|
|
|
 |
|
 |
||||||||
|
||||||||||
 |
 |
 |
||||||||
| ملتقى الأدب للقصة القصيرة والقصيدة باللغتين الفصحى والنبطي . |
 |
|
|
أدوات الموضوع |
30-08-2010, 05:39 AM
|
#1 | ||||
|
V I P
|
2 - المزيفون ( خاص بالمسابقة )
المزيفون ولأنهم لم يعلموا الغيب ؛ ولم يرضوا عن الواقع ؛ كانت أحداث قصتنا هذه .... ولنبدأ من مجلس ابطالها المعتاد ؛ فوق الرصيف أمام مقهى " قرنفله " على الكورنيش.. كانوا بترتيب الجلوس : محمود أفندى كاتب الأرشيف ؛ وبهجت أفندى بقلم الحسابات ؛ وعلى افندى ؛ والملقب بالباشا نظراً لما يبدو على ملامحه من عراقة أصل ورفعة شأن ؛ ثم عم سيد ؛ وهو لم يكن ( عماً ) لكبر السن ؛ بل لأنه ساعى المصلحه ؛ فاكتسب ( العمومه ) عرفاً ... أجتمع أربعتهم بالمقهى كعادتهم كل ليله ؛ يتسامرون ساعه أو بعض الساعه ؛ ويدخنون الشيشة مع أكواب الشاى الكشرى ؛ ويتناولون أحداث يومهم فى الديوان ؛ حيث يعملون سويا . وكما يقولون ؛ لكل مقام مقال ؛ فقد كان مقالهم الليله عن الرواتب المتوقع قبضها فى الصباح إذ كان اجتماعهم هذا فى آخر ايام الشهر ؛ الذى يتميز غالبا بأنه ؛ وربما خمسه أيام أخرى تسبقه بلقب " الأيام العجاف " ...حيث ينفذ الراتب أو يكاد ؛ وتتأجل مطالب ورغبات ؛ وينصب التفكير على ماهو آت ؛ وأى آت أسعد من يوم استلام الراتب الجديد ؟! أخذ الباشا يعبث بأوراق الكوتشينه بين يديه ؛ بنظره تأمليه ؛ غاب فيها قليلاً عن أحاديث رفاقه ؛ ثم التفت اليهم بغته ؛ وقال ضاحكاً : ــــ يجرى إيه ياأولاد ؛ لو تحولت هذه الأوراق الى جنيهات ؟! ابتسم الباقون فى سخريه ؛ وهموا بالتعقيب اللاذع الذى يناسب السؤال ؛ لولا رؤيتهم الجديه والإهتمام على وجه بهجت افندى ؛ الذى لم يشاركهم الإبتسام ؛ بل نظر الى الأوراق فى يد الباشا ؛ وقد لمعت عيناه ؛ وكأنما الهمته الكلمات فكره جديده .. ــــ طيب واللى يحقق لكم الحلم دا ؛ تدوه كام ؟! قالها بهجت افندى متفرسا فى وجوه الحضور ؛ ليجد علامات الدهشه والتعجب وقد ارتسمت عليها ؛ والأنظار وقد حملقت فيه ؛ فهم يعلمون عنه ذكاءً يتفوق على ذكائهم مجتمعين ؛ وقدرات خاصه ؛ يلجأون اليها لحل معضلاتهم .. ـــــ إزاى يابهجت افندى ؟! قالها عم سيد بعفويه كاسرا الدهشه الصامته التى علت الوجوه .. ــــ مش لما أعرف نصيبى إيه فى الأول ؟! ــــ هاهاها ؛ سأعطيك نصفها .. ــــ لا بل ثلاثة ارباعها ؛ بس قول .. كانت هذه كلمات محمود افندى الذى أبى إلا الخروج من صمته .. خفض بهجت من صوته وهو يشير اليهم : قربوا .. فحمل كل منهم كرسيه واقترب من رفيقه ؛ حتى كونوا دائره ضيقه ؛ تقاربت فيها الرؤوس وتواصلت الأبصار مع الأسماع ؛ ملقيه بانتباهها الى ذلك العبقرى الذى سيفتح لهم كنز على بابا .. قال بهجت بلهجة جديه : ـــــ إحنا بس محتاجين شوية أجهزه كدا ؛ وأنا أغرقكم فلوس ... ــــ أجهزه ؟! زى إيه ؟ ـــــ قولوا لى : مين فيكم عنده كمبيوتر ؟ فقال محمود افندى بدهشه : ــــ عندى واحد فى البيت جايبه للأولاد يلعبوا عليه .. ــــ جميل جداً ؛ يبقى ناقصنا طابعه ؛ واسكانر ؛ ودول يعملوا لهم فى حدود الف جنيه ؛ عشان نجييب حاجة نضيفه تطلع شغل مظبوط .. إيه رأيكم ؟ ــــ فى إيه ؟ انت بتكلمنا بالألغاز ؟ ــــ ألغاز إيه ياباشا ؟ دا انت أبو المفهوميه كلها ...حنزيف عُمله .. امتقعت وجوه الرفاق لدى سماعهم كلمة ( نزيف) وقفز الى اذهانهم ماسبق لهم قراءته مرارا بالجرائد عن اكتشاف جرائم تزييف ؛ قبض على مرتكبيها ؛ ر غم براعتهم وحيطتهم .. وكان أول المتكلمين عم سيد ؛ الذى نظر لبهجت نظره عاتبه قائلاً : يتبع المصدر: نفساني
|
||||
|
|
30-08-2010, 05:40 AM
|
#2 | |
|
V I P
|
انت عايز تخرب بيوتنا يابهجت افندى ؛ وتشرد ولادنا ؟ لاياعم .. الله الغنى ...
وقبل أن تستقر الكلمه فى آذان الباقين ؛ وتخرجهم من أحلامهم الورديه ؛ بادرهم بهجت بقوله: ــــ ليه بتقول كدا ؟ اسمع خطتى فى الأول ؛ وبعدين احكم .. دى فكره فى بالى من مده .. أعادت كلماته الرفاق لأحلامهم من جديد ؛ وبادره محمود افندى قائلاً : ـــــ قل ياعبقرى ... ـــــ شوفوا بقى ياجماعه ؛ انتو طبعا بتسمعوا عن عصابات التزييف اللى بتقع كل شويه ؛ لكن حد فيكم سأل نفسه بتقع ليه ؟ ـــــ ليه ؟ ـــــ بسب الطمع .. أيوه الطمع .. ماتبحلقوش كدا وتستغربوا ...أنا افهمكم .. تزييف العمله عشان ماينكشفش يبقى أحسن حل له الشغل على الورق الصغير ؛ اللى مايلفتش النظر ؛ زى الخمسه جنيه مثلاً ؛ قيمتها قليله ماتخوفش مالكها ؛ ولا تدفعه للنظر الفاحص فيها ؛ بخلاف المائه أو المائتين اللى الغش فيها يوجع .. ــــ وبعدين ؟ ـــــ مشكلة المزيفين انهم بيحاولا الكسب السريع بتزييف العملات الكبيره ؛ فيسهل ضبطهم ؛ اما نحن ؛ فسنعمل فى مجال الخمسه جنيه ؛ أو العشرة على اقصى تقدير .. صحيح بتاخد وقت على مايظهر ربحها ؛ لكنها فى خفاء ؛ وفى أمن من أعين الرقباء .. قلتوا إيه ؟ ــــ طيب ومنين نجيب الألف تمن الجهاز اللى قلت عليه التانى ؟ ـــــ الإسكنر ؟ نشتريه بالتقسيط ؛ ومن الربح نسدد ... قلتوا إيه ؟ صمت الرفاق ... ولا بد لهم أن يصمتوا .. فهاهم أولاء على اعتاب فكره شيطانيه ؛ لو صحت ؛ لقلبت ضنكهم وفاقتهم سعه وبحبوحة عيش وحتى لايمهلهم بهجت لأفكارهم طويلاً ؛ شرع يوزع الأدوار ؛ وكأنما حصل على موافقتهم الضمنيه . ـــــ أستاذ محمود : بكرا يكون الكمبيوتر عندى ؛ واتحجج بأى حجه للأولاد . .اقول لك : قل لهم سأنزل لكم عليه ألعاب جديده .. وانت ياعم سيد ؛ عايزك بكرا بعد الشغل ضرورى فى البيت ؛ عندى أوضه على السطح ؛ حنروقها سوا عشان مشروعنا ؛ أما انت ياباشا فحتقوم معايا دلوقت على محل " كويكو" نشترى الأسكنر ... ــــ الله ؛ الله ؛ إيه ؟ مالك واخدنا على مشمنا كدا ؟ هاهاهااها مش ندرس الحكايه شويه ؟ ــــ قول اللى فى بالك ... ـــــ افرض اننا وافقناك ؛ وطبعنا اوراق مزوره ؛ حنوزعها إزاى ؟ ــــ سيبوا الحكايه دى عليا أنا ؛ سأتكفل بيها من غير ماأتعبكم ... ــــ طيب طمننا ؛ حتعمل إيه ؟ ـــــ الحقيقه يارجاله إنى أعرف صراف ؛ حبيب زيكم كدا ؛ شغال فى السكه الحديد ؛ وكل يوم بيورد الوفات للبنك ؛ وهو اللى حيساعدنا فى التوزيع نظير مقابل معلوم ... ــــ الراجل دا مضمون ؟ والا حتحط رقبتنا تحت سكينته ؟ ــــ مش عيب يامحمود افندى ؟ وبعدين ماكلنا فى الهوا سوا !!!!! اتفقنا خلاص .. ياللا نتحرك ... قام جمعهم من على المقهى ؛ منبعثا بالآمال فى مستقبل زاهى ؛ طارحا مخاوفه جانبا ؛ شارعا فى العمل المنوط به بجديه وحماس ... لنتركهم الآن .. ولنعد اليهم بعد اسبوع لنر ماذا حل بهم ..... ********* مضى اسبوع على اللقاء ؛ وهانحن أولاء نقبل على مقهى قرنفله ؛ لنر من بعيد الباشا ومحمود أفندى ؛ وقد اقتعدا الرصيف فى انتظار بقية الصحاب ؛ افتتح الباشا الحديث بقوله : ــــ لما ييجى حاسأله ؛ هو ليه أخد اجازه من الشغل ؟ كدا ممكن يكشفنا ... ـــــ فال الله ولا فالك .. تف من بقك ياراجل !!!! داأنا على نار ؛ عايز اشوف السيوله بتجرى فى إيدى ... ــــ ماقبلتوش أمس ؟ |
|
|
|
|
30-08-2010, 05:40 AM
|
#3 | |
|
V I P
|
ـــــ أبدا أنا بقالى 3 أيام مابأشوفوش ؛ من بعد ماوديت له الكمبيوتر البيت ؛ وقال لى مش عايزين
نغير عوايدنا ؛ وأنا مابأروحش عندو .. انت عارف انه عازب وعايش وحده .... ـــــ بس دا بقالوا مده لاحس ولا خبر ؛ ومبقيناش عارفين إيه بيجرى ؟ ـــــ على العموم ميعادنا النهارده هنا ؛ وقال ياخبر بفلوس ؛ بعد شويه يبقى بلاش !!!! ــــ هاهاهاها لأ وحياة والدك ؛ شبعنا ( بلاش ) ركز على ( الفلوس ) هاهاهاها وشاركه محمود افندى ضحكاته ؛ حتى تراءى لهم من بعيد ( العبقرى ) مقبلاً عليهم ؛ متهلله أساريره ؛ فاستبشروا خيرا ؛ واستقبلوه بحفاوه وترحيب .. جلس بهجت متفرسا فى وجوههم ؛ مبديا ابتسامة من يقرأ اسئلتهم فى أعينهم ؛ وبادرهم قائلاً: ــــــ هاهاها عارف عايزين تقولوا إيه .. باين فى عنيكم .. بس أحب اطمنكم .. الشغل ماشى عال فقال الباشا مستفهما : ــــ يعنى تم توزيع اللى طبعتوا ؟ ـــــ هاهاها توزيع اللى طبعتوا ؟ إيه ياباشا ؟ انت فاكرنى حأطبع على ورق لحمه ؟ هاهاهاهاها الحكايه عاوزه شوية صبر لغاية ماأجمع من السوق الورق المناسب ؛ دون لفت للأنظار ؛ وكمان أشترى الأحبار والأصباغ من أماكن متفرقه ؛ حتى لاأثير شكوكا .. أُمال إيه ؟ مش كل حاجه لها أصول ؟ ـــــ لأ .. عفارم عليك يابهجت .. طمنتنى كدا إنك حويط وحريص ... ــــ اطمئنوا .. رقبتى قبل رقبتكم .. أُمال فين عم سيد ؟ ـــــ مش عارف إيه أخره .. كنت متوقع ييجى معاك ... ـــــ لأ.. ييجى معايا دا إيه ؟ مش عايزين نغير عوايدنا زى ماقلت لكم .. ــــ لكن يعنى مابقيتش تظهر كل ليله زى ماكنت ؟ ـــــ مشغول ياأبو الأحناف ... مشغول لشوشتى .. بأعمل تجارب على المنتج الجديد عشان يطلع حاجه اكسترا ؛ ومن ناحيه تانيه زى ماقلت لك باجمع المستلزمات من السوق ... ــــ الله يعينك .. لو تحب مساعده ؛ احنا فى الخدمه .. ــــ طبعا ادواركم جايه .. أُمال يعنى حأسيبكم كدا عواطليه ؟ .. دلوقت اسمحو لى أنصرف ... ـــــ بدرى كدا ؟ ماانت قاعد شويه ؟ ـــــ بدرى من عمرك ياحبيبى .. أنا بس حبيت اطمنكم ؛ واهدى بالكم ؛ لكن انا مش فاضى أهرش ـــــ نهرش لك إحنا ؛ بس شد حيلك هاهاهاهاها ـــــ هاها إن شاء الله .. كلو على الله .. بس زى مااتفقنا ؛ خللوا الأمور طبيعيه ؛ عشان مانلفتش النظر ...أشوفكم على خير .. ــــ إمتى ؟ حنتقابل تانى امتى ؟ ــــ والله مش عارف بالظبط ؛ بس لما يكون الوقت مناسب حتلاقونى طابب عليكم ؛ ومعايا مالذ وطاب لكل واحد منكم ؛ وأحللى لكم بقكم .... ـــــ يارب ياخويا ؛ أحسن ريقنا ناشف زى ماانت عارف ؛ والأحوال جيم ... ــــ هانت يابشبوش .. سلام بقى .. ــــ مع السلامه ياعبقرى .... مشى العبقرى ؛ ونمشى إحنا كمان ؛ فما يعنينا من أحاديث محمود أفندى والباشا ؛ وقد انضم لهم عم سيد الذى حضر بعد انصراف بهجت فى شىء ؛ ولنعد إليهم بعد اسبوع جديد ... ********** هاقد عدنا فى الوقت المحدد للقاء ابطالنا ؛ لنرى الباشا ؛ ومحمود أفندى ؛ وعم سيد ؛ وقد اتخذوا اماكنهم المعتاده؛ يعلو وجوههم البشر وهم يتحادثون عن النفحه التى حملها لهم أمس عم سيد من الأستاذ بهجت ؛ كباكوره لإنتاج مشروعهم العملاق .. مائة جنيه بالتمام والكمال لكل واحد ؛ أحيت فيهم آمال الثروه الواسعه ؛ ودفعتهم للصبر على غياب بهجت الذى لم يعودوا يرونه ؛ وبالطبع لايجرؤون على زيارته كما يقضى الإتفاق المبرم بينهم ؛ لدرجة أن بهجت بذاته هو الذى زار عم سيد ؛ وأعطاه المال لتوزيعه على الشركاء ؛ محملاً بسلامه لهم ؛ وأمنياته أن يشملوه بدعواتهم بالتوفيق والسداد .... لايشك عاقل فى سحر المال ؛ وانه يغير ويبدل من حال الى حال ؛ فلا عجب إذا لو راينا يتبع |
|
|
|
|
30-08-2010, 05:42 AM
|
#4 | |
|
V I P
|
سيما البهجه والإرتياح تكسو الوجوه ؛ وتنعش النفوس ؛ والآمال الكبرى تبنى ؛ وتشيد
دعائمها على اسس متينه من الثروه المتوقعه ؛ والتى بدت بشايرها فى الظهور ... ــــ جبت إيه بفلوسك ياباشا ؟ قالها عم سيد متبسطا فى الحديث ؛ فرد الباشا بكبريائه النبيل : ــــ لا.. شايلهم لما ييجوا اخواتهم .... فقال محمود افندى باسما : ـــ حسنا فعلت .. وأنا كمان شايلهم ؛ مش عايز الولاد يطمعوا من أولها .. وانت ياعم سيد؟ ـــ زيكم برضو .. هى الميت جنيه حتعمل إيه يعنى ؟ قلت خليهم ( رقوبه ) هاهاهاهاهاها . ــــ ع البركه ... ماقالكش حيزورك تانى إمتى ؟ والا انت اللى حتروح له ؟ ــــ لا.. هو قال لى اصبروا عشرة أيام ؛ حتى اكون وزعت مبلغ محترم ؛ تقدروا تعملوا بيه حاجه ... ــــ فيه الخير والله ... وعلى ذكر الخير نتركهم ؛ ونرجع لهم بعد اسبوعين ؛ حتى يكون قد ظهر من أمرهم مايستحق الذكر. ********* عدنا لأبطالنا .. لكن مابالهم ؛ يبدو الغضب فى محياهم ؛ والسخط والشكوى على السنتهم محمود : يكون عملها فينا وزاغ ؟ الباشا : والله ماانا عارف يامحمود .. دى تبقى مصيبه !!! بس ممكن دا ؟ محمود : أُمال تقول إيه فى اللى حصل دا ؟ عم سيد راحلو البيت مالقاش حد الباشا : شفت إيه هناك ياعم سيد ؟ سيد : ماشفتش ياباشا .. الشقه مقفوله بالقفل من برا ؛ طلعت على السطح لقيت الأوضه اللى بيشتغل فيها كمان عليها قفل . الباشا : ماسألتش حد من الجيران ؟ سيد : سالت ياباشا ؛ ودى تفوتنى ؟ بس ماحدش دلنى ؛ وكانه فص ملح وداب . محمود : والله دى فعلا تبقى مصيبه .. بهجت يخوننا ؟ سيد : وحتسكتوا ؟ محمود : حنعمل إيه ؟ سيد : شوفوا عنوان بلده فين .. أهله .. إيه ؟ هو مقطوع من شجره ؟ الباشا : لأ طبعا له أهل وعزوه ؛ بس حنقول لهم إيه ؟ ابنكم نصاب واحنا شركاته ؟ سيد : طيب هو مش حيرجع الشغل تانى ؟ محمود : يرجع ؟ دايبقى أهبل .. ماخلاص .. شال الشيله وطار .. الباشا : الله يخرب بيته ؛ دا دبسنى فى الألف جنيه تمن السكنر؛ الأقساط باسمى أنا ؛ والكمبيالات عند الراجل عليها امضتى !!!!!! محمود : وانا لهف منى كمبيوتر العيال ؛ ومش عارف اقول إيه لأمهم اللى دوشانى عليه . الباشا :كانت شوره مهببه .. عقولنا راحت فين وقتها ؟ محمود : مين كان يعرف إنه حيستندل كدا ؟ ربنا يخرب بيته زى ماخرب بيوتنا ... الباشا: عرف يلعب علينا ؛ ويستغل ضعف نفوسنا .. سيد ( متهكماً ) : بس فيه الخير ؛ بل ريقنا بغرفه من الطبخه هاهاهاهاها محمود : بتقول إيه ؟ والله انا خايف اصرف منها قرش ؛ تطلع مزور ه ؛ وأروح فى حديد ؛ وتبقى كملت ... الباشا ( وقد اتسعت حدقتاه دهشا ) : حتى دى كمان يكون عملها ؟ وتبادل ثلاثتهم النظر بحسرة ؛ واسى ؛ وحزن ؛ ولم يجدوا ردة فعل سوى الإنفجار ضاحكين .... " تمت " |
|
|
|
|
12-11-2010, 02:41 PM
|
#5 | |
|
V I P
|
أسامة السيّد ~
سرحَ بكَ الخيال .. فنسجتَ لنا من أعمدة الشمس حكايةً ذاتُ عبرةٍ و إتقانْ .. و كل منى أن أقرأ المزيد مما تخطه يمناكَ في أدب الرواية .. أسعدكَ الباريْ ~ سموّ! |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
