ساعدوني محتاجه لكم

ساعدوني محتاجه لكم

السلام عليكم


اعزائي الاختصاصين والاستشارين جميع من في المنتدى


انا داخله هالموقع ابحث عن حل لمشكله عندي واتمنى تساعدوني


المشكله هي عندي اخت عمرها 23 سنه انطوائيه من صغرها تحب الوحده

حتى الاصدقاء ماعندها الاثنتين ثلاث بالكثير بعد ماتخرجت من الثانويه جلست بالبيت ماكملت دراستها لان ماتحب الدراسه فضلت جلسة البيت وصارت كل بغرفتها منطويه

وهي من البنات المدمنين لسماع الاغاني وبذات عن طريق الراديو بالاف ام صارت حياتها كل ردايو براديو هذي بختصار نمط حياتها مرات ندخل عليها وهي مندمجه بسماع الاغاني مرات نشوفها تضحك ومرات تبكي تعلقت بالشخصيات اللي بالراديو لدرجة وصلت انها تحس بوجودهم معها بالغرفه ويسمعونها ( يسمعون اللي بخاطرها) ولما تطورت حالتها تعلقت بشخصية مذيع بمجرد سماع صوته وصلت للحب حتى ساعات يتخيل لها انها تشم عطر المذيع وحاولت بالبدايه ان انصحها وان هالاشياء كلها اوهام وتخيل بس ماكانت تتجاوب مع اي شخص بالبيت وبعدها تتطور الوضع وصلت لحاله انها دووم خايفه وتبكي وماتقول لاي شخص شنو فيها كانت تقول بيحرقوني اللي بالراديو يقولون لي بروح النار كانت مفزوعه كانت تجيها احلام تخوف وعرضناها على اكثر من طبيب اول طبيب قال معاها اكتئاب واعطاها علاج واخذناها للبيت بعد ماجلست كم يوم بالمستشفى بالبيت تتطورت الحاله وصارت تعصب وتكسر اي شي قدامها تشد شعرها كسرت اكثر من مره الراديو اللي تسمع فيه المهم بين فتره وفتره تجيها هذي الحاله حالة التعصيب بعدها دخلناها لمستشفى ثاني عند برفسور كبير وقال ان عندها انفصام بالشخصيه لان كانت تضحك بشكل هستيري وتسولف لحالها وبغرفتها نسمع صراخها وصار ت تسمع اصوات باذونها تجيها مثل شخصيات الراديو تجيها على شكل احد من قريباتها وتجلس تتجاوب معهم تسولف معا هالاصوات اللي تسمعها بالاذن المهم جلست فتره بالمستشفى تحت رعاية هالبرفسور واخذت علاج هناك وصارت هادئه بعض الشي والاصوات صارت معها اكثر من سبع شهور كانت تاخذ جلسات شهريه مع نفس الدكتور وبرنامج بالعلاج وبنفس الوقت اخذناها لمشايخ معروفين وساعدوها شوي المهم ومن قبل اربع شهور الاصوات بدت تخف وعلاجها صار يتقلل لين تخلصت منه وصارت ماتاخذ شي ورجعت البنت طبيعيه وضلت اربع شهور بدون علاج والاصوات اختفت تدريجيا ومن اسبوع بس لاحظنا تغيرات عليها رجعت تجلس بغرفتها مثل اول صارت تبكي وتضحك لحالها واذا احد سالها شفيك ماترد على احد وزاد تعصيبه وفي يوم اخذت مقص وقامت تقطع كل شي يخص خواتها قامت تكسر بالاغراض وتصارخ وتشد شعرها واذا احد راح لها يبي يهديها تقوله ماعليكم مني تركوني يسالونها شفيك تقول طفشانه..

ياليت تساعدوني ابي حلول ابي اشوف اراء تساعدنا شوي بطريقة التعامل معها وش الخطوات اللي نسويها الحين من بعد ماانتكست؟؟

داخله على الله وثم عليكم

سلامي لكم جميعا

المصدر: نفساني

لقد تم الرد عليها بالتلفون.
وفى انتظار تواصلك