فراغي العاطفي وتفكيري !!

فراغي العاطفي وتفكيري !!

أنا عمري 33 سنة ومكان اقامتي في مكة وعازبــه ،، وعندي ثانوية عامه ،، وحالتي الماديه كويسه الحمدلله .. وترتيبي : 7 وعندي 6 أخوات وانا السابعة و3 أخوان
ابويى توفي قريب الله يرحمــه ،، ,امي الله يخليها لي ..
قبل لايموت ابويه كانت العلاقةروعه ،مع أمي ، ومن بعد الوفاة امي صارت هادئه الله يحفظها يارب واحنا نحاول مانخليها تزعل ابدااا ..
وعلاقتي مع عائلتي راااائعه الحمدلله

أعاني من ضعف في السمع واستخدم سماعه ،، هالشي نعمه والحمدلله راضيه باللي عطاني ربي وحالتي الصحيه ممتازهـ الحمدلله ،، مافي أي عيوووب



ومستواي الدراسي على مختلف المراحل الدراسة كنت ممتازه ،،
وعلاقتي مع زميلاتي في المدرسه وخارج المدرسة راااااائعه جدا الحمدلله

أخذت دورات كثيرة //ادارة المعارف ودورة التجميل ودورة تحفيظ القران واستخدم الحاسب لتنسيق دفاتر تحضير وأوراق العمل للمعلمات
و اناانسانه اجتماعيه جدا ،،
أحب أجلس مع أهلي تقريبا 5 ساعات ،، وبعدها أجلس ع النت إما اشتغل ع الدفاتر والأوراق للمعلمات لضياع الوقت ،، او اتسلى ع الفوتوشوب لأنه عشقي ويسليني كثير..
واحيانا امي الله يحفظها تجلس معي طول الوقت لين يأذن الفجر
وشعوري كويسه الحمدلله




بس


مدري من وين أبدأ واحكي لكم بمشكلتي ،، انا الحمدلله مبسوطه مع اهلي ومتفاهمين معي بشكل كبير..
لما كنت في الصف السادس تعرضت لتحرش طفولي من أ ، م ( مرح اقول مين اكتفي بالرموز )،، بس الحمدلله كانت خفيفه وكنت اهرب واخاف وابكي ليش سوى فيني كذا
المره الأولى ماكنت فاهمه ايش هذا وليش يسوي كذا ،، المره الثانيه اصر وانا كنت اقول لا وليش تسوي كذا وكنت خايفه مو فاهمه ايش هذااااا :frown:

وفي اولى متوسط كنت اتفرج فيديو مسرحيات ومغامرات،، وفجأه دخل ( أ ،م ) ومعاه اشرطة فيديو وكنت خايفه انه يرجع ،، وشغل فيديو مقطع sex انا من زود الذهووول انصدمت وتفاجأت ايش هذا وكيف وليش ،، ومن هم ؟؟؟؟ واسئله كثيرة دارت ببالي ( حسبي الله ونعم الوكيل ) شوي تقرب مني ابغا اطلع من الغرفه ابغا اخرج ماقدرت من الصدمه وانا في هذا السن تقريبا عمري 12 سنه ،، وتعرضت مره ثانيه ،، :frown: ودفيته وطلعت من الغرفه ،، حررررررقة قلب ليه كذا ..

ومع اليام طلب مني اجي قلت لاااا وهربت ،، خايفه لأني ماصدقت انسى القلق والخوووف
والحمدلله أهلي كانوا حولي ع يسألون عني وينك ايش سويتي ايش اكلتي يعني اهتمام بشكل رهيب ،، هو السبب اللي خلاني انسى الموقف الوقح ..


طبعا بعد هذا الموقف عرفت واكتشفت ايش هذا ،، ووقتها كنت احلم اني اتزوج وأحلم أكون أم .. وع فكره حسيت انه ندم مرهـ ،، وصار أحسن من اول وهادئ ،، ولأني طيبه ماأحب اشيل بخاطري سامحته ،، ولا كأنه صار شي




ومع الأيام شفت ولد عمي تجننت حبيته من صغري وهو كذلك ،، وكنا نكتب رسايل ونهدي صور ونلعب ،،، أحلام المراهقات ،، وآخر شي فكرت اني ابتعد عنه لأني كبرت وعرفت هالشي حرام ولازم اكون بعيده عنه .. وفعلا بس سبحان الله هو حس بالبعد ..
آخر شي قالي ( بإذن الله أتخرج من الثانوية أجي اخطبك رسمي )
فرررحت في حياتي مافرحت بالخبر الحلو ومن مين من ولد عمي اعتبره شي ثاني ..

مرت 3 سنوات لا رسايل ولااتصال ولا شي ،، جات عندي أمي وحكت لي عنه انه انخطب بنت عمي ،، انصدمت وانقهرت خاين كذب علي ،، وتركته
ودخلت التحفيظ 3 سنوات كمان ونسيته ،، ووقتها ابويه الله يرحمه مرض .. وهو معتمد علي وتركت كل شي عشان خاطر ابويه ،، اهتم فيه لين نهاية عمره الله يرحمه رحمه كبيرة ..

وفكرت ادخل مجال يشغلني ،، دلووني ع النت فيه كل شي .. وفعلا دخل عالم النت لين صرت مجنونه نت ..
هنا بدأت أهدأ وأنساهـ ادخل منتديات لين تعلمت كل شي .. في عام 1427هـ دخلت منتدى وكنت اشارك ماجاااااء في بالي اني في يوم من الأيام اتعرف على وواحد عن طريق النت مرررره
يكلمني ويراسلني ع الخاص .. كنت ارد عليه عادي زي اي عضوه .وبعد فتره طلع هو من ديرتنااا هنا انبسطت عشان العادات والتقاليد تكون قريبه وفيها تفاهم . وجلسنا 3 سنوات وخطبني
اهلي وأهله وافقووو
إلا أبوووه حاول بكل الوسائل عشان يوافق ،، طرده من البيت وتمشكلووا بسببي وانا مااحب اشوف اي شخص يزعل من ابوه أو امه ابدا ابدا .. احس بالذنب
دقيت عليه اترجااااااه يرجع ،، وينفذ كلام ابوه (( طبعا ابوه يبغاه يتزوج بنت عمته )) ورح تقولون هالكلام مو جديد ولا غريب علينا في هذا الزمن
،، بس والله يشهد على كلامي انه يحبني لدرجه انه خلاني انسى ولد عمي بسهوووله وقلبه ابيض وعلى نياته ويخاف الله ،،
الى الآن ابوه راااااااااافض ،، وقررت اتركه ،، مافيني وجع راس ولا فيني اسمع مشاكل يكفي اللي فيني ..وفعلا تركته .وتووووووووووبه توووبه. ( ادري بتقوولون انت السبب وحطيتي نفسك في موقف زي كذا )
بس يعلم الله نيتي طيبه ..كنت متوقعه يكون من نصيبي لكن قدر الله وماشاء فعل


وكثير تقدموووا يخطبوني رفضت ورفضت ،، ماحسيت مرتاحه مو مقتنعه بالرجال ،، واكثر شي يجووون متزوجين اكون الزوجه الثانيه أو الثالثه وأرررفض

الاسبوع اللي فات تقدم لي أرمل رفضت والسبب يقول تعارف اول شي وبعدين خطوبه ،، انا ع طوول رفضت ،، لأني تبت ولا ابغا اعيد الغلط ..

وفي بالي يكون مطلق أو أرمل ..غير كذا لا

الي الآن ماتقدم ولا شخص اللي ابغاه ؟؟


أمي حياتي كل يوم تبكي تتمنى تشوفني عروسه وهي حاسه فيني وفاهمتني حتى أخواتي فاهمين ،، بس مو قادره احس اني انسانه فاشله
احس اني انسانه غريبه مدري ليه ،واخاف اضيع مستقبلي بدون سبب، مع اني الحمدلله جميله وأخلاقي طيبه ويشهد ربي .. واخاف الله ولا افوت الصلوات الحمدلله ..







بهالمشكله من صغري تقريبا 21 سنة وانا احلم
ولا أحب اراجع المستشفيات النفسيه ،، وجيت هنــا أحسن لي ابي ارتاح لو كلمه ،، ابي اشوووف هل انا غلطانه في الفكره اني ارفض المتزوجين وانتظر مطلق او أرمل

هالشي مخوفني:frown::frown:


الله يخليكم ويدخلكم الجنــه يارب العباد ،، ماأبي كلام تجريح ولا شي .وانا عارفه الزواج قسمه ونصيب .
اللي ماعنده جواب يكفي انه يدعي لي

المصدر: نفساني

هنا في هذا القسم لايستطيع الاعضاء رؤية موضوعك ولا الرد عليك ,, وان شاءالله يتواجد الدكتور هاني في اول رمضان ويرد على استشارتك ..

فرج الله همك ,, وانصحك بالاستخارة ,,

موفقة ..

جزاك الله خير ..

ايــه انا خليت الموضوع خاص مو عام ..

ربي ينور دربك يالغاليه