اش الحل بمشكلة زي كذا بليز ساعدوني
السلام عليكم ورحمة الله وبركاته ..
انا بدخل دغري بالمشكله اللي قالبتلي راسي والله ليل ونهار افكر فيها خالتي متزوجه وعندها اطفال وزوجها كان ملتزم والنور باين بوجهه واللحين الرجال معدوووم عدم والمشكله زادت بعد مانقلهم من بيت في حي هادئ الى بيت في حي شعبي مخيف فعلا كل المتخلفين والسكرانين فيه من جد انا احيان ازورها اخاف من منطقتهم الاولاد والبنات كلهم خايسين بدون استثناء بنات الابتدائي والمتوسط منتهين شي مو معقول والمشكله ان بنات خالتي سجلهم ابوهم في مدارس الحي اللي كلها هيصه وقلة ادب مرره
وأكبر خلفتهم بنت عمرها 13 سنه وفجأه إكتشفنا انو بنت خالتي الصغيره لها علاقه مع ولد بحارتهم عمره 24 انا انصدمت صدمة ماتتوقعونها لاني اكتشفت ان صديقتها اللي اكبر منها بسنتين هي اللي تقودها وبما ان بنت خالتي ماعندها شخصيه وعايشه ببيت متفكك وابوها متزوج حرمتين وراايح طول وقته مع زوجته الاولى وعندها البنت كل القنواات الخايسه مااالت للبنت هذي وصارت معااها ومره انا جيتهم واكتشفت ان البنت تبغى تشرد هي وصديقتها لمدينه ثانيه يعني صدمه فظيــــــعه جاتني حاولت اصلح الوضع حاولت قد مااقدر بس البنت تقولي كلام وتروح تسوي من ورايا كلاااام ثاني قلت لخالتي وخالتي كأنها معميه تهزأ البنت دقيقه وتحضنها ساعاااات خالتي انسانه لا مباليه ماتعرفين اش اللي بنفسها حاولنا ننقلها قريب مننا عشان لا يخربون عيالها وتكون على نظرنا وماتبغ واذا وافقت زوجها يرفض والأب عرف ان بنته الكبيره والعزيزه على قلبه لها علاقه وضربها وقلب البيت فوق تحت وسوا مصايب وضرب الولد وصارت حوووسه وبعدين بنت خالتي انقطعت علاقتها نهائيا من البنت اللي اكبر منها بسنتين وصارت البنت تهددها بأبوها ولأخلي ابوك يضربك ومن هالكلام ومره من المرات جات هالبنت تطلب رقم الاب من بنته جات لحد البيت شوووفوا الوقاحه الله المستعان وطبعا رفضوا وراحت ودقت الباب على بيته الثاني وفتحلها الباب وهو يضحك ودخل وسكر الباب وهذا كله قداام نضر بناته الصغار تخيلوا انا خاايفه عليهم م الدماااار
وحركااااات غير كذا كثير وتصير قدام عينهم يجون يلقون البيت قبلهم مدخل بنات ويلقون اثار وهذا كله وخالتي سااكته احسها مسكينه احيان وضعيفه واحيان احسها ساكته بالعاني ....
والولد الجيران يبغونه يدخن واحيان يطلبونه لاشياء خبيثه حتى ماتنكتب وهذا اغلب الكلام حكتني بنتهم الكبيره 13 سنه بس وتبكي ان صورة ابوها مهتزه قدامها
يااااااناس ساااعدوني انقذ بيت خالتي انا خااايفه على نفسيات بناتها وعيالها خااايفه يخربون البنات أو احد يتسلط عليهم لان خالتي تطلع من البيت كثير وابوهم نفس الشي ويجلسون لحالهم الصغار وزي ماقلت اكبر شي اولى متوسط والباقي ابتدائي وحياتهم مففكه لأبعد حد ساااااااعدوني في حاله زي كذا اش الحل انا م ابغى اجلس مكتفه يدين واشوفهم ينعدمون قداامي ولا اسوي شي وخاايفه اتكلم ويخرب بيت خالتي بطلاق او شي كذا
|