مدري اشفيني 😭😭😭

مدري اشفيني 😭😭😭

السلام عليكم مره اخرى . انا خايفه انا فيني شي من امس مب قادره اوقف احس الدنيا دووور وكاني باطيح وعيوني ماشوف عدل جدامي ورحت اليوم الدوام ماقدرت اقعد وقعت وطلعت ومريت الجمعيه والله جني مجنونه 😭😭😭ارجوكم ساعدوني ابي اعيشش طبيعيه ابي ارجع مثل قبل 😭😭مدري افكر اسوي اشعه على راسي يمكن فيه شي ليش كل عندي عدم توازن ودوخه شديده .. والله تعبت اشلون اربي عيالي واهتم بزوجي تعبت . تحياتي

المصدر: نفساني

ياقلبي. ام سيوفي. والله حاسه فيك انا مثلك عدم توازن ودوخه ماتهدأ ابد احاول أأقلم نفسي معاها بس صعب شعور متعب يتلف الاعصاب صرت نادرا اجلس بس متسلقيه. تعبنااااااا الى الله المشتكى اليوم الصبح قعدت اوسوس قلت يمكن اللي فيني جلطه بعدين ت. ذكرت ان لي سنه على هالوضع لو انها جلطه. كان بانت. بس لاحظت شي ام سيوفي اني بفترة الوحم خفت علي الدوخه كثير وعدم التوازن اختفى مااادري وين السبب. ارتحت شهرين بعدين. رجع لي

والله يا ام شجاع انا صار لي سنه وشهرين من بعد ولاتي حتى دايما يقولون لي انتي مش ام سيف الي نعرفها . بس شاسوي الاعراض متعبتني حاولت اتناسه بس جدا متعبه الاعراض ماتقدرين تعيشين طبيعيه . انا نفسك اقول لو فيني شي بين من سنه بس متى بتخف وايش هو العلاج الصحيح لمثل حالاتنا . الله يأجرنا ام شجاع والله يشفينا ونخرج من هذا الابتلاء يارب .. مافي الا وانا اونسج وانتي تونسيني وبس 😍😍😀

يبتلى المؤمن على قدر دينه كنت اشكي للناس مااحد يفهمني يقولون انتي يتهيألك بس الحمد لله اني صرت معكم بالمنتدى اقلها لقيت ناس مثل حالتي ام سيوفي مافكرتي تسوين رنين مغناطيسي. انا ودي اسوي بس خايفه انصدم من النتيجه واتحطم اكثر

هلا حبيبتي فكرت ويوم حسبت بالاعراض ذهبت لدكتور اذن قالي عندج التهاب بالاذن وعطاني علاج للدوخه مرتين خذت العلاج رحت له قالي لازم تسوين رنين على راسك عشان نطمن هذا تقريبا من 7 شهور ودخلت العياده عشان اعمل الاشعه لكن سبحان الله اتصل فيني زوجي بنتي كانت تعبانه وطلعت وبس من يومها مارحت اخاف . انا نفس الشب اذا قلت حق هلي او زوجي يقولون يتهيا لج او اتوسوسين او مافيج شي انتي دلوعه . رحت حق دكتور مخ واعصاب قالي مايحتاج اشعه ولا حاجه الي فيج خوف وتوتر فقط والحين صار لي اسبوعين بس للحين الاعراض 😭😭الله المستعان حبيبتي