|
|
||||||||||
عيادة مشاكل الكبار كل ما يتعلق بالمشاكل النفسيه للكبار ، رهاب ، وسواس ، نوبات هلع ، فصام .... يقتصر الرد في العيادة على الأخصائيين المعتمدين للموقع . |
|
أدوات الموضوع |
11-04-2006, 10:25 PM | #1 | |||
عضو جديد
|
لجأت لكم فلا تتركوني اذبل
انا فتاه سعوديه اشتركت بهذا المنتدى لاني حابه اتكلم احس اني تعبانه كثير راح اتكلم
باللهجه العاميه عشان اقدر اخذ راحتي اكثر انا عمري 22 سنه اتخرجت من الجامعه ولله الحمد سميت نفسي بالمنتدى لون الخريف لان الخريف دايمن لونو اصفر وشاحب وانا حياتي كذا مافيها امل انا بابا وماما منفصلين عن بعض من يوم كان عمري 5 سنوات كنت بسن محتاجه حنان وحضن ماما مررررررررره كثير خاصة لمن دخلت المدرسه ومجلس الامهات كنت دايمن اتخبى عشان محد من صحباتي يسألني وين امك سؤال جدا صعب كنت اتخبا واطالع فيهم ودمعتي على خدي اقول وينك ياماما ليش تركتيني كنت مااقدر انام الا ودموعي مغرقه مخدتي ابكي ابكي الين ماانام واصحى تاني يوم واعيش حياتي طبيعيه بابا اتزوج وصار عندو اطفال وماما كمان وكل واحد انشغل ببيتو نسيو يعطوني حنانهم وحبهم كنت اتقرب لاي ام امهات صحباتي احس انها ماما وانها بتعاملني غير واكون مرره مبسوطه واقول ياريت ماما كدا بابا كان قاسي كثييييييييير عمري ماحسيت انو باابا متزوج سوريه يعاملنا بقسوه يعاملنا كسلعه يهدد فيها ابوه اللي مربينا لانو بابا عندو ديون مررررررره كثير من وقت ماوعيت على الدنيا وبابا عندو ديون الى الان واذا ابوه ماسدد عنو ياخدنا ويعذبنا عندو لو انو ياخدنا ومايسويلنا شي عادي ابونا بس يعذبنا ويقول انا ابغاكم كدا تتعذبو طول عمركم ماابغاكم تعيشو عند ابويا بنعيم وانا اتعذب بالديون واحنا مو سبب ديونو حتى المصروف الشهري مايعطينا عايشه بحالة رعب وخوف حتى شخصيتي صارت مهزوزه منو وياريت نلقى ام لمن اشوفها تعوضنا عن الالم اللي يسويه بابا لا حتى ماما قاسيه تعاملنا زي الضيوف ماعمرها بحياتها حضنتني احس اني محتاجه حضنها وعطفها وحبها بس بحياتها ماحسستني بدا الشي من كتر مني محتاجه حضنها وكاتمه دا الشي احس قلبي مجروح ومكسور ومتألم مررررررررررره تعبانه حتى بيتها مااعرفو ماتبغانا نعرفو مانشوفها الا كل بعد كم 3 شهور او اكتر دحين اخر مره شفتها بعيد الفطر بملاهي وبعدين احنا وصلناها عشان ماعندها سياره وياريت على بيتها لا على ماكدونالدز وانا بالسياره فرحانه انها جمبي وحطيت راسي بحضنها ومسكت يدها قام ولدها قلي دي ماما غار عليها من الم قلبي حسيت دمعتي حتطيح مو عشان شي عشان هيا ماقالتلو دي بنتي كمان اااااااااااه الحمد الله عايشه عند جدي وجدتي اهل بابا مرررره احبهم يارب يطول عمرهم لو مالله ثم هما ماكان انا عشت طبيعيه وكملت دراستي الجامعيه بس برضو هما كبار بالسن مايعرفو حب وحنان ودا الكلام مو مقصرين معانا ابدن كل شي نبغاه نلقاه الحمد الله بس لمن اسأل السوال تحبيني ياامي انا اسمي جدتي امي تجاوبني جواب يئلمني برضو بس هيا ماتقصد تقول لو مااحبكم ماقنيتكم ببيتي طيب ايش فيها لو قلتيلي احبك مره حضنتني وقعدت ابكي قلتلها ماعمرو احد حضني اول مره احس بدفى احس الدنيا ظالمتني دايمن بكل شي خلصت الثانوي ودخلت الجامعه كان نفسي بتخصص غير تخصصي بس الحمد الله على كل حال نسيت الموضوع وماقد حملت ولا ماده الحمد الله مع انو بابا دايمن متعبنا بس انا دايمن احاول انو مشاكلو ماتأثر على دراستي ودحين اتخرجت تخصصي مالو مجال عمل هنا كتير كان نفسي اشتغل بمجال بس المجال لازم لو واسطه وانا الحمد الله بابا سمعتو معروفه انو بس يتدين بكل مكان الله يهديه واسطتي ربنا حاولت ادور حب بس مالقيت كل الناس سيئين وافكارهم غلط وانا كل اللي ابغاه حب ماما وبابا اللي مستحيل القاه احس كل اللي سار لي دا مأثر عليا بشكل سلبي شخصيتي عصبيه امل بسرعه مزاجيه شويه ثقتي بنفسي شبه معدومه خجوووووووووووووووله لدرجه كبيره تعبت من البيت نفسي ارجع ادرس من جديد بس مااقعد كدا فاضيه اتمنى تقرأو قصتي وتفيدوني نفسي اتغير للاحسن من جد انا مرررررررره تعبانه المصدر: نفساني
|
|||
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|