تجربتي مع مَ يُسمى " اضطرابات الهلع Panic Attack " ..

تجربتي مع مَ يُسمى " اضطرابات الهلع Panic Attack " ..

السسسلآم علييكمم ورحمة الله وبركآأته ..

آسسعد الله مسسآإكم/ صبآأحكمم بكل خيير ..

كيفكمم يَ معششر نفسسآإني .. وآخبآأركمم مع الإضطرابآأت النفسسيّةة .. الله يعآفينآأ ويعآافيكمم ويتمم عَ الجميع شفآائه ..!

حبييت آششآاركم تجربتي مع البانيك آتآك عسسى الله ينفع بهآا ..

أول شي .. تعبت كثيير عَ بال مآ سجلت بالمنتدى وكونت مستمعة جيدة أشآرككم أفراحكم وأترآحكم عن كثب .. و أمطركم بصآلح دعوآتي .. الله يستجيب لنآا ..

:

ثآني شي ..

بدت تجربتي من قبل ثلاث سنوآت .. كنت وقتهآ أمر بظروف صعبة برمضآن وصآر موقف زعلني مآرا ومن شدة البكا حسيت بشعور أول مارا أحسه كأن روحي بتطلع .. قمت بغسل وجهي كآن وقت أذان العصر ماقدرت اكمل مشيتي فطحت وانا شبه مغمى علي .. اطرافي بردت مارا روغم ان الجو معتدل ,, وبدا جسمي يرجف وماقدر اتكلم وحسيت بكتمة قوية ماقدر اتنفسس ,, حسيت إن هذي آخر لحظآتي بالحيآة ,,
انصدمو آهلي من اللي صآر ودوني للطواري واعطوني ابرة مهدئة ومغذي واكسجين .. وسوولي تحليل دم يعني الإجراءات الروتينيةة بأي طواريء ..
توقعت إن فيني شي مو طبيعي ( مرض عضوي ) .. ولكن العكس من ذلك تماما كل النتايج والتحاليل كآنت ايجآبية ..! بس طلع انو عندي فقر دم لكن مو لذيك الدرجا اللي تسوي فيني هيك ..!!

قال الدكتور آعرضوها لطبيب نفسي .. وللاسف مفهوم * الطبيب النفسي * غلط بمجتمعنا وانا كفرد من آفراد المجتمع عندي نفس التصور عنه .. فمشيت السالفة ولآ كأني سمعت شي فأنا مآني * مجنونة أو متخلفة عقليا * عشآن أروحله ..

الموهيم طلبت إني ارجع البيت لأننا كنا وقتها مقضين رمضان بالإستراحة .. وفعلا رجعت للبيت ودخلت في نوم عمييق .. وصحيت ثاني يوم والحمدلله مافيني ولا شي غير العافية ..

عدت سسنة .. وثنتين .. وثلااث .. ونسسيت الهرجآ .. لما جآ ذآك اليوم وصآر موقف صعب وزعلت منه ثآني بقوة وطحت وصآرتلي نفس الأعراض وودوني للطواريء ثآني مآرا وأعادولي نفس الإجراءات وماطلع شي جديد غير فقر دم بسيط ..
رجعت للبيت ونمت يومين ورا بعض وصحيت بعدها تمام الحمدلله ..
وظليت أجهل تفسسير اللي يصيرلي هل هو متعلق بأعصآبي أو بالظروف اللي تصيرلي أو فيني مرض وماسويت التحاليل اللازمة عشان آكتشفه أو أو أو الخ من التفاكيير العقيمة اللي سرعان مانسيتها بمرور الأيام ..

بعد كم شهر ممكن 6 شهور رجعتلي ثاني مارا بسبب خوف رهيب من موقف صارلي وماقدرت اتحمل فرجعتلي نفس الأعراض وبغو يودوني للطواري رفضت لأني عارفة النتيجة .. فبعد مرور 10 الى 15 دقيقة من ظهور الأعراض دخلت بنوم عمييق وصحيت واهلي متجمعين عندي خايفين علي ايش ذا اللي يصيرلي كل شوي .. طالعت فيهم واستحيت فضحكت من ترقبهم ههههه ي حليلهم وطلعني وقتها اخويا لجدة لأنو عارف اني احب البحر فبغاني اغير جو شوي .. وعاد رجعت طبيعية الحمدلله ولاصرت احس بشي..
ولما ذحين مااعرف ايش اللي يصيرلي ذا ..!!

وبنفسس الليلة لما رجعت من جدة كلمتني صاحبتي وحكيتلها باللي صار معي وصارت تقولي اعراض واقولها: صح .. كيف عرفتي .! ايوة صح والله .! ايش عرفكِ .!!
قالت اكتبي بقوقل Panic Attack .. واقري عنه كانت معاها نفسس الإضطرابات هذي وتعافت منها بالتطنيش ع قولتها ..!
الله يجزاها خيير ويتمم عليها شفائها.. والله حسيت كأني عايششة بوسسط دوآمة وطحت ع المخرج ..! فررحت مارااا الله يسسعدهاا ..

الموهيم كونت فكرة عنها وعرفت ايش اللي يجيني ..


وعدت الششهوور ولا عاد شوفتها الحمدلله كانت الأوضاع مستقرة ولله الحمد ..
لدرجة اني نسيت منها مارا ..

لمن جا ذاك اليوم اللي بدا معاه سلسلة هلعاتي المتصلة .. ( تقريبا قبل شهرين ) ..

كانو ارحامنا عازمينا ع عشا .. وكونت مواصلة يوم كامل ونمت العصر وصحوني اهلي المغرب عشان اروح معاهم .. وماكان فيني البس واكشخ بس قومت صليت ولبست عبايتي وروحت .. حتى روحتلهم بجينزي مافيني ابدل ومحد بيجيهم غيرنا هع

وبعد القهوة والشاي دخلت علينا وحدة من جيرانهم جات بدون عزيمة لما سمعت اننا فيه .. سلمت وجلست شوي وراحت .. كلهم استغربو من جيتها ..!
الموهيم ماصارت خمس دقايق بعد روحتها الا واحس بضيقة قوويا ودوخة ورجلي ماعاد تشيلني وبس ارجف وابكي مادري ايش صارلي !! كأنها نفس النوبة اللي تجيني قبل بسس بزيادة يدي مااقدر ارفعها .. سدحوني ع الكنب واتصلو ع اخوي يجي ياخذني ع المستشفى بس اوحيتلهم بالإشارة اني ماابغى بس ابروح للبيت .. وجا اخويا ولما جيت بقوم ماقدرت اوقف ع رجلي وكنا بالدور الثاني فطلع وشالني وركبني السيارة .. وروحت للبيت ونزلوني وودوني للغرفة ونمممت ..
ع بالي كالعادة انام وصاحى وانا بقمة عافيتي بسس للاسسف صحيت وانا تعبي بزيادة ( ضييق - كتممة - دوخة - رجفةة - برودة بالأطراف - ضربات قلب سريعة متتالية - قلق - خوف من المجهول - شهية مسدودة - عدم اتزان .. الخ ) .. كل يوم تزيد حالتي عن اول صرت ملازمة سريري بالقوة اقوم اصلي وارجع عليه .. وكل شوي تزيد عليا وابكي لا شعوريا .. حسيت اني بموت وان هاللحظات هي لحظاتي الأخيرة في الحياة ..!!
بغو يودوني للمستشفى فرفضت لأنهم عارفين كرهي لها .. قالو بيودوني لشيخ يقرا علي بسس عييت ,, في بالي ان اللي يروحله يكون ملموس او مسحور .. * تفكير سلبي طبيعي هع *
وبعد معاناة مع الأيام وتصارع مع المرض قررت اروح لشيخ بسس مو رجال ابي حورمة .. لأني استحي واخاف تجيني حالتي عنده واتاثر واتكشف عنده ..

فرحو بموافقتي وودوني لوحدة قريبة عندنا مشهورة بالقراية وكتب الله ع يدها الشفا لكثير من الناس ..
لما روحت بالقوة استقبلتني لأنو كان بيوم اجازتها ومانعرف مواعيدها وكانت حالتي جدا صعبة امشي بترنح مافي اتزان ومارا دايخة ..
قالتلي ابقرا عليك جميع الآيات ( سحر- عين- حسد - مس - عاشق ) وابشوف عند ايش راح تتاثري اكثر عشان اعرف اشخص حالتك ..!
وشربتني ملعقة زيت مقري ودهنت صدري وظهري بزيت مقري برضو وبدت تقرا ويدها ع صدري .. ماحسيت بشي .!
ولما بدت تقرا ايات عن العين والحسد صرت ابكي واشهق واضيق بصورة غير طبيعية امي جلست تبكي معي * فديت عويناتها :’( *
وبعدها صارت تقرا ايات عن السحر والمس ومدري ايش ووقف البكا والضيق ولما خلصت بخت علي وشربتني زمزم مقري .. وكاني حسيت براحة شوي .. فقالت لأمي : إن بنتك صابتها عين حاسدة .. فخليها تلزم الرقية الشرعية وسورة البقرة والتحصين.. وادتني علاجات وعسل واعشاب كثيرة .. منها للاغتسال ومنها للشرب .. وادتني موعد للمراجعة ..

الموهيم .. بديت استخدمها وكل مارا احس بالضيق والحالة تزيد معي .. ممكن لو استمريت كان كتبلي الله الشفا .. ع بالي ان العلاجات ماجابتلي نتيجة .. فرفضت اروح لمراجعتها وطلبت اروح لشيخ يقرا علي .. وفعلا ودوني لواحد عندنا بمكة وقرا علي ماحسيت بالضيق ولا شي ونفث عليا وعلى علبة زمزم وقال صبوها على جالون كبير زمزم وكل ع الريق تاخذلها ملعق عسل سدر اصلي وكاسة زمزم وقبل النوم كاسة فقط ..
ورجعت من عنده وانا اسولف مع اهلي واضحك وامشي واجي عكسس حالي قبل .. استبشرو خير مارا الحمدلله .. وظليت كيذا يومين وبعدها انقلبت 360 درجة صرت اخس من قبل اعتقد جف جسمي من المويات من كثر ماابكي .. حتى بالخرجات صرت اتعب مارا وبالجمعات حتى لما اغصب نفسي واروح لبيت احد اخواني تجيني نفس الحالة من ضيق وبكا ورجفة وبرودة وخوف وقلق وتوتر .. الله المستعان .. صرت يائسة من الحياة ماعاد لي امل بالشفاء ..

وافقت اروح للمستشفى .. وسوولي تحاليل شاملة وكلها ايجابية .!

اقتنعت انها عين .! فصار اي احد يجينا ناخذ من أسواره .. شربت كل اسوار العيلة ماعدا مرت عمي .. وحتى ارحامنا يوم كونا عندهم ادونا اسوارهم وقالو بيجيبو صور جارتهم اللي جاتنا ذاك الليل ..
وماشوفت اي تحسن .. وداني عمي للمدينة عن الشيخ الجهني بس كانت مواعيده بس السبت والجمعة واحنا روحنا فمامدانا ننتظر عشان الدوامات وهيك .. فدلونا ع واحد معروف اسمه سليم مدري ايش نسيت لقبه .. وقرا علي وقال بعد فيها عين وان شاءالله تكون بسيطة واداني علاج وكيذا وقال اراجعه بعد اسبوعين .. ورجعنا مكة ونفسس حالتي ماتغير شي ..

عاد مابقي غير مرت عمي الصغير وجارت ارحامنا محنا قادرين ناخذ من اثرهم شي * الغريق يتعلق بقشة * هع
وبيوم حلمت فيها روغم اني مافكرت فيها .. تحلمت كاني انا وهي راكبين سيارة لوحدنا وهي اللي تسوق ولافة عليها غترة بيضا مدري طرحا بيضا ومتلثمة كانها ماتباني اخذ شي منها حتى من النفس حقها .. وتسالني تقول: ها كيف التعب معك ؟ ماتعافيتي ؟ وهي تحاول تبعد عني .. قولت لا والله الحمدلله ع كل حال.. وقمت من النوم ..
حكيت لأهلي عن الحلم فزاد شكهم فيها .. وقولت بنفسي : ي رب ان كانت العين منها فارسلها علينا بأي حجة .. ووقتها عدا علي شهر ونص ولا اتصلت تتطمن زي باقي الناس ..
وبعدها بكم يوم سوبحان الله مادرينا غير انها داخلة علينا بالليل والحمدلله اخذنا من اسوارها وراحت .. عاد اول ماراحت كونت بالصالة عندي مرت اخوي وخواتي دايخة ماراا .. ولما امي ادتني الكاسة بعد ماقرت فيها شربت اول رشفة ماحسيت بشي واخذت الثانية ولا حسيت بشي واخذت الثالثة ماقدرت اكملها حسيت بدووخة فضييعةة وكان فيه عرق وبينفجر براسي وصرت ابكي واصيح لا شعوريا اول مارا يصير معي ذا الموقف وماسكة راسي كانو بيفجر وبس ارججف واحسس بحرارة قوويا تطلع من جسسمي وعيوني وامي الله يطول بعمرها وخواتي ومرت اخوي يبكون عندي يحسبوني بموت .. وبعد ماهيدت ع بالي بنام كالعادة .. بس حسيت ان فيني طاقة وكان فيه حمل ثقيل وانزاح عن طهري صرت خفيفة قمت وطالعت فيهم وكلهم يطالعوني ضحكت ع اشكالهم وهم ينتظرو النتيجة هههه وقولتلهم الحمدلله احس اني بخير وقمت اخذتلي شور سريع وماقدرت اتعشى نمت طوالي .. وكل يوم عن يوم احس ان حالتي في تحسن بس كان ماسكني صداع وشوية دوخة .. وجابولي اسوار ارحامنا وجارتهم واخذتها ووقتها تعبت شوي حسيت بحرارة قوية تطلع من وجهي وكان جسسمي نمل بقووة وجلس يعرق .. والحممدلله حسيت ان اعراض العين بدت تروح يوم عن يوم ..

بس ظل القلق والتوتر ملازمني ساعات يوصل معي لدرجة البكا نفس نوبة الهلع اللي كانت تجيني زمان .. قولت ابغصب نفسي واحاول اعالجها خاصصة اني بتوظف قريب ان شاءالله ومااقدر اداوم ونا حالي كيذا ..

فروحت لإستشاري مخ واعصاب وسوالي تخطيط للمخ والقلب وطلعت كلها تمام عندي .. سسوالي تحليل للغدة الدرقية وطلعت تمام .. بعد الكشوفات اللي استغرقت اسبوع .. سالني الدكتور وقالي من متى حسيتي بالحالة ذي !؟؟
عاد استحيت اتكلم فأمي ي حليلها هي المترجم حقي .. حكتله بالسالفة من اول مارا جاتني قبل ثلاث سنوات بس مختصرة جدا .. موب زيي بحذافيرها هع هع

الموهيم .. قالي انتي تقلقي وتتوتري كثير ؟ قلت: تقريبا .. قال: لا اديني اجابة واضحة عشان اقدر اشخصك .. قولت: من تعبت اخر مارا * قصدي ايام تعب العين * صرت اقلق واتوتر ويجيني ارق قلة نوم واخاف كثير .. ~> حكاية الخوف عندي طبيعية من وانا صغيرة اخاف من كل شي حتى من الفراشة خخخ

عاد قال: اوك ابديك علاجين استخدميهم وراجعيني بعد اسبوع .. سالته امي ايش عندها ؟ قال: بعدين اقولكم .. عاد انا عارفة انه بيعالجني من الهلع..

فكتبلي علاجين السيبرالكس والمهديء دوقماتيل .. كانت اول جرعة للسيبرالكس 5 ملجرام لمدة ثلاث ايام وبعدها جرعة كاملة 10 ملجرام ..
مع العلاج حسيت اني الحمدلله صحتي في تحسن .. كأني رجعت بسوم حقت زمان..
رجعتله ثاني مع المراجعة قالتله امي ماابغاها تتعود ع العلاجات وتعيش طول عمرها عليها .. فقال: ذحين ننتقل للخطوة الثانية مدام وضعك تحسن وعشان نوقف العلاج لازم يوميا ع الأقل ساعة تقضيها بالرياضة .. والرياضة مو قصدي المشي لالا كل عضلة بجسمك تتحرك .. واداني موعد مراجعة بعد اسبوعين .. صرت اوقات اسويها واوقات اتعب منها .. وصارت ظروف نسيت معاها العلاج ومااخذته ليومين متتالية فرجعتلي النوبة مع البكا ولما روحت للمراجعة سالني اذا رجعتلي النوبة اولا لا .. قولت رجعت لمن تركت العلاج لمدة يومين والرياضة .! زعل واعطاني موعد بعد ثلاث اسابيع مع الإستمرار ع العلاج والرياضة .. يقول 80% من العلاج عليكِ أنتي ..! ساعدي نفسك عشان تتحسني وتتشائي كليا 100% ..
واليوم كان موعدي معاه واجلته ليوم السبت ان شاءالله ....


وبسس هذي تجربتي .. اعتذر جدا جدا جدا ع الإطالة ..
بسس حسيت براحة واسهبت في الحكي وهيك ..


:

الخلاصصة .. انو ممكن يكوون الهلع سببه روحي ويروح مع الرقية الشرعية وسورة البقرة ..
خاصصة ان اعراض العين والهلع متقاربة مارا ..

أسسال الله العلي العظيم أن ينعم عليكممم بششفائه ويتمم عليكم عافييته ..

اختكممم الجديدة / بسسسسووم _

المصدر: نفساني

hggi الله يشفينا ويشفيك اختي .

اهلين بسووووم بين اصحاااابك ،،،،
قريت موضوووعج بس ع السريع اعلق عليه بكرا
ان شاء الله
تصبحين ع خير

الله يشفيك ويشفينا يا بسووووم

المشاركة الأصلية كتبت بواسطة المغربية

hggi الله يشفينا ويشفيك اختي .

امييين ي رب ..
الغلاا ..منووورة ي

المشاركة الأصلية كتبت بواسطة المعتصمه بالله

اهلين بسووووم بين اصحاااابك ،،،،
قريت موضوووعج بس ع السريع اعلق عليه بكرا
ان شاء الله
تصبحين ع خير

ي هلاااا بكك زووود والله ي غلاااهمم
حياااك بأي وقتت ..
تسسسلمين ع هالطلةة فديتكك ..

المشاركة الأصلية كتبت بواسطة الله يعافيني

الله يشفيك ويشفينا يا بسووووم

اميييين ي رب ..
الله يلبسسك لباس العافيةة خيوو ..
مشكوور ع المرور ربي يحفظك :)

اهلين
عساج على القوه وقصتج مشابهه لقصتي لكن معاناتي اكثر

انا وصفولي السيربالكس لكن مانسبني حاب ليي حراره في المعده والجسم

وااصلي العلاج لاتهملينه وان شالله تتغلبين على الوهم القاتل ) للنفسيه الهلع)

ي هلاا فييك وغلااا ي بعدي ..
الله يعافييكك ماقصصرتي ع المروور فديتكك ..
الحممدلله اهم شيي عرفتي من ايش تعاني ومع العلاج بإذن الله راح تستعيدي صحتكك ..
المرض يجي فجأة ديمم .. اما العافية تجي شوي شوي ..

الله يتمم علينا عافيته ويرضى علينا ..

اسأل الله العظيم ان يشفينا ويشفيك ويشفي مرضى المسلمين وعليك بسورة البقرة وبالعلاج الدوائي وبالصحة والعافية والسلامة

مرحبا اختي بسوووووم
قرات قصتك اكثر من مره ولقيتها تشبه قصتي
الله يشفينا يااااااارب

المشاركة الأصلية كتبت بواسطة مفتفش

اسأل الله العظيم ان يشفينا ويشفيك ويشفي مرضى المسلمين وعليك بسورة البقرة وبالعلاج الدوائي وبالصحة والعافية والسلامة

امييين ي رب ..
راح اداوم عليها ان شاءالله .. فمع الذككر تطمئن القلووب ..
جزاك الله خيير اخوي ع المرور وترك بصمتك في متصفحي ..
الله يشفي الجممييع من كل سسوء..

المشاركة الأصلية كتبت بواسطة تاليا

مرحبا اختي بسوووووم
قرات قصتك اكثر من مره ولقيتها تشبه قصتي
الله يشفينا يااااااارب

مررراااحب اختي تالياا
منووورة المططرح ي الغلاا..
مششككوورة ع المرووور .. ان شالله تككوني استفدتي مما طررحت ..
الله يمنن علينا بعفوه وشفائه ورضاه ..
فالنا العافيةة جمييعاا ..

اهلين

كنت بسالح شنو يعني تاخذين مم سواره فهميني ذي الشي

لو سمحتي

اكون لج شاكره

اختي بسوووم مشاء الله عليك ع السرد الرائع والمشوووق

حبيبتي الله يشافيك ويعافيك هذا ابتلاء من رب العالمين بالصبر عليه لنا الاجر ان شاء الله

اغلب اللي قاعد يصير معااااك يصير معاي ومع اغلب الاعضاء وبما انك جربتي العلاااج النفسب تلتزمي فيه لين الله يفرج

ويعاافيك ،،، وصحيح العين حق بس المفروووض ماتتعلقي فيها والتزمي بالاذكار والرقيه الشرعيه وماي زمزم وخليج متفائله

والله كريم ان شاء الله