صرخه الى كل أب وكل أم"كونوا رحماء كما يحب الله وسوله اللهم صلى وسلم وبارك عليه"

صرخه الى كل أب وكل أم"كونوا رحماء كما يحب الله وسوله اللهم صلى وسلم وبارك عليه"

السلام عليم وحمة الله وبركاته

الحقيقه انا اول مره بشترك فى الموقع او بكتب فيه

هى الشكله يمكن بتمس ناس كتير اوى ومش قادره احدد هل ده من زمان والا وليد السنوات القليله الماضيه او العقود الماضيه القليله وعندى سؤال ...هل ممكن ان اب يقسو على اولاده؟ او ام؟

الحقيقه بفطتى متأكده بل اكاد ان اجزم انه الرحمه اتخلقت فى قلب الام والاب قبل وبعد كل شئ وملهاش علاقه بظوف او حياه صعبه او موارد قليله

كان عندى واحده صاحبتى دايما تشتكى من والدتها والبيت عندها دايا مضطهدنها فكنت بقول لها مفيش ام مبتحبش ولادها يمكن بتقسوا عليكى عشان بس عايزاكى احسن والبنت الشهاده للخالق سبحانه وتعالى كانت مؤدبه ومحترمه وطيبه اوى اوى وكانت افضل حالا من اخواتها البنات او الولد الاكبر بس برضه كنت بحس انها يمكن حساسه وكده

بس الحقيقه بعد اما اتخطبت وخطيبى كان الاول مش عايز يبين بس اما اخدنا على بعض بقى يحكى لى انه والده ربنا يهديه ويشفيه ويسامحه كان بيضربه وهو صغير لحد ما يتعور وينزل دم ومره عوره فى دماغه ودماغه اتفتحت وبرضه ماسابهوش حتى وهو شايفه بينزف ومامته كانت بتحوش راح ضربها هى كمان وكان بيقول لها حطى على راسه بن وبعد ماحطت له بن برضه راح كمل عليه ضرب ومرحمهوش

فسئلته ان عندك ام سنه قاللى فى ابتدائى يمكن فى 6 او 7 سنين
قلت له يعنى انت كنت بتعمل حاجه غلط
قال لى لا والله هو ان بيجى يتلكك واى حاجه مضايقاه من الشغل او من باباه اللى هو جد خطيبى ان بيطلعها عليا انا واختى
المشله انها اتكت تير الحوادث دى معاه وابوه على طول يخاصمه وهى كان بيقوللى انا بكرهه

الحقيقه انا الكلمه صدمتنى وكنت مشفقه عليه جدا ومش عارفه اعمل له ايه وفى نفس الوقت كنت بقول له افتكر برضه حاجه حلوه عملها لك
كان بيرد يقوللى مش قادر انسى وانا بتضرب من غير سبب وانه ان بيذله باللقمه اللى بيالها وانه عمره ماقال له كلمه حلوه

وانه عمره ماحس انه ليه اب

الحقيقه انا كل خوفى على خطيبى انه يون عاق او ربنا مايرضاش عليه وكنت بخاف اوى وبزعل وانا بكلمه عن انه يحاول ينسى الوحش
وبحاول اقول له يمكن ربنا عمل كده عشان يبقى راجل ويعتمد على نفسه لانه واضح انه ابوه راجع نفسه فى اخوهم الاخي اصغ ولد بس الموضوع اتقلب معاه وبقى اللى معملوش مع خطيبى عمله مع ابنه الاخي وبقى يدى له فلوس كتير ومبيلموش عن اى حاجه لدرجة انه ساعات صوته بيعلى عليه وهو مابيكلموش بحجه انه كان تعبان وهو صغير بس الحقيقه انه الحمد لله ربنا شفاه من زمان الا انه مدلله وآى نعم مش بيضرب خيبى دلوقتى خلاص بس خطيبى حاسس انه اتظلم تي وبقى اللى عايزه انه يتحاشاه خصوصا انه والده بيتلكك على اى حاجه عشان يكشر فى وش ابنه اللى هو خطيبى ويقعد يحسبن عليه من غير سبب

انا مش عارفه اعمل ايه خطيبى بيتمنى يقدر ان شاء الله يجهز الشقه ويستلمها النهارده قبل بكره عشان حاسس انه غريب فى بيته حتى والدته محدش بيكلمه ومبيسئلوش على احواله وعلى اتفه الامور والمواقف يزعلوا وهما لما يعملوا نفس المواقف مش من حقه انه يزعل او يعمل زيهم او حتى يقول حاجه


انا عارفه انه لو والد خطيبى ده ربنا هداه ورجع لعقله بجد وفكر شويه وقال لابنه "خطيبى" حقك عليا انا كنت فاهم الدنيا غلط وقاله سامحنى واخده فى حضنه حاجات كتير هتتغير وهيرتاح وهينسى
وانا ماليش كلام مع والده ووالدته او بمعنى اصح حتى التليفون هما مش بيردوا عليه وحتى لما بيرد عليه عمى بيقوللى ياأستاذه
يعنى مش واخد عليا ومش بيدى لحد فرصه ومامته طيبه بس بتشتغل ومش عايزه مشاكل ووجع قلب وبرضه شافت من باباه زمان

انا عايزه حد يقوللى ازاى احنن قلب خطيبى وهو بيقوللى انتى ربنا بعتك ليا بجد كنت محتاج لك محتاج اتكلم مع حد ويسمعنى

هو بالمقارنه طبعا باول ماعرفته وحكى لى كان بيعند اوى انه يحاول يتكلم مع باباه بس شويه شويه ابتدى يلتمس له العذر او يفكر فى الحاجات الحلوه حتى ولو قليله اللى عملها له والده
ومان لما اتكلم من قريب مع مامته ارتاح كتير بس الفكره انه يكلم باباه عشان الجبل اللى بينهم ده يتهد

ياريتكم تقولوا لى ازاى اتصرف وآسفه للاطاله

وبجد ياريت كل ام او اب او اى مقبلين على الزواج يفكروا الاول فى الشريك الصالح ويفكر قبل ما يقرر الانجاب هل سيكون اب صالح او ام صالحه او لا ؟
الامومه مش غريزه او الابوه لا دى مسئوليه واحنا كلنا هنتحاسب على اى طفل اكتسب مننا عاده او خصله فمابالنا باولادنا اللى بنزع فيهم وبيكبروا وهما بيراقبوا تصرفاتنا ويعملوا زيها

وشكرا جزيلا

المصدر: نفساني

السلام عليكم ورحمة الله وبركاته


زى ما قلت المشكله لاقيت انه من الامانه انى اقول برضه ان الحمد لله خطيبى صاحب المشكله الحمد لله اتصالح مع والده قبل رمضان بيوم والحمد لله كل شئ اصبح على مايرام وسبحان مقلب القلوب

وعايزه اقول حاجه كمان كل شئ بيدوب بالكلام اى شئ بالود بالتفاهم بالتقدير ببذل بعض من المجهود لنحيا جميعا سعداء ونستطيع ان نسعد من حولنا ولنلتمس لهم العذر دائما فكما انهم يخطئون احيانا نحن ايضا لدينا اخطاء فنحن جيعا خلقنا لنخطئ ونصيب وفى النهايه نعود الى فطرتنا التى فطرنا الله عز وجل عليها

فطالما نعود فلما نضيع الوقت فى التكاسل والانزواء

وها هى صرختى الى كل ام واب وايضا ابن وبنت واخ واخت ان نظل ككلنا رحماء بنا وبمن حولنا وان نعامل انفسنا ومن حولنا بما يرضى الله تعالى ورسوله اللهم صلى وسلم وبارك علي