|
|
||||||||||
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
|
أدوات الموضوع |
25-03-2011, 10:59 PM | #1 | |||
عضـو مُـبـدع
|
سوال عن ارتفاع ضغط الدم
اخوتي الاعزاء من فيكم صابوه وسوسة من ارتفاع ضغط الدم ... انا كان يرتفع الضغط عندي قبل في مرحلة التوتر الشديد و كنت اروح اقيسه و يطلع 140 على 90 و بعد ما خف التوتر عندي صار اوقات 140 على 90 و اوقات 120 على 80 و ما اعرف ايش السبب
هل هاذ اشي طبيعي انو اوقات يكون مرتفع و اوقات يكون طبيعي و ايش الاسباب المصدر: نفساني
|
|||
|
25-03-2011, 11:03 PM | #2 |
عضـو مُـبـدع
|
انا اشوف ان ضغط طبيعي اهم شي القياس الصغير مايكون يطلع فوق الـ 100 يعني 90 اعلى المنخفض
وسلامتك ماتشوف شر اخوي ابو الافكار وحاول تخفف من الملح عند الاكل . |
|
26-03-2011, 11:02 AM | #4 |
عضـو مُـبـدع
|
والله اخووى انا مره ضغطى كان 160على 100 وانا اصلا معندييش ضغط بس راجعت بعدها الدكتور قالى ممكن م التوتر واما قسته كان 120/80 وم كام يوم كان 130/70
|
|
28-03-2011, 08:57 PM | #6 |
عضـو مُـبـدع
|
السلام عليكم
اخوي انا صارت لي سالفة مع الضغط وسواس ضغط لمدة سنتين ونص كل يوم او يومين اروح المستوصف او الطوارئ واقيس ويوصل 160/100 او 150/100 وغالبا 140 /90 او 130 /90 وساعات 120 /80 المهم الضغط متذبذب وكان همي وشغلي الشاغل الضغط المهم احب أطمنك بعد خبرة انت غالبا ما عندك ضغط لان مريض الضغط اذا ارتفع ضغطه ماينزل بعد فترة بسيطة ومن غير دواء واعتقد ان اللي عندك ضغط عصبي يعني ان الضغط عندك عرض ماهو مرض لان من أعراض التوتر والقلق ارتفاع ضغط وعندي سؤال هل تاخذ علاج دوائي للقلق لان بعض مضادات الاكتئاب ترفع الضغط مع بعض الاشخاص وماتشوف شر هالكلام انا ماني جايبه من عندي هذا كلام استشاري القلب واستشاري الامراض النفسية وماصدقتهم من الوسواس الا لما طعتهم وطنشت الضغط لمدة شهر والحمد لله شفت النتيجة اسأل الله العظيم رب العرش العظيم ان يشفيك? |
|
29-03-2011, 02:31 AM | #7 |
عضـو مُـبـدع
|
اشكرك اخي العزيز بندق ... وانا كمان رحت استشاريين قلب و قالولي نفس الكلام و انا كنت اريد اشوف تجارب الاخوة اذا كان عندهم نفس الوسواس ... الله يشفينا و اياكم و اشكر اهتمامك و مشاركتك الجميلة
|
|
29-03-2011, 01:19 PM | #8 |
عضو نشط
|
والله كانك تتكلم عن اخوي عنده هذا الوسواس وكان كل شوي يروح يقيس الضغط وإذا سمع احد مات يخاف يقول اكيد مات من الضغط ولا ارتاح لين راح دكتور نفسي واخذ دواء سيروكسات والحمدلله ارتاح كثير
|
|
30-03-2011, 11:18 AM | #9 |
عضـو مُـبـدع
|
انا عكسك موسوسه من انخفاض ضغطي
دايما ضغطي منخفض مره وصل 60 / 35 ومن بعدها قمت اوسوس لدرجه اشتريت جهاز الضغط المنزلي وكل ساعه اقيس ضغطي وفيوم من الايام جتني نوبة هلع الفجر وكنت مرهقه ورحت الطوارئ وقاسوا ضغطي وطلع 140 / 95 وبديت اوسوس واقول فيني الضغط بس الحين لما نسيت الموضوع بدا يتعدل طبعا من يوم اخذت الدوا ولا انا مستحيل اقدر اتحكم بتفكيري والحمدلله على كل حال |
|
31-03-2011, 01:16 AM | #10 |
عضو فعال
|
هلا اخوي ابو الأفكار والله كانك تتكلم عني تصدق يلي اصلا جايب لي الهم و الغم و القلق اهو وسواس الضغط المرتفع من خوفي منه ماصرت اروح المستشفى و أتحمل اي الم بس عشان محد يسويلي فحص ضغط ... يعني الحاله صارت مأساه عندي رغم اني اعرف ان مريض الضغط ضغطه يكون ثابت ما ينزل الا بأدويه لكن وش اسوي من الوسواس اللعين المهم قلت يا بوناصر مالك الا انك تتبع هدي نبي الله محمد صلى الله عليه وسلم في الوقاية و العلاج من الضغط وهو استخدام الحجامه النبويه للوقايه و كذلك عمل حجامه لعلاج و تنظيم الضغط و تكون في الاخدعين و اليافوخ و من المعروف ان الحجامه علاج نهائي لإرتفاع الضغط و كذلك المواضبه على الحجامه النبويه كل اربعه او ستة اشهر يعتبر خير وقايه من الاصابه بالضغط و السكري ..... نصيحه لكل مصاب بالقلق و التوتر و الهلع و كذلك الاكتئاب ان يداومو على الحجامه حتى تحميهم من اثار الضغوط التي تسببها الامراض النفسيه في إعضاء الجسم
|
|
01-04-2011, 08:34 PM | #12 |
عضو نشط
|
جبتهااا يا ابوو الافكااار
انا كنت ماهتم بالنسبه للأمر الضغط كذاا بس ابووي تعب وكذاا واظطريناا نجيبب الجهااز له ا وهنا صاار الوسوااس معي صرت اووس ووبس ومرة يطلع 127 على 80 ومرة 140 على 90 هنا لما اكوون في قمة خووفي بعدهاا بدقاايق قسته طلع 140 على 84 يعني يختلف غريب الأمر من جد صار لي وسوااااي غريب المشكله من يطمناا بس |
|
05-04-2011, 01:51 AM | #13 |
عضو فعال
|
الصراحه وسواس الضغط لو مسك فيك صعب يروح عنك لأنك بتم تفكر و تقول انا دوم متوتر و أعصابي مشدوده يعني ضغطي مرتفع يعني ممكن عقب يصير مرضي و هذي الأفكار فعلا تكون مسيطره عليك بشكل غير طبيعي لأنك و انت متوتر و خايف تحس ان راسك كانه منتفخ و مرات تحسه ثقيل و مرات خفيف هذا غير الحراره و الحرقان يلي بالراس و الشد يلي بالرقبه كلها تخليك مهلوس و لا انت قادر توقف هالوسواس و انا فعلا صائر معاي هالشي فقلت مافي الا بالوقايه و صرت كل 4 او 6 شهور اسوي حجامة الضغط و هي تعالج الضغط من جذوره وفي نفس الوقت تسويلك وقايه من الضغط المرتفع و في بعد خلطه ممتازه تنزل الضغط و تخليك في مزاج هادي و هي انك تييب سبع ليمونات من النوع الاخضر و يفضل الحجم الكبير خاصه البرازيلي و يتم تقطيعها و وضعها في الخلاط مع قشرتها و يضاف لها 12 راس ثوم و يضاف لها كوبين ماء شرب ثم يشغل الخلاط لكي يقوم بعمل المزيج و بعهدها يصب في قاروره تحفظ في الثلاجة و يشرب منها خمسه ملي مرتين يوميا و بالصحه و العافيه و ياريت ما تنسوني من دعواتكم يا اخواني و أخواتي ?
|
|
09-04-2011, 09:19 PM | #15 |
عضو فعال
|
الله يعين الجميع يا أخت ندى ، فعلا الوسواس القهري الخاص بالضغط فعلا شي متعب و مقرف و يجيب الهم يكفي انه ما يخليج تعرفين القرآه الصحيحه لضغطك لان عقل الانسان يتبرمج على الخوف ان ضغطك عالي فتحسين القراءة تطلع غلط و هالشي يزيد الوسوسه و تستمر في حلقه دائريه مفرغه و اي الم في الراس او اي ضغط على طول تبرمجينه على اساس انه الضغط مرتفع و عقبها تتوترين و تييج نوبة الهلع
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|