ياحضرات ساعدوني انا مطلقة ؟

ياحضرات ساعدوني انا مطلقة ؟

السلام عليكم ورحمة الله

اليوم يامختصين باروي لكم قصتي واتمنى تساعدوني اتمنى انا الدنيا ضايقة بي مااعرف وش اسوي
بدت قصتي من يوم دخلت المستشفى اولد وصلني زوجي للمستشفى وراح جتني الولادة وولدت اللهم لك الحمد وجبت بنتي الثانيه علما ان زوجي واهله مايحبون البنات المهم دقيت على اهلي لان ماكان عندي صفر ولامعاي جوال قلت لاامي اتصلوا على زوجي وبشروه ماعندي صفر ؟كان الوقت 6 الفجر وتليفون الثابت مو عنده كان عند الشغاله بس كانت نايمه
بعدها اتصل علي كلمني ببرود وبدون سلام ولا سوال عن صحتي ولاشي مجرد قال الو الحمدلله على السلامه ومبروك وقفل الخط تعجبت من بروده في الكلام كانه مايعرفني ولاكاني زوجته
لما جت الساعه 11 اتصلت عليه لاني تعجبت انه مااتصل ولا سال عن البنت ولا عني كلمته نفسيته تعبانه قام يكلمني باستحقار انتي وش تبغين ليه اتصلتي ليه تبشرين اهلك قبلي انا اللي موديك للمستشفى ؟؟؟؟؟؟
تحديني اقص التذكره واسافر ولااجيك وانا كانت دمعتي بعيني توي طالعه من ولاده صعبه مرره احلفله بربي ان قصدي اوصلله الخبر بسرعه عن طريق الجوال وكان يستهزئ فيني ويصارخ علي بقوه واخر شي قاللي انقلعي ووقفل الخط بوجهي ؟؟؟؟

بالله هذا انسان عنده قلب ؟ هذا سبب يخليه يسوي هالمهزله كلها؟
المهم جاني وقت الزياره كان عيونه كلها حقد دخل علي لاسلام ولاكلام ولاكيف الحال ولااي شي حتى كانت امي واقفه سلم عليها ببرود ومن غير كلام طل وشاف البنت ناظرها نظره مرعبه وطلع جت امه واخواته وكان طوال الوقت بينهم نظرات غمز وابتسامات طبعا انا ماكانه يعرفني بالرغم اني ككنت اتالم من بطني بس ماسال عني ابدا قالت له امه جب لزوجتك ماء شي تشربه عصيرات ولاجاب لي اي شي تخيلو كيف حتى الماء ؟؟؟
خلصت الزيارة راحو اهلي لبيتي ياخذو بنتي الكبيره من عنده علما اني ساكنه فوق اهله كانت اختي تبغى حاجات من غرفتي كلمه ابوي قاله افتح البيت الختها تبغا اغراض من البيت رفض يفتح الباب بحجة انه هو اللي راح يجيب اغراضي بنفسه علما اني اختي كانت تبغى حاجات لانها معزومه على سهره هو جاء بباله يمكن تاخذ اغراض ثمينه يمكن ماادري؟ ابوي تنرفز وقاله لو جبتها انت راح اردك انت والاغراض مثل ماارديتني؟

ابوي مااعاد سمع صوته بالخط يحسب انه قفل الخط ابوي قام وقفل الخط زوجي اتصل على ابوي باسلوب قوي ورفع صوته يوبخ ابوي ليه تقفل الخط بوجهي ابوي يحلفله بالله انه ماقفل الخط ولكن مااسمع صوت قفل؟

زوجي مااصددقه كان يكذب ابوي ويقول الا انت قفلت الخط حسنو نفسياتكم هذا مو اسلوب تخيلو بالرغم ان ابوي كبير بالسن؟
ابوي انقهر وقفل الخط رجع يتص على ابوي يبغا يكمل عتابه؟

اهم شي صار اتصل علي بالمستشفى وقالي ابوك اتصل علي وهزاني وتهجم علي انتي وش قايلتله شي علما اني ماادري ان اهلي رايحيين لبيتي انا كنت احسب اخوي وحده اللي بيروح يجيب بنتي اهلي طلعو من المستشفى وراحوا كلهم وانا ماعندي خبر بالسالفه المهم جيت باقوله ان انا ماعندي خبر ان اهلي راحو ياخذون اغراض من بيتي المهم قالي

على العموم (((((انتي طالق ))))) تخيلو مالي كم ساعه طالعه من غرفة الولاده انا طبعا جاني انهيار قمت اصيح حسيت اني مظلومه ومالي اي ذنب

ارجوكم بكل ذمه وامانه تقولون لي انا وش ذنبي وهل اتصالي على اهلي يستدعي انه يسوي هذا الظلم كله مع العلم اني حاسه 100 بتاميه انه متضايق يبغى الولد لاني ماشفت الفرحه بعيونه ابدا ابدا واليوم كملت 20 يوم بعد الولاده مايدري عن بناته ولاجاء يشوفهم ولادفع نفقه مجرد البامبرز والحليب للبنتين حتى اتصال مايتصل امه بس من فتره لفتره تتصل تسال..مع العلم انها واقفه بصف ولدها ومخطيتني انا واابوي ويمكن هذا اللي مخليه مكبرها براسه ....بناته وش ذنبهم ولاانا وش ذنبي هل ذنبي جبت بنت؟

اسفه على الاطاله بس امانه ردو علي وريحوني

المصدر: نفساني

.......
....
..
أختي الفاضلــة ..

سلام الله عليك ، ورحمته ، وبركاته ...

ومبروك إنجابك للطفلــة ..

أختي ما حدث منك ، وما فعلت لا يوجــب حتى أن يقول لك كلمة " أف " .

فقط لا أكثر وجود الظرف مناسبا ليطلقكـ ، وجعل من تصرفكـ مبررا كي يرحه من الشعور بالذنــب تجاه طلاقكــ ، ولو كان عاقلا ، ولديه وفاء ، وتقدير لأبويك اللذين زوجه قرة عينهم ما فعل ما فعل ، ولا أختار وقت ألمك ، ووجعك ، وفرحك بمولودتك ، ليهديكـ الطلاق ..
أختي ليكون في علمك أن نوع المولود طبيا يحدده الرجل لأن المرأة تحمل ( X X )
بينما الرجل يحمل ( y X ) ومتى ما أقترن ( X من المرأة مع الـــ X للرجل تكون النتيجة طفلة كما التي أنجبتِ ) أمـا حين يكون المولود ولدا فأن الأقتران يكون كالتالي ( X المرأة مع Y الرجل )
والحقيقة الثانية يا أختي :
الله هو من يهب الولد أو البنت لمن يشاء ، ويحرم البعض منهما .

والحقيقة الثالثة :
الحمار يا أختي مع الحمارة ............. ينجبون جحشا ذكراً .... فهل هاذا دليل شطارة أو رجولـة .

أختـي لا تيأسي ، وتتأسفي على فقد مثل هذا الرجل ، وما زلت في بداية الطريق ، وإياكِ تعودين إلا بعد أن تحسبيها جيدا ، ويعرف قدركـ ، ويعرف مشاعره تجاهكــ ..
والحمد لله انك في بيت من رباك طوال عمرك ، وابيك حين زوجك ليس من أجل رغيف خبز أو فستان سهرة ، وإنما لأجل أن تجدي الراحة والسعادة .

ربي يسعدكـــ.

وفقك الله بالدنيا والاخره .......

واتمنى كل من قرأ موضوعي لايحرمني من الردود اتمنى .....

ولكل من رد على موضوعي جزاكم الله الف خير...