اخواني المعاقين في اسرتي ..

اخواني المعاقين في اسرتي ..

السلام عليكم ..

انا عندي مشكلة ومسببة لي ضيق وصايرة مكتئبة ومسببة ازعاج لنفسي ولغيري والمشكله مااحب اقول لأهلي عن اللي بخاطري لأن تفكيرهم دائما يتجه للخطأ واني مو راضية بقسمة رب العالمين .. والأب والأم أُميين !!

انا عندي 19 سنة وعندي اخوان معافين عقليا خمسة الله يشفيهم
لما انخطب ماتكمل الخطبة والسبب اخواني لما يعرفون اهل الخطيب ان عندي اخوان معاقين يهربون تقريبا خمسة خطبوني بس كلهم لما عرفوا ان عندي اخوان معاقين خلاص يقولون مانبي بنتكم !!
طيب انا وش ذنبي ان اخواني معاقين وش ذنبي اني انحرم اني اكون ام واجيب اطفال اربيهم وافرح فيهم .. يمكن اني لازلت في نظر غيري صغيرة بس الخوف ان هالوضع يستمر ومااتزوج والسبب من شي اراده الله والحمد لله على النعمة ..

ولما اروح حفلات زفاف اخذ اختي الصغيرة المعاقة عندها 9 سنين وتفهم شوي وتزعل إذا طلعنا ومااخذتها .. فأضطر اخذها لأنها تكسر خاطري واكون انا المتكفلة فيها في الزواج .. بس اللي يزعلني ان نظرة الناس لنا لما يشوفون اختي وكلامهم مع بعض وهمسهم مع بعض وكانهم شايفين مخلوق غريب مع العلم ان اخواني معاقين عقليا فقط ومايتخلف عقلهم إلا إذا اخذوا 6 شهور واكثر يعني الوالده تجيبهم صاحيين بس بعد الـ 6 شهور يتغيرون !! والحمد لله على كل حال وتزعلني نظرات امي لاختي وكانها تتحسر على الحال .. هذا حيل يأثر فيني وماارجع من حفلات الزواج إلا على غرفتي وافرق كل اللي بقلبي وابكي ..


ماادري كيف الحل تعبت نفسيتي وتعب تفكيري .. الله مايضيع عبده
بس حابه احد يشور علي يعطيني رأيه .. حابه افضفض واقول اللي بقلبي كله

والمشكلة ان امي تقهرني لما تقول ياليتهم ماتوا وماجبتهم او تناديهم بالخبلان !!
امي ماتقول هالكلام إلا من حر مافي قلبها .. بس انا اجلس اتخانق واتزاعل معها وماارضى هالشي
تقولي انتي ماتحسين انا زهقت وتعبت منهم انا بكره اموت وتظلين انتي معاهم تقصد اخواتي البنات لأن عندنا 3 بنات وولدين وماتتزوجين علشانهم اقولها إذا الله كاتب لي الزواج بتزوج .. صحيح اني اقول هالكلام بس هم ابي اتزوج واترك اخواتي وانا مرتاحة مااتركهم وقلبي عندهم ..

ماادري وش الحل اللي ينسيني كل هذا ويخليني اعيش طبيعيه واعيش عمري ..

آسفه على الإطالة

المصدر: نفساني

ولو رد بسيط