دكتورابراهيم انا مريضه ولا لا

دكتورابراهيم انا مريضه ولا لا

اناتزوجت من سنتين برجل متزوج وعنده5اطفال اول ماتزوجناكنا عشاق ماكننا ازواج لدرجةانه نسى كل العالم عشاني حتى زوجته طلقهاواللةيادكتوريقول لويجوزاسجدلاحدغيرالله سجدت لك كنت اناعنداهلي وهويروح ويجي علي وبعدين استقريت عنده وبدت المشاكل هوبصراحه عيونه زايغه وكنت سامعه ان له ماضي بالعلاقات طبعاانالاحظت عليه النظروتكرارالنظرواختلاس النظرحتى لاقرب الاقربين خواتي حريم اخوانه اي احد اذا شاف اي وحده لازم يكررالنظرواذا كانت حلوةدخل بغيبوبه يتنح ماعاديقدريتحرك والمشكله كان اول ماتزوجنايقول لي عن علاقاته وغرامياته السابقه وكنت اضحك مايهمني بس بعدماحبيته صرت اغار واعيره بكلامه السابق المهم صاريخبي عني كل شي طبعا ينام بدري ماعنده سهرات مايقفل جواله بس اناماعندي اي ثقه فيه وخصوصاعقب ماجبت الشغاله شفته يسولف معها ويضحك يروح لهابغرفتها عينه لها هي زعلانه راضيه واذاسمعتهم يسولفون بالحوش قلت وش قالت لك قال ماقالت شي هااا لا قالت بس مافهمتها هاااا واللة مدري تكلمت ولالا يعني يعطيني كم اجابه واذاقلت له جاوبني جواب واحد قال ههه اناجاوبتك ثلاث اجوبة ولانفع تخيل في كل موضوع يتعلق بالحريم اذاسالته يعطيني كم اجابه وكل اجابه غيرعن الثانيه بيجنني ويقول اناماقصرت قلت لك كل شي وانتي اختاري اللي يعجبك انا بدوامة ماني عارفه حدودعلاقاته احيانا افكربالطلاق بس اتراجع عشان بنتي وماني عارفه احكم عليه شكيت لاخته قالت يووووه هو من زمان راعي حريم ويعرف فلانه وفلانه وفلانه هو مرة قال لي انا من اول ابي الحريم لكن عقب ماخذتك اطالعهن واسولف معهن لكن مايهزون فيني شعره انتي مشبعتني طيب اذا مشبعته ليش يسولف ويطالع انا بننجن من جد اكثرالاحيان صرت انوم بنتي وانام لاعاداطلع ولااروح ولااابي احد بصراحه افكراحيانا بالهروب لمكان مافي احد طفشت حتى من نفسي مدري ان عاملته زين وشفته يطالع انجرحت قلت مايستاهل وارجع اهمله واهمل نفسي وكل ماجيت اسوي له شي قلت ماله داعي حتى الخدامات ماخلاهن طنشيه اقولكم لوبكتب بكتب للصبح بس السلااااااااااام

المصدر: نفساني

ابنتي / الأميره حفظها الله

أولا : أشكرك على ثقتك بي وبمنتدى نفساني ، ثانيا : أنت لست مريضة ، بل عاقلة وتدركين مصلحتك ، ويبدو عليك البراءة وقد تورطتي مع هذا الرجل الذي لايقدر الحياة الزوجية ، فزوجك هو المريض الذي يحتاج إلى علاج نفسي لأنه صاحب نساء قبل الزواج ، ومن تعود على ذلك لايرتدع بعد زواجه ، والذي اراه أن تجلسي معه جلسة مصارحة ومكاشفة وتقولي له ما في نفسك وتخبرية ان حياتكما الزوجية في خطر إذا استمرت على هذه الحالة وتتفقي معه على أن يغير من طبعه وعادته الذميمة ، وإلا هددية بأنك لن تصبري على هذه الحالة مهما كلف الأمر ، فإذا كان فيه رجولة ومحبة صادقة لك خاف وارتدع ، وإلا حياة زوجية بهذه الصورة عذاب وشقاء ، اسال الله أن يفرج همك ويزيل كربتك 0 وتقبلي تحياتي0000