ذكرياتي سبب تعاستي حياتي جحيم

ذكرياتي سبب تعاستي حياتي جحيم

السلام عليكم ورحمة الله وبركاته
ودي اقولكم اللي فيني واتمنى تساعودني وماتقصرون معي ومالكم الا الدعوات اللي تسركم
عمري 19 تربيت مع امي وابوي وبين اخواني بس ماكأنهم يقربون لبعض امي وابوي دايم طقاق كرهت عمري بينهم وعندي اخت كبيره متسلطه تتسلط وتدقق على اتفه الاشياء اذا بغينا نروح للسوق لازم امي تشاورهاانحرمت من كل شي علشان اختي الكبيره كانت تفرق بيني وبين اخواني اللي كبري وللاسف نجحت الحين كل واحد بغرفته ومايطيق الثاني باختصار سوّت اشياء مايسويها عاقل
وماحد يقدر يقولها شي اذا سوت شي واشتكيت لامي قالت احسن تربيكم بالعكس وربي كرهتني حياتي ودي الحين اقتلها وافتك من همومي اللي تجيني منها الحين حسبي الله ونعم الوكيل عليها الحين هي تزوجت وماكنها تزوجت نفس مشاكلها للحين مستمره ,, ( فيه اشياء كثيره ماذكرتها عنها )
الحين تركت دراستي بسبب خوفي من البنات وانقطعت عن العالم وتجيني ضيقه واكتئب مع انهم وربي عسل معي شي ماعرف اشرحه اذا جلست بمكان عام فيه بنات
صار لي سنتين تاركتها ..
انخطبت يوم عمري 17 وللأسف كنت كأي بنت تحلم بالزواج وكان زوجي عمره في الثلاثينات ووافقت وفرحت اول شي علشان اطلع من مجتمع اهلي ثاني شي احلام المراهقه وطبعا اهلي ماتوصف فرحتهم علشان اطلع عن البيت
المهم علشان صغيره ابوي اخذ ثلاث ارباع مهري وقام يتصدق علي ب 500 اذا رحت للسوق وامي تلعب علي وتاخذ فلوسي علشان تعشي اخواني من المطاعم
المهم خلصت اغراضي وسكرت شناطي وجلست انتظر هاليوم وللاسف كنت اكلم زوجي وكان يوعدني ويوعدني باشياء وانا انتظر بس هاليوم على احر من الجمر
مرت الايام وجت هالليله وكانت بارده كأنها عزا جو معارفنا بس وطلعت معه
وللاسف خاب ظني فيه ماقدر اقولكم وش صار لي عشت بعذاب وربي مايوصف اخرتها قالي انا مريض روحي لاهلك ولا بتشوفين اكثر علطول رجعت لهم وذيك الليله مانمت كنت ابي ارجع له شعور متشتت ماعرف شي
اتصلت عليه وترجيته يرجعني رفض ومت قهر وضاعت كرامتي وقلت لامي وجا من بكرا اخذ ابوي جوالي وكسره
ابوي قدامي مسوي انه اهم شي كرامتي بس من وراي يترجاه يرجعني ويحطني انا اللي غلطانه عليه حسبي الله ونعم الوكيل وربي ماسويت شي !! كل اللي سويته خفت
ودافعت عن نفسي بسسسس
اخذت جوال اختي وقمت ادقق عليه وكان مقفل جواله وانا بس خايفه عليه حاسه اني انا السبب اللي خليته كذا ؟؟!!!
كل اللي فيه انه كان عزوبي قبل وتغير عليه الوضع وصار وحش مايعرف بنت من رجال وقام يعذبني وانا صديته
المهم جلست في بيتنا ورجعت لغرفتي واستصعبت علي وكرهت بيتنا وكرهت اهلي وحقدت على كل واحد فيهم
الحين تغير وضعه ويبيني لكن بعد ايش ؟ وربي اموت عليه بس لايمكن ارجع للعذاب والهم لايمكن كل ماذكرت ذيك الليله الشؤومه كرهت عمري ومت من الصياح
امي تعايرني تقول يالمطلقه هذا وانا توني
وانواع الضغوط النفسيه
قلبي يدق بقوم صرت ماعرف اتنفس درت على المستشفيات كلهم قالو مافيك شي
صرت احلم بحلوم مفزعه اقوم من النوم اتصبب مويه
اخاف من صرت القرآن
مادري اللي فيني عين ولا مس ولا مرض نفسي
كل اللي ابيه منكم تشخصون حالتي وتعطوني حلول واذا امكن تعلموني عن علاجات يبعد هالوساوس والافكار عن راسي لاني تعبت كرهت حياتي كنت قبل اتمنى الموت الحين اسهر مانام اخاف انام وماقوم

المصدر: نفساني

اختي الكريمه
الواضح من طرحك للمشكله الكثير من التشتت ، والكثير من الضغوط ، أو ما تعتقدين انها ضغوط ،،،
أرجو أن تعيدي النظر في كل ما كتبتيه ، لكي نحاول ترتيب الأوراق ، ونضع يدنا على المشاكل واحده بعد الآخري ،،،
أرجو أن تقومي بالكتابه من جديد ، لا تضعي خطوط تحت الكلام ، واكتبي مشاكلك واحده تلو الأخرى ،،، لا تكتبيها كاملة ،،،
بانتظار ان تقومي بتقسيم المشاكل ،،،