|
|
||||||||||
ملتقى التجارب الشخصية للحالات الأخرى في حياة كل منا لحظات ومواقف تنقله إما إلى الأحسن و إما إلى الأسوأ، شارك معنا بنقاط التحول في حياتك فقد تكون نقاط تحول للأخرين |
|
أدوات الموضوع |
30-03-2011, 11:40 PM | #1 | |||
عضو جديد
|
مشاكلي مع زوجي قصة لاتنتهي
بسم الله الرحمن الرحيم والصلاة والسلام على اشرف المرسلين سيدنا وحبيبنا محمد اكرم الخلق اجميعن تحية طيبة مباركه لكل اعضاء المنتدي الكرام هذه اول مشاركه لي بالمنتدي كتبت مشكلتي هذه بمنتدى ونصحوني انه الجالكم واعطوني رابط منتداكم الراقي وكلي امل انه اجد حل لمشكلتي عندكم ساطرح لكم مشكلتي او بالاحري هي سلسلة من المشاكل وليست مشكلة واحده تنهال على راسي الواحده تلو الاخري كل ما قلت الحمدلله ليك ياربي انحلت المشكله واليوم بالي مرتاح ومافي مشاكل ويصبح على فجراليوم الثاني اكون شايله هم كبير يارب اليوم وش راح يكون سبب مشكلتي الجديده معه ويعدي اليوم على خير واقول الحمدلله ويارب دِيم على راحة البال ولكن دوام الحال من المحال طبعا كلكم دخلتوا في دوامه وتقولون هذي وش قاعده تخبص اولالاعرفكم عن نفسي انا سيده متزوجه عشت مع زوجي 19 سنة ومازلت معه ولي منه ابناء والحمدلله ناجحين ومتفوقين في دراستهم وبنتي الكبري بكلية الطب ولله الحمد انا اعمل ولي مصدر دخل والحمد والمنة لله ولكن سبب مشاكلي مع زوجي هي مصدر دخلي الفلوووس وربي كرهت شئ اسمه فلوس من كثر ما سببتلي مشاكل ببيتي زوجي شخص عصبي عنده جبروت الله اكبر عليه لا طلب شئ اوامر تنفذ حتي لو ماكنت راضيه عنده حب للفلوس ماشفته بمخلوق يحب يجمع فلوسه ويحطها بالبنك وبالبيت يادوب مسؤول عن الاكل والكهرباء وغير كذا الا رحمة ربي انا اتكفل بكل متطلبات البيت من اثاث لاحتياجات ابنائي لاحتياجاتي وراضيه لانه الحياة شراكه بين الطرفين مع كل هذا اعطية مبلغ معين كل شهر ويضيفه لرصيده بالبنك وهذا المبلغ انا عودته عليه وصار بالنسبه لي اجباري والزامي مع الوقت واعطيه له عن رضاا بعد هالمبلغ باسبوع او اكثر شوي يبدا في طلب الفوس اعطيني 500 اعطيني 200 والله لارجعها اعطيني ما ادري كم ويحلف صادق انه يرجعها وما يرجع شئ ويكون حلف حلف كاذب واقول له طيب لاتحلف عشانك مو عشان شئ و طبعا اعطيه اللي يطلبه وما اقدر اقول لا ليه ؟؟؟ ما اقوله لا !!!!!!!!!! لانه يهددني انه يحرمني من العمل هذا اولا ثانيا يخاصمني لارفضت اعطيه المبلغ اللي يبيه ولو جا على نفسه شوي يادوب يسلم لادخل وغيرها ما اسمع منه كلمة طول اليوم ويستمر على هذا الحال لايام غير انا اروح واعتذر منه واراضيه ويطلب اكثر بعد ما اراضيه واروح انا الخبله اعطيه من سكات لاكسب رضاه وبعد عشان ما يخاصمني وانا عايشه معه تحت سقف واحد قسم اتعب نفسيا ولا يجني نوم وهو ولا على باله ولا يهمه شئ ولا حتي يحسبني موجوده معه بغرفه واحده ويجمعنا فراش واحد وكل مره على هالحال وارجع اراضيه واحكي معه لاتترك الفوس سبب مشاكلنا وهو ياولي من اسلوبه في النقاش صوته عالي وجبروته يسكتني انخرس وربي كاني ما اعرف احكي وبالاخير يرضي وياخذ اللي بغاه وانا قسم بالله مليت من هالوضع ومن استغلاله لضعف شخصيتي قدامه الحين له يومين مخاصمني والسبب انه يبغي يشتري غرض من السوق قيمتة يمكن ما تسوي سبع ريالات حكي مو معي فلوس عطيته مبلغ و رده لي قالي ما ابيه يعني يبغي اقل شئ 100ريال لغرض ب 7 ريالات ما حكيت معه كثير خذيت الفلوس ورجعتهاا مكانهاا وراح عااد توكل على الله وسحب له 100 ريال من حسابه واشتري الغرض اللي يبغاه واول ما رجع البيت رجع بوجه ثاني زعلان وشايل الدنيا على راسه وطبعا هذا سبب لانه انا ما قريت وش في راسه وش المبلغ اللي يبغاه بالضبط لاعطيه له ويرضيه والحين زعلان وانا هالمرة اخذت موقف انه لااعتذر ولا اعطي الموضوع اهميه واتركه لاشوف اخرتها معه يبغي يخاصمني شهر شهرين سنه والله ماعاد تفرق معي لانه مليت اسلوبه وبخله قسم بالله يوم نطلبه شئ للبيت على طول رده جاهز... مو عندي من وين اجيبلكم غيراروح اتسلف وفلوسه بالبنك الوف مؤلفه وطبعا انا على افهم يوم يقول مو عندي يعني هاتي لاجيبلكم اللي تبونة واروح واعطيه ولو نسيت او تجاهلت الموضوع يعطيني الوجه الثاني والله لايوريكم اسلوبه الارهابي تجاهل وحتي السلام لاسلمت ممكن مايرد ولا سالته يرد باسلوب كاني حشره بنظره ليه كذا يصير معي وربي مو مقصرة بحقه ولاحق عيالي بس ما اقول الا الحمدلله على كل حال وربي يسترها معي ويبعد عني الهم والغم والنكد لانه انا انسانة والله مسالمه ما احب المشاكل مع مين من كان فما بالكم بزوجي وما ادري وش العمل يمكن غلطتي لانه عودته على كذا بس راح اموت لو استمر معي بهالاسلوب والله ما عاد فيني اتحمل مثل الاول اخاف يصبني سكري ولا ضغط من وراه قولوا لي وش العمل ؟؟؟؟ وادعولي امانة ربي يبعد عني المشاكل ويلين قلبه ولا يسلط على قوته وجبرته واسف كثير على الاطاله واعذروني قروشتكم معي تحياااتي وجل احتراامي لكم المصدر: نفساني
|
|||
|
31-03-2011, 02:22 AM | #2 |
V I P
|
أختى لا أملك لكِ إلا الدعاء أن يفرج الله كربك
ويهدى زوجك ,,,,واوصيكى بأن تلزمى الدعاء فربك قادر أن يبدل حال زوجك إلى أفضل حال والتمسى أوقات إجابة الدعاء ,,,, توجهى إلى الله فى الثلث الأخير من الليل وأدعى بما شئتى ,,,فربك كريم وهو يستحى أن يرفع العبد يديه ويردهما صفرًا خائبتين ,,, ووعد منى أنى سأدعو لكِ بتفريج كربك ... |
|
31-03-2011, 02:57 AM | #3 |
عضـو مُـبـدع
|
اختي ام الصبر
حياك بين اخوانك واخواتك وان شاء الله راح تلاقين الجواب الشافي واهم شي في هذا المنتدى هو التطبيق الفعلي لكل مانقوله وبأذن واحد احد سوف تجدين امورك للأحسن. ممكن انا نفيدك بطرق لكسب زوجك او محاولة تغييره ولكن لابد من بعض الممارسات والصبر وبالله وحده التوفيق. ليس من حق زوجك اخذ ولو ريال واحد من راتبك بدون رغبه منك او موافقه لانه هو القوام عليك يعني الصرف المفروض من عنده هو وانتي ليس لك علاقه لا بالبيت ولا بغيره ولكن اذا كان تكرم منك او محاوله مساعدته فلا بأس ولكن انتي تطلبين حل للمشكله لانك مللتي من طلبه للفلوس كل وقت . ياليت يا اختي تجاوبيني على بعض الاسئله وان شاء الله راح ارد عليك حسب وصفك لزوجك بس بأمانه ولا تجاوبين على شي هو مو فيه يعني خليك صريحه واي جواب يكون بيني وبينك وهنا في هذا الملتقى . هل زوجك يدخن ؟ كيف هو في صلاته محافظ ام لا ؟ هل يصلي صلاة الفجر في المسجد ؟ كيف تعامله مع ابناءك ؟ كيف تعامله مع جيرانه ؟ هل لديك اخوان او اخوات ؟ هل يخرج من البيت كثيرا ام لا ؟ ولي عوده بأذن الله تعالى بالجواب الشافي اللي يرضيك . |
|
31-03-2011, 01:54 PM | #5 | |
عضو جديد
|
اقتباس:
ااختي العزيزة نوفاا جزيتي كل خير وبارك الله فيك شكرا من الاعماق لطيب كلامك ولدعواتك وربي يستجيب منك فدعوة المؤمن لاخيه المؤمن مستجابه باذن الله دعوه بظهر الغيب الله يجزيك الفردوس الاعلي مناالا ولك مني كل الود والتقدير |
|
|
31-03-2011, 02:13 PM | #6 | |
عضو جديد
|
اقتباس:
السلام عليكم ورحمة الله اخي الكريم ابو فارس اشكرك جزيل الشكر لمتابعتك ولاهتمامك بمشكلتي جزااك الله كل خير وبارك الله فيك ونفع بك وراح اجاوبك بكل صراحه والله على ما اقوله شهيد وانا على استعداد تنفيذ كل توجيهاتكم لانه طفح الكيل يا اخي وانا ليست صغيره بالعمر فبهذا العمر انا عرضه لامراض الضغط والسكري بسبب الغضط النفسي الذي يمارسه على زوجي وبنااتي بحوجه لي من بعد ربنا سبحانة وتعالي اجاوب على الاسئله هل زوجك يدخن ؟ قبل الزواج كان يدخن وتركه ومن يوم ماربنا جمعني فيه ابد ما دخن ولا سيجاره كيف هو في صلاته محافظ ام لا ؟ ابدا مو محافظ فصلاته كالاتي الفجر متي ما صحي من النوم واوقات يجمعه مع الظهر والعصر يكون بالدوام فيصلي مع زملاه جماعه المغرب والعشاء مع بعض شفع ووتر وسنن من يوم ما ربنا جمعني فيه ماركع له ركعه فيهم العشاء اربع ركعات وخلاص يقول هذا الفرض وخلاص وازيدك من الشعر بيت خلال 19 سنة بعمري ماشفته فتح مصحف قرأ قران في نفس الوقت بناتي ولله الحمد اكبرهم تحفظ 15 جزء واصغرهم جزئين واحمد الله واشكره على ذلك كثيرا هل يصلي صلاة الفجر في المسجد ؟ المسجد يذهب له من جمعه لجمعه غيرذلك ناادرا يدخل مسجد ويصلي وقت فيه كيف تعامله مع ابناءك ؟ تعامل طيب يضحك ويمزح معهم ووقت يعصب حاله حال غيره يرفع صوته عليهم بس بشكل عام تعامل طيب مع ابنائه كيف تعامله مع جيرانه ؟ هو شخص اجتماعي ومحبوب من اصدقاءه وكريم معهم وينطبق عليه المثل شجرة البيت اللي ظلهاا للجيران هل لديك اخوان او اخوات ؟ ايه الحمدلله لي اخت واحده اكبر مني وثلاثه اخوه اصغرهم عمره 23 هل يخرج من البيت كثيرا ام لا ؟ لا ابد ما يطلع من البيت من البيت للدوام ومن الدوام للبيت على الدقيقه ما يتاخر ومايطلع الا لو في مناسبه تلزمه انه يطلع من البيت وكل اجابه اجبتك عنها صادقه فيها وكنت صريحه جدا معك اتمني ان تفيديني بانتظارك اخي الكريم لك جل احتراااامي وتقديري |
|
|
31-03-2011, 09:15 PM | #7 |
( عضو دائم ولديه حصانه )
|
الله يصبرك اختي و يفرجها عليك ... هذا الشكل من الرجال سبحان الله ما احترمة بتاتا كيف تناقش زوجتك و تجادلها علشان سبعة ريال و المشكلة يبغاك انت الي تدفعين .. هذا ايش لازمتة في الحياة .. و الله رجال ... ينشد فيك الظهر !!! بس سؤال حبيبتي كيف يعني يمنعك انت مدرسة مثلا ما احد يقدر يمنعك .. الدنيا فوضى قانونا ما يقدر يمنعك .. يمكن قصدك يسبب لك شوية شوشرة لا اكثر ... اسمعي حبيبتي من دون زعل انت قاعدة تتعاملين مع طفل مو مع رجال يزعل ... و يصارخ .... ابغى هذا الشيئ اللحين هو تعود بكل بساطة انة لما يصارخ عليك و يزعل تروحي على طول تراضية معاملة الزوج بالحسنى مطلوبة لكن حبيبتي شوفي المصلحة الكبرى انا عندي لك اقتراح .. انت ابدا معاه شوية شوية التقشف و هاتي اي يعذر ان فلوسك ما هي معاك قول مثلا خالي اخذ قرض على حسابي و لازم ادفع له من راتبي كل شهر طبعا ما لة وجة يخانق في خالك طبعا راح يعصب و قولي انة احرجني و تعرفيني انا ما اقدر ازعل احد و من هذا الكلام ثانيا لمى يطلب منك حاجة طلعي روحه و زيدي المدة قدر ما تقدرين ثم عطية الفلوس و قللي كمية المبالغ الي تدفعينها لة شوية شوية الى اضيق و اقل ما يمكن .. وعلى هذا الحال و مثل ما عودتية على البخل و رداة النفس عودية على انة الفلوس في النهاية من حقك .. رجال اخر زمن ... الله يوفقك و يهدية لك و لاولادك .. اكثري من الدعاء في اخر الليل و تصدقي و اكثري من الاستغفار ... |
|
01-04-2011, 12:06 PM | #8 |
عضو جديد
|
اسعد الله صباحك اختي ريم طلال بكل خير
وجمعه مباركه للجميع تقبل الله منا ومنكم صالح الاعمال واشكرك جزيل الشكر لمداخلتك ولاهتمامك ولنصائحك والتي بلا شك ساخذها بعين الاعتبار اما عن سؤالك نعم انا معلمه وصدقيني بيده يمنعني لانه راح يكون الخيار صعب ما بين مهنتي وبيتي وربك المستعان اما عن اقتراحك ساالجا اليه ان لم اصل الى حل جذري هنا بهذا الصرح الشامخ واتمني من المختصين بهذا النوع من المشاكل يعيروني اهتمام ويفيدوني لاحل مشكله لازمتني لفترة طويله من عمري وما بقي من العمر شئ لاقضيه في جو من المشاحنات والمشاكل بسبب الفلوس ياليت يا اخي ابو فارس ترد علي وتتابع معي مشكلتي واعتذر منكم اعلم اني اثقلت عليكم كثيرا ولكن صدقوني لااجد غير هذه الشبكه العنكبوتيه وسيلةاخري تضمن ستر اسرار بيتي فارجوكم افيدوني ولكم من خالص الدعاء بهذا اليوم المباارك تحياااتي واحتراامي للجميع |
|
01-04-2011, 12:08 PM | #9 |
عضو جديد
|
مشكلتي الاخيره من يوم الجمعه الماضي ومازال مخاصمني
ولا امل يرجع يحكي معي غير اراضيه وانا اتخذت قراري لايمكن اراضيه حتي اصل لحل لهذه المشكله فارجوكم تابعوا معي الموضوع اختكم ام الصبر |
|
01-04-2011, 12:15 PM | #10 |
عضـو مُـبـدع
|
بسم الله والحمد لله والصلاة والسلام على اشرف الانبياء والمرسلين سيدنا محمد عليه افضل الصلاة واتم التسليم
اختي ام الصبر اولا قبل ان اقدم اليك النصيحه يجب ان تعلمي ان الهدايه هي وحدها بيد الله عز وجل ومانحن الا اسباب ,واحب اطمنك ان زوجك كأنسان طبيعي فهو طبيعي على حد اجوبتك هذا من الناحيه العاميه وعلى حسب ماجاوبتي عليه . ثانيا اختي الكريمه بالنسبه لموضوع الصلاه فكونه يصلي فهذا دليل على ان فيه بذرة خير ولكن مع محاولة التذكير بأهميه الصلاة في المسجد هذا واجبك ولكن بطرق ذكيه وجميله لان الشخص ياختي وخصوصا الرجل لايحب ان يتلقى الاوامر من اي شخص آخر اذا كان هو رب لهذا البيت فما بالك اذا كان من زوجته فيحس وقتها بأنه ضعيف او غير مكتمل . الصلاة هي اساس وركن هذا الدين وبدونه ليس لنا حياه ولكن قبل ان اعطيك الطرق سوف اقول لك قصه حصلت معي شخصيا قبل مده حتى تعرفي ماذا اقصد بالطرق , في يوم من الايام وبعد وفاة والدي رحمه الله واموات المسلمين كنت بحال زوجك اصلي ولكن صلاة في غير اوقاتها وفي يوم صحيت فجأه على صلاة الفجر وجميع الاهل نائمين بأستثناء امي طبعا لانها قوامه ومهتجده في الليل ولا ازكيها على الله , لم تنتبه لي باني صاحي فذهبت وتوضيت وصليت الفجر في جماعه المسجد ورجعت وعند رجوعي صكيت باب الشارع فقابلتني امي وقال كلمه لازالت في راسي الى يومك هذا ودائما اخذها في بالي , قالت وبالحرف الواحد اول مره احس ان في البيت رجال من بعد وفاة ابوك وراحت تنام ولا عقبت ولا شي جلست افكر واهوجس ومن بعدها تغير الوضع للأحسن وهذا بفضل الله وحده . بامكانك ياختي بعد الدعاء بالهدايه لزوجك ان تتطرقي لموضوع الصلاه في المسجد بصوره غير مباشره كأن تتكلمي عن احد الجيران او الاقارب بأنه ماشاء الله مايفك المسجد ومحافظ عليها في موضوع بينكم يكون مفتوح عادي عشان مايحس انك تقصدينه بالكلام عن الصلاه . بالنسبه لتعامله مع الابناء فهذا ايضا بشكل طبيعي ومادام ان الابناء في التحفيظ فهذه بذرة خير نسأل الله لهم الصلاح وان يقر عينك وعين ابوهم بهم . بالنسبه للمشكله الاساسيه وهي قصه الفلوس فأقول وبالله التوفيق من الناحيه هذي ياختي ان تتبعي مثل اسلوبه حتى وان زعل فهذا شي طبيعي لانك عودتيه على هذه العاده وصار لايستغني عنك واعرفي ياختي ان الحياه شراكه فلوسك وفلوس زوجك تعتبر واحده وانتي خذيها بهذا المنطلق لان مالك الا هو وهو ماله الا انتي لاتجعلين نقطه مثل هذه النقطه تفسد عليك زوجك وحياتك وحرمانك من عملك وابناءك والله ياختي اني سمعت قصص عن حياة نساء يريدون ان يدفعو مبالغ طائله وترك اعمالهم من اجل ان يتزوجو , وانتي ماشاء الله لك معه عمر ليس بالسهل او اليسير تخيلي معي 19 سنه بحلوها وبمرها فهي عمر بحد ذاته فلا تجعلي شي صغير ينكد عليكم حياتكم , اما بالنسبه لزوجك فلا يمكن ان ندعو له سوى بالهدايه فكما قلت لك ليس لديه الحق ولكن اخذها طبع منك واستمر عليه . بالنسبه للنساء بصفه عامه فهم يملكون من الصبر مالايملكه الرجل وهذه نعمه وضعها الله في النساء دون الرجال برغم ضعفها ولكنها قويه بالصبر من قوة تحمل لمصاعب الحياه ومن قوة تحمل للحمل والام الطلق ومن قوة في المحافظه على البيت والابناء . الطريقه المثلى ياختي في جعل زوجك لايكثر من الطلبات عليك فهذا ليس بالسهل ولكنها تأتي بخطوات اولها ياختي ان تعطيه مبلغ فاليوم التالي نفس الطريقه في اليوم الثالث يسئلك قولي ماعندي ودعيه يزعل يوم واتبعي نفس الخطوات مرتين عندي ومره ماعندي وهكذا حتى تصلي لمرحله مرتين ماعندي ومره ماعندي والزعل شي مفروغ منه لابد للحياه من مشاكل ياختي ام الصبر ولكن مشكلتك هذه ليست بالمشكله الصعبه اذا قارناها مع بيوت اخرى فهي شي بسيط لايذكر . واضبي على ماذكرت لك ياختي واكثري من الاستغفار وان شاء الله تتغير حياتك للاحسن . وانصحك اختي ان لاتاخذي النصائح من اشخاص ليس لديهم الخبره الكافيه لعل وعسى ان تاخذيها وتأتي بما لايحمد عقباه . واذا اردتي ان تاخذي شي فخذيه من اناس مختصين لكي يتم وزن الامور بشكل سوي . احمدي الله واسئل الله العظيم ان يهدي زوجك ويجعل لك من كل ضيق مخرجا ومن كل هم فرجا وجعلك من الصابرين ورزقك الله جنة الفردوس . |
|
01-04-2011, 12:28 PM | #11 |
( عضو دائم ولديه حصانه )
|
و لا يهمك يا قلبي و ان شاء راح ادعي لك في الجمعة المباركة ..
طيب لية ما تتصلين على مستشار اسري و تحكين له وضعك و شوفي ايش يقترح عليك .. راجعة ان شاء الله اتطمن عليك .. الله يهدية لك و يسخرة لك و يجعلة قرة عينك .. |
|
05-04-2011, 04:40 AM | #13 |
عضو
|
..
مارح أنساك من دعواتي وانتي استخدمي الاستغفار لما يعصب استغفري في نفسك شوي رح تلاقينه يهدى وسهل تتعاملي معو واستخدمي الدعوات في آخر الليل ( سهام الليل ) -( واذا سألك عبادي عني فإني قريب أجيب دعوة الداعي إذا دعان فل يستجيبوا لي وليؤمنوا بي لعلهم يرشدون )- والاخوان ماقصرو .. كفو ووفو بانتضار أخبار ســآرّه عنكـ :) |
|
05-04-2011, 11:48 PM | #14 |
عضـو مُـبـدع
|
مشكلتك يعانون معضم النساء العاملات حسبي الله ونعم الوكيل علي كل رجال يمد يده علي مراءه والا علي فلوسها اكراهه عليها ياحبيبتي ربك فوق ماينسي احد بس انا عن نفسي لوكنت مكانك راح اقوله وانا اصرخ عليه اسمع ياولد الناس فلوس ماعندي والبيت تصرف عليه زي ما مر الشرع وغير كذا ماعندي ما ابي اقولك روحي بيت اهلك اخاف اغلط لكن لو كنت مكانك ماجلس ولا دقيقه عنده الي ان يجي يبوس يدي ويرضخ لي اما رجال ترفع الضغط ابشع صفه في الرجل البخل الله يعينك ويصبرك لازم تكوني حازما في حياتك لاتتسهلي لان التساهل والطيب خله يستغلك
|
|
15-04-2011, 04:10 PM | #15 |
عضو جديد
|
اسعد الله اووقاتكم بكل خير احبتي
بالبدء احب اشكر كل من اعطاني من وقته ولو القليل وكل من مر من هناا ودعالي بظهر الغيب شكرا ولا تكفيكم جزيتم من الله خيراا واشكر اختي العزيزة ريم طلال لاهتمامهاا واعتذر لاني شغلتكم بمشاكلي واقحمتكم بهاا ولكن يعلم الله انكم جميعا اخوه لي في الله ولا اجد صدور رحبه برحابة صدوركم تتحملني وتتقبلني شكرا حد السماء لكم ولقلوبكم الطاهر كل الحب |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|