دكتور ياسر المزروع .....مستعجل

دكتور ياسر المزروع .....مستعجل

السلام عليكم ورحمة الله وبركاته

دكتور انت قلتلي انسي واثبتيلهم انج غير....... قلتلك اني قدمت على شغل والحمدلله قبلوني وتوظفت بس طبعا لازم مشاكل اخواني وكلامهم الخايس عني....وابوي يدافع عني وقالهم مالكم خص فيها انا ابوها ومسؤول عنها انا موافق انها تتوظف.......اهو بنفسه وداني الدوام وشاف المكان وكل شي وافق ووقع على الاوراق وكانت فرحتي ما تتخيل كثر شو صليت شكر لله وحمدت ربي وقلت خلاص هذي بداية الفرج والتغير واثبتلهم اني غير واني احسن عن البنات اللي يمدحونهن جدامي......اسبوع كامل داومت والله والله اني محترمه نفسي ساتره عمري لامكياج ولاخرابيط محجبه اقول في نفسي ليش اخذ ذنوب واخسر اهلي عشان ناس ماتستاهل ومن هم اصلا عسب اني اتكشخ هذي قناعه في نفسي وربي شاهد.عكس ما كنت قبل 4 سنوات المهم اليوم صدمني ابوي حطمني قتل الفرحه اللي فقلبي خلاص راحت احلامي وطموحي وكل شي حلو كنت اخططله كنت حاطه في بالي ان الراتب اللي باخذه ابرجع ادرس فيه يعني ادخل جامعه خاصه بحكم ان ابوي مو مستعد يصرف درهم واحد علي تكون عندي شهاده للمستقبل الواحد ما يظمن شو يصير والعلم نور انا اللحين عرفت وحسيت وندمانه على كل شي سويته قالي خلاص يا بنتي انا مااباج تشتغلين انا خايف عليج قالي ما انام الليل افكرفيج<<<<<تحطيم من الصدمه دخلت غرفتي من دون ما انطق بكلمه بكيت بكيت قهر ليش جي يسوي فيني كان من البدايه قال لا وريحني قعدت افكر مع نفسي البنات احسن عني بشو انا شو ناقصني ليش حظي عاثر وليش وليش وكل ما افكر اني اسوي شي غلط اني انتقم منهم انهم كسرو خاطري اقسم بالله ان خوفي من الله يمنعني من اي شي اقول مهمن كان هذولي اهلي في شي سبحان الله يمنعني والله والله اني تعبانه ومجروحه ابوي قالي يا بنتي من ترك شي لله عوضه احسن عنه وعلى فكره مرتين دقوا علي امكان التوظيف وكان يرفض وكنت اقول خيره الله بيعوظني بالاحسن وهذي الثالثه بس هذي المره وافق......وقالي من يرضي والديه ما بيلاقي الا الخير والتوفيق في حياته قلتله ليش وافقت واللحين فجأه غيرت رايك <<<<قالي انا وافقت عشان ارضيج بس انا خايف عليج اهو متعود 4 سنوات مقابلتهم ضامنين اني ما اسوي شي اللين الحين مافي ثقه كيف اثبتلهم اني غير عن تفكيرهم كله يقولون لو لو لو صار شي هذاك الوقت ما بينفع الكلام <<<<<الى اليوم نفس التفكير ما تغير ابوي طول الاسبوع اهو كان يوديني الدوام ويرجعني كلامه معي كان يريحني يعطيني الثقه اكثر واقول حرام اكسر خاطر ابوي والله ما انزل راسه الارض اني اثبتله ان احسن وحده في اخواني...... بس من يرجع البيت كلامه مع امي غير يقولها اكيد بتروح بتتطلع من الدوام تهيت اكيد واكيد وانا والله ماافكر بها الاشياء قلتله اليوم انت كلامك قدامي غير ومن وراي كلام ثاني ..... امي قالتلي كل شي تقوله عني وراح لامي وقالها ليش قلتيلها........غريب غريب غريب ابوي ....... على فكره قبل ما يوافق اني ادوام اتصل على جدي ويستشيره اذا اسير والا لا بس جدي اعقل واحسن عنه ودوم اقول ياليت جدي ابوي...قاله خل البنت تداوم احسن من قعدة البيت تقضي وقتها حالها حال البنات ومو مهم الراتب اهم شي تقضي على الفراغ .......شوف كيف التفكير سبحان الله مع انه شايب؟؟؟؟ لكن راااااااااااااح كل شي انتهيت دكتور ساعدني مب عارفه شو اسوي ما ودي اخسر اهلي اهم جنتي وناري وانا اعي في صلاتي ان الله يسهل اموري وثقتي في الله كبيره وهذا اللي مريحني

المصدر: نفساني

الى الأخت : feedback ......

أشكرك على تواصلك معنا .......

أختي العزيزة أنا على يقين بأنك على خلق وعزيمة وأنك استطعت تخطي ما مررت به في السابق . وباستطاعتك تخطي مافي الحاضر .
كثيرا ما يتعرض الانسان في الحياة الى بعض الامور السيئة و المواقف الصعبة تجعل نظرتنا للمواقف سوداء مظلمه ولكن قد يكون فيما تعرضنا له خير كثير .

لا تيأسي ولا تفقدي الامل .
كما ذكرت بأن والدك انسان لطيف ومتعاطف ويتقبل النصيحه , حاولي بأسلوب هادئ ولطيف اقناعه او حاولي أن تجدي من يستطيع اقناعه .
وتذكري (عسى أن تكرهوا شيء وهو خير لكم )

كوني قويه ولا تيأسي وأكثري من الدعاء فأن الدعاء مفتاح كل خير ...


أدعو الله العلي القدير أن يوفقك لما فيه خير الدنيا والاخرة