ساعدوني اتمنى الموت بسبب الفوبيا

ساعدوني اتمنى الموت بسبب الفوبيا

السلام عليكم
انا عندي مشكلة يائسة منها واتمنى من الله تقدروا تساعدوني عليها
انا عندي فوبيا من _تحليل الدم_ اخاف منه بقوة وتتبدل اوضاعي وتنقلب فوق تحت اذا سمعت احد يتكلم عنه او يلمح له او حتى لو اشوف اشياء تشير اليه
ساعدوني
ساعدوني انا تعبت
انا اتعالج في مستشفى من زمان بس توهم بدوا معاي في جلسات الإسترخاء
اول جلسة كانت بس مبدئية
الثانية دخلت معاي بخطوة بسيطة وخفت ووقفت الجلسة ومادري اذا اقول من وقتها حسيت بزيادة قلق ومخاوف من كل شي او هذا ماله علاقه بس صار لي شهرين وانا خايفه من كل شي عندي استثارة زايدة من كل شي مدري موسوسة والا قلق ؛ساعات احس ان اضظافري تحك بشي املس ويضل هالإحساس ملازمني وهذا مضايقني حيل وساعات تجيني افكار تعذبني مثل اني اتخيل موس يقطع عرقي مكان التحليل افكار وافكار انا تعبت
الجلسة الثالثة ماسوينا استرخاء لضيق الوقت بس كانت جلسة عادية يعني وقفنا جلسة
وبعدين اليوم رجعت سويت جلسة اللي اهي الرابعة مدري طول المدة الفاصلة كانت مو من صالحي لأن اول ماسألتني عن استعدادي قلت لها خايفة (يعني مو مثل اللي قبل كنت مستعدة) المهم بدينا التخيل والأخصائية قالت لي اذا بغيتي نوقف رفعي يدك وتونا وصلنا عند ان الممرضة تقول لي افتحي يدك قلت لها خلاص بوقف الجلسة بعدين الأخصائية قالت لي اذا استمرينا اربع جلسات ماسوينا شي خلاص بنعتبر ان الحالة يائسة من العلاج (انا تضايقت لأنهم بيتخلوا عني)
انا نفسي اتحرر من الخوف هذا
موبكيفي ما اقدر اكمل ان خايفة من جد ما اتحمل ؛ مجرد التخيل يخوفني
قولوا لي وش الحل والخوف هذا فيه امل اشفى منه او لا؟
قولوا لي اي شي بسويه ساعدوني انا خايفة من كل شي؛ كل الدنيا ؛احس ان الدنيا كلها ما أتحملها؛ كل شي خايفة منه
وش الحل ؟؟ وفيه امل او بضل طول عمري اسيرة للخوف هذا؟
اتمنى اتمنى من كل قلبي تساعدوني احس اني بجن من هالأفكار والمخاوف اللي احسها وماحد فاهمني

المصدر: نفساني

أختي الغالية أرجو الانتظار حتى أتمكن من الرد عليك في اقرب وقت ممكن و الله معك ...

أ.هند اتمنى اعرف رايك في مشكلتي
وهل في امل اصير طبيعية مثل باقي الناس؟
لاني احس ان هالموضوع صاير لي مشكلة حياتي اللي اتمنى اشفى منها وتنحل

ارجو الانتظار فقط

حياك الله أختي الغالية ****

المشكلة التي تعاني منها تعتبر من مشكلات البسيطة , لابد أن يكون لديك قوة و رغبة للتخلص من الخوف , من وجهة نظري لابد على الاخصائية في بدية الجلسة مناقشة الخوف عندك و تحليل الافكار التي تشعري بها و يسمى بمناقشة الافكار السلبية , وإسترخاء يساعد في تخلص من الخوف عن طريق الخيال و بعدها التطبيق في الوقع بتدريج , لكن أحب أن أعرف هل تأخدي علاج دوائي الان العلاج السلوكي وحده لا يكفي لابد من السلوكي و الدوائي الذي يساعد في علاج الاعراض و قدرة على التحكم . لكن المشكلة بسيطة بس يحتاج إلى وقت فقط منك و من الاخصائية . تحياتي لك ...

مشكورة أ.هند على ردك انا عن جد تعبانة من هالموضوع كنت ابي احد استشيره ويريحني ويعطيني امل
انا آخذ ريسبردال صار لي 3 شهور بس الدكتور قال لي انه مهدئ ماهو مضاد للإكتئاب وحاسة انه من اقوم الصبح من النوم انه مزاجي مو حلو مزاج المكتئب فهل تعتقدي ان هذه الحالة من الدواء يعني تنصحيني اوقفه لأني اقوم من النوم مالي خلق اسوي اي شي حتى اني اغسل وجهي مع اني الحين وضعي مايستدعي الاكتئاب عشان اقول من الظروف اللي صايرة فأنا قلت يمكن من هذا الدواء

أختي انا لا أنصحك بترك العلاج من نفسك يفضل مناقشة ذلك مع الطبيب الذي صرفه لك لانه أقدر بذلك , لكن أنت بحاجه إلى جلسات حتى تساعد في تحسن الحالة عندك , و أرجو منك الاتصال على المركز و الحديث معي ...