الاربعاء والمدرسة ..

الاربعاء والمدرسة ..

السلام عليكم
مساء الخير يااستاذ سليمان

اليوم رحت للمدرسة وكانت زينة
وكان عندي بدنية بس مالعبت لاني ماخذت بدلة الرياضة
وتفسحنا الفسحة الاولى في الداخل لان الجو كان ممطر
والفسحة الثانية ماكان فيه مطر وطلعنا برى

والعمارة اللي فوق السحاب وشلون تبنيها فوق السحاب؟؟‍‍‍‍‍‍‍‍‍‍‍‍‍؟
مهوب معقول الااذا كنت تحلم يااستاذ
ايه نسيت اقو لك اليوم عطوني جائزة الطالب المثالي
وفرحت كثير يوم عطونياها
والجائزة اربع بساكيت وخمس درجات مشاركة

واشين شيء في المدرسة
هذولي الطلاب الي ينفخون
واللي يكذبون

وبكرة يمكن نروح للاستراحة ويمكن اذا ماكان مطر نطلع للشعيب

واشوفك على خير يوم الاحد

مع السلامة
طفل الشعيب :)

المصدر: نفساني

كاتب الرسالة الأصلية طفل الشعيب
السلام عليكم
(( مساء الخير يااستاذ سليمان ))

مســاء النور ، والصحــة .. والعافيــة ..


(( اليوم رحت للمدرسة وكانت زينة ))

شـيء حلو حلو وزين لمـا رحــت للمدرســـة .. لكن قلي : كيف كنت مبســوط مرة ، وإلا زي أول ما ودك تروح ؟؟

(( وكان عندي بدنية بس مالعبت لاني ماخذت بدلة الرياضة .. ))
ما فيـه مشكلــة دايم الواحد ينسى لأنه أنسان ، لكن ثاني مرة لن تنســى ملابسك على شــان تلعب كوره مع زملائك الطلاب .

(( وتفسحنا الفسحة الاولى في الداخل لان الجو كان ممطر
والفسحة الثانية ماكان فيه مطر وطلعنا برى . ))
صح كان يوم الأربعاء مطر كثير عارف أنا تأخرت عن شغـلـي يمكن نصف ساعــة .. بعــدين المدير حقي قعــد ينفخ عليــه ..عارف أيش قلت : لــه .. المطر في الشوارع كان كثير ، وسيارتي أنا عاديــه بغت تطفي ..حسيت أنه ماهمــه بس وده ينفخ عليــه .. قلــت : أيش تبي أسوي أطير أو أشتر لي سيارة جديدة وسريعــه .. بعدين ما عرف يرد عليّ وسكــت .. وسكت أنا ورحت وسويت شاهي لي ..بس والله تذكرتك يومك عنــدي تلعب بالبلاستيشن ..ما تنسى تجيب معك شريط كــراش أو بيبسي مــان أنا أحب ألعبه ..


(( والعمارة اللي فوق السحاب وشلون تبنيها فوق السحاب؟؟‍‍‍‍‍‍‍‍‍‍‍‍‍؟
مهوب معقول الااذا كنت تحلم يااستاذ .. ))

لا أنا أحلــم لا زم نحلــم بس لازم انسوي شيء يعنــي نحاول نحقق أحلامنــا .. شفت برج المملكــة حق الوليد بن طلال يمكن يوم كان صغير زيك كان يحلم يسوي أشياء كبيره ، وعماره طويلــة ..لما كبر سوّاهــا عمارها يسمونها ناطحــة السحاب يعني لو تجلس فوق تشوف السحاب تحتك .. كان حلم لكن أنا ، وأنت شفناها مبنيــة على الأرض !!
أبوك على شأن هو مقاول ، ويحب يعمر بيوت ..لو سألتـه يتمنى يبني عماره كبيره .. وأنا بعد ودي أبني عماره كبيره ، على شأن أكون حول السحاب لأني أدور على سحابــة فيها مطر على شأن تمطر علينا ، وتنبت الأرض زهور ، واطفال حلوين زيك !!
(( ايه نسيت اقو لك اليوم عطوني جائزة الطالب المثالي
وفرحت كثير يوم عطونياها
والجائزة اربع بساكيت وخمس درجات مشاركة .. ))
أنت تستاهل أكثر من البساكيــت ، وأكيد ما عطوك هذه الجائزه إلا على شأن أنك شاطر ، وقوي ، ولا تخاف من المدرســة .. ولزم تصير كذا على طول ..قل لنفســك أنا شاطر ..قوي .. ما خاف من شيء أبد .. حتى أنت تعرف أشياء حلوه ..تعرف تسبح في المسبح العميق .. وتعرف تكتب على الانتر نت .. فيه أشياء كثيرة حلوة وزينــه فيك دايم تذكرها ، وقلها لنفــك قبل تنام خلاص ما تنسى ..

(( واشين شيء في المدرسة
هذولي الطلاب الي ينفخون
واللي يكذبون ..))

شفــت الناس فيــهم الابيض ، والاسود صح .. والطويل ، والقصير .. وبعد فيهم الطيب ، واللي فيه شــر .. فيهم الكريم ، واللي ما يساعد أحد .. وفيــه ناس يكذبون .. وفيــه ناس وأطفال زيك يقولون دائم الصدق لأبوهم وأمهم وأختهم ولزملائهم .. كــذا الدنياء .. الله حط فيها خير وشــر وجــنـه ونار .. صح فهمــت ..
فيــه ناس لما ينفخون علينا يمكن نسكــت .. لكن لو استمروا لا زم نسوي زيهم على شأن يعرفون انك ما تخاف منهم أو ضعيف .. وجرب بكره لو واحد نفخ أنفخ عليــه ولا تخاف .. تعرف أيش يصير هو نفســه يخاف لأنه هو اللي بــدأ هو السبب .. وعلمني إذا حصل ذلك ؟؟

(( وبكرة يمكن نروح للاستراحة ويمكن اذا ماكان مطر نطلع للشعيب
أكيد رحــت للشعـيب ، ولعــبت في الرمل ، والماء اللي فيه شيء حلو لما يلعب فيه الواحد

(( واشوفك على خير يوم الاحد ))
مع الســلامــه ، وأشوفك أنا بعد على خير ..

مع السلامة
طفل الشعيب :)

:)