محتاجه لتوجيهاتكم.. انا ما صدقت ودخلت موقع مركز الراشد.....

هذي اول مره اكتب فيها جذيه .. واعبر وايد .. بس لاني فعلا ابيكم تعطوني رائكم عن الهبال اللي انا فيه ..

قولوا لي حلول او أي شئ يبرد اللي بداخلي .. انا يمكن ما قلت شو اللي اريده بالضبط .. بس هذا التاريخ اللي انا كتبته .. شو رائكم فيه .. ؟

اتمنى تردوا علي بسررررررررررررررررررررررررررررعه .. بليزززززززززززززز ..



بـــــــــــــــــــــــلسم ... ..

المصدر: نفساني

رائعة انك فكرتي بكل الطرق.....
انا انصحك برياض اطفال وبعد كده علم نفس او ممكن تدخلي كلية اهليه......
الله يوفقك ويعينك .......
وترا انت منتي فهبل زي ماتقولي......
بل انت رااائعة ومبدعة.......كماعهدناك.......

اتمنى لك التوفيق....
ولاتنسي ان جميع الناجحين يعرفون ان العقبات اول طريق النجاح......
استخيري وعليكي بالدعاء......

اشكرك اخي على ردك الرائع ...
لكن بالنسبه لرياض اطفال ... فبا ان نسبتي نازله فمستحيل يقبلوني تربيه ...
وانا سجلت رغباتي فيالعلوم الصحيه ...
شفتوا الفراق ... وين وانا .. وين التخصصات اللي اخترتها !!!!!!!!!!!!!!!!!

حاولي في الجامعات الخاصه اذا كان لديكم

تسلم يامديرنا حوراني ...
بس انا قلت انه الكلية الخاصه اللي عندنا مو كفو .. شهادتها ضعيمة ..
مع انها معتمده من التعليم العالي .... لكن الدراسه ضعيفه ..

واشكرك جزيل الشكر على مساعدتك لي ..