30-07-2007, 07:06 PM
|
#1
|
|
عضو فعال
|
بيانات اضافيه [
+
]
|
|
رقم العضوية : 20487
|
|
تاريخ التسجيل : 07 2007
|
|
أخر زيارة : 01-04-2011 (07:10 PM)
|
|
المشاركات :
21 [
+
] |
|
التقييم : 10
|
|
|
لوني المفضل : Cadetblue
|
|
زوجى انقيادى
السلام عليكم ورحمة الله وبركاته
مشكلتى مع زوجى اهله مش عارفه اعمل معاهم ايه مدخلين فى حياتى اكثر من اللازم دون مراعه لاى شى واجبارى على فعل الحاجات اللى هما عايزينها وبيحبوها دون معرفه هل هذا يرضينى ام لا او هل هذا يتماشى مع طبيعتى ام لا ورغم معرفه زوجى بان هذه الامور سوف تضايقنى لكنه مصر على ان افعلها ارضا لاهله دون النظر لى ولا الى مشاعرى او حتى علاقتنا معا.........انا متزوجه منذ سنتين فقط ولدى بنت ماشاء الله ومنفصلين عن بعضنا انا وزجى دون طلاق منذ 7شهور وذلك بسبب اهله ومشاكلهم وتدخلهم بالشر وليس هذا راى بل راى الجميع وراى اقاربهم قبل اقاربى انا ولكن دون جدوى البدايه انى ذهبت عروسه فى دوله خليجيه وزوجى كانت اتوقع انه سيكون بالنسبه لى كل شى فى الحياه بعد بعدى عن بيت اهلى وغربتى لتكوين اسره بعيدا عن اهلى وكانت للاسف اخته التى تكبره باربع سنين هناك توقعت فى البدايه انها ستكون اختا لى واما وسوف تبادلنى هذه المشاعر على فكره زوجى يكبرنى ب13 سنه فقلت انه سيجعلنى طفلته المدلله المهم منذ البدايه اخته تتدخل فى كل شى الصغيره قبل الكبيره ودائما تقول انا بعمل كده اعملى انتى كمان كده وتنتقدنى رغم انى بداخلى انتقد تصرفاتها حتى زوجها واخوها ينتقد حدتها فى التوجيه بالرغم من برودها وهى تتحدث حتى الطعام تريد ان اطبخ كما تطبخ رغم ان زوجى لا يحب طعامها ويحب اكلى وتقول لى ذات يوم الست الشاطره ترضى زوجها وتعمله اللى هو عايزه فرديت وقولتلها طبعا فقالتى ابقى اعملى الاكل ناى فى ناى عشان معدت جوزك انا بحس ان الاكل المسبك حاجه تقرف رغم معرفتها ان اكلى مسبك فقلت لها زوجى بيحب المسبك وسالته عايز اكلى يكون ناى قالى اياكى انا مش بحبه ناى فغضبت جداااا وقالتى انا قولته ابقى ارضى مراتك وقولها لوبالكدب ان اكلك حلو فقلت لها مش مشكلتى المهم انى سالته عايز ايه كده ولا كده مش بساله اكلى حلو ولا وحش وهكذا من المقارنات وفى الاخر تقول انى حطاها فى دماغى وانى بغير منها رغم انىوالحمد لله لااغير منها ولا من اى حد لانى قنوعه بما املكه حتى لو قليل سيبارك الله لى فيه اذا رضيت والحمدلله ولو كنت بغير مكنتش رضيت باخوها ابدااااااا وذلك لسوء حالته الماديه ولكنى ارتضيته من ترضون دينه وخلقه واخواتى جميعهم متزوجين بازواج ماشاء الله دين ومال واصل وخلق وعمرى ما قارنت نفسى باحد والحمدلله بشهادة الجميع انى متواضعه وحسنه الخلق المهم اخته عملت مشكله دون مشكله وذلك بسبب زوجى راح نقل مشكله كانت بينى وبينه وحكى لها الكلام بطريقته فاعدت تشعلل الموضوع بدل ما تهدى الموضوع وفضلت تبكى وتقول مش عارفه مراتك مش بتحبنا ليه ان بنحبها منعملش لها اكتر من كده بص سافرها وارتاح منها شويه بلاش وجع دماغ على فكره زوجى بعد كده هو اللى بيحكيلى على ان اخته بتحنن كده قالبه قالتلى بدل ما اطلقك اسفرك احسن رغم انى كنت عروسه مبقاليش شهر ونصف تقريبا وهكذا من المشاكل ونبقى متفقين انا وزجى على حاجه تيجى هى تعترضوتغير كل شى وتتدخل فى كل حاجه رغم معرفتها ان ده هيضيقنى واهله اللى فى هناك محتاجين علطول منه فلوس رغم معرفتهم انه لسه مكونش نفسه ومديون لكن دى حاجه متخصهمش ابنهم يتصرف وعمرهم ما ساعدوه فى شى ابداااااا المهم ربنا بعدها رزقنى بالحمل فسافرت اللى بلدى قبله عشان اولد هناك وهو هينزل بعدها وقت ولادتى طبعا اهله مكنوش سايبنى فى حالى وخاصتا مرات ابوه ست مش طبيعيه مجموعهم من المكر واللف والدوران تعبانه بمعنى الكلمه بشهادتا الجميع الكل فاهمها وتجلس معاها يااما تتكلم عن نفسها وتشكر فى نفسها وعلى افضلها يااما تشتكى من اللى شافته معاهم وتتكلم عليهم وعلى الكل ومسبتش حد المهم والده اصر على انى زوجى لما يجى اننا نقيم معاه فالشقه بتاعته رغم انها ضيقه ورغم انى منتقبه وعنده ولد فى نفس سنى وان البيت هيكون مفتوح بسبب بناته وازواجهم طبعا انا مكنتش موافقه تماما ومهما قولت مفيش فائده واصريت عشان نكون حبايب واكون على راحتى وعشان كل واحد له طبعه وكل واحد عايز يمشى بيته بطريقته واصر للتوفير وانى عايز يكون ابنه معاه ويفرح بيه وهما قولت عملوه اللى هما عايزينه دون مراعات راى ورغم اتفاقى مع زوجى منذ البدايه اننا لما ننزل بلدنا ناخد شقه لوحدنا منعا لاى مشاكل وكان موافق مجرد ان اهله عايزين كده خلاص اتلغى الاتفاق زاى اى حاجه قبل كده اتلغت بسببهم المهم قالى لما انزل تبقى تفرج ويومين وناخد شقه وطبعا محصلش اختى عرضت على شقتها وعمى وعمتى والجميع لانهم فى الاجازه بيكونوا مش موجودين وكمان عشان راحتى ومش عايزين مشاكل مع حد ومساعدتى عشان عارفين ظروف اهله وزوجى قالى لما انزل هبقى اشوف فطبعا مرات ابوه اقنعته لا وعيب ده كله عشان يصرف زوجى فالبيت واللى عرفنى ان انا اللى كنت ماسكه الماديات صرفنا اكتر من 10000جنيه فى اقل من شهر ونصف لوروحت عند بيت اهلى تبقى مصيبه مرات ابوه تصمم ان زوجى يروح يخدنى باى طريقه وباى حجه عشان لما بكنش فى البيت عندهم زوجى مش بيرضى يصرف على البيت ابدا المهم زوجى اصلا انقيادى جدااااااا لو ملاقاش اهله يسمع كلام اصحابه تعبت من كده المهم قبل ما زوجى يمشى باسبوع شديت انا ومراتوه لانها اتعدت فى الكلام على اخواتى فطبعا نا اصلا مليانه منها ومن تصرفتها تخيل كانت تعين الاكل وتحطه فى الفريزر دغير الكدب حاجه غير طبعيه المهم لما شدينا انا وهى زوجى زعل منى وقولتله انى هروح عند بابا مرديش طبعا سمعت مرات ابوه بتقوله واديها عند ابوه مدام مش راضيه تاكل المهم هى قبلها دخلت تصلحنى واتصلحنا وخلاص يعنى المشكله كانت بينى انا وزوجى وبس دلوقتى المهم روحت عند بابا وبعد يومين جه طبعا اعد يشتكى كالعاده بابا وماما مسكتوش له وعرف غلطه واقتنع واتاسف لان بابا فتح من اول ما اتجوزنا المهم اخدنى انا وبنتى وروحنا البيت عندهم اول مدخلنا ابوه قال البنت دى متدخلش هنا وخلى ابوها بربينى طبعا انا اتصدمت لان ابوه وقت مشكلتى انا ومراته متكلمش وبعدها دخل واعد معايا وكلمنى كويس وعدى خالص لكن ابنه الصغير ومرات ابوه واخته الكبيره دى واحده تانيه غير اللى معانا بره كبروا الكلام فى دماغ حماى وزوجى عشان كده زوجى كان جاى مقلوب وابوه كان مقلوب وبعد كده عرفت انهم كانوا جوه وكانوا فرحنين باللى ابوه عمله طبعا زوجى كان فنص هدومه المهم مشينا وروحت هعند بابا وزوجى بعدها بيومين جاب زوج اخته التانيه ما هما تلاته اخوات بنات وولدين المهم فضلم يعتذروم كتير وبابا مصمم ان كل واحد يروح لحاله على فكره انا كنت والده من 15 يوم بس المهم من هنا لهنا اعتذر وبابا شرط عليه مدخل بيت ابوه ولااخته اللى هناك الا برضاى عايز كده اهلا وسهلا مش عايز مع السلامه فقال خلاص المهم كان مظبوط جداااا وسافر بعدها بيومين وكان كل يوم يتصل بيا ويتاسف على اللى حصل وكان مش معاه فلوس عشان اسافر انا وبنتى له فقلت له استلف من بابا فلوس التذكره قاللى ياريت والله واول ما اقبض هسدده وكان فرحان بعد 14 يوم لقيته واحد تانى بيقولى بابا كان عنده حق فى اللى عمله وتروحى تعتذرى وتخدى البنت وتسلمى ليه واسمعى الكلام انا سبت باباكى يقول اللى هو عايزه فقولت له لو انت بتحط علاقتى فة كفه واهلك فى كفه يبقى كل واحد يروح لحاله لان ده مش كلامك وانا عرفه ده كلام مين وفعلا لما سافرت لاقيته من كلام له واخته والفاتوره ان ده كلامها وكلام مرات ابوه لانه قبلها بيوم قبل ما يتصل بيا كان متصل بيا المهم سافرت طبعا ومروحتش لابوه لانى كنت مصممه ان ابوه المفروض يتصل بيا انا وبابا يعتذرى لانه هانى واحنا معندناش كده وفعلا مااتصلت وهو كمان متصلش ابوه وسافرت وكانت نفسيتى تعبانه جدااااااااااا هناك لانه كان متغير وكل شويه يفتح فى الموضوع وبعد ما كان مغلطهم والكل مغلط ابوه مجرد مااخته قالتله ان بابا مش غلطان خلااص كلامه اوامر وطبعا اهله مبطلمش طلب فلوس وروحت له لاقيت عليه ديون ويقولى معرفش الديون دى من ايه مكنش طبيعى المهم سافرت تانى بلدى بعد 4 اشهر عشان احضر فرح اختى وكمان اتعالج لانى كنت تعبانه ىجداا ووقعت كذا مره وكان شايف انى تعبانه فعلا طلع عندى سكر عصبى وفضلت فتره بعد اللى حصل لسانى تقيل وبلقلق فالكلام وده من الصدمه دغير الكوابيس والتعابين والقطط وان فى حد بيخنقنى وانا نايمه وكنت اوقات بخاف انام وكنت بخس جداا كل شويه س الضغط اللى كان عليه منه ومن اخته المهم لما نزلت كنت متفقه معاه انى مش هروح لابوه هو اللى لازم يتصل بيا اقل شى ودى الاوصل وانا وقتها ممكن اروح وفضل كده كويس معايا لمده 17 يوما بالظبط وفجاءه لقيته بردو واحد بيامرنى وباسلوب وحش انى اروح لابوه فطبعا انا كنت رافضه وبابا كمان كان رافض واتقلب جدااا وعرفت من واحد صحبه بسبب الرساله اللى وصلت من اخوه له انى انت مش عارف تكون راجل على مراتك ولا هتكون محترم وفين برك لابوك وانت هتفضل كده والخ من الكلامات فطبعا علطول اتقلب وراح ينفذ علطول فطبعا انا عارفه اسلوب زوجى واسلوب كلامه وعارفه ان ده مش كلامه وفكرت قولت طاب مااكلم اخته وبعدين لما تكلمنى كويس اطلب منها انها تيجى معايا فطبعا اتصلت لقيت قنابل نوويا فالاخر اتاسفت لها انى كلمتها وقولتلها مع السلامه مش هتصدق اتصلت بزوجى واقالتله مراتك اتصلت وبهدلتنى وقفلت السماعه فى وشى انا كان وقتها بابا وماما وعمتى جامبى وشاهدين الحمدلله انى مغلطش فطبعا قالى اروح اعتذر لها هى وباباه فطبعا رفضت لانى مش غلطانه فقالى انا اختى مش بتكدب وانتى اللى كدابه المهم ابوه كان داير من اول ما سافرت لجوزى يتكلم ويحكى واحنا الحمدلله متكلمناش مع حد نسيت اقولك ان الناس كانت مغلطانه ان احنا نسبنا ناس زاى كده بس للاسف النصيب والكلام ده عرفنا بعد ما سافرت لان فتره الخطوبه قصيره والفرح كان هناك فعشان كده محدش كان عارف كتيير المهم قالو دول اسواء ناس فالعيله العيله بتاعتهم كبيره واحنا وافقنا عليهم لكده المهم ده نصيب والحمدلله اخوه الصغير لاقينه بتكلم علينا بقله ادب واخوه مش يتكلم كانى مش ام بنته وكان عادى هما يتكلموا على لكن حرام ان حد يتكلم عليهم المهم ابوه جه يعتذر بعد 7شهور من المشكله جاب ناس لانه مكسوف وعارف انه غلطان وكان بيقول لهم وللناس انا مش عارف انام من كتر انى ندمان على اللى عملته فيها بس اولاده ومراته مش عايزنى اروح اشوف بنت ابنى المهم جه وقالى انا عايزك تيجى البيت عندى وانا لبيت الدعوه وروحت انا وماما وعمتى وبنتى عندهم اللى قبلنا ابوه ومرات ابوه واخته اللى معانا هناك ومفتحوش فى حاجه خالص واحنا كمان مفتحناش فى حاجه المهم ابوه قال ابنى هيتصل علطول عشان يلم الموضوع بقالنا اهو اسبوعين وعرفنا من ابوه قابلنا صدفه فى الشارع من يومين ان زوجى واولاده زعلنين ان ابوه جه لنا وقالهمالمفروض تفرح عشان الموضوع اتلم وتبعت لمراتك وتسافر وبعدين انا اللى غلطان واعتذرت ايه اللى يزعلكم وعيب كده وعرفنا منه ان زوجى الى مشجعه اخواته انه ميتصلش المهم بابا مصمم ان لو متصلش بعد يومين هينهى الموضوع ويبعت لابوه ويعملهم اعده ويقوله زاى مدخلنا بالمعروف نطلع بالمعروف وابنه كاتب على نفسه قائمه ب100,000ومواخر 10000فعشان كده احنا عارفين انه مش هيطلق فالواحد مش عارفه اعمل ايه نطلق فعلا لانه لو كان هينصلح كان انصلح حاله وكان مصدق ان الموضوع اتحل ومعنى انه متصلش لغايت دلوقتى انه مش معترف بغلطه ان نسيت اقولك انه اعد يقول الاى حد يكلمه على المشاكل اللى حصلت من اول يوم زواج واتصفينا فيها وانه اتصل ببابا وقاله انى هتجوز على بنتك وان عمى محامى اتصل بيه وقاله عايز ايه قاله مراتى تروح تتاسف لاختى وبابا وتيجى واتجوز عليها مع العلم ان اخوه هو اللى قاله قول كده صاحب هو اللى قالنا وطبعا مبيشوفش حد الا لما يحكى معاه كل شى مفيش حاجه اسمها خصوصيه وعرفت ان اخواته واصحابه مشجعينه على الغلط ده فانت ايه رايك وانا اسفه جدااااا للاطاله فعلا بس لانى مش عارفه احكى لمين ولا عارفه اعمل ايه اديه فرصه تانيه ولا الحياه مستحيله ولقب مطلقه هقدر عليه ارجواا الرد وتقبل اعتذار بجد للاطاله ومشكوووووور والله يعطيك الف عافيه
والسلام عليكم ورحمت الله وبركاته
|
|
|
|
