وشو العلاج يانااااس

وشو العلاج يانااااس

السلام عليكم ورحمة الله وبركاته




انا مابي شي الا علاج لحالتي " المــوت ,, المــوت ,, المـــوت " تعبت والله تعبت افكاري ومرضي كله بسبب المووت حياتي مالها طعم بسببب شبح المووت انا بقولكم شخصيتي كنت من 28 سنه إنسانه مجتهده في دراستي وجامعتي طموحه الضحكه ماتفارق وجهي كل من عرفني كان ينبسط لما يجلس معاي ماكنت احب الملل يعني كنت مشغله وقتي ماكان عندي وقت فراغ الا للنوم الاوقات الثانيه ضحك وناسه اخرج للسوق ازور قرايبي بس من شهر 15/5/1431 هـ توفى ابوي وانا حالتي تتغير من انسانه مبتسمه لانسانه كئيبه الخوف مالي قلبها خوف من المووت اخاف انام واموووت لدرجة صرت مشتته ذهنيا افكاري مشتته ماصرت اركز اهلي يتجمعون واكون جالسه معاهم بس عقلي يقولي هذي اخر ليله معاهم او اجلس اراقب نبضات قلبي والالم اللي احس فيها بجسمي ,,,, في شهر 12/7/1431 هـ إنخطبت بس ماحس اني مستانسه بالشي هذا وماحسيت بالفرحه او احس فيها ثواني بعدين ارجع للضيقه والخوووف من المووووت ساعدوووني والله تعبانه نفسياا بشكل ماتتصورونه

المصدر: نفساني

شوفى اختى انا اذا قريتى مواضيعى انا الحمدالله تشافيت ولله الحمد والله يا اختى انا كنت مثلج واكثر منج انا كنت اخاف اقفل باب الحمام اعزكم الله لا اموت ومحد يقدر يبطل الباب كنت اقول وانا اصلى اى اكيد اخر صلاة لى هذى كنت لما اسلم على اهلى واقولهم تصبحون على خير اقول اى انا اليوم سلمت عليهم واكيد هذى سكرات الموت
صلى على النبى اول شى والله يا اختى صدقينى الله يخليج تبين العلاج انا قاعد اعطيج علاج والله ماراح تلقين مثله اول شى لاتحطين ايدج على قلبج ولا على مكان النبض وتشوفين سرعه دقات قلبج اول ماسويت انا هالطريقه والله بعدها راحت فكره الموت اهم شى لاتحطين ايدج على قلبج ولا على مكان فيه نبض هذا اول طريق للعلاج ورب الكعبه ان انا اول ماتركت هالعاده تحسنت 50% ولله الحمد انا كنت امشى وايدى على قلبى وكل شويه اشوقف سرعه دقات قلبى اختى الكريمه القلب لازم اوقات يكون سريع ولازم اوقات يكون بطئ والقلق يزيد سرعه دقات القلب وهذا طبيعى لاتخافين وتاكدى ( ما اطابك ماكان ليخطأك وما اخطأك ماكان ليصيبك ) توكلى على الله
وماراح اقولج شيلى هالتفكير من راسج لانه مو بكيفج بس اعطيج الطريقه الى يروح فيها هالتفكير بروحه
الله يصبرج يارب ويشافيج مثل ماشافانى والمسلمين واى استفسار اختى الكريمه انا حاضر

حبيبتي رهايف لازم تعرفين شيء انو اللي تعرضتيلو كان نتيجة ازمة او صدمة و هي موت ابوكي الله يرحمو لازم تحاولين قدر الامكان تخففين على نفسك انا عندي نفس مشكلتك لكن الحمد لله عني انا استعملت الرقية الشرعية و نفعتني بفضل الله سبحانه و كمان الاستغفار فيه راحة كبيرة و فضل كبير لا تنسين الدعاء و الاعمال الصالحة مثل صلة الرحم و الصدقة و توكلي على الله ترى اللي خلقك ما يضيعك و انصحك تحاولي قدر الامكان انك ترجعي لشخصيتك القديمة و حاولي تفضفضي على نفسك لانو الكبت و الانعزال بيعقد المشكلة و ممكن تلاقين نفسك بنتاهة اخرى
الله يشافينا حبيبتي و أسأل الله العظيم رب العرش العظيم ان يشفيك
طهورا ان شاء الله.

طيب أخوي أنا مو بس احس بنبضات قلبي لا احس كاني بدخل بحالة إغماء واحس شعر جسمي يوقف وجسمي يصير لونه اصفر وريقي يصير ناشف وشفايفي تتيبس وماقدر ابلع ريقي واحس مقدر اتنفس واحس من شدة الخوف اللي فيني انه الغرفه الللي انا جالسه فيها يتغير لونها من الطبيعي للون الاسود او الرمادي واحس اني ابغى اطير او اخرج من الغرفه بسرعه علشان ما امووت وتزداد حالتي لما اكون لحالي الناس تنام وانا جالسه افكر واراقب وضعي والله لدرجة اني اجلس ابكي طول الليل من اللي انا فيه حتى امي واخواتي قلتلهم باللي احسه قالولي مافيكي شي هذا قلىة ايمان بس حتى اهلي ماحسهم مهتمين لوضعي والله بعض الاحيان احاول في اختي علشان ماتنام وتجلس معاي مو لشي بس علشان ماجلس لحالي بس محد يحس فيني والبيت كلهم ينامون وعايشين حياتهم وانا لا التفكير مره طفشني صحباتي تركتهم صرت انطوائيه مابي احد لدرجه اكلم خطيبي كل دقيقه علشان انسى اللي فيني بس هو كان يستغرب مني يقولي فيكي شي واقوله لا بس مشتاقتلك مابغاه يعرف باللي فيني والله لو اتكلم لبكررررررره ماراح تنتهي معاناتي بس من جد ابغى مساعده

ملكة السكوت



تصدقي بالله اني كنت مداومه على الاستغفار والرقيه بس تجيني حاله خوووووف وضيقه كأن روحي بتطلع حتى القراءن تركته علشان الشي هذاا كنت كل جمعه اقراء سورة الكهف الحين صرت اخاف من القران حتى الاذان يانااااس اخاف لما اسمعه حتى احاول بعض الاحيان اشغل نفسي علشان ماسمعه مو لشي بس لانه يذكرني بالموووت والله حالتي حاله ماني عارفه كيف اعالج نفسي

المشاركة الأصلية كتبت بواسطة رهايف

طيب أخوي أنا مو بس احس بنبضات قلبي لا احس كاني بدخل بحالة إغماء واحس شعر جسمي يوقف وجسمي يصير لونه اصفر وريقي يصير ناشف وشفايفي تتيبس وماقدر ابلع ريقي واحس مقدر اتنفس واحس من شدة الخوف اللي فيني انه الغرفه الللي انا جالسه فيها يتغير لونها من الطبيعي للون الاسود او الرمادي واحس اني ابغى اطير او اخرج من الغرفه بسرعه علشان ما امووت وتزداد حالتي لما اكون لحالي الناس تنام وانا جالسه افكر واراقب وضعي والله لدرجة اني اجلس ابكي طول الليل من اللي انا فيه حتى امي واخواتي قلتلهم باللي احسه قالولي مافيكي شي هذا قلىة ايمان بس حتى اهلي ماحسهم مهتمين لوضعي والله بعض الاحيان احاول في اختي علشان ماتنام وتجلس معاي مو لشي بس علشان ماجلس لحالي بس محد يحس فيني والبيت كلهم ينامون وعايشين حياتهم وانا لا التفكير مره طفشني صحباتي تركتهم صرت انطوائيه مابي احد لدرجه اكلم خطيبي كل دقيقه علشان انسى اللي فيني بس هو كان يستغرب مني يقولي فيكي شي واقوله لا بس مشتاقتلك مابغاه يعرف باللي فيني والله لو اتكلم لبكررررررره ماراح تنتهي معاناتي بس من جد ابغى مساعده

والله العظيم تذكرينى بنفسى مثل هالاعراض واكثر بالظبط كانك تتكلمين عنى او عن اى احد بالمنتدى اختى والله هذا طبيعى الحين الواحد الى يصير عنده امساك مو بطنه يعوره واحنا كذا الى فيه هلع يصير فيه هالاعراض انا اقولج الاعراض الى كانت تحوشنى اول شى سرعه ضربات القلب احس ان قلبى بيطلع من مكانه من كثر السرعه غصه فالحلق فالبلعوم ما اقدر ابلع التنفس يصير سريع ما اقدر اخذ نفس وغز مثل الابره باماكن متفرقه بالجسم وصداع ودوخه احس ان راسى خفيف وان بيغمى على ولما تجينى هالحاله ابى اهرب من المكان الى انا فيه ابى اروح اى مكان ابى اوخر عن المكان الى انا فيه وماكنت احب اقعد بروحى اخاف لايصير فينى شى ومحد ينقذنى وتاكدى اختى مهما تقولين لاهلك الى فيج راح يقولون اتركى وسوسه الشيطان عنك محد راح يحس بالمعاناة الى انتى فيها الا الى جرب هالحاله
اول شى لاتاخذين علاج او منوم لانه المشكله هذى تنحل بدون علاج بس لازم تتبعين النصائح انا جربت هالحاله والحمدالله تشافيت اول شى تاكدى ان ماراح تموتيين الا باذن الله حاله الهلع الى فيج ماتؤدى الى الموت ابدا ولا تؤدى الى جلطه ولا راح يغمى عليج لازم تتاكيد من هالشى لانه كل الى بالمنتدى فيهم الى فيج ولا احد صار فيه شى وهالكلام كلام اطباء مو كلامى وبعد احنا جربنا ثانى شى لازم وضرورى تتركين عاده لمس اماكن القلب وتحطين ايدج على قلبج وتشوفين سرعة الدكات هذى مهمه جدا
ثالثا الشى الى تخافين منه سويه لانه اذا تركتى نفسج راح تنعزلين عن الدنيا كلها اذا ماتحبين الحين تروحين لصدقاتج اغصبى نفسج وروحى حتى لو كنتى مضايقه راح تتعبين شويه بس راح تعدى لما تكررين المحاوله وشى مهم لاتتشكين لاحد ان فيج هالاعراض لانه التشكى راح يجذب عطف الناس عليج وثانيا محد راح يفهم الى فيج
وانا معاج اى شى تبين تسالين عنه قولى انا حاضر لانه انا كنت فمكانج يوم من الايام وكنت اسال كل الاعضاء وكانومايقصرون ويجاوبونى

المشاركة الأصلية كتبت بواسطة رهايف

ملكة السكوت



تصدقي بالله اني كنت مداومه على الاستغفار والرقيه بس تجيني حاله خوووووف وضيقه كأن روحي بتطلع حتى القراءن تركته علشان الشي هذاا كنت كل جمعه اقراء سورة الكهف الحين صرت اخاف من القران حتى الاذان يانااااس اخاف لما اسمعه حتى احاول بعض الاحيان اشغل نفسي علشان ماسمعه مو لشي بس لانه يذكرني بالموووت والله حالتي حاله ماني عارفه كيف اعالج نفسي

رهايف انا كنت اخاف اروح المسجد واصلى جماعه احس اذا قؤيت قرأن يشرد ذهنى وما اعرف شنو اقرى افكر بالموت وبس وكنت اخاف اصلى اقول اى انا الحين كثرت بالصلاة وكثرت الاستغفار علشان بموت اكيدالموت قرب اختى اتركى هالاوهام عنج خلج قويه والله كل هذى وساوس صدقينى

المشاركة الأصلية كتبت بواسطة رهايف

ملكة السكوت



تصدقي بالله اني كنت مداومه على الاستغفار والرقيه بس تجيني حاله خوووووف وضيقه كأن روحي بتطلع حتى القراءن تركته علشان الشي هذاا كنت كل جمعه اقراء سورة الكهف الحين صرت اخاف من القران حتى الاذان يانااااس اخاف لما اسمعه حتى احاول بعض الاحيان اشغل نفسي علشان ماسمعه مو لشي بس لانه يذكرني بالموووت والله حالتي حاله ماني عارفه كيف اعالج نفسي

قلتلك يالغالية انا مريت بنفس تجربتك بس شو عملت ضغطت على نفسي و انا عارفة هالحالة انا بنصحك ما تستسلمي حاولي قدر الامكان تدمجي نفسك مع المجتمع لا تعزلي نفسك ترا بيأثر عليكي

آآه ياصلاح انا مشكلتي اقول لنفسي بابنت هذي اوهام واول ماتجي الحاله على طول اضرب يدي او راسي بيدي واكلم نفسي واقول هذا وسواس انزين اهداء شووي بس على طول ترجع المخاوف ,, بعدين فيني حاجه نغزات في قلبي كل يوم وبعض الاحيان تزيد هذا الشي مخوفني مع اني سويت تخطيط للقلب طلع سليم مافيه شي بس المخاووف موجووده

المشاركة الأصلية كتبت بواسطة رهايف

آآه ياصلاح انا مشكلتي اقول لنفسي بابنت هذي اوهام واول ماتجي الحاله على طول اضرب يدي او راسي بيدي واكلم نفسي واقول هذا وسواس انزين اهداء شووي بس على طول ترجع المخاوف ,, بعدين فيني حاجه نغزات في قلبي كل يوم وبعض الاحيان تزيد هذا الشي مخوفني مع اني سويت تخطيط للقلب طلع سليم مافيه شي بس المخاووف موجووده

طبيعى هالشى الافكار قاعده تلعب فيج لعب وهالشى لازم يصير طبيعى جدا اهو متعب بس طبيعى لاتخافين كل هذا راح يروح باذن الله تعالى وبتتزوجين والله يتمم عليج ويسهل امورج يارب اهم شى اشغلى نفسج لاتقعدين فاضيه ابدا حتى لو مغصوبه اطبخى طالعى تلفزيون شوى اى شى اهم شى لاتقعدين بروحج ادرى بتقولين سويت وماكو فايده بس مو من اول مره انتى صارت عندج فكره مزمنه وبالتدريج راح تروح لانه ماكو علاج سحرى بالتعود اختى رهايف بس اتبعى التعليمات وان شاء الله بتحسن حالتج

السلام عليكم ورحمة الله وبركاته

اختي رهايف حفظك الله ورعاك وحماك , اللي تمرين فيه اختي هي حاله من الصدمه النفسيه بسبب وفاة الوالد

وجميع الموجودين تقريبا في هذا القسم مرو بصدمات نفسيه , يعني هي كلها صدمات نفسيه وانا اخوك .

المفروض تفرحين بحالتك لاسباب اولها انها مكفره للذنوب بأذن الله , ثانيها اذا جتك الحاله تذكري قول لا اله الا الله , ثالثا لاتحاولي تفكرين شتتي انتباهك مثل اذا جيتي تلعبين بلستيشن او تقرين في المنتدى تلاقين تركيزك كله منصب في الموضوع نفسه فدائما اشغلي نفسك بتشيت الذهن .

بالنسبه لجسمك بالعكس هذا هو يدافع عن نفسه في الحاله هذي انتي نفسك تعتبر روح وليست عضو

والروح موجوده داخل الجسد والاعضاء تحس بذلك فأذا حست باختلاف بسيط تجيد جميع اعضاء الجسم واولهم القلب يبدأ في دفاع عن النفس وكأن هناك دخيل وليس هناك اي شي ولكنها ردة فعل طبيعيه المفروض تفرحين ان جسمك يحاول يدافع وانتي ماتقدرين تسوين شي فهذا شي طبيعي مثل اذا شفتي اعزك الله والمشاهدين كلب يجري وراك غصب راح تهربين لأن هذا رد فعل طبيعي فماعليك خوف ان شاء الله ستهدي بالله واذا جتك نبضات القلب راقبيها كأنك تطالعين في تلفزيون ولا تتحركين من مكان واول ماتنتهي روحي سولفي مع اهلك على طول وشوفي موضوع او نكته وعيشي حياتك , وياليت يا أختي تقرين موضوعي عن العلاج تجدينه في المواضيع اللي انا كاتبها اذا كنتي تبين العلاج .

اسئل الله ان يشايفك ويعافيك

أبوفارس

يعطيك العافيه ومواضيعك مريت عليها وصح استفدت بس والله حالتي احسها صعبة العلاج عجززت اضبط روحي من جد والله ثواني وارجع للاسواء

الأستاذة رهايف .. الله يسعد صباحك ومساءك بالخير ..

أنا عارف أنتي إيش اللي مضايقك .. اللي مضايقك هو التفكير فقط ..

دقات القلب رغم انه سليم بالكشف وغيرها من الأعراض والدوخة خصوصاً .. هي أعراض خوف طبيعية ..
وفي الواقع هي أعراض بسيطة ..
ولكن تفكيرك يخليكي تظني أنها أعراض الموت .. الله يحفظك .. ثم تزداد ..

صدقيني كمجرب :
إذا غيرتي هالكم فكرة السلبية .. وقررتي التخلص منها لأنها تدوخ الشخص ..
وطلعتيها شوي شوي ..
وكل مرة تحطي فكرة إيجابية شوي شوي ..

بمجرد إعترافك انها مشكلة وحالة ذهنية راح تتحسن حالتك 10% ..
وإذا اتخذتي القرار انك لازم تغيري شيء .. راح تتحسني 20%
وإذا كل مرة تفكري بتفكيرك السلبي الحالي تسوي عمل إيجابي زي المشي أو ترتيب الغرفة أو أي شيء انتي عارفه انه مفيد راح تتحسني 30 / 40 50% ..

يعني كل مرة تفكري بشكل سلبي حولي التفكير على بجزء من الثانية لتفكير إيجابي في شيء يفيدك ..
أو سوي أي عمل وهو يلغي التفكير السلبي تلقائياً ..

مثلاً فكري زي ما تفكري الحين ولكن إمشي ! راح يكون التفكير صعب .. فإما انك تلخبطي المشي ويروح التركيز للفكرة السلبية وإما انك تلخبطي بالفكرة السلبية ويروح التركيز للمشي ..

هذا نص العلاج .. وإذا استمريتي بنفس الفعالية لأقل من شهر تحصلي على الـ 50% الباقية ..

ويكون علاجك بإيدك مو عند غيرك .. الرياضة والتعذية الزينة والنوم والصلاة والتسلية وووو كلها من حقك ..
لبدنك عليك حق ولنفسك عليك حق ولزوجك عليك حق وووو .. انتي عارفة طبعاً هالأمور أحسن وحدة بالعالم ..

مشكلتك هي الفكرة ، فتخلصي منها وإلاّ لكان كل الناس متعطلين ، فكيف حينها نعمر الأرض ..
واحنا أشرف مخلوقات الله ! وعليها مسؤوليات والتزامات لأنفسنا ولبعضٍ ممن حولنا ؟

كل ما عملتي شيء إيجابي كل ما تخلصتي من شيء سلبي .. هذه هي طريقة عمل العقل ..
ما راح يكون فيه أحد شجاع لكنه جبان .. ذكي لكن غبي !

هي مشكلة معروفة ومصنفة ولها حل .. أتمنى أن يأتي اليوم الذي تشفين فيه من المرض وتقولين لنفسك حينها كما قلت لنفسي " قد ايش كنت حمار ...! " .. والدليل انه أهلك ما هتموا بالسالفة لأنهم ما عندهم هالمرض فما يعرفون إيش السالفة .. وبظنهم أن المؤمن القوي لا تمرض نفسه ! كذا فسروها .. وأنا متأكد انه بإمكانك الإثبات لهم بأنهم كانوا ..
على صواب .. فالمؤمن بالله يرضى بالقضاء 1/ خيره و2/ شره ..
الفكرة اللي جتلك هي شر .. فارضي بها كمرض موجود / والعلاج موجود ..
فما أنزل الله من داء إلاّ وأنزل له دواء ..

ملاحظة : ستجدين صعوبة في البداية للتخلص من السلبيات / والسبب أن العقل تعود عليها ، لذلك تخلص منها حبة حبة وكل مرة سوي إيجابيات حبة حبة لتصبح الإيجابيات هي الموجودة بالعقل هي التي تسعدك وتريحك بإذن الله ..

وبالشفاء إن شاء الله .. ألف سلامك عليك ..

حبيبتي رهااااااايف بسالك رحتي لدكتووور نفسي
اذا مااارحتي انصحك تروووحيييييييين
اذا نفسك تشفييين وتبين ربنااا يساااعدك لااازم نسااااعد انفسناا بالاول ونعمل باسباب الشفاء ونتوووكل ع الله
واستغفري وادعي وربك قريييييييييييييييب رااااح يشفينااا باذن الله وانااا رااااح ادعيلك ان شاااء الله
ترى كلنااا نفس الحااااله

ياأخت رهايف عليكي باللجوء الى الله سبحانه وتعالى فهو الوحيد القادر على شفائك استعملي الرقيه الشرعيه اقرئي على نفسك مع النفث واكثري من الاستغفار فان له نتائج عجيبه في الشفاء ,
ارجو من الله العلي القدير ان يشفينا جميعا انه على كل شي قدير