اخي والذهان،شوروا علي

اخي والذهان،شوروا علي

اخوي من قبل 3 سنين تقريبا زار حوالي 3اطباء وكلهم اجمعوا ع انه مصاب بالذهان
كانت الاعراض عنده مجرد بدايات ، كان يشك في اصحابه بالجامعه انه متآمرين عليه ويرسلون له جواسيس

وطبعا هو عشان اول مره يروح لطبيب نفسي فتقبل فكرة انه مريض وكان حاس انه محتاج لعلاج نفسي بحكم انه تربى يتيم وماتلقى رعايه كافيه مثلنا فكانت ثقته بنفسه مهزوزه وغير اجتماعي وهالسبب خلاه يستجيب لفكرة العلاج بسرعه

لكن بعد كم شهر من العلاج والتحسن الملحوظ الدكتوره زادت عليه الجرعه وبدأ يشتكي من شدة الكسل والتخدير لين حصل انه تشنج كم ساعه وخفنا عليه جدا

ونزلت موضوع هنا اطلب المساعده وقتها http://www.nafsany.cc/vb/showthread....175#post741175

المهم انه بعد هالتشنج اللي جاه وقف العلاج تماما
مع اننا حاولنا معاه يزور طبيب ثاني وقلناله يمكن العلاج مع هالدكتوره ماناسبه

لكن رفض تماما وقال انا مافيني شي اصلا عشان اتعالج وزرع هالفكره في راسه
والان بعد مرور ثلاث سنوات تقريبا حالته تطوووووورت جدا

صار شخص ثاني ،، كانه كان في شرنقه وخرج منها لكن خرج بصورة متوحشه
مااقول انه عدواني لكن صار يجادل في اغلب الامور ومجادله عقيمه والناس صارت تنفر منه وجماعتنا واقاربنا يشتكون لاخواني منه وبعضهم يقولون عنه انه مو طبيعي

صار يتكلم في امور السياسه والقبليه والدين وثقافته صارت عاليه رغم شذوذ افكاره وكلامه
وصار يصارخ ع أمي اغلب الوقت ويتقوى عليها وهي صارت تخاف وتقول اخاف يسوي فيني شي

صار يتهجم عليها باللسان واحيانا يمسكها بقوه او يدفها بشويش اذا كان معصب
كمان ماصار يحترم احد لاكبير ولا صغير ويتطاول ع الجميع

وطبعا اخر شي،،،صار يسمع اصوات ويقول انهم جن ينامون معاه
وصار يردد كلام عن انه راح يصير ملك وانسان له شأن وانه راح يتولى منصب وكل الناس راح تنقاد له
ومؤخرا يقولي انه في ايه بالقرآن تتكلم عنه


وطبعا رااااااااااااااااافض العلاج وصرنا نحط له الحبوب في الاكل بعد مانطحنها (زيبركسا) بس للاسف مفعولها بسيط لانها مذوبه في الاكل
وايام مانقدر نحطها له وايام مايرضى ياكل

اخر مره الوالده كلمته وطلبت منه يرجع للعلاج جلس يصارخ ويسألنا ليش وكل مانعطيه جواب يجادل ومصر اننا متأمرين عليه وجلس يبكي

الحل ياجماااعه وربي تعبنا تعبناااا معاه

وصرنا خايفين على أمي لانه هو اخر العنقود وعايش معاها في البيت لوحدهم وخايفين عليها وعليه

المصدر: نفساني

الله يكون بعونه اتمنى من اصحاب الخبره او التجارب الرد عليك واعتقادي ان اخيك يعاني من مرض ( الفصام والله اعلم)

سحايب اتمنى انك تطرح سؤالك للاخصائيه ساره وتلقى موضوعها مثبت في اول الصفحه.