|
|
||||||||||
عيادة مشاكل الكبار كل ما يتعلق بالمشاكل النفسيه للكبار ، رهاب ، وسواس ، نوبات هلع ، فصام .... يقتصر الرد في العيادة على الأخصائيين المعتمدين للموقع . |
|
أدوات الموضوع |
19-08-2009, 02:43 PM | #1 | |||
عضو جديد
|
من فضل حضراتكم يا دكاترة ضرورى
بعد اذن كافة الاعضاء والدكاترة فى المنتدى الفاضل اريد دكتورة فاضله
او دكتور فاضل لاتحدث معه عن مشكلتى لاننى لا اريد طرحها هنا لانها متعلقة باشياء شخصية فلو ممكن يكون فى حديث خاص مع احد الدكاترة الكرام ....ولكم جزيل الشكر لانى محتاجة بجد الخدمة دى المصدر: نفساني
|
|||
|
19-08-2009, 04:52 PM | #2 |
اخصائية نفسية اكلينيكية
|
مساؤك فل اخيتي
ما المانع اذا طرحت المشكلة هنا حتى نستطيع مساعدتك واغلب المشاكل المطروحة هنا هي ايضا شخصية انتظر مشكلتك وبعدها نفضفض سويا مارايك؟؟؟؟ |
|
19-08-2009, 07:19 PM | #3 |
عضو جديد
|
مافى مانع حبيبتى بس انا عايزة اتكلم كتير اوى عن حاجات فيا عايزة اطرحها عليكى علشان تساعدينى انى اغيرها لانى تعبانة من نفسى اوى فعايزة اتكلم كتير مش رد واحد انا عايزة احكى معاكى لو ينفع هنا بيكى مفيش مشكلة بس انا هعطلك معايا ...يارب تستحملينى
|
|
20-08-2009, 03:40 PM | #5 |
عضو جديد
|
شكرا جدا ا.ليلى (( انا نور 20 سنة انا هحكيلك كل مشكلتى ومهما كانت هى مهمة بالنسبة ليا بصى يا ستى انا مشكلتى فى شخصيتى انا دايما لما بتعامل مع اى حد وحتى مع صحابى سواء بنات او شباب وبين عائلتى كل الناس تحكم عليا انى طيبة جدااااااااا ويبالغو فى الموضوع ده وممكن يوصفونى انى طيبة بعبط بس بصراحة زمان يعنى من 3 سنين كده كنت طيبة بعبط شديد اوى لكن لما دخلت الكلية وعشت مواقف كتيير غيرتنى كتير وخلت الطيبة اللى بعبط شديد دى تهدى شوية وتقل وبصراحة انا بشوف ان شخصيتى بتبقى ضعيفة وسط لناس مع ان ده مش بيبان اوى او انا بعتقد ده لكن انا فعلا شخصيتى ضعبفة وبحاول ابين عكس ده علشان مظهرش انى اقل منهم -بس ده مش معناه انى ضعيفة اوى ومليش راى وسط صحابى والناس بالعكس خالص انا يمكن رأى بيبقى صأب فى حالات كتير جدا وكتير اوى بياخدو برأيى - لكن المشكلة انى مش بكون قيادية او قوية لا جوايا ضعف شديد اوى مش عارفة ليه يعنى بالرغم من ان صحابى وكل اللى يعرفونى يحبونى جدا والله ومن غير مبالغة انا بقولك اللى جوايا بس مش بكون انا قائده المجموعة يعنى ببقى تابعة ولو اتحطيت فى موقف انى انا اكون منظمة الحاجة وقائدة المجموعة مثلا بخاف اتصرف بحس انى مش هبقى قدها يعنى مثلا انا صاحبتى القريبة اوى منى شخصيتها قوية جدا وقيادية اكتر منى بكتير وهى طبعا ملاحظة الضعف ده فيا وده بيضايقنى كتير اننى ببقى حاسة انها فاهمه كده وممكن تضغط عليا فى اى موقف ه مثال بس مش هى سبب فى حاجة - اكملك بقى لو جرجنا مثلا انا وهى وصحاب تانين ببقى مبسوطة انها موجوده لانها بتبقى مالكة زمام الامور اكتر منى وبرضو ده مش معناه انى مش بيبقى ليا لزمة فى المكان بالعكس ده هى مش بتستغنى عنى فى حاجة ولا غيرها بس ببقى مبسوطة بوجودها اوى تعالى بقى فى مرة تانية ابقى خارجة مع صحابى دول وهى مش موجوده فبالتالى هكون انا المفروض مكانها ببقى مش مرتاحة حاسة انى مش قد الوضع ده ببقى نفسى تكون موجوده او تيجى .....دى اول مشكلة
حاجة تانية بقى لو مثلا اتحطيت فى موقف والمفروض انى اواجه الموقف ده تلاقينى اسد بجد فيه ومبخافش من انى اواجه اى موقف ابدا ابدا بس فى حاجات تانية اقل من كده تلاقينى اضعف فيها مثلا جينا نتصور صورة لازم لازم احس برعشة جوايا كده ومش ببقى مظبوطة حتى ضحكتى بتبقى مهزوزه لو حد بصلى فى عنيا كتير وانا مش متعوده عليه برضو بترعش كده ومش ببقى قوية ابداا وانتى فاهمه طبعا انى فى مجتمعنا ده لو حد حس انك ضعيفة من حاجة مش هيرحمك ابدا ااا وكتير اوى ناس تستغل الطيبة بتاعتى وتطمع فيا لانى بسامح بسهولة جدااااااااا وبنسى ع طول فبتجرح من ناس كتير واقرب الناس ليا كمان بجد بتعب اوى ولانى مش قوية عليهم ومش بعرف ابقى قاسية ع اللى قدامى فبمعنى اصح مش بيعملى اعتبار اوى فى حاجة كمان بقى انا مش بعرف خالص ازعل حد منى ولو حسيت مرة انى مزعلة اى حد من صحابى بالذات تلاقى روحى راحت ووشى اتخطف كده ومش بقدر تلاقينى رجعت ع طوول فى كلامى بخاف اوى يزعلو منى ويبعدو عنى مع ان ممكن اللى قدامى هو اللى يكون بادىء معايا فى الزعل وهو اللى مزعلنى اوى بس انا لما اجى ارد عليه تلاقينى ضعيفة رد مش قوى ميعمليش بيه حساب لا يستضعفنى بيه مشكلة اوى انى بخاااف ع زعلى كل اللى حواليا بس اهلى مش اوى قد صحابى دول اللى بجد بخاف جدا ع زعلهم ومش برد ليهم الاساءة زى ماعملو معايا علشان بخاف ان كلمتى دى هى اللى هتزعل لكن كل اللى عملوه معايا بشيله من دماغى وافكر فى اللى انا قلته كتير بتكلم باحتمالات مش واثقة فى كلامى ابدا دايما احتمال وممكن مع انى ببقى عارفة ان الحاجة دى هتحصل بس برضو اقول احتمال بصى الحمدلله انا حلوة وشكلى حلو وستايلى حلو وبلبس من اغلى حاجدة وكلو تمام ليه بقى معرفش معنديش ثقة بنفسى بقى ساعات تيجى ناس تقولى انتى مغرورة من ثقتك بنفسك مع انى من جوايا مش كده يعنى اليوم اللى ببقى نازلة فيه احلى وضع وشكلى جمييل بحس انى فيا حاجة غلط وامشى اعدل فى هدومى كده بشكل بسيط يعنى والاقى ان اللى لابسين اقل منى ومش زيى احسن منى علشان مش ملفتين زيى والعكس لو نزلت كده عادية ابص للى عاملين فى نفسهم الحاجات الحلوة دى واقول ليه امشى كده وانا ممكن ابقى احلى علشان الفت النظر هتجنن من نفسى ...وانا ماشية بفضل ابص فى وشوش البنات شايفة كل البنات حلوين ومن كتر مانا بركز معاهم بقلل من نفسى اكتر مش عارفة ليه يمكن ده راجع انى كنت بحب واحد وسابنى وراح حب عليا واحدة تانية ودى اكبر صدمة اخدتها فى حياتى مش عارفة اهم حاجة بقى نفسى تعلميهالى استاذتى الفاضلة ارجوكى تعلمينى ازاى مكنش دايما رد فعل للامور والمواقف ازاى اكون انا الفعل واخلى اللى قدامى يبقى فى رد الفعل يعنى انا ابدا بالموقف واستنى رد فعل اللى قدامى لان دى اكبر مشكلة فى حياتى انى دايما رد فعل حتى تلاقيها حاجة ممله جدا انى ابقى كده فاكيد اللى قدامى هيتخنق منى ارجوكى تعلمينى ازاى اكون الفعل يجى منى انا )) هى دى تقريبا مشكلتى انا عارفة انى طولت عليكى اوووى بس انا فعلا محتاجة ليكى لانى تعبانة وارجوكى تتناقشى معايا علشان تقدرى تغيرينى وتفهمينى اعمل ايه وكلمينى فى كل حاجة بصراحة انا مستنياكى يا جميلة وربنا يوفقك |
|
20-08-2009, 09:55 PM | #8 |
اخصائية نفسية اكلينيكية
|
عزيزتي هموسة اعتذر عن عدم الرد لانشغالي ببعض الامور
ساتواجد غدا معك لندرس المشكلة سويا فارجو ان تعذريني |
|
26-08-2009, 04:07 PM | #10 |
عضو جديد
|
دكتورتى الجميلة ليلى انا عارفة انك مشغولة دائما بكثير وممكن يكون مشاكلهم اهم من مشكلتى بكثير ايضا لكن كل اللى كتبته ليكى ده مش مشكلتى بس لالا والله انا بعانى من حاجات مترتبة ع ده اكبر بكثير انا عايزة احكيلك عنها بس اتمنى انك تردى عليا اولا استحلفك بالله حتى اكمل حديثى معك لانى محتاجة لنصيحتك
|
|
26-08-2009, 04:42 PM | #11 |
اخصائية نفسية اكلينيكية
|
صباحك سعيد عزيزتي
واعتذر عن التاخر في الرد عزيزتي مشكلتك تتلخص في امرين 1- عدم الثقة في الذات 2-الخوف من تحمل المسؤولية فيما يخص مشكلة عدم الثقة في الذات فهي نابعة من طبيعة التنشئة الاجتماعية التي مررت بها . واغلب علماء النفس يرجعون مشكلة الثقة في النفس الى المراحل الاولى من النمو وهناك تكون على شكل اراء سلبية للاخرين فيك تبقى على شكل اصوات مكبوتة في العقل اللاواعي وتؤثر على الشخص في حياته اما المشكلة الثانية تخافين من تحمل المسؤولية وهذا مايجعلك ترتاحين حينما يتواجد من تعتمدين عليه ويتضح هذا في وجود صديقتك القيادية معك فانت تحسين بالراحة في تواجدها وحتى تكونين انت الفعل كما طلبتي يجب ان تتوفر لديك ثقة النفس وتحمل المسؤولية وهذا ماسنتحدث فيه اجلا |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|