|
|
|
 |
|
 |
||||||||
|
||||||||||
 |
 |
 |
||||||||
| ملتقى الفضفضة مساحة ليقول العضو كل ما يجول في خاطره ، فضفضات نفس . |
 |
|
|
أدوات الموضوع |
02-08-2010, 08:29 PM
|
#1 | ||||
|
عضومجلس إدارة في نفساني
|
آآآه ياقفا .. هههههههههه
آه يا قفا
 إنت دلوقتي زعلان ليه !!!!!!!!! لأ مش إنت و لا إنت ..... و لا إنت كمان...... يا ناس هو عارف نفسه آآآآآآآيوه إنت. إنت دلوقتي زعلان ليه؟؟؟؟؟؟ أنا عارف أقوللك من 15 سنه كنت ماشي في الشارع و فجأة قابلت راجل شكله محترم و وقفك و قاللك بكل احترام : ممكن أطلب من حضرتك طلب؟ قلت أكيد هيسألني علي مكان ولا حاجه . بس طلب غريب شويه ! خلصني. قاللك أنا هأدفعلك ست آلاف جنيه بس ..... بس ... بس تسيبني أضربك قلم واحد علي قفاك !!!!!!! و قبل ما تلطشه قلمين طلع رزمه كبيره و قاللك عدهم كنت في آخر الشهر و الحاله ضنك ..... أهبل ده ولا إيه ؟ سألته ليه .... أخد الزمه تاني و قال هو ده طلبي هأضربك قلم واحد و مش جامد قوي و تاخد الرزمه و لا من شاف ولا من دري ..... بصيت حواليك لقيت الشارع فاضي و ما حدش هيعرف ....... المهم قلت ماشي و خدت القلم .... شفت ولا حاجه حصلت...... في ثانيه قلت الواد هيهرب بالفلوس لكنه طلع محترم ...... إتفضل حضرتك الفلوس و أشكرك ...... تؤمرني بحاجه.... لأ شكراً روحت البيت عديت الفلوس لقيتها مظبوطه و إتأكدت إنها مش مزوره . عشتلك يومين بس مره و إنت مروح من الشغل لقيت العيال في الشارع بيقولوا يا قفا !!!! مشيت و قلت أكيد مش أنا .. ماحدش يعرف الموضوع و مر شهر و التاني و خلصوا القرشين و الحاله رجعت ضنك . و مره و إنت ماشي في الشارع لقيت نفس الراجل .... بصيتله ، بصلك و عدى و بعدين رجعلك تاني و قاللك حضرتك فاكرني أنا.... رديت بسرعه قبل ما يكمل..... و قلت أيوه . قال ممكن أطلب من حضرتك طلب أنا معايا ألف جنيه تاخدهم واااااااا ...... فكرت و قلت كويسين ماشي و مر الشهر ورا الشهر و مره و إنت ماشي لقيت واحد بيوقفك و بيقوللك أنا معايه 500 جنيه تاخدهم واااااا . قلت و إيه قاللك زي الست ألاف و الألف قلت ماشي و مره تانيه و إنت ماشي في الشارع لقيت العيال بيقولوا يا قفا قلت برضه مش أنا بعدها بيومين لقيت واد هلفوت ماشي جنبك و بيقول نفس الكلمه ... مسكته من قفاه و قلتله بتقول إيه قال لك بأغني هو فيه حاجه؟ الأغنيه مضايقاك ولا حاجه؟ قلت لأ و أنا مالي العيال كبرت و المصاريف بتزيد بس مافيش مشكله طالما فيه قفا . و خلاص ما عادش بيهمك كله بيغني و يقول يا قفا ... إعمل مش واخد بالك . أول إمبارح وقفتك ست غلبانه و قالتلك ممكن يابني تاخد الخمسين جنيه دول و تاخد قفا مع اني عارفه إن التسعيره ستين قلتلها ماشي و لو من غير فلوس خالص إمبارح جه الواد صبي القهوجي اللي علي راس الشارع و ضرب الجرس طلعلته بنتك اللي علي وش جواز اداها خمس جنيهات فضه و قال لها اديهم لأبوكي و قوليله واحد عايز يضربك قفا. الضغط علي عليك و زعلت قوي و أنا بصراحه مش عارف إنت زعلت ليه ........ مش إنت اللي قفا ..... يا قفا!!!!!! المصدر: Mohamed Ismail اسم السلسلة: مصر و العالم المصدر: نفساني
|
||||
|
|
02-08-2010, 11:53 PM
|
#2 | |
|
عـضو أسـاسـي
|
ههههههههههه ,,فعلا آاااااااااااه والف آآآآآآآآآآآآآآه ,,بس تفتكر يا اسامة القفا المسكين ده هيستحمل ايه ولا ايه ولا ايه؟؟؟؟؟؟؟؟؟؟؟ولحد امتى؟؟؟؟؟؟؟؟:frown:
|
|
|
|
|
03-08-2010, 10:35 AM
|
#4 | |
|
( عضو دائم ولديه حصانه )
|
يا اسامه انت تجيب كل ده منيييييييين ! ! ! ياريت تكون القصه دي عبره لمن اعتبر والله هو الرزاق . .
|
|
|
|
|
03-08-2010, 07:22 PM
|
#5 | |
|
المركز الثالث (عقد من ضياء)
|
هههههههههههههههههههههههه
. . بقالي ست سنين في مصر بعيش وأشووف . دلوقتي كلها سنه أو سنتين بالكتير وأرجع على اليمن ( إن الله راد ) .. و ح أشوف وأسمع أكتر وأكتر . الله يسترها علينا بس . تسلم كتير على نقبل المقال ده .. بجد عجبني  _ |
|
|
|
|
05-08-2010, 06:11 PM
|
#8 | |
|
عضومجلس إدارة في نفساني
|
ههههههههههههه
مساء الخيرات أولا القفا قفا مؤخرة الرقبه وخلفيتها دا اللى أعرفو والا فيه ( قفا ) تانى ظهر حديثا ؟ ههههههههههههههه حياك الله أم لانا ومرحبا باهل الأردن جميعا |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
