|
|
||||||||||
عيادة مشاكل الكبار كل ما يتعلق بالمشاكل النفسيه للكبار ، رهاب ، وسواس ، نوبات هلع ، فصام .... يقتصر الرد في العيادة على الأخصائيين المعتمدين للموقع . |
|
أدوات الموضوع |
31-10-2009, 07:05 AM | #1 | |||
عضو جديد
|
ساعدونى
السلام عليكم
انا سجلت فى منتداكو لعل وعسى الاقى حل عندكو وتقدروا تساعدونى الطب النفسى بقى املى الوحيد بعد ربنا طبعا فى انه يكون سبب فى حل مشكلتى مشكلتى انى بعانى من الخوف من 10 سنين اول خمس سنين كان اصعب كتير من اخر خمس سنين الحمد لله بس انا تعبت جدا من الاحساس بالخوف دة معدتش قادرة استحمله وساعات كتير بقيت اتمنى الموت عشان ارتاح من الشعور دة وعندى شعور دائم انى مقدرش اكمل حياتى بالشكل دة نفسى اكون طبيعية زى الناس مش حسة بخوف من اى حاجة واعيش طبيعية واقدر اعمل اى حاجة نفسى اعملها فى اى وقت الخوف دة مؤثر فى جوانب كتير من حياتى قولولى يا دكاترة ممكن الطب النفسى يكون سبب فى شفائى؟ الخوف دة كان له سبب من 10 سنين لما تعرضت لحادث توهمت فيه انه حصل لى مس من الشيطان يومها كنت فى المدينة الجامعية وصحيت بعد الفجر ودخلت فيه الحمام المهم انى بعد الحادث دة جالى رعب فظيع من كل شىء واولهم الحمام لكن بعد فترة الخوف اقتصر على دخولى الحمام خصوصا وقت الليل او انى اعد فيه فترة مثلا لما اخد دش انا كنت ساعت من كتر الخوف احس انى ضغطى وطى وان رجلية سابت واوقات كتير قبل ماجى انام الاقى ضربات قلبى شديدة من كتر الخوف ومعرفش انام الا بصعوبة جدا.الحمد لله نوبات الخوف الشديدة دى كانت بتجيلى على فترات لكنى كنت بحس ان فى الفترات التانية الخوف موجود جوايا بس كنت بلهى نفسى عنه بانشغالى فى الدنيا فكنت بحس اد دة تسكين بس مش علاج حاولت كتير اذهب الخوف من قلبى واقوى قلبى بس مفيش فايدة حتى ساعات مالاقيش سبب لخوفى واقول لنفسى انا خايفة ليه يمكن عشان انا جوايا عندى اعتقاد انى لو دخلت الحمام وانا خايفة حاجة هتؤذينى لانى كنت سمعت مرة ان الشيطان يمس الانسان فى حالة خوفه انا مش عارفة علاجى فى ايه هل هوة انى اعرف حقائق اكتر عن الشياطين وليه هية بتمس الانسان وبتعمل فيه ايه لانى كنت بسمع خلال فترات حياتى عن ناس كدة مسهم الشيطان وكانو بيتعذبوا انا مش عارفة اعمل ايه نفسى جدا معدتش اخاف من دخولى الحمام يا ريت تساعدونى انا معدتش قادرة استحمل بجد المصدر: نفساني
|
|||
|
02-11-2009, 06:52 AM | #3 |
عضو جديد
|
يا دكاترة حد يرد علية انا بدأت اشك انه كلامى مالوش معنى يا ريت حد يرد علية هل ممكن الاقى علاج للى انا فيه فى الطب النفسى وللا لا
انا والله العظيم ربنا هوة اللى يعلم انا بعانى من الموضوع دة اد ايه متتخيلوش انا تعبانة جدا نفسيا من حالة الخوف المستمرة اللى عندى عموما انا فوضت امرى لله |
|
02-11-2009, 07:00 AM | #4 |
عضومجلس إدارة في نفساني
|
اختي الكريمه ..
سيتم الرد عليك من قبل الاخصائيين وقت تفرغهم .. كوني صبورة سيأتيك الفرج بان الله .. اسأل الله لك الشفاء .. |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|