رهاب وهلع ووسواس واكتئاب

رهاب وهلع ووسواس واكتئاب

السلام عليكم ورحمة الله ...
اتمنى ان تساعدونني .. مالي الا انتم بعد الله .. [SIZE="6"]انا يوميا أتعذب قبل النوم واذا جلست وحدي ،، واذا اختلطت مع ناس ،، مررره مو مرتاحه في حياتي
الحمدلله على البلاء
يمكن ارتاح اذا جلست مع أخواتي وأهلي وزوجي
اعاني من الخجل الزااائد المضحك لدرجة اني أنطويت على نفسي وصرت وحيده وطفشت[/ من حالتي
المشكله الثانيه ،،الخوف والهلع والاكتئاب والوسواس يعني ماقدرت على الرهاب اقدر على ذي كلها الله يشفيني
ماعدا اقدر اتحمل احس الدنيا سودااااء وطفش ووحده
حتى زوجي طفش مني يبي يتزوج وزواجي توه كمل سنتين
واعاني من هذي للحاله من 3سنوات اما الرهاب من المراهقه ،،
SIZE] صرت اشيل هم النوم يجي وسواس اني بموت واتعذب في السرير واهلع أعوذ باالله ..
وتعبانه من معدتي عند سماع القران ،،ومره هلعت وتعبت مره قلت بروح اصلي ركعتين الا الوسواس يصيح يقول لااااا خلاص مابوسوس لك لاااا ،،، دايم اذا وسوست وقررت اقرأ سورة الناس والا اي شي يصيييح ويقول لااااا
وش هذا؟؟ يمكن عين؟؟
ساعدوني الله يسعدكم ،،

المصدر: نفساني

والمشكله الأعظم اني ساكته ما اتكلللم كثير استحي ..صارت اخت زوجي تتشمت تسميني عالصامت ..كل من قابلني يستغرب من سكوتي ا وهدوئي الغير طبيعي .

ماتشوفين شر إن شاء الله
في قسم الرقية الشرعية موجود موضوع بعنوان " الرقية الشرعية مع الأذآن بصوت الشيخ أحمد البليهد" الرقية ماشاء الله شديدة على العارض إستمعي لها كامله بسماعات الأذن وإذا شاكه إن فيك عين أو مس بيتضح خلال إستماعك لها وإذا لاحظتي تغيرات خلال إستماعك إستمري عليها يعني إعتبريها كشفيّه مجانيه لحالتك وخبرينا عن وضعك بعد إستماعك للرقية وقدامك العافيه إن شاء الله وشدّه وتزول بحول الله وقوته ..

ان شاء الله

هلا فيك اختي

جدا أألمني وضعك وخصوصا موقف زوجك

اختي العلاج لابد منه حتى لو كان اللي فيك عين

بكل بساطه بقلك عن حالتي وتعلمي منها ..

بداية مرضي النفسي عين وكذلك موقف تعرضت له بالمدرسه
الفرق بين العين والموقف تقريبا شهر يعني ضربتين ورا بعض

النتيجه اكتئاب مع هلع وخوف مع وسواس مع رهاب العيله كلها اجتمعت عندي

كنت ارفض العلاج النفسي جملة وتفصيلا وبقيت على هالحال اتعذب يمكن سبع سنوات
كنت اروح لرقاة بس ما احسست بفرق الى ان تدهورت حالتي وقررت اروح لطبيب نفسي رغما عني
وحتى وانا عند الطبيب كنت احاججه اقله انا فيني عين كيف بتعالج بحبوب

وقالي كلام اقنعني واسكتني ..

قالي اوك فيك عين والعين تترك اثر بالجسد
مثل طفل جميل جالس يلعب بين الناس وجاته عين وطاح وانكسرت ايده
هل نوديه للراقي على طول والا بالاول نوديه للمستشفى ونسوي جبس لايده المكسوره ؟!!

ومن هالكلام اقتنعت وبديت بالعلاج وانكشفت عني الغمه وحسيت بالحياه صرت انسانه طبيعيه
اكملت دراستي بعد ما انقطعت عنها وتزوجت بعد ماكنت ملغية فكرة الزواج من بالي
وكله بفضل الله ثم العلاج النفسي اللي اعتبره نعمه عظيمه
الحمدلله انتهى الاكتئاب والخوف والهلع والوسواس ومو باقي الا الرهاب
وباذن الله بينتهي كلي امل وتفاؤل بالله

عذرا اختي على الاطاله بس حبيت افيدك وافيد كل محتاج ومحتار

قولو ما شاءالله ولا تنسوني من دعاءكم بتمام الشفاء :)

الحمدلله انتهى الاكتئاب والخوف والهلع والوسواس ومو باقي الا الرهاب

ايه الاحباط ديه بس اشمعنى كله انتهى الا الرهاب يعنى

اصلا المشكلة كلها في الرهاب

ماشاء الله .. بس خايفه من الطبيب النفسي ..يمكن تتغير نظرة زوجي لي يقول زوجوني وحده تعبانه .. والا ما اقدر أتكلم مع الدكتور بحظور زوجي .. والحبوب مايمدحونها ومادري شسوي بنفسي!!
اذا خليت نفسي وسكت بيتطور الوضع ويتزوج زوجي او يطلقني ويتظاعف العذاب اضعاف ،،خصوصا ام زوجي دايم تنتقدني وتحرضه علي حسبي الله ونعم الوكيل.

؟؟؟؟؟؟؟؟؟؟؟

الله يكون في عونك ويخارجك من الي انتي فيه والله اني رحمتك من حالتك اسال الله ان يشفيك الشفاء العاجل والله العظيم انه شي يقهر لمن تتعرضين لها الامور يعني ع سبيل المثال الله لايقولها وانا ماودي اتهول عليك بس عشان اوضح معنى مااردت قوله لو شفتي من زوجك انه يبي يطلقك او لاحظتي منه كلام يدل يبين انه راح يسوي هالشي امسكيه واجلسي معه لوحك انتي واياه وعلميه بالشي الي انتي تعانين عادي لايهمك او توسوسين تقولين الحين بيقول اني مريضه نفسيه ومن هذا القبيل طلعي له الي بقلبك اذا كان فعلا يحبك ومايبي يخسرك ثقي ثقه تامه انه هو اول واحد راح يسعى لعلاجك وراح يكون معك جنب الى جنب احسن من انه تصير امور لاتحمد عقباها الله لايقولها والسبب سكوتك وكتمان مرضك وحاولي تقراين سورة البقره وايضآ الرقيه الشرعيه مثل ماقال احد الاخوان مااخفيك انا قبل فتره مو طويله يعني ممكن 6 شهور قلت لابد اعرف وش سبب الخوف البسيط الي يجيني والرجفه في ايديني بعض الاحيان والاكتيئاب الخفيف سالت عن افضل شيخ متواجد في المنطقه الي انا فيها لاني في مكان بعيد عن اهلي بحكم عملي شغلت سيارتي ورحت وشرحت للشيخ الوضع وقرا علي والحمد لله قال ماعندك شي ابد وقتها ارتحت ابعد الشك باليقين وقتها قلت اكيد الي بقي الحين يبغالي اروح عند طبيب نفسي حتى لو حالتي بسيطه وليست مستعصيه لاكن بالاول عرفت ان مشكلتي ليست روحانيه يعني معين او غيره فنصيحتي لك تسوين الي قلت لك في حالة اذا شفتي انو الامور صارت تسير ع عكس ماتبغين وأسال الله لك الشفاء .

قبل ما أنام اشيل هم كبير ،،،وهو وسواس المووووت .. ومشكور يا أحلى الكلام

عزيزتي نبره

مو لازم زوجك يوديك للطبيب

تقدري تكلمي اخوك مثلا او ابوك المهم شخص تحسين فيه انه راح يتفهم وضعك ويساعدك

واذا ما لقيتي احد يوديك تقدري بالنت تتواصلي مع طبيب

اذا ودك اعطيك مواقع تفيدك


بخصوص كلام اخونا احلى الكلام بانك تخبري زوجك بوضعك انا ما اتفق معاه

لانه مو كل الازواج يتفهمون

بعضهم ما يصدق خبر ويروح يتزوج ويقول عذري معي زوجتي مريضه

بعض الرجال جبارين قلوبهم زي الحجر

المهم عزيزتي نبره عالجي نفسك بصمت لا تحكي لاحد ابدا خصوصا زوجك واهله

مجتمعنا للاسف لليوم ينقصه الوعي بالطب النفسي

والانسان السليم اللي ما جرب المرض النفسي ينظر للمريض النفسي انه (( مو صاحي ))

هذا اذا ما قال (( مجنون ))

بنت الجوري انا بعيده عن اهلي بكثير ،، هم بالجنوب وانا بنجد

اذن مافي حل الا انك تتواصلي مع دكتور عن طريق النت

المهم يا اختي لا تهملين نفسك

اذأ عندك اعطيني .. الله يوفقك.. وافضل رقم دكتوره .. علواتس

الموقع مايسمح احط ارقام المستشفيات
اخت نبرة ينفع 8 دكتورات من جدة ؟ إذا ينفع ارسلها لأي مشرفة في الموقع ترسلها لك وإذا ماينفع ماكنشي مُشكل ..
في الرياض ما اعرف لا دكتور ولا حتى بنشري