|
|
|
 |
|
 |
||||||||
|
||||||||||
 |
 |
 |
||||||||
| عيادة المشكلات الزوجية والأسرية للوصول الى الإستقرار الزوجي والأسري |
|
|
أدوات الموضوع |
06-09-2008, 02:44 AM
|
#1 | ||||
|
عضو جديد
|
sos بيتنا على شفا جرف هار
السلام عليكم ورحمة الله وبركاته
ايها الدكاتره الأعزاء .. انا بصراحه ليا فتررررره بأدور على استشاريين نفسيين واسريين واجتماعيين ومني لاقيه ولا عارفه كيف اتواصل معاهم .. لإن المشكله اللي عندي تفوووووووق اني اكتبها حـ اعطيكم نبذه مختصره .. واتمنى انو اي مستشار يسهل مسألة التواصل لو كان في السعوديه المشكله ياجماعة الخير .. انو احنا عائله مكونه من 9 افراد .الحمدلله . بابا رجل في بداية الخمسين مثقف لكن تقّدرو تقولو عليه مغرور . او منطوي شويه . كتووووووووومـ لأبعد حد مستوى دينو عاادي جداً يسموه في العائله الكنج . رغم انو حنون الحمدلله معانا ويخاف علينا من الهوا الطاير . لكن علاقتنا معاه بشكل عام دبلوماسيه ماما امرأه في منتصف الأربعينات انسانه متدينه وبسيطه ومثقفه ومتواضعه كل الصفات الحلوه فيها ماشاء الله الكل يعتبرها ملاااك والحمدلله علاقتها فينا احنا بناتها وأولادها ماافي احلى منها زي السمن ع العسل . ويمكن انا بنتها الكبيره اعتبرها اكتر انسانه قريبه ليا حتى من صحباتي .. الحمدلله . ومتعلقه فيها بشكل جنووني .. الموهم ياسااده .. من كم سنه بابا سافر لدوله عربيه سياحه مع واحد من الأقارب ورجع الحمدلله ورجعت حياتنا زي اللوز .. واتكرر سفرو 3 سنين ورا بعض المره الأخيره ... قبل مايرجع سرنا انا وماما نشوف روئ غريبه ومرعبه نوعاً ما .. ياإما كلاب سوداء كبيرررررره تجري ورانا في البيت وتبغى تاكلنا او افاعي أو نساء من نفس الدوله العربيه اللي بابا راح لها الشيء الغريب انو كل التهديد ان كان من الكلاب او الافاعي او الثعابين علينا احنا وبابا يمشي جنبهم وعليه الأمان الحااصل انو بابا رجع الحمدلله بالسلامه . والكــــــــــــــــــــل ان كان احنا اهل بيتو . او اخوانو أو اخواتو لاحضنا تغيررر غريب عليه وماما بالصدفه شافت معاه في الشنطه اللي جاي بيها كتاب مجلد ابيض بس ماحبت تستلقف ولا تسأل .. لإنها عارفه انو بابا من هواة تجميع الكتب لكن بابا سار طول وقتو يتكلم بالجوال .. ويفتعل مشاوير في انصاص الليل علشان يتكلم بالجوال وبعد مابحثنا انا وماما اكتشفنا انو بيتكلم مع وحده من نفس الدوله اللي راح لها . الكااااااارثه انو حتى الجيران اتسائلو عن سلوك بابا الغريب في هديك الفتره طبعاً ماما انصدمت وجلست اسابيع تفكر في حل للمشكله لإن الثقه المتبادله بينهم كانت على مستوى راقي لكن بابا مو من الناس اللي ينفع معاهم المواجهه والنقاش العميق لإنو بسرعه يتنرفز وطبعو حاد فـ اقترحت عليه انو يخرجو مشوار وهناك فاتحتو في الموضوع . طبعاً اتفااااااااااااااجيء وانكرر ومسح الأدله كلها ووعدها انو ماحيكون غيرها الا بالحلال وبرضو اتنرفز مرت الشهوررر والشهوررر وبدأت علاقة ماما وبابا تزيد في التخلخل الين قبل شهرين يمكن سافر لمدينه قريبه مننا كم يوم .. وقررت ماما انها تستبيح خزائنو .. واكتشفت ادله وبراهين دامغه ومأساويه على الخيانه . ووجدت الكتاب وفتحتو واكتشفت انو كتاب مشهورررررررررررررر في تعليم السحر الموهم انها رجعت كل شي لمكانو وبدأت تستفسر عن الكتاب ووجدت انو وجودو في البيت يعتبر دمااااااااااااااار للبيت . لإن له خداام يحرسوه من التلف (الخدام / جن ) وبوجودهم في البيت يأجوجو نار المشاكل والتفرقه وانعدام البركه وسقم اهل البيت . ولو مر سنه على وجود هدا الكتاب في البيت بدون استخدام . يرجعو الخدام وينتقمو اول شي . تتركز اذيتهم على زوجة الشخص الين تنتهي ياإما بالموت أو الفراق . وبعد كدا على ذرية هدا الشخص . علشان كدا لاااااااااااازم يخرج من البيت بأسرع وقت ممكن ويسلم لرجال الهيئه وهمن يتصرفو بيه هدا الكلام قالو كم شيخ لماما لمن اتصلت عليهم وسألتهم دحين مر على وجود الكتاب سنه وحاجه .. وكل يوم نجتمع انا وماما واخواتي . نّدور حلول ونفرض فرضيات كيف نخّرج هدا الكتاب من خزينة بابا !! 1/بالخفيه 2/ تواجهو ماما وتفرد كل شي قدامو .. ووقتها حتكون مسألة استمرارنا كـ عائله تحت سقف واحد مهدده .. لإنو بابا مو من الناس اللي يأمنو بالخطر الداهم من مجرد كتاب .. حـ يتيريق وياخد الموضوع بمهزله . وشي طبيعي يقلبها معركه على مسألة ليششش تفتشي في اغراضي الخاصه !! كيف يتواجه شخص زي كدا !! وكيف ممكن ينحل موضوع بالحساسيه هدي !! وللحكايه تفاصيل .. اتمنى تسمعوها من المصدر ذاتو .. (ماما) وأكرر .. اي استشاري يشوف انو قادر على حل مشكلتنا والتواصل عن طريق الجوال بليززززززززززززززززززززززززززززززز بليززززززززز لا يتأخر في الرد عليا المصدر: نفساني
|
||||
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
