انا مش انا وده هيجننى

انا مش انا وده هيجننى

السلام عليكم ورحمة الله وبركاته

من اول مافتحت المنتدى ده وهو عاجبنى بجد وكل مواضيعه بحب اشوف مشاكل الناس واحاول اقربلهم واقول اللى عندى لكن جيت ف يوم وقررت انى اقول مشكلتى رغم انى مش مجمعه قواى والله اعلم بيا بس انا بجد تعبت وضغطى كمان بيعلى عليا لما بفكر كتير ف الموضوع ده لانه اصلا عمره ماكان ف بالى انى هيحصلى كده حاولتاوصل للاستاذ حورانى بس مش عرفت مشكلتى هى حتى والله مش عارفه اقولها ازاى ولا ابتدى منين بس
بس اللى حاساه انا انى بناقض نفسى وده شىء تعبنى بجد بجد اتغيرت كتييييير بقيت اشوف الغلط غلط ايوة بس درجات وانت عمرى ماكنت كده انا هكتب مشكلتى لما الاقى حد يرد عليا غير كده مش هتكتب اى حاجه سامحونى انا بحب لما اقول حاجه تتعلق بيا احب اللى ادامى يبقى معايا وبس لان ده مش بيحصل كتير انى بحكى اقصد وجزاكم الله خيرا مستنيه ردكم

المصدر: نفساني

اكيد من مشاركاتك معانا
عارفه ان هنا محدش هيقدر يرد عليك غير الاستشاريين فقط لان قسم العيادات غير مسموح للاعضاء بالرد فيه
يعني امامك خيارين
اما ان تنتظري احد الاستشاريين هنا
او ان ننقل الموضوع للفضفضه او تكتبيه مرة تانيه لو انتي بحاجه لرأي الاعضاء و الزملاء

و طبعا الامر متروك لك اولا و اخيرا
و نحن جميعا معك باذن الله

هو انا عايزه اقوله وعايزه حد يرد عليا على طول بس مش عارفه ازاى ده هيحصل انا بحب اسلوب الاسئله والاجوبه لان كلامى مش هيطلع مترتب ومش هعرفاوصل مشكلتى زى ماهى وده بجد

استاذ خالد مشكور حضرتك اللى رديت عليا وقلت انك مستعد تشيل عن الناس وانا اول مرة اعمل كده المهم ان مشكلتنى ان بدات اعمل حاجات غلط انامش بحبها ولا متعوده عليها اصلا انا الحمدلله اتخرجت من كليه لغات هنا ف القاهرة اسمه كليه ألسن عين شمس لو حضرتك تعرفها وفى المرحله دى مش صادف انى كلمت حد من زمايلى الاولاد الا للضرورة مثلا محاضره نقصانى او ورق بيتصور وما شابه ولو شفت حد منهم بعد كده حتى لو بخمس دقايق ولا اكنى اعرفه لان مش كان بيفرق معايا انى اكلمهم وده راجع لسببين ان ربنا حذرنا من كده وقال ولا متخذات اخدان والتانى ان انا اصلا مش كنت محتاجلهم فاى حاجه لان كان عندى اصحابى البنات كتيييييييييير ومكفينى لكن من ساعه ماخلصتالكليه ومش لقيت شغل طبعا والحمدلله بداوا اصحابى دول يبعدوا عنى شويه شويه الاول كنت بتالم جدا لانى مش بحب كده واقولازاى بعد 4 سنين مع بعض يعدوا عن كده وبالطريقه دى وبعدين لاقيتنى انا كمان ببعد زيهم ولما بكلمهم الاقينى كده مش انا زى ماتقول كده انى مش بقى فارق معايا اكلمهم ولا لاء رغم انى الاول لما كان بيعدى يوم مثلا ومش كلمت واحده معينه فيهم كنت ببكى بكاء شديد وربنا شاهد والله لكن دلوقتى لما بكلمهم اذيك عامله ايه اخباراتك الدنيا معاكى ماشيه ازاى ودمتم ممكن ف مره من المرات اقلها وحشتينى وده مضايقنى مش عارفه ليه كده الناس مش بقت تفرق معايا اقصد الناس القريبه منى طبعا وعلى فكره حصل مشاكل كتير مع اصحابى دول ف سنه تالته ف الكليه وبسببهاقعدت والله السنه كامله حزينه جدا وفاقده ثقتى فيهم وفيا وف سنه رابعه لما حسيت انها هتبقى اخر سنه تجمعنا حبيت ارجع العلاقات زى ماكانت اينعم مش قدرت بس الحمدلله حاولت وكان فيه مشكله او سوء تفاهم حصل بينى وبيي واحده صحبتى الموضوع ده قديم يعنى من ساعه ماتخرجت وقالتى كلام وحش واهانتى ورجعت اتصلت بيا من فتره وانا قبلت اعتذارها وكلمتها عادى اينعم مش رجعت رشا الاولى معاها يعنى مش بحبها زى الاول بس مش رضيت اكسفها واقلها انتى عايزه ايه منى انتى غلطنى ف حقى وانا مش مسمحاكى مقدرش اعمل كده وبسبب الموضوع ده ناس كتير قالوا عليا خايبه وشم باخد حقى واى حد هيجرحك ف يوم من الايام بس يشاورلك او يضحك عليكى بكلمتين ترجعى تكلميه ايوه انا برجع واكلم الشخص اللى غلط فيا ده لما يحس انه غلط ولما ببقى حاسه فعلا انه محتاجنى بس بصراحه وادام ربنا لمارجعت كلمت صحبتى دى تانى مش بقيت قريبه منها زى الاول وشم تساينى مش بقيتى قريبه منها ليه لان ده احساسى وبس انا حاسه انى طولت عليك لسه مش دخلت ف المشكلهاللى تعبانى دلوقتى بس هستنى رد حضرتك على كلامى لو فيه اى سوال او استفسار ياريت حضرتك تقوله قبل ما احكى مشكلتى وجزاك الله خيرا

اذا سمحتي لي اختي الفاضله
طالما سأتابع معك
حتى لا اتعدى على اساتذتنا الافاضل في العيادات
سيتم نقل الموضوع للفضفضه
لنتحادث فيه و تسمعي رأي باقي الاعضاء ان اردتي ذلك

السلام عليكم ورحمة الله وبركاته

مهو مش فيه حد رد عليا غيرك افتكر كده وبعدين هو لو انتقل الموضوع ده مش هو هيظهر لكل اناس وانا مش عايزه كده عايزه اكلم حد وبس واسمع رايه شكرا

من هنا ممكن نبدأ معاكي
اولا بالنسبه للكليه يا استاذتنا الفاضله
انا اعرفها جيدا
فانا كنت ضيف بها دائما
اولا طبعا اختي و زوجتي تخرجوا من نفس الكليه
واحده قسم الماني انجليزي و التانيه انجليزي الماني
و الحمد لله انتهوا منها على خير
و طبعا معرفتي بالكليه ايضا ان عدد الطلبه الذكور قليل جدا
و ايضا ان طلبة و طالبات هذا النوع من الكليات الوقت لديهم مضغوط جدا جدا جدا
طبعا انتي عارفه اولا ان فترة الدراسه و العلاقات بها مش شرط انها تستمر بعد التخرج
كمان تفكير الانسان نفسه اتغير و طبيعة حياته و حاجات كتير أوي هتلاقيها مختلفه عن زمان

عموما انا معاكي
و منتظر تدخلي في الموضوع و ان شاء الله هتلاقيني معاك دائما

اوك هبدأ مع حضرتك مش عايزه اقول مشكلتى النت بس انا هطرح اللى جوايا ف كلمتين وانت عليك الباقى انك تطلعه حتى مش عارفه اقولهم ازاى انا اول ما اشتركت فالنت قلت هدخل على المواقع اللى اقدر استفد منها كويس حتى لمادخلتالشات اخترت شات اجنبى يعنى امارس فيه اللغه بتاعتى اللى درستها هى الاسبانى المهم عملت كده طبعا وطلمت ناس كتيراسبان وبقيت استفاد منهم طبعا شويه شويه قلت هشوف الشات التانى فيه ايه (الاسلامى) فعلا فتحته وبقيت ادخل اكتب مثلا ادعيه او اذكار واطلع منه لو كان فيه درس شغلا اسمعه بعد كده اقفل وطبعا اول ماتدخل على الجينرال بيتسجلاسمك فالياهو المهم عرفت ناس كتير ولاد وبنات ومنهم الكويس ومنهم الوحش اعتبرتهم كلهم زى اخواتى ف الله والوحش نصحته وعملتله اجنور وسيبتنى منه خالص لانه كده كده مش هيسمع كلامى بالعكس ممكن ياثتر عليا ويكدب عليا علشان يصعب عليا وكده
كلمت واحد المفروض بقالى اكتر من سنه اعرفه مش هكدب عليك هقلك انى اتعلقت بشخصيته جدا لانه فيه منى كتييييييير وده اللى كان مجننى المهم ان كلامنا كله كان ف الحدود وربنا شاهد عليا لحد ماجه يوم اللى انا حسيت انى محتاجاله اكلمه ولما مش بلاقيه اون لاين بتجنن فطلبت منه رقم الفون علشان يرن عليا لما يفتح وكده وبسسسسسسس من غير لا اتصالات ولا مسجات وده فعلا والله اللى حصل لحد ماجاتلى منحه كمبيوتر تبع الكليات وكده فرحت اتصلت بيه وقلته عليها وقفلت على طول لانه برضه كان خريج جديد ولسه مش اشتغل وكان هياخد كورس كمبيوتر وانجلش وبيزينس فقلت دى حاجه مهمه اقله عليه فكلمته وسبحان الله الوقت ده النت مش كان شغال او الكمبيوتر كان بايز مش فاكره بس وسيله الاتصال مابيناالوحيده اتقطعت وكان بدلهاالفون مش اتصلنا ببعض بس كلها كانت مسجز لحد ما فيوم لاقيتنى عايزه اكلمه واحكيله على حااجات ضايقتنى من اصحابى وكده وبعد كده بحوالى كام يوم فقت لنفسى وقلته اننا بنعمل غلط وانا مش عايزه اتحاسب عليك كذنب ولازم مش نكام بعض لانت ولا غيره وكانت فترة مايعلم بيهاالا ربنا فضلت اكتر من حوالى 6 شهور مش بكلمه واللى كان مساعدنى على كده ان النت مش كان موجود وارادتى الى حد ما وخوفى من ربنا هكمل بعد ماحضرتك تشوف الكلام ده

انا متابع معك

اوك المهم بعد كده مش اتكلامنا خالص لحد لسه من شهرين كان عندى فلاشه بعتها لكل اللى عندى بالايميل لاقيته رد عليا بميل قال فيها ان الفلاشه حلوه وبيشكرنى وكده انا قلت ارد عليه بميل اقله فيه انه عامل ايه واشتغل ولا لسه ومن هنا بدا او بالمعنى الاصح رجع كلامى معاه تانى جه ف يوم سالنى سوال غريب اوى قالى هو انا ايه بالنسبه ليكى؟؟؟؟؟ قلتله انت حاجات كتير مهمه قالى ايه يعنى ؟ رحت قلتله انت اخويا قالى الله ينورعليكى عايز اللى بينا يبقى اخوه وبس قلتله طبعا كده كويس يعنى وانا مش فاهمه هو قال كده ليه هو انا عملت حاجه المهم بعد اتقافنا على كده بقيت اكلمه زى اخويا وواخده راحتى معاه لدرجه انى شفت صورته وكمان قلتله احنا طالما حددنا اللى بينا خلاص مش هيفرق معايا تشوفنى ولا لاء وعلشان كده انا هوريك صورتى وفعلا وريتهاله
كملنا كلامنا عادى يعنى زى اى وقت لحد من كام يوم كده قالى انا عايز اخد كورس معاكى بس يكون يوم الجمعه لانه فاضى فاليوم ده بس قلته كورس ليه دلوقتى وايه الجديد اللى حصل؟؟؟ رغم انى كنت اقترحت الاقتراح ده من الاول بس هو مش كان ف باله مش عارفه المهم اننا فعلا رحنا علشان نقدم فالكورس ومن ساعتها وهو متغير معايا وكلامه ف حاجه مش فاهماها احنا اتقفنا نكون اخوات مش عارفه بجد اعمل ايه دلوقتى ومش عايزه اساله فيه ايه لانه بيقلى خير ان شاء الله

يعني انتي مشكلتك دلوقتي انك عاوزة تبعدي عنه
و الا انك عاوزة تعرفي هو عاوز ايه
و الا انك حاسه بالذنب

يعنى الى حد ما انا فاهمه هو عايز ايه مش عارفه قلبى كده وجعنى كل ماجى وافتكر كلاللى انا بعمله ده ومش عارفه اعمل ايه حتى الموضوع لو صل للخطوبه او كده انا مش هرضاها لنفسى اصلا

محدش مش بيبحس باذنب وانا كمان عندى نفس لوامه على طول بتحاسبنى على اقل حاجه بعملها مش عارفه صح اللى انا قلته او بعمله ولا لاء؟؟؟

انا طبعا هارد عليك من خلال انطباعتي الشخصيه و تصرفاتي انا اللي باتعامل بها مع الكثيرين
و لن اتطرق للناحيه الدينيه هنا لاني لا احب ان افتي
انا شخصيا تعرفت على بشر على النت انواع و اصناف من كل الفئات و على كل الالوان
تعاملك مع الشخص و قبول كل واحد منا لتصرفات الاخر هو ما يتحكم في مدى العلاقه
وضع الخطوط الحمراء من البدايه هي اهم شيء
و طبعا بداية يقع العبء فيها على الانثى لانها هنا ستكون المتضرر الاول ان كانت علاقه بين جنسين مختلفين

علاقات الانترنت
لن نقول عنها انها مملوءة بالخداع و الكذب فقط
و انما في بعض الاحيان تكون الامور ليس فيها خداع او كذب و لكن
قد يصعب علينا فهم طبائع الاخرين من خلال تعاملنا معه من خلف الشاشه
ربما تكون كل حوارتنا في منتهى الادب و الرقة و الذوق و كل شيء
و لكن ليس شرطا اننا لو تعاملنا مع هذا الشخص في الحياه العاديه اننا ربما نتقبل تعاملنا معه او نجد انفسنا نميل تجاهه

ان نسبة نجاح امر كهذا من وجهة نظري الشخصية قليله جدا
لو اخبرتك بعد الاسماء المتواجده عندي في قائمة الماسينجر
ستجديها طويله جدا
تتعدي 400 اسم
قابلت منهم فعليا ربما لا يزيد عن عشرة اشخاص
خرجت بكم صديق فعليا
3 فقط
اي النسبه هنا اقل من 1 %

ربما هو في نيته خير
و ربما تعارفكم كان بطريقه قد تكون من النادر ان تأخذ شكلا ر سميا علاقه مشابهه لها
ربما ان كان يعرف عنك الكثير من المعلومات
و راد ان يصل لاهلك لطلبك
فالطريق مفتوح
و بالتالي سيتم اخذ الطرق المتعبه في مثل هذه الظروف لمعرفة ان كان يصلح لك كزوج ام لا


ربما يوجد الكثير و الكثير لنقوله هنا

و لكن طبعا قد لا يعجب الكثير من الناس ما قلته لك
و ربما ستجدي من يؤيد
و نصحيتي لك
افعلي ما ترينه مناسبا لحياتك

انا جاوبتك من منطلق شخص من القاهره يعيش الحياه كما يعيشها الكثير
هناك
من واقع تعاملنا في بيئتنا التي يجب ان يكون معلوم بها الى اي مدى تقف عندها مع الطرف الاخر
فطبيعة حياتنا و اختلاطنا في الكليات و المعاهد و العمل يفرض علينا التعامل مع الطرف الاخر
و لكن الى اي مدى
هذا هو السؤال

متشكره انك جاوبت عليا بس انا برضه لسه مش فاهمه انا عايزاك تقلى من الاخركده انا صح ولا غلط اكمل معاه الكورس ولا لاء؟ اقطع علاقتى بيه خاااااااااااااااالص ومش اكلمه تانى ولااعمل ايه؟؟ لو حصل خطوبه اصلا ده لو اناوافقت هو بعد كده هيكون تفكيره ازاى وانا كمان؟ مشعارفه جوايا حاجات عايزه تطلع النهارده قلت انا مش هفتح الماسنجر تانى والفون هقفله والكورس مش هروحه بس لحد امتى ؟ انامش عايزه اهرب من المشكله انا عايزة احلها